قصيده إهداء للصقاقير_!!!

[حـاتـم]

السلام عليكم

أخواني الاعضاء هاذه قصيده

أعجبتني ورأيي من رأي الشاعر

والمعذره لايزعلون الصقاقير

وحبيت تقرونها

يقول/


سعيد بن عجلان مسيك بالخير *** الشاعر الي تشتغل بالاذاعه

ياللي تقول ان الخليفه صقاقير *** وأنهم يحبون القنص كل ساعه

معك حق وحبهم حب تبرير *** ومقناص خلق الله معهم طماعه

اليامتلى جو الملا بالسياير *** شفت البراعه في فنون البراعه

وشفت الحباري دارجات ومخامير *** وخطو اشقر ياسعيد راعي قطاعه

في كف منهو مايحس بالمخاسير *** ادناة واحد من زحول الجماعه

لكن انا ياسعيد ياصاحبي غير *** عندي من المقناص وأهله مناعه

مانيب احب اغبش مع الفجر وأغير *** على طيور ماعليها شجاعه

طير يطير ويطرده فالسماء طير *** وانا ماعندي للطيار استطاعه

وإزعاج وإحراج وهموم ومشاوير *** قصه شقا ماهيب قصه ولاعه

وفوق التعب وإسراف حمر الدنانير *** الطير لامن طار ماقل ضياعه

هاذي حياه أهل القنص صبح واعصير *** وفلان سام الطير وفلان باعه

وانا مريح بال ومعين خير *** وأهل القلاعه خلهم للقلاعه

والمعذره لايزعلون الصقاقير *** لاشك ذا رأيي وعندي قناعه

وهاذا قصيدي يابو عجلان في الطير *** ياصاحب ارض وصوت عبر الاذاعه


واتمنى انها تعجبكم

وشكرا

اخوكم / حاتم

[الحضري]

صح لسان الشاعر وسلمت يد الناقل ..


أكيد هذا هو رأي يخص الشاعر وهو مقتنع فيه جدا ولولا قناعته ما شفت القصيده هذي :)



والقنص سواء بالطير أو بالبندق أو بكلاب الصيد لها متعه

عند محبيها ..




كل التقدير لك يا حاتم