ظاهرة انتشار سرقة السيارات في مدينة الرياض .... أسباب وحلول

[رائد5000]

السلام عليكم ورحمة الله وبركاته
ياناس وش السالفة ؟؟؟!
سرقت السيارات منتشرة بشكل يخوف في مدينة الرياض بذات مقارنة بالمدن الآخرى !
تعالوا نتناقش لعل واحد يطرح فكرة تفيد الجهات الأمنية و الجميع
ماهي الأسباب هل هو الأهمال من صاحب السيارة ؟
أو من الجهات الأمنية ؟
أو ماذا ؟؟

[«نجم الخير»]

الربع مشغولين بساهر :D

لو فيه تطبيق لأحكام الشرع والله مافي احد يتجرء

[قلبي المجروح]

اشكرك اخوي رائد على الموضوع المميز
انا من الناس الي تعرضت سيارتي للسرقه واقول حسبي الله ونعم الوكيل
من الحلول اخوي :
1/ لابد من الدوريات الامنيه بعد الساعه 12 بالليل التجول داخل الاحياء مثل زمان كانت الدوريات تدخل الحاره وتراقب حتى اي تجمعات في الحي
2/ اذا بتسافر لو اسبوع وسيارتك عند البيت لازم تخلي العامل يغسلها كل يومين مع تنبيه احد الجيران بأنك مسافر
3/ لابد من تكاتف وتعارف الجيران مع بعضهم وهذا ليس موجود للأسف الان الشخص مايعرف جاره
هذا مااحببت المشاركه فيه واشكرك ؛؛؛

[رائد5000]

الله يعطيكم العافية على تجاوبكم
أذكر لكم عندنا بجدة أيام السيول الآخيرة انشغلت العالم ومنها الدوريات الأمنية اتجهت جميعاً للاحياء المتضررة لحمايتها من السرقة
وتفاجأنا أول يوم بكسر زجاج ثلاث سيارات من سيارات الجيران وبلغنا الشرطة
واليوم الثاني جيت طالع الظهر واشوف سيارة واقفة عند سيارة جارنا وفاتح الكبوت حق سيارته وشكيت في امره وكنت باروح لهم بس كثيرين هم تقريباً اربع اشخاص وسويت نفسي اني ماعلي منهم واركب السيارة وأخذت رقم لوحتهم ومواصفات سيارتهم وكلمت جاري لكن جواله مغلق ، كلمت الدوريات قالوا شكراً لك إذا انسرقت السيارة أكيد بيبلغ وبنصيدهم وعطيتهم رقم لوحتهم وقضيت مشواري والحمد لله رجعت البيت وحصلت سيارة جاري موجوده
يعني الجيران شيء ضروري التكاتف معهم والصبر عليهم حتى لو حصل منهم زلة او خطاء

[نبراس المجد]

الحل للقضاء على ظاهرة سرقة السيارات هو وضع كمين مثلا تقوم الجهات المختصه باستخدام سيارت مدنية توضع امام محلات تجارية في وضع التشغيل ومن ثم يتم مراقبة السيارة من داخل المحلات وتكون المنطقة محاصرة بسيارات مدنية اذا كانت السيارات رسمية صعب نجاح الكمين الامني وبعد ما يسرق السارق السيارة يتم القبض علية وهو متلبس بالجريمة وتسستمر الحملة لمدة مثلا شهر او شهرين وشوف النتائج بعد ذلك

[حزوبر]

السلام عليكم
من أمن العقوبة ساء الأدب

[khhh]

انا ودي اعرف يقدرون يسرقون السيارة بدون مفتاح؟

[رائد5000]

انا ودي اعرف يقدرون يسرقون السيارة بدون مفتاح؟

اي يقدرون يكسرون القزاز الخلفي او المثلث ويشغلون السيارة عن طريق تشبيك الاسلاك التي تحت الطبلون
لا اراح الله لهم بالاً

[star22]

صادق

الله لايبلانا

اتوقع عشان التهاون بردع هاللي يسرقون

[محب الرمنغتون]

من اهم الأسباب استعمال المخدرات وكثير من حالات السرقة قام بها شخص منحرف أما مخدر أو سكران

[عرين نجد]

لا بد من ردع السارق باقمامة حدود الله وقطع اليد
والله لو طبقت حدود الله كان ماشفت السرقات بكافة انواعها من سيارات ووفلل وغيرها
الله المستعان

[سرالحياة]

الي جعل السرقات تكون بالشكل والعدد الفضيع
هو خوفنا من حقوق الانسان مو خوفنا من الله وتطبيق شرعه وسنة سيدنا محمد صلى الله علية وسلم

[ابو حمد 2010]

السبب الرئيسي هو عدم وجود العقاب الرادع لهذه الأشكال والنظام في هذا الزمن اذا اجرم المجرم وسرق عاقبوه بعقوبه بسيطه جدا سجن يومين او اسبوع بالكثير مع وجود الكفالة.

وإذا سرق المحتاج او المخطئ لأول مرة يجعلوه كبش فداء كما حصل عندنا من قبل احد الضباط. لكن الله له بالمرصاد بلاه الله بسرطان القولون بسبب ظلمه للمساكين وتجاوزه عن الظلمة والتجار والسارقين.

[وجعين]

1_الاحكام الخفيفه تشجع الحرامي2_اللحوج السود يضفون خارج البلاد3_لازم الدوله تلتفت التفته قويه وتضع وزاره ووزير اسمه وزاره حمايه المواطن من السرقه مثل حمايه المستهلك لانه اصبحت ضاهره خطيره جدا4_التوعبه والارشاد الى الاسر وكيفيه التربيه الصالحه

[رِجم]

والله مو بس بالرياض بكل المناطق مع الاسف

عندنا بالقصيم كثير السرقات

[قدر مكتوب]

والله يالغالي انا كنت اعتقد قبل ان الاسباب مثل ماذكر الشباب ولكن بعد تجربة لي مع الامن عرفت ان الوضع رايح فيها الله يستر

قريب من سكني بشمال الرياض كان فيه حادث بين سيارتين هايلوكس وسيارة سيدرك المهم راعي السيدرك سفط السيارة يومين وهو محركها الهايلوكس واقفة بوسط التقاطع لمده اسبوعين بلا مبالغة وربي يشهد بلغت 3 مرات وكل مره يحددون الموقع واقوله اسم الشارع لاني خايف احد يصدمها من السواقين او الشياب وهي تعتبر من باب اماطة الاذى عن الطريق وربي يبي يسالني كل مره ياخذون اسمي وبياناتي وكل شي واسبوعين وبعدها راحت تصور سيارة اسبوعين موقفة في وسط شارع فرعي بتقاطعه مع شارع رئيسي مصدومة ؟ وين رجال الامن

وكل مره ابلغ يقولو لي ابشر نبي نرسل احد الحين ربع ساعه وعندك ولا حولك احد

تبي الحق اخوي شوف عيني سواق يعاكس شارع عشان مايبي يكمل لاخر الشارع ويرجع يبي يختصر ويشوفة رجل الامن مرور ويمشي ويتركة معاكس وجة بوجة وش يسمى هذا ؟ باي منطق وباي لغة ينفهم هالكلام ؟ وين هيبة رجال الامن ؟

رجل الامن للاسف يعمل بلا نفس كانه مغصوب على العمل بل وبعضهم بلا ذمة

نجي للمدرسين نفس الوضع وين هيبة المعلم السابقة وين التعليم الصحيح ؟

والله اني اتصور الاجيال القادمة ماادري كيف تبي تواجة هالوضع لكن اقول بخاطري احيان نفس الكلام اكيد قاله جدي وابوي عنا وعشنا والحمد لله على نعمة الامن والامان.


في الاخير اسمح لي ان اورد لك آخر مثال على هيبة رجال الامن قضية وادي الدواسر الاخيرة

http://www.youtube.com/watch?v=_duWJ7hpRy0&feature=related

وهذا رابط الخبر بسبق

http://sabq.org/uVgfde


في الاخير اتمنى تثقيف رجال الامن ورفع الوعي والحس الامني عند المواطن والمقيم ورجل الامن , واهم من هذا كلة حس المواطنة ياناس هذا من اهم الاشياء التي يجب ان تنشر للجميع
لدينا حس بالانتماء الديني والتقسيمات الجماعية كسلفي وجامي وعلماني ... الخ
لدينا حس بالقبلية والقبيلة
لدينا حس مناطقي غربي وشرقاوي ومن نجد وقصيمي وسديراوي .. الخ
لدينا حس ....

لكن اين حس المواطنة والوطن وحب الوطن ؟

[عواد الشمري2]

السلام عليكم
من أمن العقوبة ساء الأدب
:good2::good2:
لو تطبق الشرع كان مصار الي صار
المفروض يطبق الحد عليهم قص ايد ورجل

[abdalmjed]

الخطاء الكبير من الدوريات الأمنية للاسباب التالية:
1.عدم الدوران في الشوارع .
2.عدم تثقيف الشباب.
3.أنعدام تنفيذ الاحكام
نسأل الله الولى التوفيق لخادم الحرمين الشريفين

[ksaboss]

1- تطنيييييييش الشرطة لسرقات السيارات و التفحيط و كأنها شئ لا بد منه
2- انتشار التفحيط و ازدياد مستلزماته من كفرات و قطع غيار و حتى سيارات تنسرق و تعطى للمفحط
3- انتشار الفقر و قلة الدين

[المداوي2]

والله يالغالي انا كنت اعتقد قبل ان الاسباب مثل ماذكر الشباب ولكن بعد تجربة لي مع الامن عرفت ان الوضع رايح فيها الله يستر

قريب من سكني بشمال الرياض كان فيه حادث بين سيارتين هايلوكس وسيارة سيدرك المهم راعي السيدرك سفط السيارة يومين وهو محركها الهايلوكس واقفة بوسط التقاطع لمده اسبوعين بلا مبالغة وربي يشهد بلغت 3 مرات وكل مره يحددون الموقع واقوله اسم الشارع لاني خايف احد يصدمها من السواقين او الشياب وهي تعتبر من باب اماطة الاذى عن الطريق وربي يبي يسالني كل مره ياخذون اسمي وبياناتي وكل شي واسبوعين وبعدها راحت تصور سيارة اسبوعين موقفة في وسط شارع فرعي بتقاطعه مع شارع رئيسي مصدومة ؟ وين رجال الامن

وكل مره ابلغ يقولو لي ابشر نبي نرسل احد الحين ربع ساعه وعندك ولا حولك احد

تبي الحق اخوي شوف عيني سواق يعاكس شارع عشان مايبي يكمل لاخر الشارع ويرجع يبي يختصر ويشوفة رجل الامن مرور ويمشي ويتركة معاكس وجة بوجة وش يسمى هذا ؟ باي منطق وباي لغة ينفهم هالكلام ؟ وين هيبة رجال الامن ؟

رجل الامن للاسف يعمل بلا نفس كانه مغصوب على العمل بل وبعضهم بلا ذمة

نجي للمدرسين نفس الوضع وين هيبة المعلم السابقة وين التعليم الصحيح ؟

والله اني اتصور الاجيال القادمة ماادري كيف تبي تواجة هالوضع لكن اقول بخاطري احيان نفس الكلام اكيد قاله جدي وابوي عنا وعشنا والحمد لله على نعمة الامن والامان.


في الاخير اسمح لي ان اورد لك آخر مثال على هيبة رجال الامن قضية وادي الدواسر الاخيرة

http://www.youtube.com/watch?v=_duWJ7hpRy0&feature=related

وهذا رابط الخبر بسبق

http://sabq.org/uVgfde


في الاخير اتمنى تثقيف رجال الامن ورفع الوعي والحس الامني عند المواطن والمقيم ورجل الامن , واهم من هذا كلة حس المواطنة ياناس هذا من اهم الاشياء التي يجب ان تنشر للجميع
لدينا حس بالانتماء الديني والتقسيمات الجماعية كسلفي وجامي وعلماني ... الخ
لدينا حس بالقبلية والقبيلة
لدينا حس مناطقي غربي وشرقاوي ومن نجد وقصيمي وسديراوي .. الخ
لدينا حس ....

لكن اين حس المواطنة والوطن وحب الوطن ؟



الى الله المشتكى

[ماون ماركز]

اسبابها كثيرة

الفساد المنتشر بالبطانة والمسؤلين . كلن نفسي نفسي
عدم وجود العقوبات الشرعية
تساهل الشرطة بالبلاغات
تساهل البعض من أصحاب السيارات المسروقة

والله يكفينا شرهم

[ksa999_2]

المشكلة لو مسكتة وتهاوشت معة وحاول ايذائك وسببت له شئ لابد تاخذ جزاك يعني فوق ماهو يبي مالي ولاعرضي وادافع عنها اروح فيها اما بالسجن او اذا حاول الشخص الدفاع عن نفسة وحاول الشخص قتلة مثلا وقام الشخص بقتل هذا المجرم دفاعا عن النفس والمال مثلا الله يبعد ايام الشر اليس هذا دفاع عن النفس والمال ولا ادري عن سبب وضع بعض الاحكام لدينا

[iMohmmd]

اكيد السبب الاول ان مافية عقوبة خاصة وواضحة بسرقة السيارات

لكن ياشباب ودنا نتكلم بحلول مؤقتة لسيارتك وسيارتي
أتذكر أني قد سمعت بقفل للدركسون ، ما ادري وش طريقة عملة لكن هو يقفل الدركسون ولا يقدر احد لف الدركسون

ليت اللي عندة خبرة عن هذا لايبخل علينا ،
أو اي حل يحمي السيارة بإذن الله يعطينا اياه.

[عاشق الغضا]

كلمة يتجاهلها كثير من المسلمين وهي ان يستودع كل مايملك من بيت وسياره او اغنام بقول (استودعك الله الذي لاتضيع ودائعه ) . فهذا الدعاء حامي بأذن الله من السرقات

[Al-Moreb]

والله يحيي دائما تلقي المشاكل من السود وكلنا عبيد الله سبحانه واحد من الاقارب توه ساكن في بيت جديد ونسي الاصطوانات في الحوش طب اللي ما يخاف الله ويحاول فتح الابواب وسرق الاصطوانات الله لايرده الحرامي