المساعد الشخصي الرقمي

مشاهدة النسخة كاملة : الى البحر الاحمر يا نواخذه


دسم الشوارب
15/03/2006, 02:23 AM
السلام عليكم يا بحاره
حبيت أسئلكم : الواحد اللي ماعنده قارب ويبي يروح رحله من ثلاث الى اربع ساعات بس
في البحر الاحمر
هل بيلقى من يأجره قارب وأدوات صيد
وإذا كان فيه وينهم وعلى أي ساحل علشان اقصدهم مباشره
وهل اجاراتها غاليه
ومتى أحسن وقت للخروج إلى البحر ؟

ولكم تحياتي
.
.
.
وينك ياكبير النواخذه
كبير النواخذه
15/03/2006, 07:53 AM
اخي العزيز دسم الشوارب ... جعل ربي يدسم اعمالك بالحسنات..امين

طال عمرك .. بيني وبين البحر الاحمر 1600 كيلومتر .. ويمكن اكثر شوي
انا من قطر طال عمرك
اذا تبغي شي من قطر ...احنا في الشوفه
والا البحر الاحمر ولا عمري شفته

الله ايوفقنا وياك
كبير النواخذه
15/03/2006, 11:59 AM
اضيف اخي العزيز دسم الشوارب
اذا انت ماعندك طراد ولا قد سقت الطراد من قبل .. نصيحتي لك .. انك ماتروح بروحك حتى اذا لقيت طراريد للايجار.. لان سواقه الطراد يبيلها شوي.. واذا خذت طراد اجار يمكن تبتلش به
نصيحتي لك انك اتروح مع الربع مره ومرتين .. وكل مره تطلع معاهم حاول اتسوق الطراد تحت اشراف دريول مضبوط.. وعقبها اجر او اشتر طراد ولا اتباعد وايد عن السيف.. وخذ عده السلامه ((تر والله مهمه)) وشوي شوي الى ان تتمكن ان شاء الله

الله يحفظك
عاشق البحور
15/03/2006, 03:36 PM
السلام عليكم ورحمه الله وبركاته
حياك الله يادسم الشوارب اذا حبيت انا في جده واطلع للبحر اسبوعيا وبالنسبه للايجارات طيبه واحسن وقت للطلوع للبحر قبل الفجر
ابو مشك
15/03/2006, 05:14 PM
هلا فيك اخوي دسم الشوارب

بالنسبه لايجارات البوت في البحر الاحمر بتلاقي كثير في منطقة الشعيبه وهي قريبه من جده ومكه وبحدود 300 - 600 ريال حسب البوت وحسب المده والوقت الي انت بتطلع فيه
وفي في الرايس قبل ينبع بسبعين كيلو متر منطقه زينه وفي قوارب كثيره للايجار انا دايم اطلع هناك والايجار تقريباً 500 ريال لمدة 12 ساعه
وتلاقي في جده بس ما قد جربت وطلعت في جده
واحسن وقت بالنسبه لي هو من العصر لحد الصبح
وبانسبه لقيادة البوت راح يطلع معك صاحب البوت يعني ما تقدر تسوقه انت لانه ما يطلعونك خفر السواحل في اي بوت بدون تفويض من صاحبه ونصيحه اذا كنت اول مره بتطلع البوت لا تطلع وانت داق اكل دسم عشان لا يجيك دوار البحر
انا اعاني من مشكلة دوار البحر لو كسبت الدسم
دسم الشوارب
16/03/2006, 03:50 AM
اخوي كبير النواخذه : انت تقول (( بيني وبين البحر الاحمر 1600 كيلومتر .. ويمكن اكثر شوي
انا من قطر طال عمرك
اذا تبغي شي من قطر ...احنا في الشوفه
والا البحر الاحمر ولا عمري شفته ))
والنعم فيك وفي اهل قطر لكن اللي مستغرب منه انك قبل الحج بكم يوم إذا تذكر أعلنت عن دوره في الغوص في البحر الاحمر وأذكر اني قلت لك في خضم الكلام (الطايف) وانت رديت وقلت (اسمها الطائف وليس الطايف)
ارجو ان تنبهني ان كان هناك لبس .
اخوي عاشق البحور : بارك الله فيك وأشكر دعوتك ولنا لقاء بإذن الله واشكر افادتك .
اخوي ابو مشك : اشكرك على الافاده و على النصائح وما قصرت يارجل يا طيب .
كبير النواخذه
16/03/2006, 07:08 AM
اخي العزيز دسم الشوارب...ماعليك زود
((الكبر شين))...هههههههههههه...امزح يالحبيب
انا ولا مره كتبت عن دوره في الغطس ..لا في البحر الاحمر ولا غيره
ولا قلت لك عن الطايف او الطائف .. اصلا اذا انا من قطر وانت من السعوديه..كيف تبغيني اعلمك في بلادك
لا لا الظاهر .....((الكبر شين)) فعلا
وتقدر تسال مشرفنا العزيز(gulfhunter ) عن كل مشاركاتي السابقه ..اذا مش امصدق
الي دايم يكتب عن دورات الغطس هو اخونا خادم الاسلام .. واتذكر اني قلت له مره ان ودي اشترك في دورات الغطس بس انا بعيد وايد

وحياك الله يا اخي العزيز
دسم الشوارب
16/03/2006, 07:28 AM
هل انت متأكد ؟!؟! :confused:
بسم الله الرحمن الرحيم
يبي من يروح للشيخ يقرا علي
عموماً أنا راح اتقصى عن الموضوع وأرد عليك
كبير النواخذه
16/03/2006, 07:33 AM
اي والله متاكد...ومثل ماقلت لك ..خل مشرفنا gulf hunter يعرضلك كل مشاركاتي السابقه اذا ماعنده مانع


اقولك الكبر شين
دسم الشوارب
17/03/2006, 02:10 AM
آآآآآسف يا كبير النواخذه الحق معك
يبدو ان صار لخبطه واللي اقصد خادم الاسلام
اكرر اعتذاري
كبير النواخذه
17/03/2006, 02:02 PM
اخي العزيز دسم الشولرب
لا داعي للاعتذار.... انت ماغلطت .. وكلنا اخوان

حياك الله