المساعد الشخصي الرقمي

مشاهدة النسخة كاملة : انشد اهل الفكر والمواهب


مجازف2006
18/03/2006, 01:11 PM
بسم الله الرحمن الرحيم
اخواني في منتدى مكشات السلام عليكم ورحمة الله وبركاته

يوم الخميس ذهبت الي رحله حداق وصادفت مشكله في المكان الذي كنت احدق به

وهي مشكله سمكة البركودا او بما تسمى سمكه الدويلمي والمشكله انه قام بقطع جميع الخيوط لدينا حيث المكان الذي كنا نحدق به يوجد به انواع جيده من الاسماك ولكن ابتلينا بسمكه الدويلمي بتقطيع الخيوط التي تعترض طريقه في البحر ويقوم بقص الخيط ؟؟؟؟.

ارجوا من اخواني كيفية اصطياد هذه السمكه

ولكم خالص التقدير والاحترام

محبكم

مجازف2006

اشكر القائمين على هذا المنتدى
بوخليفه2005
18/03/2006, 02:16 PM
السلام عليكم.
ممكن تستخدم الطعم الصناعي أو الحي مثل (السلس) ، إذا كان سلس تحط له صنارة مقاس 3 وخيط سيم طول 30سم وخط 90 أو 100 وخله وشوف كيف يقدر يقطع الخيط ...؟
أو بالطعم الصناعي (الميرور) ترمي وتسحب نفس طريقة اللفاح وشوف كيف يضرب عليها....

و الشباب أعلم مني في هذي المواضيع مثل المشرف وأخوانه...
بو راشـد
18/03/2006, 04:48 PM
السلام عليكم ورحمة الله وبركاته
مثل ماقلك العضو بوخليفه2005 حط سيم أو كما يسمى سيم مدراسي وأنشاء الله أصيدة بس مب لازم أتحط سنارة عادي أحدق بلخيط بيدك أو حته اذا تبي أسوية درية.
SRDAL
18/03/2006, 05:27 PM
السلام عليكم ورحمة الله وبركاته

حياك الله اخوي مجازف 2006 .

بالنسبه اخوي لسمك الدويلمي سالفه سالفه ودوخ حداقه كبار حسبيى الله عليه .

وزي ماتفضلو الأخوان قبلي اعتقد انهم افادوك بس حاب اضيف نقطه صغيره ونقل عن حداقه لهم باع في البحر

يقولون اذا تبي تخلص من الدويلمي اذا صدت واحد عليك بقص راسه ورميه لبحر طبعا ماراح يختفون بس راح يخفون

شوي .

ولاكن افضل طريقه هي الصيد بالسيم طبعاً .

تحياتي لك .
Qatar_Hunter
18/03/2006, 10:48 PM
السلام عليكم

انا من الناس الي يستمتعون بصيد البركودا او الجد حسب مانسميه عندنا في قطر

الطريقه الي علموك عنها الشباب اوكي وفعاله

بس انا طريقتي اخذا اصغر سمكه من صيدنا وشيرها في ميدار مركب على سيم وبعدين الخيط العادي وهدها من الطراد لا تكثر اكثر من 3-4 امتر

انت راح اتشوف كل الي يصير راح اتشوف اسمكتك وتشوف الجد يقرب صوبها عيني عينك وتضرب فيه وخلك معاه عشان تسحبه صح في الطراد...كنك تلعب معاهم

بس حاسب انت والي معاك فهيه قويه جدا واسنانه مثل الموس

وسلامتكم
مجازف2006
20/03/2006, 12:20 PM
السلام عليكم


لكم مني جزيل الشكر على من قام برد على هذا الموضوع وبارك لله فيكم


اخوكم مجازف 2006