يا أهل الأند كروزر بخصوص الفحمات الأماميه

[8ابوسلمان8]

السلام عليكم ورحمة الله وبركاته
أخواني كيف الحال عندي سؤال تكفون

أنا عندي لاند كروزر. 2006 جي اكس ار

فحمات الأماميه ماتطول عندي 3 4 5 شهور 5بالكثير

وأنا اشتريها من الوكالة مادري هل هو طبيعي أو لا ياليت تفيدوني

مادري أخواني مع العلم عندي قبل ددسن توصل سنه ماغيرها

والله يعطيكمم العافية

[عبدالله المطيري]

على حسب الاستخدام

عموما اذا موترك اتوماتيك اتوقع عادي

ويمكن انك تستعجل بتغييرها احيانا يدخل بين الهوب والفحمه

تراب كرمت والسادة القارئين ويسبب صوت مثل صوت خراب الفحمه

خرط الهوب بعد مايصلح وهو احد اسباب انتهاء عمر الفحمات بسرعه

عموما فيه نوع جديد من الفحمات بالوكالة لونه اسود وعندهم بعد القديم الازرق

انا خذيت الاسود ب ٢٠٠ ريال لان القديم فوق ٣٢٠ ريال واحسه ممتاز علماً كلهم وكالة

[sgl2002]

اول شي هل الكفرات اللي ورا قماشات او فحمات؟

اذا كانت قماشات فمعناه انها ماتمسك صح وهذا يسبب ضغط على الفحمات الامامية

[الشهابة]

و عليكم السلام ..

اخوي كان عندي GX-R 2003 خليجي و كنت اخذ طقم الفرامل كامل من البازعي ذيك الأيام بـ 600 ريال أمامي و خلفي و أغير كل سنه تقريباً وكان كرتون الفرامل بلون رصاصي و مكتوب عليه بالأحمر تويوتا ..

بعد فترة رفع البازعي أسعار قطع الغيار و صار طقم الفرامل بـ 860 ريال و تركتها عندهم و اشتريت من عبداللطيف جميل طقم بـ 550 ريال على ما اتذكر و لكن من اول ماركبته و هو انواع الصرصره و الازعاج و كأن الفرامل الخلفيه منتهيه مع العلم إن الورشه اللي ركبها لي هو نفس الورشه اللي دايم اصلح السياره عندهم ..

رجعت له و نصحني بفرامل صناعه هنديه و سألت عنها و مدحوها و لقيت محل في صناعية حي الخليج بالرياض يبيعها و لكن ناسي اسم المحل و اشتريتها من عنده بـ 300 ريال طقم كامل و خرطت الهوبات و ركبتها و مشيت عليها اقل من سنه و بعت السياره و لافيها إلا العافيه ..

[ابوسامي 2011]

انا سمعت صوت صرصره قلت فحمات سيارتي جكسار 2003 ورحت للوكاله وشريت فحمات قدام قبل سنه من الان ورحت للورشه لغيارها لكن المكانيكي قال الفحمات سليمه جميعا وقلت الصوت قال بسيطه يمكن رمل تكرمون ثم اختفى الصوت وجلست فتره طويله وبعت الجيب وبقيت الفحمات لدي كرتونها نسيت لونه لكن الكتابه احمر ومعها ورقه شراء من الوكاله وسعرها 280 والان اللي يبيها براس مالها الله يبارك له جوالي 0505112203

[sgl2002]

و عليكم السلام ..

اخوي كان عندي GX-R 2003 خليجي و كنت اخذ طقم الفرامل كامل من البازعي ذيك الأيام بـ 600 ريال أمامي و خلفي و أغير كل سنه تقريباً وكان كرتون الفرامل بلون رصاصي و مكتوب عليه بالأحمر تويوتا ..

بعد فترة رفع البازعي أسعار قطع الغيار و صار طقم الفرامل بـ 860 ريال و تركتها عندهم و اشتريت من عبداللطيف جميل طقم بـ 550 ريال على ما اتذكر و لكن من اول ماركبته و هو انواع الصرصره و الازعاج و كأن الفرامل الخلفيه منتهيه مع العلم إن الورشه اللي ركبها لي هو نفس الورشه اللي دايم اصلح السياره عندهم ..

رجعت له و نصحني بفرامل صناعه هنديه و سألت عنها و مدحوها و لقيت محل في صناعية حي الخليج بالرياض يبيعها و لكن ناسي اسم المحل و اشتريتها من عنده بـ 300 ريال طقم كامل و خرطت الهوبات و ركبتها و مشيت عليها اقل من سنه و بعت السياره و لافيها إلا العافيه ..

تقصد محل الرسلان يبيع الفحمات الهندية وماشاء الله تكرف

[8ابوسلمان8]

الله يعطيكم العافيه اخواني

لا والله انا ماغيرها لين تنتهي ويوريني الفحمات مافيها شيء ابد مع العلم انيي اغيرها والله كل 5 شهور بالكثير وبجرب الفحمات الهنديه لان اشوفها امس منتهيه ومريت مكانيكي قال خلاص منتهيه

وانا والله غيرت الامامي هذي ثاني مرة بغيرها والخلفي ماغيرته للحين وان شاءالله بشوف الهنديه هذي اجرب

[ذيب النجيل]

انا لي تجربة وهي اني شريت ربع تويوتا وكنت اروح للديره كثير


والخط فيه نزله قوية طولها 3 كيلو وطبعا مع النزول لازم تطول على الفرامل


المهم على هالموال وسنه وحول 3 شهور


وبعد السنه ال3 شهور ويطلع صوت القماش الامامي


وانا اروح للوكاله واشتري اقمشه ب250 ريال


ويوم فكيت الاقمشة القديمة واحصلها (( صناعة هندي ))


الزبده


الاقمشة الهندية هذي عجيبه واحسن من الوكالة


لاصوت ولاتدخن بسرعة


لاني مع النزول مع المنحدرات اطول وانا ماسك فرامل


ولاكن ماتدخن الى بعد مسافة ماهي مثل الاصلي بسرعة تدخن




وكان واحد من الجماعة معاه مثل جيبي وكان يشتكي من الاقمشة


ويقول ماتطول وتخلص بسرعة


وانا كنت مستغرب ليش اقمشة جيبي ماتخلص بسرعة

وانا وياه دايم نمشي نفس الخطوط


وانا راح اصور الكتابة الي على القماش الهندي وانزلها

ان شاء الله

[عشق البر]

والله ياخوي معروف ان فحمات سيارات تويوتا ماتطول فلذلك ابحث عن بديل
انا معي فتك وماشي 90 الف واغلب استخدامي ديره (زحمات الرياض) وماغيرتها ابد من وكالتها ولسى باقي فيها
فنصيحتي اذا فحمات الفتك تركب على موترك حطها وتراها تقوي الفرامل بعد

[مجنون عسل]

عزيزي الله يعينك وراح يفيدوك الشباب

[ولد وايل]

خذ السيراميك

http://www.pitstopautoparts.com/search/?N=4294966816&Nr=OR(AND(make:Toyota,model:Land%20Cruiser,year:20 06),AND(universal:1))&Vi=11780+4294962951+1725&y=2006&mk=Toyota&md=Land%20Cruiser

[ذيب النجيل]

هذي صور القماش الامامي ((الهندي)) الي تكلمت عنه بتجربتي فوق

طبعا القماش هذا للربع التويوتا 2005

http://www.m5zn.com/uploads2/2011/12/26/photo/1226110412010qnrsjajd8p3rl.jpg


http://www.m5zn.com/uploads2/2011/12/26/photo/122611031234uzbarz2h8tuiiuqq2m64y7jd.jpg

[8ابوسلمان8]

الله يعطيكم الف عاااااااااااااااااااااافيه اخواني والله بهذلتني مشكورين ماقصرتو