إعفاء المتأخرين عن تجديد رخص أسلحتهم من الغرامة [الأرشيف]

hawawi

07/12/2011, 12:39 PM

وزارة الداخلية دعتهم إلى مراجعة الجهات المختصة قبل 24 / 6
بموافقة الملك.. إعفاء المتأخرين عن تجديد رخص أسلحتهم من الغرامة

واس- الرياض: صدرت موافقة خادم الحرمين الشريفين الملك عبد الله بن عبد العزيز، على إعفاء المواطنين المتأخرين عن تجديد رخص أسلحتهم من الغرامة المنصوص عليها في المادة الثامنة والعشرين من نظام الأسلحة الصادر بالمرسوم الملكي رقم م / 8 وتاريخ 19 / 2 / 1402هـ، والغرامة المنصوص عليها في المادة السادسة والأربعين من نظام الأسلحة والذخائر الصادر بالمرسوم الملكي رقم م / 45 وتاريخ 25 / 7 / 1426هـ، إذا تقدموا لتجديد تلك الرخص قبل نهاية دوام الثلاثاء 24 / 6 / 1433هـ، وفقاً لما ذكرته وزارة الداخلية، التي دعت المواطنين إلى الاستفادة من هذه المبادرة بمراجعة الجهات المختصة بشرط المناطق؛ لتجديد تلك الرخص بعد تعبئة النماذج اللازمة التي يمكن الحصول عليها من خلال الموقع الإلكتروني للوزارة www.moi.gov.sa

السبعي007

07/12/2011, 01:26 PM

طيب الي يبي يرخص سلاح

خير المزن

07/12/2011, 01:27 PM

يجيب الله سيل ....

ابو مهنا506

07/12/2011, 01:39 PM

يعني مهنا تصريح من جديد ونحتري ونحتري واخر شي تجديد طيب ولي ماصرح شزين
>>>>> والله مالك الى تحنيه وتلقيها الشمس هههههههههههههههههههههههههه

يالله ان شاء الله اول الخير قطره

فراس التميمي

07/12/2011, 01:50 PM

يعني جديد مافيه !

الحداااق

07/12/2011, 01:52 PM

نبي طيب نطلع تصريح جديد ولا بس تجديد ؟؟؟

بو ريتاج96

07/12/2011, 01:59 PM

بارك الله فيك

ناصر القريني

07/12/2011, 02:03 PM

طيب ياطويل العمر لو واحد ماعنده رخصه لسلاح ويبي يطلع وشافوه معه السلا ح بياخذونه و يقولون وين رخصت السلاح اوترا ماقريت الموضوع زين يعني اعذرني شفت الردود ورديت

v506

07/12/2011, 02:06 PM

طبي متى تفتح التراخيص ^_^

السبعي007

07/12/2011, 02:51 PM

يجيب الله مطر هههههههه

خير المزن

07/12/2011, 02:55 PM

اللي معه سلاح وما صرح يصادرونه منه وإذا على الغرامة 1000 ريال فقط .

سليمان القصيم

07/12/2011, 03:04 PM

حلو فرصه انا سلاحي لوة سنه منتهي الله يدوم عزك ياوطن

المعايد

07/12/2011, 03:07 PM

ياليت نسمع بالقريب العاجل
فتح محل بيع اسلحه
زي دول الخليج الي الشعب يشتري ويرخص على طول
والله التجار رفعوا علينا الاسعار الشوزن وصل عشرين الف
والخرازه من التسع الاف وطالع متي على الله نصير مثل غيرنا
وبالنسبه للخبر الحمد لله وجزاءالله الملك الف خير

فرخ الجني

07/12/2011, 06:53 PM

جزاك الله خير انت وابو متعب ما يقصر لكن مهب هذا اللي ناقصنا حنا نبي انديه ومحلات مثل اخواننا بالكويت عسى الله يرحم الحال بس

من يخاويني

07/12/2011, 08:01 PM

إذا كان اللي معه تصريح ينهان وهو يترجى العسكر في نقاط التفتيش بلاش تصريح.

نبي تصريح اسم على مسمى

رساله الى وزارة الداخليه: أسلحة الصيد متوفره والفشق متوفر ويباع على المكشوف وتأخير التصريح ماهو إلا مساعدة للتجار ورفع الأسعار.على الأقل نبي تصريح للشوازن والخرازات فقط على شأن تنزل اسعارها اما الأسلحه الباقيه أدرسوا وضعها على كيفكم لين تجدون حل مناسب .

ابوخالد6

07/12/2011, 10:53 PM

الله ييسر الأمر

ديرتي نجد 999

07/12/2011, 10:59 PM

تصاريحهم خرابيط وما منها فايدة

باختصار يحصلونه معك مرخص والا غير مرخص يصادرونه

فالافضل لا ترخص

فرخ الجني

07/12/2011, 11:21 PM

اخوي من يخاويني اذا بنطلب من الداخليه شي نبيهم بس يصرحون بالمحلات والنوادي ولا اذا ما صارن ذولي ما نبي منهم شي بعدين ذا حقنا حالنا حال هالعالم الله يرحم الحال بس

أسير قمراي

08/12/2011, 12:17 AM

طول الله في عمرك يا ابو متعب لكن نبي محلاااااااااااااااااااااااااااااااااااااااااااااات الاسلحه

ياناس والله ماتلاقون مثل الاسعار الي عندنا الناريه بـ تسعه الاف ...

والي يرفع الضغط ان السلاح متوفر والي تبيه تلاقيه .....
كأنهم يبون يدعمون السوق السوداء

محلااااااااااااااااااااااات الاسلــحه
محلااااااااااااااااااااااات الاسلــحه
محلااااااااااااااااااااااات الاسلــحه
محلااااااااااااااااااااااات الاسلــحه
محلااااااااااااااااااااااات الاسلــحه
محلااااااااااااااااااااااات الاسلــحه
محلااااااااااااااااااااااات الاسلــحه
محلااااااااااااااااااااااات الاسلــحه
محلااااااااااااااااااااااات الاسلــحه
محلااااااااااااااااااااااات الاسلــحه

MNAW89

08/12/2011, 01:27 AM

اذا التصريح مايفكك من التحويل لااقسام الشرطة....ليش اجدد او ليش اصرح

غامد الزناد

08/12/2011, 02:08 AM

الحين ابي اصرح شوزن وخرازه ممنوع لازم بندق واحد يعني يكون

بندق ومسدس واكثر من سلاحين ماتقدر تصرح

لكن تصريحك هو واسطتك فقط اذا عندك واسطه تمشي امورك بتصريح او بدون تصريح

حسبي الله ونعم الوكيل

classica

08/12/2011, 02:22 AM

ماطبنا ولا غدا الشر ..
يناس الى متى وحنا ندسس شوازلنا ., ولا شفنا التفتيش تقل شايفين جن .,

mjjjed

08/12/2011, 02:25 AM

عاد ودنا نتبع الانظمه وان شاء الله يصرح بفتح محلات للاسلحه حالنا حال هالدول المجاوره والبعيدة

مواطن

08/12/2011, 04:27 AM

الظاهر انك ماقريت الموضوع زين يالحبيب؟؟؟؟

ابو عكلي

08/12/2011, 04:38 AM

هذي اعفاء عن الغرامات للذين سبق لهم التصريح,,
مشكور على النقل

فنجال شاهي

08/12/2011, 04:39 AM

وش مصدرك؟؟؟

سهم قحطان

08/12/2011, 04:43 AM

الظاهر انك ماقريت الموضوع زين يالحبيب؟؟؟؟

حياك الله أخوي مواطن,, قريت الموضوع زين ونقول إن شاء الله بداية خير ويفتح باب التصاريح الجديده,,

سهم قحطان

08/12/2011, 04:45 AM

هذي اعفاء عن الغرامات للذين سبق لهم التصريح,,
مشكور على النقل
حياك الله أخوي ابو عكلي القرار واضح مثل ماتفضلت وإن شاء الله التصاريح بعدها,, تحياتي

سهم قحطان

08/12/2011, 04:47 AM

وش مصدرك؟؟؟
حياك الله يا فنجال شاهي ,,, جريدة الرياض/ محليات/ بتلاقي الخبر مكتوب.
مشكور على مرورك.

قنآص ينبع

08/12/2011, 04:54 AM

كل الشكر لكـ ع نقل الخبر

دمت بكل خييييير ...

ساري بليل

08/12/2011, 05:26 AM

ياخوان الخبر صحيح وش فيكم
بعدين صاحب الموضوع واضح كلامه مثل ماقل الملك اعفاء المتاخرين
والرجال قال ان شاء الله بعدها يفتحون التصاريح ؟؟
تحياتي للجميع بدوام الصحه والعافيه
:D:D:D

المدار المدمر

08/12/2011, 09:43 AM

المشكله كنهم مسوين خير فينا بعد هالقرار مانبي هالقرار نبي محلات اللي واعدتونا فيها من اكثر من سنتين

يعني لكم سنتين بتفتحون محلات وينهي ؟

يارجال والله ياهم يمشون على بيض وباردين الى اقصى حد

كبري طوله مايجي 30 متر خمس سنوات يشتغلون فيه وماخلصوه الا قبل شهر عندنا بحايل براده غير طبيعيه

الظاهر شغلتهم بتطول

نبي محلات الخرازه وصلت عشر الاف والشوزن عشرين الف مافيه دوله بالعالم وصلت لهالسعر الا دولتنا الموقره

مافيه دوله بالعالم ماعندها محلات للبيع الا دولتنا الحبيبه

ليه الدعوه موقفه علينا حنا بس ؟؟

عشقي الصحاري

08/12/2011, 10:58 AM

وعليكم السلام@
اله يجيب الله به الخير@
ومشكوور على النقل الخبر الطيب ياطيب@
تحياتي لك@

مكشآتي للآخر

08/12/2011, 11:01 AM

طيب ياشباب التصريح منتهي عندي من 1424 وعدد الطلقآت 21 طلقة مكتوب بالرخصة
لاكن البلآ هالحيـن انه السلآح عدد ذخائرة صفر مامن طلقآت؟
يسئلوني عنهن؟

NGMEEEEEE

08/12/2011, 11:06 AM

طيب ياشباب التصريح منتهي عندي من 1424 وعدد الطلقآت 21 طلقة مكتوب بالرخصة
لاكن البلآ هالحيـن انه السلآح عدد ذخائرة صفر مامن طلقآت؟
يسئلوني عنهن؟

يسئلون عن عدد الطلقات المصرح بها
لكنهم لايطالبونك بأحضارها
هذا ماحدث معي
بالرياض
الغريب عدد طلقاتك 21 بس ؟

راعي هدد 2007

08/12/2011, 11:21 AM

شكرا على طرح الموضوع
لاكن وانا اخوك مافيه اصدار تصريح جديد
وش الفايده
وثانى شى الغرض من القرار معرفه وحصر عدد الاسلحه الموجوده فى الديرة والااصدار جديد حلم

بليس بالجنه

web

08/12/2011, 11:39 AM

اغتلتو الموضوع بالتكرار الي ماله سنع يعني حنا الي قايلينلهم لاتفتحون المحلات ؟

اكتب مره وحده محلات بيع ليش الف مره عشان اقرى باقي المشاركات انزل ساعه

ابو عبيدو

08/12/2011, 01:04 PM

احل شي يكون السلاح مرخص محد يقدر يخده منك اسلوني انا معي ثلاث تصاريح ليه خمس سنين معمر احد كلمني 0 ابو ابراهيم ينبع البحرhttp://www.mekshat.com/pix/upload/sign/images/mk30126.gif

سهم قحطان

08/12/2011, 01:26 PM

أشكر جميع الأخوان على المرور,,, وبالنسبه للأخ راعي هدد 2007,, الفايده وانا اخوك ان فيه ناس مطوف التصريح عندهم لفتره طويله البعض منهم عليه غرامات اكثر من قيمة البندق ,,, مثال أعرف واحد من الربع عنده سلاح لأبوه ومطوف حول 12 سنه والغرامه اللي على البندق مهيب قليله يعني القرار فيه مساعده لهم والكثير من هالأمثله,,, وبالنسبه إن الغرض من القرار هو حصر السلاح ,,, لو بغوا يحصرون السلاح مثل ماتفضلت كان فتحوا باب التصاريح عشان الكل يصرح وبعدها يتم حصر عدد السلاح وفي النهايه أحب أقول للجميع (تفائلوا بالخير تجدوه إن شاء الله) تحياتي للجميع

عاشق البرنو1

08/12/2011, 02:24 PM

السلام عليكم يااخوان . سمعت من موظف بقسم الاسلاحة انه سيكون هناك فتح لتصاريح الاسلحة . والعهدة على الراوي . قال شهر محرم ....................

عبدالله الضويان

08/12/2011, 03:02 PM

ياخوان الخبر صحيح وش فيكم
بعدين صاحب الموضوع واضح كلامه مثل ماقل الملك اعفاء المتاخرين
والرجال قال ان شاء الله بعدها يفتحون التصاريح ؟؟
تحياتي للجميع بدوام الصحه والعافيه
:D:D:D

اخي الكريم صاحب الموضوع كلامه غير والموضوع غير
صاحب الموضوع يقول ازف لكم بشرى فتح باب تجديد التصاريح وهي اصلا مفتوحه ما قفلت
الموضوع هو اعفاء من الغرامة للي ما جدد فقط لا غير اما التجديد اللي يبي يجدد مافيه احد يرده
ومشكور اخوي صاحب الموضوع ويعطيك الف عافيه وانا واحد من اللي تشمله هذه المكرمه

سيف العلا

08/12/2011, 03:06 PM

مظنيت ان التصريح السلاح يرجع لاكن زببببببببن اسلحك ورتاح

m 1

08/12/2011, 05:37 PM

الله يعطيك العافيه ومشكووووووووور

طال السكوت

08/12/2011, 07:53 PM

تصريح سلاح جديد ما يشمل

طال السكوت

08/12/2011, 07:56 PM

وين الردود

المؤلثم

08/12/2011, 08:51 PM

مشكورون علي مروركم علي الموضوع

أبو حسن933

08/12/2011, 08:59 PM

ودي اجدد لكن عيقني ذى الغرامه مدري وش الفايده لكن نبي نجدد يحبيبي مشكور على الفايده

سهم قحطان

08/12/2011, 09:01 PM

حياك الله أخوي عبدالله الضويان,,, الخبر وين ونظرة الناس وين ,,, واحد يسأل وش المصدر وواحد مو عاجبه القرار وبعضهم يشوف انه قرار عادي وانت الله يحفظك الحين جاي تعلق على علاقة العنوان بمحتوى الموضوع,, اخي الكريم نعرف إن باب تجديد التصاريح مفتوح ومبروك يوم ان القرار شملك ,, لكن انا قصدي من زف بشرى الخبر إن الحمد لله صار فيه تحرك بالنسبه لموضوع التصاريح وبداية صدور قرارت بخصوصها,,, لو انت متابع منتديات الصيد ما يمر فتره الا وتقرا إستفسار عن التصاريح وبتلاقي انواع التكهنات بهالخصوص وانا يوم كتبت الخبر في الأول الأخير تفاااااااااااااااااااااااااااااااااااااااااااااااا اااائل بأن الخير جاي بإذن الله ,,, أتمنى تكون الفكره وصلت وإن شاء الله نزف لكم بشرى فتح التصاريح . تحياتي لك

متولع بالقنص

09/12/2011, 01:44 AM

مشكووورر لا هنت

الشقردي 205

09/12/2011, 02:21 AM

والله اني خايف على مستقبل السلاح عندنا في المملكة اخاف يوم نن الايام تنمنع الاسلحه ويصير المواطن محروم من إيقتناء السلاح . . .

المدار المدمر

09/12/2011, 12:33 PM

والله اني خايف على مستقبل السلاح عندنا في المملكة اخاف يوم نن الايام تنمنع الاسلحه ويصير المواطن محروم من إيقتناء السلاح . . .

والله ماصرحت ابدا ولاطرا علي اصرح لو فتح التصريح ..

ضرر اكبر من الفوائد ولو التصريح يفكني من المشاكل صرحت

بس وش نقول عن هالنظام الفاشل

يبغونك تصرح السلاح وتصور معه 4*6 ولو مسكوك تقنص صادرو السلاح وش فايده التصريح طيب ؟

الله يخلي الواسطات لنا بس

أبوعابد 22

09/12/2011, 12:45 PM

جعلها فاتحة خير

comابوسليمانwww

09/12/2011, 02:25 PM

انا شاري ام خمس مصرحة ولاقدرت انقله باسمي لان باسمي خرازة ... قالوا ما نصرحلك الا بندق وحدة والله قهر
انا ماعندي مانع ادفع غرامة ويحطونها باسمي

ROOSHDE

10/12/2011, 11:32 AM