المساعد الشخصي الرقمي

مشاهدة النسخة كاملة : استفسار : هل يوجد جمس من موديل 2008 وفوق قير عادي


بدران الدوسري
09/12/2011, 10:56 AM
السلام عليكم

كيف حالكم عساكم مرتاحين


فيه جمس من الاشكال الجديده قير عادي ؟

سواء مكينه 1500 او 2500 HD

أنا سمعت انهم معد يصنعون قير عادي ابد هل هالكلام صحيح ...

بحثت في النت عن صور للقير العادي بس عجزت القى
أحمد العامر
09/12/2011, 08:22 PM
اعرف واحد كان معه 2008 قير عادي ..وباعه
سمعت انه بامريكى بس .
بدران الدوسري
10/12/2011, 02:55 AM
اعرف واحد كان معه 2008 قير عادي ..وباعه
سمعت انه بامريكى بس .

زين كوويس

يعني معناهاا انه متوفر عندنا

شاكر لك مرورك
S3llo
10/12/2011, 11:18 AM
والله اني مدري وانا اخوك حتى انا ادور مثلك
ابو شكاع
10/12/2011, 02:26 PM
القير التماتيك نعمة يالربع
وش لكم بالقير العادي
كان معي واحدوقير عادي
بس عليه كلتش ثقيل بشكل
بعته بعد ثلاث سنوات بس صارت رجلي اليمنى عادية واليسرى كأنها رجل اصحاب كمال الاجسام
مجرم الددسن
10/12/2011, 11:57 PM
السلام عليكم
اخوي الشكل الجديد من 2007-2011
مايجي قير عادي ابدا انا كنت ادور لي واحد
وجيت الجميح وجيت العيسى قالو لي الجديد ماعد يجي
غير عادي يجي بس قير تماتيك عادي ((توبتروبينك)) يعني -+
يعني كهرب
GMC79
11/12/2011, 02:05 AM
http://www.chevrolet.com.mx/content_data/LAAM/MX/es/GMMGM/showroom/chevrolet/vehiculos/silverado3500/images/interior1.jpg
عاشق ونيت
11/12/2011, 02:48 AM
الا يجي ياخي من قال لك مايجي

انا معي 2009 قير عادي مقاس 2500 سعودي لون اسود


ناس تفتي وهي ماعندها درايه بالموضوع ابد

لايغرك ياصاحب الموضوع فيه قير عادي ومتوفر بالشرقيه اغلبها من حقات ارامكو


بالتوفيق للجميع
GMC79
11/12/2011, 05:37 AM
الا يجي ياخي من قال لك مايجي

انا معي 2009 قير عادي مقاس 2500 سعودي لون اسود


ناس تفتي وهي ماعندها درايه بالموضوع ابد

لايغرك ياصاحب الموضوع فيه قير عادي ومتوفر بالشرقيه اغلبها من حقات ارامكو


بالتوفيق للجميع

ممكن صورة ؟
بدران الدوسري
11/12/2011, 07:51 PM
الله لايهينك جميع على المرور والتشريف

يكفينا بس انكم شطفتو ورديتوو :)

أخوي عاشق ونيت مشاء الله قير عادي و2500 الله يكفيه شر العين

طيب الدبل ارضي ولا الكتروني ؟

وياليت تورينا صوور لاهنت وخاصه من الداخل ....


وموترك انت مطلعه وكاله ولا من ارامكو ...؟

وكم كلفك الموتر ..؟ اقصد السعر

معليش على كثر الاسئله بس بصراحه الجمس الجديد مشاء الله توب ولا يعلى عليه
العجيب 2000
11/12/2011, 08:08 PM
انا لفيت المعرض والوكالات محصلت شي
رسلان الوايلي
11/12/2011, 08:13 PM
تلقى من جموس ارمكو لانهم يطلبونه طلبيه
الإستراتيجي
11/12/2011, 09:25 PM
القير التماتيك نعمة يالربع
وش لكم بالقير العادي
كان معي واحدوقير عادي
بس عليه كلتش ثقيل بشكل
بعته بعد ثلاث سنوات بس صارت رجلي اليمنى عادية واليسرى كأنها رجل اصحاب كمال الاجسام


هههههههههههه رجل كمال أجسام (( الله يسعدك ))

بس ترى القير العادي يطربك يوم تزره وتفك الدعس ...

لو هو ثقيل فهي مشكلة لكن الجدد أعتقد خفيفة


وكان لي نية آخذ قير عادي إلا ما يجي قير عادي وتماتيك :D يوم تدخل الرياض تخليه تماتيك ويوم تدخل البر تخليه قير عادي :p
مشلخ الذيب
13/12/2011, 07:52 PM
مايجي قير عادي من ٢٠٠٨ وفوق ابد ابد الا بترهيم ..

اخوي راعي ٢٠٠٩ بالله عطنا صورة عشان تثري كلامك !!
m.a.t
13/12/2011, 10:39 PM
من 2007 الدفعة الثانية و فووق ماااايجي ابد ابد
بدران الدوسري
14/12/2011, 08:24 PM
الي فهمته من كلامكم انه مايجي ابد

والله قهر يوم صار شكله رهيــب وعزمه أرهب ماحطوهـ قير عادي ؟ :)

كودهم ينزلونه في الموديلات الجايه

مثل مانزلوو قير عادي على الاف جي
الإستراتيجي
15/12/2011, 10:21 AM
أخواني ما يجي أبد أو ما يجي في الوكالة السعودية !!


لأنه في فرق إن كان وقف إنتاج القير العادي فهذه مصيبة ولو كان ما يجي في الوكالة فهذه أمرها سهل وهو طلبيه من أمريكا ...


على كل حال الوكلاء عندنا ما يجيبون إلي تبونه يجيبون إلي يبونه هم عشان المربح القوي بأقل الأسعار ...


فتجد كثير من الأنظمة ما جت مع السيارة وتفقد مميزات كثيرة ...
مشلخ الذيب
15/12/2011, 11:31 AM
لو هو موجود بأمريكا كان تلقاهـ تارس الصالات لأنه عليه طلب
طبعي شمالي
15/12/2011, 08:08 PM
يجي قير عادي وسبق شفت واحد معروض للبيع : )
نشمي2
17/12/2011, 08:03 PM
قبل فتره نزلو كم حبه في امريكا قير عادي ( للتجربه )
بس بدون دبل و قطع 10 6 سلندر قوته 3600
رحال ملهم
17/12/2011, 08:35 PM
آآآخــي تشـكر على هـذا الموضوع .
بـس نرجو مـن آآآصحاب الخـبرة آفادتنا عنه تماماً
هل ممكن نحصل قير عادي ولا ؟؟
AxR979
20/12/2011, 06:34 PM
وكالة ما يجي الا اوتوماتيك ..
ابوشجاع911
25/12/2011, 11:47 AM
فعلا لاحظنا انقطاع القير العايدي في الشكل الجديد من 2008 وما بعده
وبالنسبة له ميزات كثيرة جدا افضل من الاتوماتيك والاوتوماتيك مافيه الا ميزة وحده بس وهي الراحة فقط لاغير
اما العايدي فهو يعطي السيارة عزم اقوى بكثير من العايدي وهو يغني عن الدبل في كثير من الاحيان
كما انه اقل صيانة من الاتوماتيك فهو لايغير زيته ابدا الا اذا تعرض لحوادث اوفك لاي سبب من الاسباب وهذه الميزة لوحدها تكفي فما بالك بالقوة والعزم؟؟؟
badran 1
19/01/2012, 06:23 PM
السلام عليكم

يا اخوان اللي عنده سييرا للبيع من ٢٠٠٨ الى ٢٠١٢ قيرعادي ودبل مكينه ٨ سلندر اي حجم او يعرف معرض موجود عنده او شخص لا يبخل علينا

والمعذره اذا الموضوع قديم

الله يجزاكم خير جميعا
بدران الدوسري
01/02/2012, 12:12 AM
^^


نبي رقم معرض يجيبه بس ..

والباقي يتسهل
AJJ
13/02/2012, 11:27 AM
مايجي قير عادي مستحيييييل

وانت اللي تقول معك قير عادي حط الصورة الله لا يهينك عشان نصدقك
FORD1969
13/02/2012, 12:24 PM
فيه قير عايدي عصا

ونزل في قطر على مكينة 6 سلندر سلفرادو
وسمعت عن ارامكو عندها طلبيه خاصة
FORD1969
13/02/2012, 12:46 PM
مقطع من اليوتيوب

http://www.youtube.com/watch?v=5NnRM67xKxM&feature=player_embedded


وهذا واحد ثاني

http://www.youtube.com/watch?v=HIs7Nmm8YwE&feature=related
AJJ
14/02/2012, 10:51 AM
هذا 6 سلندر الله يجزاك خير

حنا نتكلم عن 8 سلندر
هيثم صفرلي
14/02/2012, 07:54 PM
فيه احد الاخوان جابه من معرض الذوادي اعتقد اسمه كذا في قطر
طبعا طلبيه والقيمه غالي اعتقد 165000 تقريبا طبعا غماره لون بيج
بدران الدوسري
25/02/2012, 01:43 AM
الله يبيض وجيهكم على التفاعل


طبعا طلبيه والقيمه غالي اعتقد 165000 تقريبا طبعا غماره لون بيج

في هالحاله بنحلل غلا الشاص ...

اتوقع لو ينزل بهالسعر .. بيصدي في مستودعاتهم
مشلخ الذيب
26/02/2012, 08:34 AM
الجمس الجديد مايجي قير عادي 8 سلندر حتى في موقع الشركة نفسها مافيه اي كلمه تدل على القير العادي

يمكن يجي جمس قير عادي مرهم القير
هيثم صفرلي
26/02/2012, 05:51 PM
مشلخ كانوا يقولون اللون البيج ما ينزل ونزولوه القطريين عام 2010
والان 2012 ادخل للعيسى وقلهم زياد العيسى كم جاب سياره قطع عشره زد سفنتي ون لونها بيج طبعا سييرا
راح يقولون 3 حبات فقط وانباعات على 125000
انا الي اقوله ان موقع الشركة مو شرط اساسي للحكم بدليل لما تدخل خانة الطلبيات في الموقع او ما يعرف بلت يور اون اعتقد كذا , راح تلاقي ان 2500 لما تطلبه غمارتين ما راح تقدر تطلبه صندوق صغير زي صندوق قطع عشره راح تلقاه 6.6 وطالع الي اطول منه , والتوكيلات العالمية توفر 2500 غمارتين صندوق صغير

انا اقول القير العادي يجي بطلب كيف الله اعلم والمعرض في قطر الي يجيبه واعتقد انه كستم ميد وسلامتكم
باترول 1987
26/02/2012, 07:51 PM
يجي من موديل من اول جمس طلع الى 2013
بدران الدوسري
02/04/2012, 10:55 PM
الشكل الجديد مامثله ابد

حلو ووذيف وزود عن هاذا أن مكينته قويه بـ 6 تغييرات

لو ينزل مكينة 454 بقير عآدي كآن يكسر الدنيا
ابوعبدالله530
06/04/2012, 03:41 PM
السلام عليكم

يجى طلبيه بس بكميات مو سياره او سيارتين

والدليل على كلامى هالاقتباس

إذا كنت تبحث عن نوع معين من السيارات لكي تضيفها إلى أسطول سياراتك، فلدينا طلبك.

تتعاون جنرال موتورز مع وكيليها المعتمدين في المنطقة لتقدم حلولاً متكاملة ومخصصة لعملاء الأساطيل. وبإمكان أولئك الوكلاء التعامل مع أي من احتياجات عملاء الأساطيل، سواء أكانت في التمويل أم في خدمات ما بعد البيع أم في توفير السيارات العادية والشاحنات والبيك أب شديدة التحمل. تتوفر لدينا سيارات تتناسب مع جميع احتياجات عملاء الأساطيل. وعلاوة على ذلك، يمكن تحويل العديد من سياراتنا إلى سيارات إسعاف أو سيارات مصممة للاحتياجات الخاصة الضرورية لغايات عملائنا المتنوعة. هذه السيارات معروفة بأنها الأفضل في فئاتها.
لمزيد من المعلومات أو لطلب المساعدة، يرجى الاتصال بأقرب وكيل شڤروليه أو جي ام سي لديك والاستفسار منه عن الخدمات والمنتجات المتوفرة. 600552255

وهذا الرابط
http://www.gmarabia.com/content_data/LAAM/ME/ar/GBPME/999/fleet_solutions.html