المساعد الشخصي الرقمي

مشاهدة النسخة كاملة : دبل الباث فندر


هملول السحاب
09/12/2011, 11:34 PM
السلام عليكم

أخواني المكشاتية اسعد الله مساءكم او صباحكم بكل خير..

بداية المشكله كنت في النفود قبل يومين ومنسم الكفرات وجيت ابرقا طعس وعشقت الدبل وانا ماشي على سرعة 40 بس قام يقر او صوت طقطقة خفيفة وقفت على طول وشبكت الدبل وطلعت الطعس والوضع عادي .

واليوم رحت للنفود وعشقت الدبل وانا واقف وعشق الوضع عادية وولعت لمبت البدل عندي بالطبلون لكن الكفرات مايدورن. مع العلم اني مركب فرارات امريكية الصيف الماضي.

وفتحت الفرارات يعني خليتها على وضع 4x4 بس وانا ماشي على الازفلت احس ان العمود مفصول.

وش المشكله تتوقعون تكفون.
المنيعي1
09/12/2011, 11:48 PM
المشكلة بالفرارات وليس بالدبل
الفرار الأمريكي ماأعرف عنه شي ولكن البرازيلي كل سنة لابد من تشحيمة فأنت فكه وشوف يمكن يكون مخلص الشحم ويدقر معك.
بس لاتزيد الشحم شحمه تشحيم متوسط لاتزيده ولاتنقصه
عبقري91
10/12/2011, 03:54 AM
لو من الفرار بتسمع قرقر وانت مشغل الدبل لوكانن على الفاضي وانت مشغل الدبل--يمكن مالقم زين معك الدبل
حاول ترجع ريوس وقدم يمكن يمشي معك
هملول السحاب
10/12/2011, 11:58 AM
بارك الله فيكم إخواني المنيعي 1 وعبقري 91.

اشبك الدبل بدون اي اصوات حاليا بس اسمع صوت الدبل وهو يشبك بالقير تقريبا

بحاول طريقة الريوس وبشوف لعل وعسى
sgl2002
10/12/2011, 07:29 PM
انزل تحت الموتر وفر عمود الدبل بيدك اذا لف معك معناه العمود مفصول واذا دقر مايلف معناه العمود ماهو مفصول
المرتهي
10/12/2011, 07:34 PM
حيا الله الجميع

موضوعك اخوي كم مره تصير علي
يطول ويشبك الدبل

ولا ادري وش مشكلتة
طبعا تصير اوقات و اوقات يشبك على طول

هالفرارات بجميع أنواعها والله مارتحت لها

قامت تطقطق عندي وكل شوي انزل وشبكها ووقف وافصلها

يازين الوكاله وانا اخوك
بواسامه
10/12/2011, 08:05 PM
الدبل زين
فك الفرار لانه سسته منقطمه وصارت ماتفصل ولا تشبك

يعني باح
هملول السحاب
12/12/2011, 10:07 AM
ابشركم ياخوان انحلت المشكله وطلعت من احدى الفرارات من الجهة اليسرى.

وشاكر ومقدر تفاعلكم بارك الله فيكم الجميع.
المرتهي
12/12/2011, 06:08 PM
ابشركم ياخوان انحلت المشكله وطلعت من احدى الفرارات من الجهة اليسرى.

وشاكر ومقدر تفاعلكم بارك الله فيكم الجميع.


الحمدالله

ماتشوف شر

بعد عندي الجهة اليسار هي البلاء منهاء
هملول السحاب
13/12/2011, 09:31 AM
الحمدالله

ماتشوف شر

بعد عندي الجهة اليسار هي البلاء منهاء


بارك الله فيك يالمرتهي وشاكر ومقدر مرورك الكريم

وعسى الله يكفينا ويكفيك شر الأعطال وشر السيارات.