من عنده مثل هذه الثلاجة [الأرشيف]

مشاهدة النسخة كاملة : من عنده مثل هذه الثلاجة

السفاري سابقا

13/03/2006, 02:55 PM

السلام عليكم ورحمة الله وبركاته
يا جماعة الخير من عنده خلفية عن ثلاجة السيارة الصينية اللي تشتغل بدون كمبروسر يفدنا الله يجزاكم خير الصراحة ماأعرف اسمها لكن هي تجمد ومتوفرة بمقاسات مختلفة 25و 35و 45 لتر وقطع غيارها كامل متوفر بخمسين ريال فقط
والثلاجة سعرها يختلف حسب المحل يعني 25 لتر سعرها من 1150 الى 1350 وهي متوفرة عند محلات الرحلات
اللي جربها او يعرف احد قد جربها ارجو منه ان يخبرنا هل تتحمل درجات حرارة عالية وهل هي عملية اولا
وماهي مميزاتها وعيوبها وشكرا

ولد وايل

14/03/2006, 12:26 AM

البركة

14/03/2006, 08:11 AM

السلام عليكم ورحمة الله
الثلاجة موجودة عند محلات السنيدي في بريدة وموجودة ايضا عند العليان اللي في طريق خريص في الرياض
الخمسين قيمة قطع الغيار اللي هي عبارة عن طرمبة ماء وجهاز قياس درجة الحرارة
لكن انا ماجربتها ولا اعرف احد جربها

المموه

14/03/2006, 08:51 AM

صباح الخير
كيف تجمد بدون كمبروسر . هذه اول مره اسمعها ولا اعتقد انه ممكن ثلاجه تجمد بدونه وبدون الفريون . اذا الخبر صحيح ارجوا الافاده .

العيد

14/03/2006, 08:30 PM

حيااك الله . . انا اشتريت الثلاجة الصغيرة اللي كانها مركى من العليان ومستوى تبريدها لابأسبه لكن مستحيل تصل للتجميد واعتقد انها نفس نظام المقاسات الاكبر لانها بدون كمبرسر والشباب ابخص يفيدونك ان شاء الله

مفتاح التقنية

15/03/2006, 12:04 AM

وعليكم السلام

السلام عليكم

الثلاجه موجوده وممتازه لكن ماتصل إلى درجة التجميد (جربتها أنا وأخواني ) .
واحد من الزملاء يقول اللي عنه بدأت بالتجميد.(وهي من النوع رقم 2 ).

وتشتغل بدون كمبروسر بواسطة الماء (تعبأ نصف لتر ماء ويبقى بها لمدة 3 أشهر ).
لها ثلاث أحجام بالنسبة للجهاز :
1- له مروحتين 8 واط (يعتبر أكثر سحبيه للكهرب). (السعر 500 ريال).
2- له مروحه واحدة 5 واط . (السعر 400 ريال).
3- له مروحه واحده 2.5 واط .(السعر 300 ريال).
( كلها سعه 8 لتر)

جميعها تأتي داخل شنطه على شكل حافظه ولها كفرات ويد سحب ( مثل شنطة المدارس للأطفال)

وسأوافيكم بالصور هنا بإذن الله

السفاري سابقا

15/03/2006, 01:07 PM

السلام عليكم ورحمة الله
اشكر الجميع على المشاركة
أخوي البركة هذي هي الثلاجة اللي اقصد
اخوي مفتاح التقنية اشكرك على تفاعلك وانتظر الصور
اخوي العيد شكرا للمشاركة
ولدوايل والمموه شكرا لمروركم وان شاء الله يفيدونا الأعضاء
ادعو الجميع للمشاركة لأن مثل ما أنتم عارفين الصيف قرب وقرب معه الصيد

ناجز

16/03/2006, 09:23 AM

ةعليكم السلام ورحمة الله وبركاته
موجود في حيان كم نوع من الثلاجات واحجامها مختلفة
ابومحمد

البركة

16/03/2006, 02:43 PM

الثلاجة ماركة human
شفتهم مشغلين وحده 25 لتر داخل المحل ودرجة الحرارة 7 تحت الصفر لكن ما ادري بالحر الكايد تجمد وإلا لا ياليت اذا فيه احد جربه يعلمنا
وفيه مقاس اصغر ب400 وتبريدها ممتاز لكن ماتجمد وتختلف عن الاحجام اللي اكبرمنه