تكفوووون ياهل الخبرة بالسفاري (جنزير الدبل ) [الأرشيف]

مشاهدة النسخة كاملة : تكفوووون ياهل الخبرة بالسفاري (جنزير الدبل )

ماهرالروقي

12/12/2011, 10:05 PM

السلام عليكم ورحم الله وبركاته

يأهل الباترول أنا معي جيب باترول سفاري 98

وفي وقت الامطار قلت خلني اجرب الدبل شغلته
وقمت امشي وطلع في صوت ومع ذلك واصلت 100 متر
وبعدها رحت ورشة بالرياض بحي السلي وسألت عن المشكلة
قال لي الميكانيكي المشكلة جنزير الدبل
وانا قريت المواضيع في هذا الممنتدى الرائع واكتشفت ان هذه المشكلة دائم تجي في السفاري

لذا ارجوا من اهل الخبرة بالسفاري ان يخبروني بطريقة تصليح الدبل
وتكفووووون الي يعرف ورشة بالرياض بالسلي لا يبخل علينا

وابي سعر جنزير الدبل من التشليح

والشكر موصول للجميع

أحمد محمد1429

13/12/2011, 10:23 AM

يالحبيب أخوي قبل أسبوع مغيره لـ سفاري 98 بـ 450 ريال والقير ماينزل . السعر شامل التركيب والجنزير
علما إن ورشه مشهوره في صناعية الرياض للسفاري طلب 900 ريال شغل يد و500 قيمة الجنزير ويقول أنزل القير .
مادام إنك في الرياض ليش تتقيد بالسلي . نصيحه لاتقرب التشليح في الأ شياء المستهلكه

sgl2002

13/12/2011, 10:43 AM

صعب تحصل واحد يظبط الجنزير لانه بيرجع الصوت بعد فترة

صدى الاطلال

13/12/2011, 11:51 AM

صار معي نفس حكايتك وركبت جنزير
وشهر الا والصوت رجع يفرط
غيرت دبل من الحاير وللاسف شخص مايخاف الله وفرطخلال شهر وتقريبا موظب
ركبت دبل فتك تشليح للمرة الثالثة بس فكه من على السيارة امامي وباقي ختم الوكالة عليه وسيارتي ربع 98 ولا يتولف ولاشئ تمام التمام بس يركب ناسي شئ وش اسمه بسيط وموجود بالسيارة مو ترهيم وخرابيط وتمام التمام اخذته ب2800الدبل لحاله بس جديد السيارة اللي اخذته من عليها ماشية 30 الف فقط
اذن غير تشليح من الموديلات الجديدة ويفتحه من على السيارة امامك لاتاخذ من المعروضات اغلبهن موظبات وملعوب فيهن
وسلامتك

خذ وهات

13/12/2011, 12:36 PM

الورشة ورشة أبو مصطفى السوري مقابل ورشة المالكي لسيارات بصناعية المية تقريباَ يكلف 850

برايدوي عنيد

13/12/2011, 01:14 PM

اغلب الورش عندنا يقولك اشر دبل باترول 97 استعمال ياباني من التشليح ويفلشه وياخذ الجنزير ويركبه , طبعا الدبل بالتشليح بحدود 1000 ريال وشغل يد 300 ريال تقريبا

قبل سنه مسوي نفس الطريقه باترول 99 وماشاء الله

طبعا لو ركبت جنزير من الوكاله بعد فتره راح يرجع ويخرب

هذا ماأعرف تقبل مروري

YUKON_GMC

13/12/2011, 01:23 PM

هذي مشكلة جيوب النيسان واليوكن .... الجنزير ..

الجنزيز الموجود بالمحلات صيني ويخرب حتى لو غيرته جديد والدبلات اللي تباع في الصناعيه موظبه ومركب لها مستعمل وتجاري ..

توضيب الاصلي يكلف فوق 8000 ريال هذا لو .. ولو تفتح باب للشيطان .. لو لقيت اصلي

ماهرالروقي

13/12/2011, 01:36 PM

ماهرالروقي

13/12/2011, 01:37 PM

الورشة ورشة أبو مصطفى السوري مقابل ورشة المالكي لسيارات بصناعية المية تقريباَ يكلف 850
ممكن تعطيني رقم الورشة ؟

ماهرالروقي

13/12/2011, 01:39 PM

أشكر من ساهم بإفادتي
مع تحياتي للجميع

أبوعابد 22

13/12/2011, 01:40 PM

يفدون الشباب انشاء الله
والله يعينك والسفاري ياهو عله

«نجم الخير»

13/12/2011, 01:42 PM

شوف لك دبل كامل بالتشليح
احسن لك من الجنزير الي رح يجيب لك وجع الراس

ابو حمد 2010

13/12/2011, 02:15 PM

اذا انه شغال معاك والضرر فقط الصوت خله معك يجلس عادي انا اذكر ولد عمي جلس معه الصوت تقريبا سنتين وتقدر تقول شبه اسبوعيا يطلع البر عليه.

وعسى الله يسر امور المسلمين اجمعين.

عآشق الذيب

13/12/2011, 05:07 PM

شف يا الغالي نصيحه خذ لك دبل من التشاليح احسن لك
انا صار معي هالمشكله با الددسن سالت الوكاله عن سعره مع الترسين حقاته قال 2600 ريال مع الخصم فـ خذ دبل من التشاليح بس شرط ماهو مفكوك وعليه ضمان
اسال الله ان ييسر امورك

ماهرالروقي

13/12/2011, 08:17 PM

اشكركم جميعا ولاكن الي يعرف محل تشليح ممتاز يصلح لي جنزير الدبل
فلا يبخل علينا
والشكر موصول للجميع

ماهرالروقي

14/12/2011, 01:22 PM

تكفوووون
يأهل الباترول
وش الحل ؟؟؟؟؟؟؟؟؟؟

الوافي512

14/12/2011, 06:46 PM

نصيحة مجرب ياماهر

رح للتشليح وخذ دبل ياباني بحدود 1200 ريال وبالقصيم متوفر مع التركيب طبعاً

الياباني غالبا جديد لم يستخدم وجنزيره جديد ويعطيك ضمان شهر

لانه مهما تصلح راح يرجع

وتركيبه نص ساعه وانت واقف

تشاليح بريده متوفر واجد اللي عندهم

دمت بخير

ابوهلال506

14/12/2011, 08:33 PM

السلام عليكم
اخي العزيز فيه محل في الصناعية القديمة في الجهه الجنوبية اسمها ورشة العتيبي
يغير الجنزير حق الدبل بجنزير استعمال ياباني ويضمنه لك شهر كامل بدون ما ينزل القير ومدة الاصلاح لاتتجاوز ساعة ونصف
وقبل حوالي اربع سنوات كانت قيمة الاصلاح مع الجنزير 450 ريال كما يوجد محلات اخرى قريبة من ورشةالعتيبي ويقومون بنفس العمل لكن الورشة المشهوره على مستوى الصناعية القديمة هي ورشة العتيبي
سبق ان اشتريت جنزير وركبته عند احدى الورش وتم انزال القير وتركت السيارة لمدة يومين ومن اول استخدام فرط الجنزير مره اخرى
زبدة الكلام ركب من عند العتيبي او من الورش القريبة منه وانتبة تاخذ قير من التشليح او قير مستعمل اذا كانت مشكلتك في جنزير القير
سلام