المساعد الشخصي الرقمي

مشاهدة النسخة كاملة : قصة خفيفة وطريفة من اخوكم هاوي


هاوي عبث
06/12/2011, 07:45 PM
السلام عليكم ورحمة الله وبركاته



يالله حي الكل والجميع عدت لكم والعود أحمد بقصه خفيفه وطريفه اتمنى انها تنال على رضاكم واستحسانكم .


هذي ياطويلين الاعمار سالفة واحد من اهل نجد كان فسقان وراعي بلاوي الله يغفر له
ويتجاوز عنا وعنه طبعا في صباه ها السالفه لانه كبر وركد وعقل وصار من الرجال اللي
يرفعون الراس المهم مالكم في الطويله ...


كان معروف بكثر مشاكله مع النواب - النواب قديما هم رجال الحسبه - غاثهم غث سهر
وتتن وخمر وكل اسبوع يجلد كم جلده مرتن سهران ومرتن قاضبينه يتتن وهلم جرا


المهم وفي يوم من الايام كان برى الديره سهران مع ربعه وفالها وهو معود للديرة باقين معاه خمر وهو اللي يفضيه في قدير ويحطه على راسه ويمشي معود للديرة يوم اقبل الا ها النواب له بالمرصاد .. وخوينا مقبل بقدره على الراس ... واستلموه


عبيد وينك فيه ؟؟؟ متى بتعقل وتصير ادمي ؟؟؟ ياخوي شكل جلدك استملس على الطق ؟؟
وش ذا اللي معاك في القدر بعد ؟؟؟


يوم انها قفلت معاه .. وقام يهوجس .. مدبوغ مدبوغ ... اعترف وفك عمرك ياعبيد ..
وهو اللي يبيعها ... قال سهران مع الربع ومعاي خمر فوق راسي بكمل شربه في البيت:p


قالوا له بصوتن واحد ... اخس واقطع تتهزا فينا .. يجيبك الله يالخسيس هين ..
يالله ضف وجهك و لبيتك ولاعاد تتعودها سهر من اليوم مافيه :D


وهو اللي ينجي منهم نجاة غريبه ;) سبحان الله ماكتب الله انه ينفضح في ذيك الليلة ;)


وسلامتكم طبعا القصة قديمة سمعتها من جدي لامي الله يغفر له ويرحمة
وكان الرجال معروف عندهم وسبحان المغير اصبح بعدها امام مسجد او مؤذن ماني متأكد
اتمنى اني وفقت في الاختيار


تقبلوا مني اعطر التحايا
اخوكم هاوي عبث
النبهاني
06/12/2011, 07:55 PM
وعليكم السلام ورحمة الله وبركاته
هلا وغلا بالغالي اخوي هاوي
وينك يامطول الغيبه والله لك وحشه
الله يسعدك على هالسالفه لو كثرنا الثناء ما وفيناه حقه
اجل وافقت مع عبيد هالمره
الله يحفظك ويسعدك مثل ما أسعدتنا ويوسع صدرك ربي بسعادة الايمان
خوي مخباته
06/12/2011, 08:12 PM
عوداَ حميـــــداَ وعــــزيـــز وغالى " هاوي عبـــــث " والله افتـــــــــقدناك
والحــــــــــــــــمد لله على الســــــــــــــــــــــلامــــــــــــــــــــــ ــــــــه
وســــــــــــــــــلمت ودمت ســــــــــــــالفه ومن عوايــدك الســـــــــــوالف الطيــــــــــــبه
........................ تحيـــــــــــــــــــــاتـــــــــــــــــــي ......................... لك
أبوعابد 22
07/12/2011, 12:31 AM
الصدق احيانن يفك ازمه
سليمان الربيعان
07/12/2011, 07:40 AM
من طول الغيبات جاب الغنايم
والله يهدي شباب المسلمين والله يغفرله ويرحمه ويسكنه فسيح جناته
لا تنسانا من جديدك....
تقبل تحياتي...
Al3rands
07/12/2011, 12:56 PM
خخخخخخخخخخخخخخخخ اجل فلها الحبيب ذيك الليله
حربي2000
07/12/2011, 03:36 PM
مشـــكـــــور على القصة
ســبــحــان مــن غـــيـــر الأحــــوال
تحياتي...
بندر الشريف
07/12/2011, 03:40 PM
الله يعطيك العافية على هذه السالفة الخفيفة الظريفة اللتي بالفعل نالت إستحساننا بارك الله فيك

أخوك / بندر الشريف
نجم000الشمال
07/12/2011, 06:59 PM
بارك الله فيك اخوي هاوي
تسلم على القصة الطيبة وعادتك الطيب
الله يغفر لنا وله ويحسن خاتمتنا جميعا
ولا تحرمنا من طلتك اخوي.
دمت بخير.
تلميذ
08/12/2011, 05:19 AM
عودة حميده ويارب احفظ هاوي عبث
سبحان مغير الأحوال ..
من سربوت الي أمام مسجد .. !
غفر الله لنا وله
ننتظر الجديد والجميل
قوافي ( أم نهار )
08/12/2011, 05:31 AM
حياك الله اخوي
سالفه جميله والهدايه من رب العالمين والحمد لله اولاً واخيرا.
تحياتي.اختك
..قوافي..
مخيل السحابة
08/12/2011, 08:58 AM
قصة جميلة تشكر علاها
عاشق صوت المطر
08/12/2011, 12:34 PM
عودا حميدا مشكور على القصه الجميله
راعي العجراء
08/12/2011, 02:11 PM
ياهلا وغلا والف من هلا بالنسيب اللي يذكر ولايشاف
هلا بهاوي الابداع
سالفه واقعيه وطيبه يازين الصدق يفك ازمه وينجي صاحبه
الله بعطيك العافيه
تقبل تحياتي وتحيات عمتي منيفه
بس مدري ليه
عمتي منيفه يوم شافت معرفك دمعت عينه وضيقت صدري
رجل حر
10/12/2011, 08:56 AM
الله الهادي
وينك ياهاوي معد طليت
عاشق الرويضه
10/12/2011, 09:04 AM
ههههههههههههه


مشكور اخوي
هاوي عبث
11/12/2011, 09:45 AM
وعليكم السلام ورحمة الله وبركاته

هلا وغلا بالغالي اخوي هاوي
وينك يامطول الغيبه والله لك وحشه
الله يسعدك على هالسالفه لو كثرنا الثناء ما وفيناه حقه
اجل وافقت مع عبيد هالمره

الله يحفظك ويسعدك مثل ما أسعدتنا ويوسع صدرك ربي بسعادة الايمان


وعليكم السلام ورحمة الله وبركاته
هلا بك يا النبهاني يالله حية وبيه .. ابد وعكه صحية وعدت ولله الحمد
الله يجزاك خير ويرحم والديك .. هذا من ذوقك والله
شفت وافقت معاه بعجبه بعد :eek: بس ماكل مره تسلم الجره
الله يحييك ويوفقني لانتقاء ماينال على رضاكم
هاوي عبث
11/12/2011, 06:47 PM
[QUOTE=خوي مخباته;7678449]
عوداَ حميـــــداَ وعــــزيـــز وغالى " هاوي عبـــــث " والله افتـــــــــقدناك

هلا والله وغلا باخوي خوي مخباته يالله حيه
الله يسلمك ويخليك جعلك ماتفقد غالي هذا والله من طيب معدنك


والحــــــــــــــــمد لله على الســــــــــــــــــــــلامــــــــــــــــــــــ ــــــــه
وســــــــــــــــــلمت ودمت ســــــــــــــالفه ومن عوايــدك الســـــــــــوالف الطيــــــــــــبه


........................ تحيـــــــــــــــــــــاتـــــــــــــــــــي ......................... لك




الله يسلمك ويخليك ودمت سالم ماننحرم من تواجدك العطر اخوي
هاوي عبث
17/12/2011, 09:48 PM
الصدق احيانن يفك ازمه



حياك الله ابو عابد والصدق وانا اخوك يفك ازمات دوووم وانت صادق
قتال الجنوب
06/02/2012, 10:23 PM
ههههههههههههههههههههههه
قتال الجنوب
06/02/2012, 10:23 PM
جزاك الله خير