المساعد الشخصي الرقمي

مشاهدة النسخة كاملة : صرفية البنزين


AL-H-A-R-B-I
11/12/2011, 12:15 PM
مساء الخير جميعا..
انا عندي مشكلة في صرفية البنزين
صرفه مو طبيعي وسبق أني قرأت
موضوع عن صرفية البنزين ومكتوب
فلل الموتر وأذا مشى 100 كيلو فلله مره
ثانيه وأذا 10 ريال موترك طبيعي وجربتها
عبيته فل ومشى 100 كيلو وكان عداد البنزين
النص وفللت وطلع 27 ريال (داخل المدينه)
السيارة سفاري 95 كبريتر وصافي الا الصبح
اول ما أشغل يتفتف ويدخن أسود وأذا أخذ
دقيقتين يصفي كل اليوم.
اللي عنده حل أو أخبره يفيدنا وأكون له من الشاكرين........
العسلي2011
11/12/2011, 12:38 PM
الله يسهل امرك ان شاء الله
انا عندي نفس المشكله وقالي الميكانيكي عندك الديلكو فيه تفويت كهرباء
وفيه فضاوه لازم يتغير
وان شاء الله يفيدونا اهل الخبرة مايقصرون
أبو هشام راشد
11/12/2011, 01:05 PM
صرفية معقولة داخل المدينة

وعلى الخط إذا كانت السيارة جديدة وقيادة هادئة فتكون التعبئة فل بعد قطع مسافة 100 كيلو هي من 15 ريال إلى 20 ريال لوقود 95
AL-H-A-R-B-I
11/12/2011, 04:55 PM
بيض الله وجيهكم
المشاهدات 63 والردود أثنين
وين الناس
sgl2002
11/12/2011, 05:10 PM
انا عندي باترول كلبريتر اعبي ١٠ يمشي ١٢٠ كيلو

وانا اتوقع مشكلتك من الابر اللي في الكلبريتر الخاصة ب صرف البنزين
عبقري91
11/12/2011, 06:04 PM
تاكد من فلتر الهوا لازم يكون نضيف مره-----
AL-H-A-R-B-I
11/12/2011, 09:01 PM
الفلتر جديد أصلي
محب الشافعي
12/12/2011, 06:23 PM
اخي الحبيب : افحص البواجي فاذا وجدتها سوداء فالعلة كالاتي : 1- ارتفاع مستوى العوامة داخل الكربريتر . 2- مسمار الهواء وهو مسمار معايرة البنزين غير منضبط , 3-ردائة فلتر الهواء فاذا يمنع او يقلل دخول الهواء فان المحرك سيسحب كمية اكبر من البنزين مما يؤدي الى صرف زائد بالبنزين . 4- تاكد من وزن البلوف ووزن الديلكو فهذا يؤدي الى ضعف في العزم . 5- تهوير في الجتات < ابر البنزين > . 6- استعصاء وعدم انفتاح البوابة العلوية للكربريتر .
AL-H-A-R-B-I
12/12/2011, 06:53 PM
فيه سواد براس البوجي واما البلوف فيه
طقطقه بسيطة بس المكينه ماترج صافية
والفلتر مغيرة
وارتفاع مستوى العوامه قصدك (يشرق يجيه زيادة بنزين )
والابر كيف اعرف خربانه او ماهي زينه
ومسمار معايرة البنزين ما فهمته
محب الشافعي
13/12/2011, 04:18 PM
اخي الحبيب : اعتذر لتاخري في الرد . بالنسبة لارتفاع مستوى العوامة اي < يشرق > هناك عدة اسباب وهي وجود ثقب في العوامة , ابرة العوامة تلفانة < لا تقفل باحكام > اما بالنسبة الى مسمار معايرة البنزين فيوجد مسمارين ولكن لا استطيع ان احدد لك مكانهما الا عن طريق صورة مرفقة بالموضوع , ولكي نحل هذا الاشكال انتقل الى الصفحة 4 ستجد موضوع جدا مهم للاخ المهندس اصيل حجازي يشرح لك الموضوع بواسطة الروابط والصور , واسف لتقصيري .
AL-H-A-R-B-I
14/12/2011, 09:24 PM
مشكور وما قصرت ويعطيك الف عافية
بن مانع التميمي
15/12/2011, 12:50 AM
الكبريتر حضوض سبحان الله

من يومها وهي كذا معك ولا ؟؟


يعني مااصارت لك المشكله فجاه !
بن جابي
15/12/2011, 03:11 AM
اخوي عندي لك حل وجربته اذكر بموتري 1- غير البواجي 2- غير صفاي البانزين 3- نظف تانكي البانزين وان حصل غير الطرمبه اذا رخيصه

و خذ قاعده الموتر اذا مشى فوق ال 120 يتفتح مصابات البانزين و يبداء يشفط لذالك لا تحاول انك تسرع
الشعيبي 427
17/12/2011, 01:15 PM
أنا عندي بترول 93 وكل المشاكل هذي مرت علي
إذا تبي الراحة غير البواجي والأبلتين والبوبينة والصفاية وفلتر الهوا
القطع تكلفك 190 ريال تقريبا
وشيك على أسلاك البواجي (لانها غالية ب 150 تقريبا )
(أهم شي وزن الابلتين لو ما وزنته ما تستفيد شي)
الدخان الأسود في الصباح شيئين (1-أفتح مسمار الهوا اللي في الكربريتر ونقص مفتاح البنزين طبعا بنفسك وجرب الوزن حتى يضبط معك)
(2- في قطعة في الكربريتر الناس يسمونها شفاط ؟ المهم أربطها بسلك نحيف و أن شاء الله ما راح تشتكي من الدخان الأسود)
وإذا بغيت أصور لك السلك اللي لفيته على "الشفاط" أبشر لكني ماأعرف كيف أنزل الصور في المنتدى
بالنسبة لي التانك فل أحمر ب50 ريال تقريبا يمشيني 460كم