كيف تعرف كمية الغاز في الدافور

[كشته بريه]

السلام عليكم ورحمة الله وبركاته
اسعد اوقاتكم بالخير يا اهل المكاشيت :lr

عندي سؤال محيرني من زمان :

الحين اذا كنت في البر ومعاك الدافور البريموس ،وشلون تعرف كمية الغاز الموجوده فيه ، هل بتكفيك للرحله والا لازم تفرغه وتعبيه من جديد لكل كشته ؟ :(

اتمنى لكم كشتات طيبه :D بس جاوبوا على سؤالي :D عشان اقول لكم انتوا :good2:

[PATHFINDER 4]

وزن الدبة اذا صرت توك معبيها
اقصد ميز ثقلها بس

[ريان2002]

وعليكم السلام ورحمة الله وبركاته
ردي سيكون على إعتبار أن الدبه المليانه كم بتكفيك وهي مشاركة إقتبستها لموضوع قديم لأخونا الكريم أبو مها إن لم تخونني الذاكرة


دبة الغاز تقاس بالرطل وهو يساوي 453 غرام ولنفترض أن لدينا دبة مقاسها 5 رطل

فلو افترضنا أن لدينا رأس دافور يستهلك في الساعة 268 غرام بالساعة وسيتم إشعاله على فترات متقطعة لمدة 9 ساعات فهل دبة الغاز التي معنا تكفي أم لا ؟ والإجابة تكون في المعادلة التالية

268 غرام × 9 ساعات = 2412 غرام كمية الاستهلاك الإجمالية

453 غرام × 5 رطل = 2265 غرام كمية الغاز المتوفر بدبة الغاز

من خلال العملية الحسابية السابقة يتضح لنا أن كمية الغاز المتوفر لاتكفي للمدة الزمنية التي سيتم إستخدام الدافور فيها وبالتالي لابد من إتخاذ إجراء واحد من إثنين

1 / تركيب رأس آخر على الدبة يكون إستهلاكه أقل وهذا ممكن لتوفر أنواع مختلفة من رؤوس الدوافير

2 / أخذ دبة إحتياطية
السؤال المهم والذي لا أملك إجابه له / كم يستهلك رأس دافور البريموس العادي من الدبه الزرقاء في الساعة ؟
لأن عندي رأس بريموس هندي ليس مذكور عليه كمية الإستهلاك

[أبوعابد 22]

تعرف من وزن الدبه

[الرحال2222]

شوف كم استهلاك الدافور للغاز واحسب على حجم الدبة كم ساعة بتكفيك الدبة

[العاذر]

إلى الآن ما فيه طريقة سهلة صراحة
يعني الوزن ما يكفي
كل مره اوزنها بيدي ثم اقول احتيااااطا اعبيها

ماش ياجماعة الخير .. ما فيه غير هالحل

[بربنجي]

يا رجال عندك اكثر من خيار
يا انك تاخذها وتعبيها احتياط او انك ما تعبيها واذا خلص الي فيها تستخدم الحطب والفحم تمشي حالك فيه
وانتهى الموضوع وتصير فاضية ميه بالمية
وخذ معاك وحده احتياط
والله يحفظك

[هواي الدهناء]

واحد من الشباب جهزته بريموس 10رطل مرهم قالي جزاك الله الخير طبختبه17 وجبة غير القهوة والشاهي

[قلايد الخيل]

ياشباب اتمنى تردوون يعني الحين في خطر لو اعبي الدافور اذا كان في نص من الكميه الي موجوده فيه ولا لا؟؟

[لاتكب البيالة]

بالوزن وعدد مرات الاستخدام والاحتياط مطلوب
5 طل تطبخ ممكن 6 او 7 مرات غير الشاهي والقهوة

[GMC79]

عندي لك طريقة حلوة بس لازم يكون عندك ميزان

اول شي اوزن الدبة فاضية وسجل الوزن عندك

ثم اوزنها مليانه والفرق هو كمية الغاز

وكل ما جيت بتطلع وانت شاك في الدبه اوزنها وشف الزود عن وزنها فاضية وبتعرف بالضبط كم فيها وهل هو يكفيك والا لا؟

[كشته بريه]

يعطيكم العافيه على اجتهاداتكم وردودكم الطيبه مثلكم ..
يعني اسهل طريقه انك تشيل الدبه وتشوف وزنها وثقلها التقريبي وتحدد اذا كان بيكفيك والا لازم تعبيها مره ثانيه .

شاكر ومقدر ردودكم .. اتمنى لكم كشتات بريه طيبه دوماااا :f

[أبو مها]

السلام عليكم ورحمة الله وبركاته
الاخ كشته بريه
راجع الموضوع التالية ستجد الاجابة إن شاء الله:

كيف تختار الدبة المناسبة للموقد المناسب .................................من (أبو مها) (http://mekshat.com/vb/showthread.php?t=196519)

[albraki]

ياشباب اتمنى تردوون يعني الحين في خطر لو اعبي الدافور اذا كان في نص من الكميه الي موجوده فيه ولا لا؟؟
لا مافية خطر ولا شي ان شاءالله

ولا عمري عبيت الدافور وكان فاضي

احيان يكون فية ربع واحيان نص واحيان اكثر

بعد ماتشبك اللي بالدافور فك بالتنسيم وعب عااادي

وذا بتعرف كم باقي اسهل طريقة انك تشيل الدافور بيدك وتهز يمين يسار وتحس بالغاز زي الماء وتعرف التقريبي

[بدر بن براهيم]

بالوزن تفرقه المليان عن الفاضي .. اما غيره افلقني

[6ariq]

ياشباب اتمنى تردوون يعني الحين في خطر لو اعبي الدافور اذا كان في نص من الكميه الي موجوده فيه ولا لا؟؟


مافيه اي مشكله ان شاءالله
فك التنسيم وتوكل على الله

[قلايد الخيل]

يعطيكم العاافيه ماقصرتووو معااي والله يجعلها فميزان حسناتكم يارب
بحفظ الرحمن

[yes999]

استخدمه في المطبخ وخلي المعزبة تطبخ عليه وتسجل بعد مايخلص راح تعرف دافورك وقدراته ..

[الوازعي]

السلام عليكم
تصدقون قبل امس بام رقيبة راح واحد من الشباب يعبي الدافور
ومن بداية الطبخه الاولى خلص الغاز اكييد ان العامل اللي عباه ما ملاه جعلها في ذمته اذا كان متعمد ورحنا نعبيه مرة ثانية

مشكور اخوي على هالموضوع
وماقصروا الاخوان افادونا بطريقة الوزن

[ابوالبراجس]

يا الأحباب ما فية غير الخبرة من كثرة الاستخدام. علما بأنك اذا عبيتها فل بتكفيك كل الشتوية اذا تطلع كل اسبوع و تطبع عليها لعدد 4 أشخاص. اهم شئ معك قدر كتم

[اصيل نجد]

شف طال عمرك اذا ولعت الغاز وبدات الدبه بالبروده معناته الغاز يمشيك تبخه طبختين وبالنسبه للطريقه الثانيه اظمن انك توزن الدبه وهي فاضيه وتوزنها وهي مليانه لك الف تحيه

[turkiq]

معقولة مافي طريقة لوضع عداد يبين كمية الغاز المتبقي ؟؟
انا مالي خبرة في الغاز لكن شايف ان الموضوع غريب شوي

[ابوفهيدان]

انا دايما اطلع بدبتين غاز
وحدة ثلاثة رطل للقهوة والشاي
وخمسة رطل للطبخ
الطلعه يومين 3 ايام
وماعمري رجعت واحد هالدوافير فااضي
فيها النص تقريبا

[اصيل نجد]

احب اظيف اخواني ترى اللوكس ( التريك) على الغاز يستهلك اكبر كميه من الغاز

[دورانجو]

لكل غاز ضغط
ولكل ضغط جهاز يقاس به

اتوقع يمكن ترهيم وصله حرف T تركب مباشره على راس الدبه ويركب فيها ساعة قياس للضغط
يمكن شرائها وتأتي ساعات القياس بضغوط مختلفه اقل من 1 بار و صاعدا الى ما شاء الله

هذه تفيد اذا كنت ستستخدم وصله لي طويله ولا تنفع لاستخدام راس الدافور مباشره على الدبه

[سعيد الشمراني]

طيب 2 رطل تكفي كشته خميس وجمعه يعني غداء وعشاء وشاهي وقهوة

[سديراوي نت]

امسك الدبة بشكل مائل ورجها بقوة راح تحس بالغاز كأنه موية معناته انه في غاز.. هذي طريقتي.