عزبة صغيرة وذفه خفيفة للشاهي والقهوة .... من تجميعي !!!

[برد الليل]

السلام عليكم ورحمة الله وبركاته
حي الله الإخوان المكاشيت ... اليوم ابعرض لكم عزبتي الخفيفة الخاصة بالقهوة والشاهي
طبعا كنت اذا بغيت اطلع ... جمعت اغراضي بأقرب كيس وطلعت .... فحبيت اني اكون مرتب وقمت واشتريت شنطة للعزبة وكملتها ببعض الاغراض الناقصة



الآن مع الشنطة وهي من محل برق الحيا وحطيت جنبها شبك شوي صغير للمقارنة
http://www.mekshat.com/pix/upload05/images234/mk197155_1.jpg


صورة علوية للشنطة
http://www.mekshat.com/pix/upload05/images234/mk197155_2.jpg


الآن نفتح الشنطة ونلاحظ ان كل جهه منها مسكرة
http://www.mekshat.com/pix/upload05/images234/mk197155_3.jpg


والآن نفتحها بشكل كامل
http://www.mekshat.com/pix/upload05/images234/mk197155_4.jpg


الآن نرى كامل العزبة بأغراضها
http://www.mekshat.com/pix/upload05/images234/mk197155_5.jpg


وهذي الأغراض الموجودة داخل العزبة
http://www.mekshat.com/pix/upload05/images234/mk197155_6.jpg


هذي عين كوفيا ( العقرب ) وغاز
http://www.mekshat.com/pix/upload05/images234/mk197155_7.jpg


وهذي دلة العساف وملقمه على شكل ابريق و ابريق شاهي ابوتاج الهندي الاصلي واكياس للسكر والشاهي والقهوة وعلب للتمر
http://www.mekshat.com/pix/upload05/images234/mk197155_8.jpg


وهذا كشاف فينيكس موديل TK35 وثلاثة لمبات راس ولمبة اطلقت عليها اسم ( الشبث ) او ( العنكبوت ) واللي هي ام رجلين من صناعة شركة joby وتم شرائها من أمريكا عن طريق موقع امازون تقريبا ب19 دولار بعد التخفيض
http://www.mekshat.com/pix/upload05/images234/mk197155_9.jpg


وهذي صورة للمبة العنكبوت ويلاحظ ان نهاية رجلينها مكونه من المغناطيس بحيث تمسك في اي مكان تبغاه
http://www.mekshat.com/pix/upload05/images234/mk197155_10.jpg


صورة من جهه أخرى
http://www.mekshat.com/pix/upload05/images234/mk197155_11.jpg


وهذي صورة بعد للمبة أثناء الطبخ
http://www.mekshat.com/pix/upload05/images234/mk197155_12.jpg


وهذي رابط اللمبة في موقع امازون
http://www.amazon.com/gp/product/B002IT5DIU/ref=oh_o00_s00_i00_details


وهذا موقع شركة joby
http://joby.com/


الآن عدة الشوي الخفيفة الرائعة


هذا شبك الشواية والمنقل
http://www.mekshat.com/pix/upload05/images234/mk197155_13.jpg


والآن نشوف المنقل اللي اعجبني بس للأمانة مابعد جربته
http://www.mekshat.com/pix/upload05/images234/mk197155_14.jpg


بداية فتح المنقل
http://www.mekshat.com/pix/upload05/images234/mk197155_15.jpg


إكتمال المنقل ... ونلاحظ انه ينحط على الجمر مباشرة ونبدأ شوي
http://www.mekshat.com/pix/upload05/images234/mk197155_16.jpg


أتمنى ان التقرير حاز على رضاكم وأي اسئلة او استفسارات او انتقادات انا جاهز واسف على القصور
والحين اخليكم مع صور الصقيع في الدهناء صباحية الخميس اللي راح 13/1/1433هـ


http://www.mekshat.com/pix/upload05/images234/mk197155_17.jpg
http://www.mekshat.com/pix/upload05/images234/mk197155_18.jpg
http://www.mekshat.com/pix/upload05/images234/mk197155_19.jpg

[أبونويجم]

ما شاء الله عليك

عزبة كاملة ومكملة

بس عندي سؤال

اللمبة اللي شاريها من amazon

كيف طريقة شحنها وهل استطيع شحنها ولا استخدامها مرة وحده

[مليون ون]

ماشاء الله تبارك الله

شغل ممتاز لا يعلى عليه

والعزبة صغيرة وبمضمونها

كبييييييييرة

[shaheenoo]

رائع
فكرة الطبقتين ممتازة

[المسعودى 900]

ماشاء الله

جعلها معينه لك على الطاعه

[ذئب الدهناء]

ماشاء الله مشكور وفالك الرحلات المميزه

[FORD1969]

شغل ترتيب

بسألك عن اللمبه الطويله العرضيه كم واط ومن وين خذتها

وش هالبرد الله يجيرنا منه

[محمد ابن ناصر]

ماشاء الله فكرتها حلوها وان شاء الله سعرها مناسب ,,, والمنقل معها والا لحاله ,, المحل بالرياض ؟؟؟

[الواصل44]

مشالله الفكره مررررره حلوه اشكرك

[برد الليل]

اشكر الجميع على المرور والله يجزاكم خير يارب
والله يجمعنا واياكم بالجنة

[برد الليل]

ما شاء الله عليك

عزبة كاملة ومكملة

بس عندي سؤال

اللمبة اللي شاريها من amazon

كيف طريقة شحنها وهل استطيع شحنها ولا استخدامها مرة وحده
شكرا لك اخوي ابونويجم
بالنسبة للمبة تركب فيها 3 بطاريات الحجم العادي ... اللي هي اكبر من بطاريات ريموت الرسيفر
وفيها ديمر بحيث انك تتحكم في شدة الإضاءة ... وتشتغل 20 ساعة في الحد الأعلى و80 ساعة في الحد الأدنى

اذا حبيت اصور لك المعلومات اللي على كرتونها انا جااااهز وتحت امرك








ماشاء الله تبارك الله







شغل ممتاز لا يعلى عليه


والعزبة صغيرة وبمضمونها



كبييييييييرة

تسلم ياغالي على مرورك



رائع
فكرة الطبقتين ممتازة
فعلا رائعة لكن يعيبها لو بتاخذ دلة كبيرة او ابريق كبير ما راح يدخل في العزبة ... لكن هي تصلح للطلعات الخفافية


ماشاء الله

جعلها معينه لك على الطاعه
جزاك الله خير ... وجمعنا واياك بالجنه

ماشاء الله مشكور وفالك الرحلات المميزه
تسلم يالغالي وفالك الطيب

شغل ترتيب

بسألك عن اللمبه الطويله العرضيه كم واط ومن وين خذتها

وش هالبرد الله يجيرنا منه
زينة البر بالبرد .... بس لازم الوحد يتجهز بالملابس

انا ما ادري اي لمبة تقصد اذا كنت تقصد اللمبة ام رجلين فهي
من متجر امازون الأمريكي ورابطها موجود فوق
وقوة الإضاءة فيها 65lumen
وللعلم هي صغيرة نوعا ما لكن شكلها بالصور تطلع كبيرة
وإذا كنت تقصد غيرها ياليت توضح وابشر

ماشاء الله فكرتها حلوها وان شاء الله سعرها مناسب ,,, والمنقل معها والا لحاله ,, المحل بالرياض ؟؟؟
شكرا لمرورك واسعدتني مشاركتك
بالنسبة للسعر ما اقدر اعطيك اياه بالضبط لاني اشتريت اشياء جديدة واشياء كانت عندي من اول .... فما ادري كم تكلفتها بالضبط لاني انا اللي جمعتها ومافيه جاهزة عندهم
وبالنسبة للشنطة نفسها ( العزبة ) فهي رخيصة اذا ماخانتني الذاكرة ب48 ريال ( فاضية طبعا )
اما المنقل فهو لحالة واخذته من السنيدي ب35 ريال

اغلب اغراضي من برق الحيا في الرياض مخرج 15 ... والباقي من عند السنيدي عند مخرج 13 والمركز الرئيسي في القصيم بريدة اما الدلة والأبريق فما اظن انك تقدر تحصلها لانها نادرة تقريبا .... دلة العساف وابريق ابوتاج الهندي جايبها لي واحد قبل خمس سنين من الحساء

مشالله الفكره مررررره حلوه اشكرك
وانا اشكرك على مرورك اخوي العزيز

[أبو هشام راشد]

ممتازة بارك الله فيك

[الصيهد.......]

ماشاء الله تبارك الله

[ضابط الايقاع]

ماشاء الله..تبارك الرحمن......
عزبه مميزه....وشرح وافي....
وبالنسبة لصورة توقيعك حبيت..
اعرف تاريخها اذا امكن.وشكرا.

[ابورايف]

وعليكم السلام ورحمه الله وبركاتة
عزبة رائعة جداً
تسلم يمينك
تقبل مروري وردي

[طلااالي]

كل اللي مقتنيها ممتازه جدا وخصوصا الشوايه .. من وين احصل عليها ؟

[المغيسلية]

الله يعطيك العافيه
اما اللمبه لحاله شي لكن هل تكفي لاناره الجلسه
والتوقيع وين هوبه ذا

[أبوعابد 22]

الله يرزقك من واسع فضله

[برد الليل]

ممتازة بارك الله فيك
والله يبارك فيك وشكرا على مرورك



ماشاء الله تبارك الله

جزاك الله خير وشكرا لك

ماشاء الله..تبارك الرحمن......
عزبه مميزه....وشرح وافي....
وبالنسبة لصورة توقيعك حبيت..
اعرف تاريخها اذا امكن.وشكرا.
اشكرك والمهم هو ان نستفيد من بعض
وبالنسبة للصورة فأنا اخذتها عن طريق البحث في قوقل الصور بعنوان رحلة مدرسية قديمة لكن ما قدرت احصل تاريخها علما اني شفته بأحد المواقع من قبل بس ما قدرت احصله الحين



وعليكم السلام ورحمه الله وبركاتة

عزبة رائعة جداً
تسلم يمينك

تقبل مروري وردي

ومن قال سالم وتشرفت بمرورك يالغالي

كل اللي مقتنيها ممتازه جدا وخصوصا الشوايه .. من وين احصل عليها ؟
اذا كان قصدك المنقل فهو من السنيدي ب35ريال مع الجراب ... اما شبك الشوي فهو الشبك العادي لكن اشتريت له جراب من عند السنيدي ومعه مكان لأصياخ الشوي ومخباة مع سحاب
شكرا لمرورك واتمنى اني افدتك

الله يعطيك العافيه
اما اللمبه لحاله شي لكن هل تكفي لاناره الجلسه
والتوقيع وين هوبه ذا
الله يعافيك وتسلم على مرورك
اللمبة عيبها ان نورها متركز بالوسط وحوالي التركيز دائرة خفيفة الإضاءة وما أرى انها تصلح للجلسه لكن هي تصلح للطبخ او تشغيلها وقت الحاجه في الجلسة على مكان معين
لو كان هناك تحكم في انتشار الضوء كانت صارت 100%
اما التوقيع فهي رحلة مدرسية قديمة حصلتها في قوقل الصور

الله يرزقك من واسع فضله
وأياك يارب العالمين ودمت بحفظ الله

[سيزرSizar]

صراحة عزبة خفافية حلوة
والأحلى التوقيع اياااااااااااااااااااام يالله
اسمح لي احتفظ بصورة من التوقيع

[يوسف الزعيم20]

ما شاء الله عليك

عزبة كاملة ومكملة

[عاشق السيل]

ماشاء الله تبارك الرحمن ،، رائعة بكل ماتعنيه الكلمة جعلها ألف مبروك عليك ،،

ولو حطيت الكشافات بالسيارة آمن لها من حوسة المعاميل !!

أما منقل الشوي قررت أشتري مثله بس وين ألقاه وبكم سعره يالغالي ؟؟؟

[برد الليل]

صراحة عزبة خفافية حلوة

والأحلى التوقيع اياااااااااااااااااااام يالله

اسمح لي احتفظ بصورة من التوقيع

وانت الأحلى بمرورك العطر
وما عندي الا حلالك طال عمرك

ما شاء الله عليك

عزبة كاملة ومكملة
اشكرك على مرورك وتعليقك

ماشاء الله تبارك الرحمن ،، رائعة بكل ماتعنيه الكلمة جعلها ألف مبروك عليك ،،

ولو حطيت الكشافات بالسيارة آمن لها من حوسة المعاميل !!

أما منقل الشوي قررت أشتري مثله بس وين ألقاه وبكم سعره يالغالي ؟؟؟
وانت الرائع بتعليقك ومرورك
بالنسبة للكشافات انت صادق ... لكن اللي عليها العلم كشاف فينيكس وهذا ما احطه دايم في الشنطة والثاني اللمبة الطويله وبفصل لها جراب خاص

اما منقل الشوي بصراحة انا اعجبني لكن للعلم ترى انا ما جربته ... لكن من طريقته شفت انه عملي جدا ومريح .... هذا سلمك الله اخذته من السنيدي ب35ريال مع جرابه

[ديفون]

هل هي للبيع يالحبيب

[منتعش]

عافاك الله أخوي المحب : برد الليل
والله يعطيك خير العزبة ويكفيك شرها
وعلى البركة وشكلها وذفه وتأخذ أغراض
حفظك الله وبارك في جهودك
وبإنتظار جديدك وإبدعاتك .

[-الساري-]

ماشاء الله تبارك الرحمن ،، رائعة بكل ماتعنيه الكلمة جعلها ألف مبروك عليك ،،
......

[PATHFINDER 4]

ماشاء الله تبارك الله
كااااايفة جدا واعجبتني الله يبارك لك بحلالك

سؤالي يالغالي ذكره احد الاخوان
وهو اللمبة الطويلة اللي على الموتر اللي جايه على شكل ---------- من اول الموتر لاخره
ماشاء الله اعجبتني هل هي مناسبة للجلسة وتنير المكان ؟؟
ليت تعطيني معلومات عنها وسعرها ومكان بيعها وتركيبها
لاهنت يالذيب

[نجد الحبيبه]

ماشاء الله
مبروك

[ابو عقارب]

ماشاء الله
مشكووور اخوي على التقرير ..