بديت امل من البحر

[بتال السلمي]

السلام عليكم ورحمة الله وبركاته
صبحكم الله بالخير
اخواني المكشاتيين الحقيقة اني مبتدي في الصيد
لي ما يقارب السنة والحصيلة
قرن بياض وقرش صغير
طبعا معي العدة صنارات ومجارير
ودايم اروج لبحر الابلاج اكيد تعرفوه
جنوب جدة الدوار الرابع مركز صروم
وكل اسبوع وانا محضر في البحر
وبدون فايدة وبديت امل بصراحة
هل فية مكان لصيد ولا البحر كلة صيد؟؟؟؟
رحة الشعيبة
ورحت ابحر الشمالية
وبدون فايدة
كيف اشوف اخواني في المنتدى يطرحو تقارير
مجنونة صراحة والله يوفقهم ويرزقهم
لاكن كلهم من املج او الوجه
هل هناك البحر فية صيد
ياليت تفيدوني
ولكم جزيل الشكر

[@ بحار مجيرمة @]

وعليكم السلام ورحمة الله وبركاتة

اخوي بتال صبحك الله بالنور

اول شئ الرزق من عند الله

ثاني شئ يوم الله يرزقك ويوم الله يرزق غيرك

انا طالع صيد ان شاء الله بعد صلاة الفجر

قبل مركز الطفية وذا حب لك تجي معانا حياك الله

تحياتي لك,,,,,,,,,,

[اسماعيل كمال]

اخوي بتال الرزق بيد الرزاق
والبحر مليان بالخير والحمد لله
غير المكان والوقت اوقات تحصل خير مليان
واوقات ماتحصل ولا نتش من الصغار
اتمنى ان لا تيأس والصبر زين

[وليد الغربة]

رايي انت تنزل مع احمد من الاخوة العارفين بالاماكن

والتعلم من الغير وان شاء الله بالتوفيق

اخوك وليد الغربة

[م/عبدالله]

انت روح ... على اساس تغير جو .. وتستمتع براحة البال
وهذا الهدف قبل الصيد .... من اجل تكتمل المتعه الحقيقيه
اختار الاماكن .. التي تصلح للصيد ... ولاتغامر .. لان الرزق
المكتوب لك .. ماتأخذ غيره ... .. انا انصحك بمرافقة ذوي الخبره
والرفقه الصالحه .. واكثر من شكر الله والاستغفار ... وربك يفرجها
البحر يمر بمتغيرات ... مثله مثل البر ... والله يرزقك

[اهواك يابحر]

ابعد بعيد ان شاء الله صيدك يزيد والرزق من الله لكن بصراحه الصيد في جده صار ضعيف انت جرب غير المواقع والافضل انك تروح مع ناس تعرف المناطق الطيبه والله يرزقنا وياااك

[momo2011]

رايي انت تنزل مع احمد من الاخوة العارفين بالاماكن

والتعلم من الغير وان شاء الله بالتوفيق

اخوك وليد الغربة

[عجيبان]

الصيد رزق من الله سبحانه انا كنت زيك اول مابديت
جلست يمكن 6 شهور كل ما اروح البحر ماصيد شي
لاكن الحين نحمدالله الصبر زين وذكر الله زين
كثر من الاستغفار ومابتشوف الى خير

[قرقفان]

الصيد توفيق ورزق من الله قبل كل شي

عليك بالصبر واسأل اهل الخبرة الموجودين بالشاطي واستفد من خبرتهم

وغير الأماكن والتوقيت

وفآلك احلى تشكيلة سمك

[accentkool]

لوتنوع بطرق الصيد احس يكون افضل
يعني لاتقتصر على سنارة
سنارة وشوارات ومجارير
والله يرزقك اخوي

[بتال السلمي]

اشكر كل من رد علي
وبصراحة شكلي برجع وبقوة بعد ما شفت ردودكم

استكوزة البحر

تمنيت اني شفت ردك
قسم ما يجيني نوم لاكن الايام الجاية وبأذن الله خويك
وين ما تروحيا ليت اتواصل معك بالجوال او الايميل

accentkool

هلا والله
اخوي والله اني شغال على كل الانواع
شوارت العدد اربعة
افردها بعد الفجر ونزل لها كل 6 سا عات
وكلة زينة غيرت الاشوارات اكثر من 4 مرات

قرقفان
هلا والله
انا مؤمن بأن الرزق من عند الرازق
اما المكان والله مدري وين اروح

عجيبان

هلا والله
كلامك سليم 100%
وبيض الله وجهك


momo2011
هلا والله
والله نفسي بقروب على ما قالولة
مجموعة تنزل البحر وخاويهم
ربي يوفقك امين



اهواك يابحر
هلا والله
اخوي نزلت الشعيبة والابلاج وخليج سلمان
نفس الوضع
والله يرزقنا
الف شكر



م/عبدالله
هلا والله
اغير جو
والله من يوم اجلس ونا متقروش وعيوني على راس السنارة
والاذن يم المجاري



وليد الغربة
هلا والله
احمد وين ترى ما اعرفة
والله اتمنى اني اتعرف علية



اسماعيل كمال
هلا والله
اعجبني كلامك
والله عطيتني امل وحمستني





اخواني بارك الله فيكم
ونا شاكر لكم ما قدمتوة لي
والحقيقة اني اغبطكم لما اشوف صيدكم
وتقاريركم
وبأذن الله عن قريب ما تشوفون غير قوة تقارير محملة بالاسماك
يا رب ترزقنا









.

[صقر بدر]

رايي انت تنزل مع احمد من الاخوة العارفين بالاماكن

والتعلم من الغير وان شاء الله بالتوفيق

اخوك وليد الغربة

سلامات يالاخو ناسخ الرد حق وليد الغربه هههههههه

[أبوحافظ]

وعليكم السلام و رحمه الله

شوف اخوي الغالي بعطيك بعض من تجاربي في الصيد
1- التقارير اللي تشوفها صيد سنوركل اكيد يكون فيها رزق وفير من الله
2- صيد القصبات لا يقارن بصيد القوارب او السنوركل وطبعا المشكله في الاماكن اللي تروحها ونصيحتي لك تروح اماكن بكر اما عن طريق معرفه سابقه بالمكان لاحد اصحابك او تحاول تكتشف بنفسك لاني كنت اعاني نفس مشكلتك في الصيد وصرت اعتمد على الله ثم على نفسي في اكتشاف اماكن جديده وحاول تدخل البحر وتقرب من كساره
3-وقت الصيد مهم جدا ودايما الاحظ ان افضل وقت اصيد فيه وغالبيه صيدي من بعد 4 الفجر الى 7 صباحا
4- حاول انك تنوع في طرق الصيد واستخدم شوارات عدد بالقليل اربع ومن ثلاث طبقات وطريقه النصب لها دور ومع اني لسا مبتدىء الا اني ولله الحمد لقيت خير كثير وفي البدايه بتكون متعبه لكن مع الوقت راح تكون اسهل لك من صيد القصبات وبالنسبه لتغير الشوارت مع الوقت راح يطول معك الشوار وحاول تشيك كل ساعتين بالكثير حتى لا يفسد السمك
5- حاول تطلع رحله جلب قوارب وبتعرف الفرق بين صيد الشاطىء وصيد القوارب

اتمنى اني افدتك ببعض المعلومات من تجاربي والله يرزقك بالصيد اللي يطيب خاطرك

[خادم الإسلام]

بأمر الله يكون لك استضافة على بارق الخير في هل اسبوعين ... لا اريد منها الا دعوة في ظهر الغيب وستجد بأمر الله مايسرك وابشر بعزك :D:D

[دل البحار]

صيد من ألسقاله ع الكورنيش
السقاله تخليك تتعلم الصيد وبأحترافيه عاليه عليك بأختيار الاوقات بالسقاله يعني من قبل العصر بنص ساعه الين العشاء وبعدها بيتكم لو يقولون لك بدري لاتوقف الا في البيت لأنه بيجيك جفاف الله به عليم
أو تطلع قارب والأخ الكريم خادم الاسلام وجه لك دعوه توكل على الله وجرب كيف البحر
ولو عندي وقت أقابلك على السقاله لكن أنا معتزل الصيد ولي فتره سنه ماصت ولا سمكايه بفضل الله

[دليلك]

الله الله لاتمل يابو ولا شي الجلسة ع البحر لحالها تخليك ماتمل **** وبعدين ماشاء الله باضت لك في طشت اخونا ابو عبدالعزيز استضافك معاه *** يعني ازا الجو مروووق اش عشا وايش طبخ ووناسة وفلة*** وكلمة حق ماقصر ابوعبدالعزيز وهادي ماهي غريبة عليه *** ويارب يوفق الجميع

[بتال السلمي]

خادم الإسلام
الف شكر
حقيقة لي الشرف بخوتك
ونا جاهزفي اي وقت
:):):):)

[Oracle1977]

أنا أضم صوتي لصوتك...يأخي مافي سمك...ولاإيش السبب؟
ياريت المنتدى يسوي دورة لتعلم الصيد...دورة عملية

[Hawwat Yanbu]

الرزق من عند الله وحده

اتوكل على الله وهو يرزقك

وغير كذا حاول تغير نوع الصيد مثلاً

انا بدية في البحر بالصخاوي ( وربي رزقنا )
وحولت على الجلب ( ماكتب لنا رزق )
وحولت على السنوركل ( خير من الله )
وحولت على المجرور ( حوته وحده بس ) الحمد لله
واخذت هوري ( خسرة فلوس ولا جاء معاي )

جرب كذا مجال وشوف الي يمشي معاك
واتعلم من الناس ترى مو عيب ان الواحد يسائل
انا استفدة من بنقالي لقيته في البحر

وفالك الصيد الي يرد الحماس فيك


تقبل مروري