المساعد الشخصي الرقمي

مشاهدة النسخة كاملة : يا اهل الخفجي ؟؟؟؟(العامودة) لاهنتو


diver1120
13/12/2011, 01:57 PM
مساكم الله بالخير اخواني اخوكم من الكويت حبيت اعرف عن مكان اسمه العاموده شلون اقدر ادخله وهل مسموح حق الكويتيين يدخلون ولا بس السعوديين فقط واذا مسموح شنو نوعية الخيوط الاي لازم استخدمها يعني مقاس 40 او60 ستين او حرير والمكان شاطئ ولا صخري وهل فيه شير واذا بوصله من الحدود النويصيب شلون ؟وأسف ع الاطاله
White_Shark
13/12/2011, 02:40 PM
تفضل اخوي

طلعة استكشافية لمركز العمودة ( الخفجي ) .. ادخل برجلك اليمين !!
http://www.mekshat.com/vb/showthread.php?t=450757
diver1120
13/12/2011, 03:56 PM
مشكووووور اخوي والله ما قصرت بس عندي جم سؤال كم مقاس الخيوط الي استخدمتوها وهل مسموح لغير السعوديين( كويتي) دخولها لاني ناوي اروح الخميس الصبح اذا مسموووح وانا مثلك ادور السبيطي وين ما كاااان ولاهنت
الوحش79
13/12/2011, 04:29 PM
السلام عليكم

اولا اخي النصيحه قبل التوجه هناك

المنطقه ممتازه جدا وبالنسبه لغير السعوديين لاعلم لي بذلك ولاني لم اشاهد غير السعوديين هناك

المنطقه منوعه من صخريه الى رمليه

مليئه بالقروش وباحجام
بها انواع شتى من الاسماك ومرعاها ممتاز

لكن لكن لكن

اذا لقيت الجو به هواء فلا تتعب نفسك وذلك حسب مرات التجربه هناك
حيث ان المنطقه مقابله للشمال بوجه الهواء وفيها يكثر الموج القوي لذلك ماتلاقي الا قرقفان ومجوى........
خاصه ان الاجواء بارده الان فيكون الجو ابرد هناك

اما اذا كان الجو هادئ والبحر خفيف الموج (كانه بلاطه كمانقولها بالعاميه) فلك الخير منها وعلى كيف كيفك الاحجام

وبالنسبه للمكان فكلها جيده للصيد والرزق على الله

والله يوفقك
صفوت الماضى
13/12/2011, 04:30 PM
يا هلا ....

الخيط 60 ممتاز كل طلعاتي بخيط 60 و 40

و ما ظنيت يدخلونك لانك كويتي لان انا لما شافو لوحه سيارتي كويتيه كل العسكر يسألوني انت كويتي اقولهم لا و يرحون

و الله فيها سبيطي احجام طيبه اخر مره بالصيف ألي طاف صدت سبيطي حوالي 4 كيلو

و ارضها حلوه فيها رمل و فيها صخر و فيها خير الحمد لله

بس قبل شهر طلعت بالكويت طراد من شرق الحمد لله حصلت خير و خير طيب

و الله من وجه نظري مصاريف الطريق و التأمين تأجر طراد 6 ساعات ب45 دينار و أحلا حداق >>> نويبي و شعوم و فسكر

انا الجمعه ابي اجي للكويت ااجر طراد

فأنت احسلك من الكويت

........... وبس
diver1120
13/12/2011, 04:58 PM
والله ما قصرتوا انا بروح اجرب حظي وعلى نياتكم ترزقون باخذ مصران وعدتي وان شالله ابشركم بالصيد ادعولي يدخلوني ولا هنتو
صفوت الماضى
13/12/2011, 05:20 PM
الله يوفقك
1بوخالد
14/12/2011, 11:51 AM
اخوي دايفر
اولا حياك الله في ديرتك الثانيه السعوديه وثانيا المكان مسموح فيه للكويتيين لأننا طلعنا هناك العيد اللي طاف وكان فيه كويتيين كثير ومنهم ثلاثه كانو مغرزين وفزعنا لهم وسحبناهم.
والمعلومه اللي فادك فيها اخونا الوحش صحيحه واحنا كنا هناك قبل اسبوعين وللأسف كان الوضع مثل العيد وهوى شديد وما طلعنا غير شعوم وقرقفان بس والله اعلم هالأسبوع الهوى راح يكون طايح الخميس ويموت بالليل إلى يوم الجمعه على ما اعتقد. وعندك مواقع الأجواء والرياح تفيدك اكثر.
وموفق خير اخوي
accentkool
14/12/2011, 02:16 PM
حياك الله وتعااال والارزااااق بيد الله والصيد تووواافيق
والله يرزقك والله يوووفقك ياارب
الوحش79
14/12/2011, 03:26 PM
اخوي الكريم

حبيت انوه لك بالطعوم المستخدمه لهذه المنطقه وافضلها كالتالي وحسب تجاربي بها

: ميد صغير ويفضل طري(طازج) او كبير وتقطعه لقطعتين وتستفيد من الراس والجزء الوراني
2: الخثاق والمنجوس
3:ربيان وتقدر تشك حبه كامله بشرط الحبه ماتكون اصغر من الصبع
4:العجين للمناطق الصخريه
5:سمك الباغى او الحمام
6 المصران

ونصيحه اذا في المنطقه هواء لاتتعب حالك وتوجه للسفانيه وفالك العريضيه والبواليل وتحتاج ربيان للمنطقه هذي جوار المركز
مع التنويه ان الصيد بالنهار افضل في ايام الشتاء وباليل يكون شحيح جدا
ولاتنسى عدة البرد(ملابس واقيه - وخشب للتدفئه) واللحاف

وعلى كل حال الله هو الرازق وهذه اسباب فقط من الله والله اعلم

والله يوفقك
diver1120
14/12/2011, 05:09 PM
الله لا يهينكم يا الربع ما قصرتوا ما ادري شقول بس مو غريبة عليكم عيال بومتعب لكم مني كل احترام بس اخوي الوحش لو الجو ما ضبط من وين اروح السفانية ومن الحدود كم المسافة ؟؟؟؟
الوحش79
15/12/2011, 12:23 AM
اخوي الكريم

بس تتعدى نقطة الخفي بحدود ٦٠كيلو راح تمر ع كبري السفانيه تطلع معه
وعلى طول تتوجه مع الشارع لين توصل الى تقاطع وبه محطتين تتوجه مباشره تقطع التقاطع وحاذر من اللي بالشارع تراهم هجوله احيانا الله يهداهم
تطلع مع الشارع لين توصل الى موقف الشاحنات من اليمين تتعدها بحدود النصف كيلو في شارع يمين بعده بمئة متر المركز صرح وامشي للخلف يسار المركز وانت طالع فيه شبك امشي معه يسار وفيه شارع موبمسفلت لونه احمر والبحر يسارك شف لك مكان مزيون وريح وفاك العريضيه تراها مليانه
واذا عندك شكات عليك بالبواليل

ومثل ماذكرت لك لاتنسى الربيان فهو خاص بهالمنطقه

والله يوفقك
وبشرنا ان شاء الله تكون طلعه موفقه وممتعه

اخوك