ابي اشنذر الطير وخايف يموت

[alyabsq8]

السلام عليكم
يعطيكم العافية
انا ابي اشنذر الطير لاني اشوف الطير مو حار على العلف .. واذا دعيتة بعد 24 ساعه من تعليف الطير بختصار بعد ما يروبج يكون طياره عادي ومسرعة يطرح بكل الحالتين اذا هديتله حمامه او على ملواح بس لو اطوفه يوم بعد يعني 48 ساعه يكون ادائه جيد.. وانا ابي اشنذره وخايف تذبحة وراعيه الي قبل قال انه مشنذره والطير فرخ العام ...
نبيكم تفيدوني الله لا يهينكم وان شاء الله الموضوع يفيدني ويفيد غيري
اخوكم عبدالعزيز المطيري من الكويت

[راشد حسين]

اخوي عبدالعزيز

صباح الخير

اخوي رح لاي محل مستلزمات الطيرو وقله ابي شنادر طبي

لا تعور الطير ولا شي ولاكنها مهي مثل العرق العرق اقوى والشناذر الطيب قويه ولاكن

مهي مثل قوة العرق والطبيه لو تشنذره اليوم الصباح بكره الصباح تقدر تهده ولا تتعب الطير

بس تاكد انا الطير مافيه امراض داخليه قبل لا تعطير الشناذر

واتمنى اني افدتك

[alyabsq8]

ما تقصر ورايتك بيضه
نبي نعرف الخطوات من البداية
يعني اشنذر الطير على جوع ولا اذا توه مروبج
وبعد ما اشنذره ويقط الشبيكه شنو الخطوات
واذا صارت الشناذره سلبيه على الطير شنو اسوي ....
وعساكم على القوة

[rasheed_777]

عندك شناذرة ابو محمد ممتاز انا مجربها بطيوري
وهذا ومضوعه
http://www.mekshat.com/vb/showthread.php?t=335768

[alrshedi]

السلام عليكم ورحمة الله وبركاته
اخوي الغالي اذاك ماشنذرت الطير اتصل علي وابشرلايهمك
اخوك خالد الرشيدي ٦٦٣٢٧٩٩٠

[دعاس]

ماقصر خالد الرشيدي مره والرجال شرواك ماراح يقصر
ولاهو عيب وانا اخوك يارحت لرجال ذو خبره
لان واجد صقاقير ذبحوا طيورهم بالشناذره
وخصوصا اذا كان فيه اقلاع داخلي
وملاحظةعدم سكب كميات كبيره داخل الفم
لانها لو تدخل نقطة ماء داخل الرئه راح تسبب التهاب رئوي حاد
ويمكن يتسبب في موت الطير لاسمح الله

[alyabsq8]

كفو والله يا خالد ولا هي غريب عليك وفالك طيب ولا يهونون الربع الي شاركو
وما قصرو الربع الي شاركو بالمعلومات ...بس انا فيني طبع احب اسوي الشغله بيدي وتعلم
وحاول فيها لين اتقنها .. الطبع هاذا فيه ضرر علي بس الحلو فيه انه يكسبني خبره من بعد تجرب..
والموضوع هاذا ان شاء الله ينفعني وينفع غير و تتم المشاركة فيه من اهل الخبرة ونستفيد من خبرتهم وان شاء الله كلكم فيكم الخير والبركه ..
لاكن الي مخوفني ومو مخليني ارتاح ان راعيه قال انا شنذرت الطير وطير من ادعيه بعد ما يروبج اشوفه عادي يطرح حتى اذا لوحتله يطب على الارض ويقعدله دقيقه يفكر يجيني ولا لا... السؤال هل الطير صحيح مشنذر؟؟ واذا مشنذر هل هو مشنذر العام يوم كان فرخ ؟؟ على حسب معلوماتي ان الطير ما يتشنذر اذا فرخ ..
يعني اذا شنذره السنا هاذي خلنا نقول شهر 10 يكون الوقت قصير بين الشناذره الاول والشناذره الثانيه ..
والله اني محتار محتار و راعيه لا اعرف رقمه ولا اعرف عنه اي شي .
وانا جيتكم من بعد الله سبحانه ابي الحل منكم وجزاكم الله خير وبيض الله وجيهكم
ورجع وقول ما قصرت يا اخوي خالد والله يبيض وجهك و وجه الربع الي افادونا بالمعلومات
وسمحولي على الاطاله

[البرنس الليبي]

اهم شي افحص الطير وتأكد انه مر عليه 12 ساعه بدون علف وتوكل على الله

[قرناس شماالي]

ماقصرو الاخوان ولازم الفحص يالغالي

ولاتخاف ان الاول مشنذره عادي تشنذره مره اخرى يمكن الطير

رمى نص الشبيكه لازم مره ثانيه لاكن لازم تنتبه ان الطير يروبج

[yahoo]

ذكرتني باخوي الكبير
كان يبي يشنذر الطير قلتله يمكن يموت قالي موتت الكلب طبوعه ماهي زينه
وشنذره وزانت طبوعه

[alrshedi]

ابو نواف لاهنت يالغالي علي المنطوق الطيب
اخوي الغالي المطيري صدقت الواحد لازم يتعلم ولاكن قبل لاتقع بالغلط لازم تشوف قبل ماتطبق الشي والطير اذا
قرنس لابد فيه شبيكه ولازم يتشنذر لو انه مشنذره العام شناذره طبيعيه وتشنذره انت طبيه ماهي ضارته ان كان فيه شبيكه بيقطها وعلي وصفك لطير يا انه فسقان ومكرمه بالعلف من غير مجهود وان كان الطير سليم اكيد متظايق من الشبيكه ورقمي عندك وان احتجت شي انا حاظر يالغالي والله يوفقك ان شاء الله