سالفة:دوج ابو عبيد..قوافي

[قوافي ( أم نهار )]

السلام عليكم ورحمة الله وبركاته
صباح / مساء الخير للجميع
سالفة اليوم ماأدري وش جاب الفكره هذي لنا عيال وبنات شارعنا واكيد معهم حضرتي..
كان لنا جار عصبي جداً جداً ومن نشوف سيارته من أول الشارع الجميع يركض ويوخر عن وجهه..
<<الله يحلله ويبيحه حي او ميت >>
الجار هذا يقاله :ابو عبيد
يشتغل كداد تكسي دوج مدري عام كم انتم احسبوه..
بيوم صدم صدمه قويه وفكه الله من الضربه اللي حاست خشة موتره..
قعد له كم يوم بالبيت والصراحه ارتحنا من ازعاجه .. وبعد التعافي من الرضوض البسيطه وتصليح السياره من غير ما يصلح البويه عقب الصدمه رجع ثاني للشارع ..
وياليل مااطولك رجع ورجعنا للركض والتغبي عن وجهه وضنتي عنده مشكله لأنه كل ماشاف احد طقه بالعقال والمشكله كبير سن يعني وش يسوون الناس معه مدري !!
ولين الرجال يشجع نادي النصر
فقررو بزران الشارع ومن ضمنهم عياله انهم يهدونه شي يوسع صدره..
اقتراحات تجي وتروح بالاخير قررو يصبغون السياره بالوان النصر بما انها رايحة البويه من الصدمه..وبطرف الشارع فيه محل لبيع البويات والفرش وتقاطينا وشرينا سطلين ماكانو كبار على الوان النصر ،، ولطعنا السياره وصارت كأنه زرافه من غير سيقان ..
واحتريناه يطلع عقب العصر يشوف وش سوينا بفترة نومته الظهر وكلنا أمل بنيل الرضا..
كنا مأمنين وصافين مثل الحرس ومصدقين انفسنا والمدح اللي بيجينا ..
هو طلع من الباب ولا ماطلع ماسمعنا غير زئير اسد مغلوث ودلينا نتخابط من الخوف وكل واحد راح بمكان..
بالنهايه هو استفاد بأن الجيران تقاطو له وسمكرو البويه كله عشان حق الجار ولا يبونه يزعل..واحسن شي انه صار اطيب من الطيب معنا وتغير سبحان الله من حال إلى حال وسلامتكم

تحياتي
..قوافي..

[شاعر وحساس]

وانتي سالمه وغانمه اختي قوافي

وحلوه زرافه بدون سيقان


والله يذكر ايام زمان ببساطتها وعفويتها بالخير
ماهو جيل البيري والبلاوي الله يعين عليهم ويهديهم

اطفوله اول لها حلااااااه وذكريات جميله امااالان والله اني اشفق عليها

تصدقين عندي بنت الله يصلح لنا ولكم ماكملت سنتين وتاخذ الايبود حق اخوها وتلعب فيه من افضل شي وكان عمرها كبير
وتاجدها دايما تسال حتى لو كان بيدها



اين ايبود


دمتي بود وصحه وعافيه
وجعلنا الله وياكم من المحافظين على الصلاة وجميع العبادات

[فهد الهلالي]

اخت قوافي الله يصبحك ويمسيك بالخير
احسنت ِ وابدعتي في كتابه هذه السالفه
القديمه والمضحكه مع
ابو عبيد والدوج وهديتكم المتواضعه سطل البويه
اشكرك يااخت قوافي على مجهودك الطيب بهذه الخيمه
دمتي بخير ومحبه والله يحفظك
صوره من الماضي هديه
الموضوع
http://www.cars-alficionados.com/upload//uploads/images/algme3-2d12f05398.jpg

[قوافي ( أم نهار )]

وانتي سالمه وغانمه اختي قوافي

وحلوه زرافه بدون سيقان


والله يذكر ايام زمان ببساطتها وعفويتها بالخير
ماهو جيل البيري والبلاوي الله يعين عليهم ويهديهم

اطفوله اول لها حلااااااه وذكريات جميله امااالان والله اني اشفق عليها

تصدقين عندي بنت الله يصلح لنا ولكم ماكملت سنتين وتاخذ الايبود حق اخوها وتلعب فيه من افضل شي وكان عمرها كبير
وتاجدها دايما تسال حتى لو كان بيدها



اين ايبود


دمتي بود وصحه وعافيه
وجعلنا الله وياكم من المحافظين على الصلاة وجميع العبادات


حياك الله

وانت سالم وجمل الله حالك

وش نسوي بغيناه يستانس زعل والزرافه اقرب وصف للدوج عقب التلطيع..

العابنا زمان على قدر الموجود واضن عيال هالوقت ماعندهم جرائة عيال اول ..

وانت صادق عيال الحين ينرحمون كل شي بآله مبرمجين تفكيرهم شبه متوقف والله يعين.

الله يخليلك ما عطاك واكيد ماراح استغرب لان هذا وقتهم وزمانهم عقولهم متفتحه على الالكترونيات ولعله خيره لهم والله اعلم,

مشكور لحضورك المميز وردك الجميل

تحياتي

..قوافي..

[قوافي ( أم نهار )]

اخت قوافي الله يصبحك ويمسيك بالخير

احسنت ِ وابدعتي في كتابه هذه السالفه
القديمه والمضحكه مع
ابو عبيد والدوج وهديتكم المتواضعه سطل البويه
اشكرك يااخت قوافي على مجهودك الطيب بهذه الخيمه
دمتي بخير ومحبه والله يحفظك
صوره من الماضي هديه
الموضوع
http://www.cars-alficionados.com/upload//uploads/images/algme3-2d12f05398.jpg



حياك ربي مشرفنا الفاضل ابو محمد
صبحك ومساك الله بكل خير
الله يجزاك خير على الكلمات الجميله و هي وسام للسالفه بحضورك الكريم.
العفو والشكر لوجودك الطيب ووقوفك بصفحتي المتواضعه
وسياره جميله من زمن اجمل

تحياتي لشخصك الكريم
..قوافي..

[رجل حر]

تشكرات
قصه ظريفه لاتخلو من الشقاوه

[سليمان الربيعان]

هههههههههه استفاد من شقاوتكم بويه جديده لسيارته
والله يازين الذكريات الجميلة والرائعة التي تخرج من القلب الى القلب
اختي قوافي لا تحرمينا من كل جديدك ...
تقبلي تحياتي....

[الذئب الاليف]

ايه الله يجزاكم خير رجعتونا 45 سنة ورا اتذكر جدران الطين والشوارع النظيفة الغير مسفلته يعلم الله اني احس بحرارة الدمعه تذكرة لعب المليحق وعظيم لاح والدنانات (صفحات ذهبية مطوية)!!!!!!

[قوافي ( أم نهار )]

تشكرات


قصه ظريفه لاتخلو من الشقاوه



حياك الله
العفو والشكر لحضورك الكريم
الشقاوه هي احلى اوقات الطفوله
مشكور لمرورك
تحياتي
..قوافي..

[دل البحار]

أخت قوافي
اولاَماشاء الله عليك
والشيء ألثاني دوج أبو عبيد هذي حكاااااااايه
الله يسعدك وياريت رشيتوه مع السياره
صدق كانوا حمقين اصحاب التكاسي زمان
تحياتي لك ويعطيك مليون ترليون عافيه

[قوافي ( أم نهار )]

هههههههههه استفاد من شقاوتكم بويه جديده لسيارته



والله يازين الذكريات الجميلة والرائعة التي تخرج من القلب الى القلب
اختي قوافي لا تحرمينا من كل جديدك ...


تقبلي تحياتي....


حياك ربي
صبغنا له بويه لناديه المفضل وطير عقولنا بنزره لنا يوم شاف زرافته.
الذكريات الجميله لاغنى عنها ابداً مهما قلنا وكتبنا لن نصل لحلاوتها
اشكرك لحضورك الجميل
تحياتي
..قوافي..

[قوافي ( أم نهار )]

ايه الله يجزاكم خير رجعتونا 45 سنة ورا اتذكر جدران الطين والشوارع النظيفة الغير مسفلته يعلم الله اني احس بحرارة الدمعه تذكرة لعب المليحق وعظيم لاح والدنانات (صفحات ذهبية مطوية)!!!!!!




حياك ربي
ويجزاك إن شاء الله
اكيد مافيه احلى من شوارعنا القديمه بترابها وبساطتها ونضافة قلوب اهلها قبل شوارعها وهي سر جمالها..
كل العاب زمان مالها بنظري اي مقارنه مع العاب الان واكيد هي الاجمل لكن لكل زمان ومكان ناسه فربما اهل هذا الوقت لو يعود بهم الماضي قليل للخلف لن يعجبهم مثلنا نحن من عرفه ويحكم عليه قافله والايام تسير..
اسعدني حضورك الكريم وردك المميز
دمت بحفظ الله
تحياتي
..قوافي..

[قوافي ( أم نهار )]

أخت قوافي



اولاَماشاء الله عليك
والشيء ألثاني دوج أبو عبيد هذي حكاااااااايه
الله يسعدك وياريت رشيتوه مع السياره
صدق كانوا حمقين اصحاب التكاسي زمان
تحياتي لك ويعطيك مليون ترليون عافيه



حياك الله دل البحار
الله يجزاك خير
ابوعبيد كل شي عنده حكايه،، شخصيه جميله بكل المعاني
والله تعبنا وبالاخير ما حصلنا إلا زئير اسد هائج ليتنا راشينه يمكن كان اهدا له.
كان الله بعونهم وبعون كل رب اسره،، حمقهم ما جا من فراغ ،،هو يدور بالشوارع لتوصيل الزبائن من الصباح واكيد راسه تدور مابين تفكير ومشاوير لا يعلم متى ستنتهي والحمد لله انهم استطعو ان يواجهو معترك الحياة وربو ابنائهم تربيه صالحه..
مشكور لحضورك الجميل وردك الاجمل
دمت بحفظ الله
تحياتي
..قوافي..

[م العجمي]

الله يوسع صدرك بالعافيه

ايام الطفوله لا تنسى لها لذه غير طبيعيه

شكراً لك اختي الفاضله

[Al3rands]

ههههههههههههه عاد زرافه بدون رجلين خخخخخ يقولن اول لين فاز النصر يسوون سليق بالنادي علابالهم يجمعون جماهير اضحك الله سنك

[أبوعابد 22]

ههههههههههههههه
ودي اشوف الدوج النصراوي

[قوافي ( أم نهار )]

الله يوسع صدرك بالعافيه

ايام الطفوله لا تنسى لها لذه غير طبيعيه

شكراً لك اختي الفاضله

حياك ربي
اللهم امين ويجزاك خير
الطفوله الايام اللي ما تعرف فيها إلا وين تلعب اليوم ومع من هذا اكبر هم
العفو والشكر لك لحضورك ومرورك
دمت بحفظ الله
تحياتي

..قوافي..

[خوي مخباته]

يحليل طهـــارت القلوب ويحليل يذيـــــك الايــــــــــــام اجل تحتــرون المــــــديح وانتم صابغيين الســــــــــيارة بشــعار نادي النصـــــــــر يعني { صناعيــــــــــه } دوار الخــرج على غفلـــه لا ومن زين الطبع صافين قدام بابـــــه
الغــــريبــه بعد هــالمشــــــاكل وهل بهاذيـــــــــــل الى صارت منكــــــــــــــم الا انـــــــــــه تغـــيراجل طبعــــــــــه
الى الاحســـــن وزانت طبوعـــــــــــه { ســــــــبحان الله العظيــــــــــم } فلربما ظاره نافعـــــــــــــه
والحــــــلوة / صــارت زرافـــــــه بدون رجلـــييييييي
مشكووووووووووووووورة وماقصــرتي اخت" قوافي"....... الله يصبـــــــَـرك يابوعبيــــــــــد

[قوافي ( أم نهار )]

ههههههههههههه عاد زرافه بدون رجلين خخخخخ يقولن اول لين فاز النصر يسوون سليق بالنادي علابالهم يجمعون جماهير اضحك الله سنك


حياك ربي
ايه زرافه لو شايفه ما أدري وش صارت ملت الموتر وذا اقرب شكل تعريفي للسياره بعد التلطيع.
سالفة السليق معلومه جديده
مشكور لمرورك وحضورك الكريم وانا من يشكرك لتواجدك بصفحتي المتواضعه
تحياتي
..قوافي..

[نجم000الشمال]

وعليكم السلام ورحمة الله وبركاته
اصحاب التكاسي من حينهم صلفين والمشعاب عند الباب !!!
الدوج القديم والمسجل كاترج قبل الشريط التقليدي والان سي دي .... الله واكبر يالدنيا .
مشكورة اختي قوافي والله يمتعك بالصحة والعافية.

[محرين باالخير]

دوج وتكسييييييييييييييييييييييي .............:redcar:
قبل كم سنه هاالكلام ................
قوافي عساك لطولة العمر علي الطاعه وحسن العمل .
تحياتي .

[قوافي ( أم نهار )]

ههههههههههههههه
ودي اشوف الدوج النصراوي


حياك الله
وسع الله صدرك بالايمان وطاعة الرحمن
وش تشوف اطلب له الرحمه صارت شي ماله مثيل سياره مزرفه
مشكور وحياك ربي لمرورك الكريم
تحياتي
..قوافي..

[قوافي ( أم نهار )]

يحليل طهـــارت القلوب ويحليل يذيـــــك الايــــــــــــام اجل تحتــرون المــــــديح وانتم صابغيين الســــــــــيارة بشــعار نادي النصـــــــــر يعني { صناعيــــــــــه } دوار الخــرج على غفلـــه لا ومن زين الطبع صافين قدام بابـــــه




الغــــريبــه بعد هــالمشــــــاكل وهل بهاذيـــــــــــل الى صارت منكــــــــــــــم الا انـــــــــــه تغـــيراجل طبعــــــــــه

الى الاحســـــن وزانت طبوعـــــــــــه { ســــــــبحان الله العظيــــــــــم } فلربما ظاره نافعـــــــــــــه

والحــــــلوة / صــارت زرافـــــــه بدون رجلـــييييييي


مشكووووووووووووووورة وماقصــرتي اخت" قوافي"....... الله يصبـــــــَـرك يابوعبيــــــــــد



حياك الله

وش درانا انه بيزعل نحسبه بيستانس وبالنهايه ازين من انها تقعد بلا صباغ ..

صافين نحتري المدح ومع الزئير عرفنا انه اذا ما انحشناتصفقنا..

زرافه انتاج اسيوي محلي مافي مثلها ابد لاتدور..

تغير عقب مساعدة اهل الشارع والجيران له بضرب السياره بويه من جديد وعرف ان اللي سويناه عشان نبي نراضيه بأي طريقه بس يفكنا من العقال ..

الله يحييك ويحفظك نورت بوجودك الكريم وابو عبيد اكيد الحين مرتاح منا لانه ان كان هو حي ماهقيت يسوق لين الحين..

تحياتي

..قوافي..

[قوافي ( أم نهار )]

وعليكم السلام ورحمة الله وبركاته
اصحاب التكاسي من حينهم صلفين والمشعاب عند الباب !!!
الدوج القديم والمسجل كاترج قبل الشريط التقليدي والان سي دي .... الله واكبر يالدنيا .
مشكورة اختي قوافي والله يمتعك بالصحة والعافية.

حياك الله
الله يعين اللي مقابلهم على هالصلافه
الله المستعان الكاترج اللي كنه كرتون مناديل من كبره وهو لحاله يبيله مكان بس يظل جميل من جمال ماضي
الله يحييك وكل الشكر لحضورك الكريم
دمت بخيروعافيه
تحياتي
..قوافي..

[قانون كيفي]

قوافي مبدعه دايم

[قوافي ( أم نهار )]

دوج وتكسييييييييييييييييييييييي .............:redcar:
قبل كم سنه هاالكلام ................
قوافي عساك لطولة العمر علي الطاعه وحسن العمل .
تحياتي .



حياك الله

كان من اول فيه تكاسي دوج

هالكلام ياطويل العمر اكيد قبل مية سنه ويمكن 37 سنه

اللهم آمين ويجزاك خير

مشكور لمرورك وحضورك الكريم

تحياتي

..قوافي..

[قوافي ( أم نهار )]

قوافي مبدعه دايم


حياك الله
الابداع بحضورك الكريم
مشكور لمرورك وحياك ربي
تحياتي
..قوافي..

[ابو صفوق]

الله الله يالدوج سيارات اول تهد الجبال بصداماته الحديد مهوب فيبر الحين الله يخلف
اخبر اول التكسي مزخرف من داخل بكلفه كله خيوط متدليات والدركسون ملبس فرو وستاير تقل صالون استقبال موب سياره ايام وراحت
اشكرك على هالسالفه اللي تحط صراحه ببرواز تستحق كل الاوسمه
تقديري لك
ابوصفوق الثنيان

[قوافي ( أم نهار )]

الله الله يالدوج سيارات اول تهد الجبال بصداماته الحديد مهوب فيبر الحين الله يخلف
اخبر اول التكسي مزخرف من داخل بكلفه كله خيوط متدليات والدركسون ملبس فرو وستاير تقل صالون استقبال موب سياره ايام وراحت
اشكرك على هالسالفه اللي تحط صراحه ببرواز تستحق كل الاوسمه
تقديري لك
ابوصفوق الثنيان

حياك الله
اكيد مافي اي مقارنه بين صناعة اول والحين اللي كلها فيبر
كل الشكر لك ولحضورك الكريم
تحياتي
..قوافي..

[النبهاني]

وعليكم السلام ورحمة الله وبركاته
الله يسعد اوقاتك بالخير اختي
يشتفل كداد تكسي دوج مدري عام كم انتم احسبوه
القصص كثيره ولكن الاسلوب المميز هو اللي يجذبنا كاقراء
فكيف اذا اكتملت العناصر
لذلك احرص على طرح قلم قوافي
الله يوسع صدرك بالايمان اختي

[ذيب... الخلا]

اولا : الحمدلله على سلامتك من الوعكه الصحيه. لأني توي راجع لحبيبنا مكشات

ثانيا: امتعتينا بالقصه

[قوافي ( أم نهار )]

وعليكم السلام ورحمة الله وبركاته

الله يسعد اوقاتك بالخير اختي
يشتفل كداد تكسي دوج مدري عام كم انتم احسبوه
القصص كثيره ولكن الاسلوب المميز هو اللي يجذبنا كاقراء
فكيف اذا اكتملت العناصر
لذلك احرص على طرح قلم قوافي
الله يوسع صدرك بالايمان اختي



حياك الله
اسعدك الله بكل ماتطيب به نفسك الكريمه
اشكرك لكلماتك الجميله الله يجمل حالك دنيا وآخره
اللهم امين تقبل الله منك دعائك
حياك ربي ودمت بحفظ الله
تحياتي
..قوافي..

[قوافي ( أم نهار )]

اولا : الحمدلله على سلامتك من الوعكه الصحيه. لأني توي راجع لحبيبنا مكشات

ثانيا: امتعتينا بالقصه


حياك ربي
سلمك ربي من الشر وحمداً لله على السلامه
الله يحفظك سررت بوجودك متعك الله بالصحه والعافيه
دمت بحفظ الله
تحياتي
..قوافي..

[قوافي ( أم نهار )]

وعليكم السلام ورحمة الله وبركاته
حياش الله الأخت قوافي
حظ ابو عبيد..رب ضارة نافعة
إلا زارفة بدون رجول...ههههههه
أدامتس الله برضاه[/center]


تحيا وتبقى
حظه زين وانصبغت السياره على حساب اهل الشارع ..
شوي كلمة زرافه كن أحد داعي على السياره تنرحم من اللي جاها..
دمت بصحه وعافيه وحفظك الرحمن
اسعدني حضورك وردك الكريم
تحياتي وتقديري واحترامي
..قوافي..

[قوافي ( أم نهار )]

ترفع للاطلاع

[راعي الصقلاوي]

اختي قوافي الفاضله
سالفه ولا اروع من كذا .
حروف ذهبيه كتبت بيد متمرسه بالكتابه .
الله يرحم ايام الطفوله والشقاوه .
اعجبتني هالكلمات كانها زرافه بدون سيقان .
تقبلي مروري .