سالفة:ضبع الحديقه..قوافي

[قوافي ( أم نهار )]

السلام عليكم ورحمة الله وبركاته
صباح الخير للمصبحين
ومساء الخير للممسين
من سنين تقارب الــ25 عام كنا بأحدى الحدائق اللي يباع فيها اعزكم الله حيوانات وطيور وأسماك زينه وبعض العاب الاطفال وكل شيئ عن الحدائق والزراعه ونباتات ظل وأشياء ثانيه نسيتها..
والحديقه ممراتها ضيقه ياله تكفي مرور العائله صافين طابور زي المدارس عشان تترك مساحه لمرور غيرك..
وفيه عائله ما شاء الله الله لايضرهم الوالد والوالده وابنائهم الخمسه وماسكين الممر لهم ويمشون شوي شوي وياقفون حول الربع ساعه عند كل قفص سادين الشاشه ما تشوف ولا شي لين ماشاء الله ولا قوة إلابالله يروحون لغيره ..
والعيال الله يصلحهم اشقياء إلى حد لا يطاق مابين صراخ يخلي الحيوانات تضيع هويتها ماتدري هي بس ولا ارنب من الروعه وركض وركيض ذكرون بالكر والفر بالحروب..
ويجي واحد معه عائلته قال لأبو البزران لو سمحت يالحبيب ممكن توخرون شوي نشوف وكانو عند الارانب وما ادري وشلون ما درينا ألا متزانطين :
وشي وش تقول مسوي عصبي ليه قاعد بحلالك ومن هذا الكلام وفكوهم بعض الرجاجيل وكلن راح بحال سبيله ..
وبتلو على هالحال كلن يتأفف منهم ويايرجع من ممر ثاني او يتصابخ مع اللي مقابله وصادفت زحمه مدري وشوله ذاك اليوم.
من ضمن الحيوانات اللي بالعرض وللبيع ضبع هرش
وبس يجول ويدور بها القفص وده ينقش سنونه بأحد الحضور وصفو ذولا عنده مثل غيره وبدو العيال صراخ وتخبيط على الشبك والضبع ثار زياده..
وبطقه من طقات بزرانهم المطافيق نقز الضبع بقوه وخبط بالشبك وصراخ جلجل الحديقه من العيال وامهم وركض وابوهم وراهم ::
الضبع طلع .الضبع طلع.
واللي ما شاف ركض بعد هو ولا شبهتهم إلابعدنان و لينا من السرعه ذاللي ذبحو الجميع بتمططهم والظاهر جتهم والله اعلم دعوه مستجابه..
الضبع لا طلع ولا شي وكملنا يومنا بكل وناسه ومن ذاك اليوم والضبع عندي شي عظيم ودي احيانن اخذه ملاهي أو عرس يوسع صدره..
تحياتي

..قوافي..

[محمد الظاهري]

حياك الله
بارك الله فيك على هاذا السرد الممتع
اشكرك جزيل الشكر على هاذا التواصل
تحياتي وودي

[النبهاني]

وعليكم السلام ورحمة الله وبركاته
الله يصبحك ويمسيك بالخير اختي
عافيه ياقوافي على هالاسلوب
ودك ان قفص الضبع باول الحديقه على شان الناس مفتكين بدري
او انه طلع ونقش سنونه بحديهم على قولك استغفر الله
مشكوره اختي ودمتي بخير

[أبوسليمان السهر]

هههههه هياط على الفاضي
وبعدها بانت العلوم رررجال قالوا رررجال
جزاك الله خير على النقل

[badr_1]

http://www.mekshat.com/pix/upload05/images234/mk143479_20110622009.jpg
تسلمي علي الطرح الجميل (قوافي) وهذي صوره للضبع من صيدي حتي في اكل لحمه وناسه

[قوافي ( أم نهار )]

حياك الله



بارك الله فيك على هاذا السرد الممتع
اشكرك جزيل الشكر على هاذا التواصل


تحياتي وودي



حياك الله مشرفنا
بارك الله بالجميع ويجزاك خير
العفو وانا من يشكرك لحضورك الكريم
تحياتي
..قوافي..

[قوافي ( أم نهار )]

وعليكم السلام ورحمة الله وبركاته

الله يصبحك ويمسيك بالخير اختي
عافيه ياقوافي على هالاسلوب
ودك ان قفص الضبع باول الحديقه على شان الناس مفتكين بدري
او انه طلع ونقش سنونه بحديهم على قولك استغفر الله

مشكوره اختي ودمتي بخير



حياك الله
الله يعافيك ويخليك
والله ودي اقول ولا ودي ..الله يسامحهم ويعفو عنهم.
على العموم ضروري بالاماكن العامه مرعاة الناس اللي موجودين لان الحديقه للجميع والله يهدي.
اسعدتني بمرورك الكريم وحياك ربي
تحياتي
..قوافي..

[قوافي ( أم نهار )]

هههههه هياط على الفاضي

وبعدها بانت العلوم رررجال قالوا رررجال

جزاك الله خير على النقل



حياك الله
الله يرحم الحال عطى نفسه اكبر من حجمه وجابه الله.. الله يهدي الجميع والاماكن العامه للجميع واللي صار اعطى فكره سيئه حتى لعياله عن طبيعة التعامل مع الناس بالاماكن العامه عفا الله عنهم..
مشكور لمرورك وحضورك
تحياتي
..قوافي..

[قوافي ( أم نهار )]

http://www.mekshat.com/pix/upload05/images234/mk143479_20110622009.jpg
تسلمي علي الطرح الجميل (قوافي) وهذي صوره للضبع من صيدي حتي في اكل لحمه وناسه


حياك الله
سلمت من الشر
اشكرك لحضورك الجميل والصوره المعبره عن هزيمة العضماء..
الضبع يوكل؟؟ انا اعرف ان الرسول صلى الله عليه وسلم اكل من رجله اليمين وكانو بحالة جوع شديد وما قدامهم غيره..
اشكرك لمرورك وحضورك الجميل
تحياتي
..قوافي..

[ابو صفوق]

عليكم السلام ورحمة الله وبركاته
صبحك ومساك الله بالخير
اجل مسوي عصبي هههههههه
يا حليل الضبع حليلاه ما تحمل يمكن لو مسوين له تحليل دم بيلاقون عنده سكر عقب هاالازعاج
اضحك الله سنك
الله يسعدك دنيا وآخره
ابو صفوق الثنيان

[أبوسليمان السهر]

حياك الله

سلمت من الشر
اشكرك لحضورك الجميل والصوره المعبره عن هزيمة العضماء..
الضبع يوكل انا اعرف ان الرسول صلى الله عليه وسلم اكل من رجله اليمين وكانو بحالة جوع شديد وما قدامهم غيره..
اشكرك لمرورك وحضورك الجميل
تحياتي

..قوافي..




أختي الفاضلة أكل الضبع جائز ولاحرج فيه والدليل:
أن جابر بن عبدالله قال :

( جعل رسول الله صلى الله عليه وسلم في الضبع يصيبه المحرم كبشا نجديا ، وجعله من الصيد) رواه البخاري

[قوافي ( أم نهار )]

أختي الفاضلة أكل الضبع جائز ولاحرج فيه والدليل:
أن جابر بن عبدالله قال :


( جعل رسول الله صلى الله عليه وسلم في الضبع يصيبه المحرم كبشا نجديا ، وجعله من الصيد) رواه البخاري




حياك الله
اشكرك للتوضيح وجعلها الله بموازين حسناتك
تحياتي
..قوافي..

[قوافي ( أم نهار )]

عليكم السلام ورحمة الله وبركاته
صبحك ومساك الله بالخير
اجل مسوي عصبي هههههههه
يا حليل الضبع حليلاه ما تحمل يمكن لو مسوين له تحليل دم بيلاقون عنده سكر عقب هاالازعاج
اضحك الله سنك
الله يسعدك دنيا وآخره
ابو صفوق الثنيان

حياك الله عم ابو صفوق
الضبع مايلام ..مايسد انه عقب صولات وجولات بالبران صار للفرجه وصراخ البزران
يتهيالي ان الموضع هذا يبيله شوي اهتمام لان المسئله لاتتوقف على كونه حيوان ..فمهما كانت نوعيته وجنسه من حقه الرحمه..
اشكرك كثيراً لحضورك الجميل وحياك ربي
..قوافي..

[سليمان الربيعان]

هههههههه اجل الله يكثر الضبع علشان الاشكال ذي
والصراحه فيه بعض الناس ياخذون المكان كامل باي مكان ولا ازعاج خلق الله
تقبلي تحياتي...

[Al3rands]

يستاهلون بس ضبع هرش ههههههههه حقهم وما جاهم

[أبوعابد 22]

هههههههههههه الله يسعدك اختي قوافي

[قوافي ( أم نهار )]

هههههههه اجل الله يكثر الضبع علشان الاشكال ذي

والصراحه فيه بعض الناس ياخذون المكان كامل باي مكان ولا ازعاج خلق الله

تقبلي تحياتي...



حياك الله
مالي دخل مانيب قايلة ًاللهم آمين
كلامك صحيح البعض الله يهديه يحسب بما ان المكان عام له الحق بكل شيئ وينسى ان المكان للجميع وواجب تعليم الاطفال احترام هذه الاماكن وعدم ازعاج الاخرين
مشكور لمرورك وحضورك الكريم
تحياتي
..قوافي..

[الشيخ900]

http://www.mekshat.com/pix/upload05/images234/mk143479_20110622009.jpg
تسلمي علي الطرح الجميل (قوافي) وهذي صوره للضبع من صيدي حتي في اكل لحمه وناسه

مشكوره اختي قوافي على السرد الرائع وليت الضبع ثار فيهم من بدري

وبخصوص اخي الضبع ماينوكل لانه من اكلات اللحوم والجيف اعزكم الله

[قوافي ( أم نهار )]

يستاهلون بس ضبع هرش ههههههههه حقهم وما جاهم



حياك الله
اكيد يستاهلون بس الله يسامحهم
الضبع شوي عليه كلمة هرش مدري من اي ارض مجيوب
مشكور لمرورك الكريم
تحياتي
..قوافي..

[نجم000الشمال]

ما درينا ألا متزانطين= كل واحد زانط الثاني هههههههههههههه ....الله من زين الوناسة !
يا كثر هالبثرين الي ما عليه الامن نفسه وكله تركيبة جهل وعنجهيه ، ما يقدر ولا يحترم احد .
الله يهديهم بس ولا يبلانا ، مزدي فيهم ها الظبع غثوه .
تسلمين اختي ودمتي بخير.

[قوافي ( أم نهار )]

هههههههههههه الله يسعدك اختي قوافي


حياك الله
جزاك الله خير والله يسعد الجميع
مشكور لمرورك الكري
تحياتي
..قوافي..

[خوي مخباته]

مشكووووووووووووووووورة الاخت " قـــــــوافـــــــي "
على الســـــالفـه و مايصح الى الصحيح المهايط
ماينفع راعيـــــــــــــه وتروح علوم وتجي علوم وبعض العوايــــل الله يســــــــتر علينا وعليهم
لا ابـــــــــــاء ولا ابنـــــــــــــاء وامهــــــــــات ابترك التعليــــق نقــــــــاط ..................؟؟؟؟؟؟؟؟؟؟؟؟
....................... تحيــــــــــــــــــاتـــــــــــــــــــــي ....................... لتس

[قوافي ( أم نهار )]

مشكوره اختي قوافي على السرد الرائع وليت الضبع ثار فيهم من بدري

وبخصوص اخي الضبع ماينوكل لانه من اكلات اللحوم والجيف اعزكم الله


حياك الله
العفو والشكر لك لحضورك وردك
ليته ثايرن بهم من اول مابدو بالازعاج والله ان عقب طلعتهم راحه للجميع بالحديقه
مشكور اخوي للتوضيح وجزاك الله خير وجعلها بموازين حسناتك
دمت بخير
تحياتي
..قوافي..

[قوافي ( أم نهار )]

ما درينا ألا متزانطين= كل واحد زانط الثاني هههههههههههههه ....الله من زين الوناسة !

يا كثر هالبثرين الي ما عليه الامن نفسه وكله تركيبة جهل وعنجهيه ، ما يقدر ولا يحترم احد .
الله يهديهم بس ولا يبلانا ، مزدي فيهم ها الظبع غثوه .
تسلمين اختي ودمتي بخير.



حياك الله
ابشرك الوناسه توزع بالكوم عندنا خصوصاًبالاماكن العامه..
المشكله فشل نفسه وعياله وأعطى فكره غير جيده للتصرف السيئ مع الزوار وهو قدوه لعياله انعم وأكرم يالقدوه لا من أم ولا من ابو..
الضبع الضعيف نفذ صبره وهو بهيمه
لازم يشوفون مسألة الرفق بالحيوان ولازم يصير الزامي بالذات مع اشخاص مثل ذولي لان مومعقول كونه مفترس معناته لاتجوز له الرحمه والرفق مهما كان بالنهايه حيوان محبوس لاحول ولا قوه اللي فيه شده يقابله برا.
مشكورلمرورك وحظورك دمت بحفظ الله
تحياتي
..قوافي..

[قوافي ( أم نهار )]

مشكووووووووووووووووورة الاخت " قـــــــوافـــــــي "



على الســـــالفـه و مايصح الى الصحيح المهايط
ماينفع راعيـــــــــــــه وتروح علوم وتجي علوم وبعض العوايــــل الله يســــــــتر علينا وعليهم
لا ابـــــــــــاء ولا ابنـــــــــــــاء وامهــــــــــات ابترك التعليــــق نقــــــــاط ..................؟؟؟؟؟؟؟؟؟؟؟؟


....................... تحيــــــــــــــــــاتـــــــــــــــــــــي ....................... لتس



حياك الله
العفو وكلام صحيح المهايط ماوراه إلا التقليل من راعيه
مهما كان طبع الوالدين لاينسون انهم القدوه لمن معهم من ابناء واقل ما فيها يحافظون شوي على تصرفهم لاصار معهم عيالهم
مشكور لحضورك ومرورك الكريم
دمت بحفظ الله
تحياتي
..قوافي..

[يوسف الخليفة1]

وعليكم السلام ورحمة الله وبركاته

الشكر الجزيل قوافي

[قوافي ( أم نهار )]

وعليكم السلام ورحمة الله وبركاته




الشكر الجزيل قوافي


حياك الله
العفو وكل الشكر لك لمرورك الكريم
تحياتي
..قوافي..

[خ الفياض]

هههههههههههههه
انا بس تخيلت انهم يجرون بالحديقه والخوف قاتلهم قتل
شكرا على السالفه الحلوه

[قوافي ( أم نهار )]

هههههههههههههه
انا بس تخيلت انهم يجرون بالحديقه والخوف قاتلهم قتل
شكرا على السالفه الحلوه


حياك الله
وسع الله صدرك بالايمان وطاعة الرحمن
لو انت شايفهم تضحك شوي وشوي تستغفر ماودك تشمت بس غصب من اللي سووه الله يسامحهم ويحللهم ويبيحهم
سرني حضورك الكريم وياهلابك
تحياتي
..قوافي..

[قوافي ( أم نهار )]

ترفع
سالفه من السوالف القديمه بالخيمه
تحياتي

[ناصح]

فعلا صادقة بعض الناس يضايقون الأخرين وكأن الشيء ملكهم
واشكرك على سلاسة طرحك وقوة وصفك للحدث :p:D

[سحاب نجد راعي شقراء]

هههههههههههه خليهم حقهم وماجاهم اشوا انه ماطلع ولا كان علوم

بعض الناس دعله ولا ينتفاهم ابد

شكرن يالغاليه قوافي

[شرقا]

هههه الضبع حل أزمه
اكيد حتى الرجل وزوجته وعياله مايزالون يتذكرون هذا الموقف
ولعله درس لهم يتواضعون لله وما يأذون الناس