أريد مصنع يفصلي تانكي مويه للجيب , , ,

[جنط]

السلام عليكم ورحمه الله وبركاته

كما في الموضوع أريد محل او مصنع يفصلي تانكي مويه فيبر او ستيل بخصوص المويه

تكون للطبخ والغسيل وماتقلب ريحتها داخل التانكي نبي منكم نصيح وش افضل تانكي

علمنآ بأن الجيب ربع باترول 93 الموقع الرياض



تحياتي لكم

[ابو الهن]

في الرس مصنع الودي ومصنع الضويان فيه الجاهز الفيبر

[ابوصالح2006]

الاستيل والالمنيوم غالي وعالي التكلفة غير احيانا يصير تهريب
انا جربت خزان الوطني الفيبر له حوالي 8 اشهر لا طعم ولا ريحة خفيف الوزن ووقت مابغيت انزله
رائع وسعره مناسب وتقدر تستخدمه لاكثر من سيارة حتى لو بعت الموتر
الله يوفقك لكل خير

[الراسي231]

فصل لك تانكي عند اليحيى
شفهم بشارع الستين(المعارض ) بالنسيم بعد النزلة اللي تجيك بعد شارع احمد بن حنبل ووجهك جنوب شفهم بعد بيت البازعي وبعد المسجد على يدك اليمين قبل الاشارة
موفق خير وشغلهم زين انا مجرب التانكي له 9 سنين زي الحلاوة

[جيبي جايزلي]

خزان الوطني لا يوفوتك من واقع تجربه

[قناص*07]

الوطني رخيص وخفيف ولا طعم

[برنس القصيم]

مصنع الوطني للبولي اثيلين موجود بالرياض والقصيم
http://img534.imageshack.us/img534/2738/image0011zc.jpg

[رحال7]

لا انصح بالفايبر صحتكم اهم من شىء

[أصدق إحساس]

الاستيل والالمنيوم غالي وعالي التكلفة غير احيانا يصير تهريب

انا جربت خزان الوطني الفيبر له حوالي 8 اشهر لا طعم ولا ريحة خفيف الوزن ووقت مابغيت انزله
رائع وسعره مناسب وتقدر تستخدمه لاكثر من سيارة حتى لو بعت الموتر

الله يوفقك لكل خير

الفيبر من واقع تجربة غير عملي ويغير الطعم والرائحة
جربت اثنين منها الأول هرب في الأسبوع الأول
والثاني كان مخزن وهرب في الإستخدام الثالث
يعني ابتعد عن الفيبر مهما كانت جودة تصنيعة يتفكك ويهرب مع الملاحم علاوة على تغير نكهة الماء فيه

[شاص]

بالنسبة لي جربت الستيل مافيه كلام لكن سعره مرتفع .. وجربت كذلك خزانات البولي إثيلين من مصنع الزامل ومن المصنع الوطني لأكثر من سنة .. أسعارها مناسبة ولم ألحظ أي تغير في الطعم أو الرائحة

[راعي كيييف]

اسعد الله مساك يالغالي .. تبي تفصل تانكي للسياره عندك مصنع الوطني ببريده .. جدا ممتاز ورخيص ..

[حامد المطرفي]

رخيص كم يعني الغالي؟؟؟؟ ( راعي الكييف)


عندي جيب 2003 جي اكس ار

وهل هو جاهز وله حامي ؟؟؟ عن الحصا

[جنط]

يعطيكم العافيه ون شاء الله النيه التوجه الى مصنع الوطني علمن بان اسعارة على قولة الربع مناسبه

[ابو البر]

كان عندي طلب اعقد من طلبك.


ورحت للمصنع الوطني وحصلت عندهم اشكال والوان (ودي انهم يزيدون بالتشكيل).
المهم
قاربت مع حاجتي و فكرتي ومن اللي معروض وشريت منهم وارتاح راسي

رح لهم وتشوف اللي معروض.

ياليت ان المصنع الوطني يسجل طلبات الزباين ويعمل فيها دراسه .

[حديب الضميان]

اخوي عند برق الحيا توانك المنيوم جميع الاحجام ( واقف - منسدح ) جميع المقاسات وملبس شراع
الالمنيوم بين الستيل والفيبر ( صحتك الزم ما عليك ) وخير الامور الوسط

[ابو البر]

يا حبيبي
من يوم عرفنا انفسنا وأي موضوع يخص الماء فهو يخص ما يوضع فيه .
الزير وهو زير من يوم خلقنا وهو يسبب حصوة الكلا.

الزبده .

ان طاعك الزمان ولا طعه .
الفيبر قلاس على سطوح بيوتنا كلنا صغيرنا وكبيرنا تاجرنا وفقيرنا ولا تكلمنا في شي اسمه طعم وصحه .
والبلاستك مليانه البقالات ونشتري يوميا صغيرنا وكبيرنا وفقيرنا وتاجرنا ولا تكلمنا عن الصحه والطعم .
ونفس الشي ينطبق على الالمنيوم والدليل شوف المواضيع المتعلقه بقدور الطبخ.

يمكن يكون الستيل اقرب شي للنظافه والصحه لاكن (السعر ظربة خشم) .

أتكل على الله وأشتر اي شي قريب من ميزانيتك وأهم شي غسله من بقايا يدين ابو هنود .

تحياتي .

[ابو محمد 500]

يعطيكم العافية ....

[ابوصطيف]

لاتعدا الالمنيوم لك ولزمن

[هبوب الشمااال]

في بالرس ورشة الوادي

[فيصل التميمي]

عندك خزان الوطني في الرياض او الالمنيوم عروق الشمال او الاستيل بس غالي