تسجيل الدخول

مشاهدة النسخة كاملة : اهل الخبره افيدوني عن الرجه


سهل الجناب
09/12/2011, 01:53 AM
يا اخوان عندي مشكله في سيارتي نيسان باترول 91 وانا امشي فجئه يرج الموتر تجيه زي النفضه قدام لدرجة اني مقدر امسك الدركسيون لازم اهدي وتروح تحصل معي بين يوم ويوم مدري وش منه ياليت اللي مرت عليه هالحركه وزينها يفيدني وما نستغني عن اهل الخبره الله يجزاء الجميع خير الجزاء.
في اكس ار
09/12/2011, 02:15 AM
هذا الله يطول عمرك عمود التوازن يبيله كبس من جديد
خالد السالمي
09/12/2011, 02:49 AM
حصلت معي في باث فاندرر بالضبط كذا
.. مشكلتك ياطويل العمر انشاءلله عمود الدبل .. نزل العمووود وجرب الموتر وان شاءلله يضبط
star22
09/12/2011, 02:57 AM
اتوقع مثل ماقال اخوي السالمي

ان شاء الله تضبط معاك
باترولي
11/12/2011, 01:29 PM
الحل عندي ودعواتك لنا .
وراح تنسا الرجه كلها وتختفي نهائيا الطريقه ماتكلفك شي .
تروح لميكانيكي وتقوله غير لي الوردات تجي قدام عند التحضيره (الفرارات). الورده الوحده 15 والثنتين 30 . الشغله نص ساعه بس .

ترا مشكلتك صارت معي وانحلت صرت امشي 160 لا رجه ولاشيء
sgl2002
11/12/2011, 05:42 PM
طيب اذا جاتك الرجه لف يمين ويسار بقوة اذا راحت فهذي من جلد عمود التوازن اللي يجي بالعرض

او انك تحس فيه فضاوة في الدركسون

او انك وقف ولف يمين ويسار والموتر واقف بتشوفه يهز معك ماهو بثابت

او انزل تحت الموتر وشف جلدة العمود ومكانه ورا مساعد الدركسون


غير كذا واذا ماطلعت المشكلة من جلدة العمود فهذي من مساعد الدركسون او انك تفك الوردات اللي ورا الكفر شفه يجيك غطا من اربع مسامير
الفنطاس
11/12/2011, 06:25 PM
حصلت لي في الرانجلر وبعد الفحص تبين الكفرات يابسة بعد ما غيرت الكفرات راحة الرجة والحمد لله
أحمد محمد1429
12/12/2011, 12:12 AM
وين موقعك يالغالي
romhen
12/12/2011, 09:56 AM
المشكلة عندك والله اعلم من مساعد الدركسون غيره بواحد امريكي