لقينا رز ( إكس إل ) وارد الكويت , في حفر الباطن ( بالصور )

[دهران]

http://i247.photobucket.com/albums/gg130/dehraan/Nikon/besmallah1.png



أيها الإخوة والاخوات الاعزاء .....




http://i247.photobucket.com/albums/gg130/dehraan/Nikon/besmallah2.gif



في موضوعنا السابق


كبسة قميري برز ( XL ) وارد الكويت ( بالصور ) (http://www.mekshat.com/vb/showthread.php?t=447333)


وردتنا عدة رسائل وإتصالات وردود كن إمكانية إيجاد هذا الرز في السعودية , ودلني واحد من الأخوان الله يوفقه على مكان بيعه في حفر الباطن

ورحت وحصلته هناك وبكميات كبيرة , والموقع هو في سوق الخضار بحفر الباطن بين كبرة الخضار وكبرة اللحوم

طبعاً المكان اللي يباع فيه كبرة يباع كل شيء رز سكر زيت سمن أي شي يخطر على البال من هذه الأشياء

لقيت الرز إكس إل , والحليب المجفف , ومعجون الطماطم , وزيت دلال , والسكر الألماني وكلها ( مخصصة للبطاقة التموينية بدولة الكويت ) يعني تصرف مجاناً للشعب هناك , ولكون حفر الباطن قريبة من الكويت فإن أغلب من يأتي لحفر الباطن يأتي بهذه البضائع كهديا لأهله في حفر الباطن وبعضهم يبيعها هنا ويستفيد من قيمتها

كيس الرز يتراوح سعره بين 250 و350 وهو 50 كيلو , ويباع غالبا ب 300 ريال ولكن سعره يتغير حسب العرض والطلب
كيس السكر الالماني بحوالي 200 ريال تزيد وتنقص حسب العرض والطلب وفيه سكر تشيكي وسكر تايلندي بعد بحول هالسعر
كرتون زيت دلال بحوالي 120 ريال فيه 6 حبات ينقص السعر ويزيد حسب العرض والطلب
كرتون الحليب المجفف بحوالي 240 ريال فيه 6 كبات وأحياناً ما تلقاه ب 300 واحياناً تلقاه ب 200 حسب المتوفر والعرض والطلب أيضاً
معجون الطماطم كي دي دي الكرتون بحوالي 40 ريال


بتقولون وش الله حادنا نشتري هذي والله منعمٍ علينا وعندنا في العثيم وبندة وكارفور والأسواق بضائع قد تفوقها في الجودة

أقول لكم الدعوى ( سمعة ) فهذه الاصناف المذكورة من جربها عرف لماذا يبحث عنها الناس بهذه الطريقة

الرز ما تشبع منه ولا ينفخ البطن وإذا كلته بعد سويعات وأنت جايع ( شكل مافيه نشاء )
الحليب ماهوب صاحي تحس فعلاً إنك تشرب حليب ( بس تراه دسم مرة )
معجون الطماطم ودك تكبه في صحن وتودم عليه بخبز على طول
السكر الله لا يوريكم من جربه أدمن عليه ولا بغى لا سكر الأسرة ولا غيره
أما الزيت عاد سالفة ثانية , زيت ما فيه مثله وترى ماهوب مثل زيت دلال اللي عندنا

( هذا رأيي أنا ) ويمكن أكون غلطان والتجربة خير برهان

هنا بتشوفون الصور من السوق هناك , وكذلك تسليم الطلبية لأخوي أحمد الشبعان اللي وصاني عليها وأقلق القلق اللي عندي لين جبتهن عنده ( وآخرتها يقول وزعتهن على الربع ) :mad:


http://i247.photobucket.com/albums/gg130/dehraan/1433h/xlrice/1.jpg



http://i247.photobucket.com/albums/gg130/dehraan/1433h/xlrice/2.jpg



http://i247.photobucket.com/albums/gg130/dehraan/1433h/xlrice/3.jpg



http://i247.photobucket.com/albums/gg130/dehraan/1433h/xlrice/4.jpg



http://i247.photobucket.com/albums/gg130/dehraan/1433h/xlrice/5.jpg



http://i247.photobucket.com/albums/gg130/dehraan/1433h/xlrice/6.jpg



http://i247.photobucket.com/albums/gg130/dehraan/1433h/xlrice/7.jpg



http://i247.photobucket.com/albums/gg130/dehraan/1433h/xlrice/8.jpg








هذا نفس الرز ولكن غير مدعوم يعني ما يوزع عندهم ببلاش يقولون ب 10 دنانير وزيادة المهم إنه ينباع في هالسوق ( 20 كيلو ) بحوالي 170 ريال

http://i247.photobucket.com/albums/gg130/dehraan/1433h/xlrice/9.jpg



http://i247.photobucket.com/albums/gg130/dehraan/1433h/xlrice/10.jpg


يتبع ..... يتبع

[دهران]

http://i247.photobucket.com/albums/gg130/dehraan/1433h/xlrice/11.jpg



http://i247.photobucket.com/albums/gg130/dehraan/1433h/xlrice/12.jpg



http://i247.photobucket.com/albums/gg130/dehraan/1433h/xlrice/13.jpg



http://i247.photobucket.com/albums/gg130/dehraan/1433h/xlrice/14.jpg



http://i247.photobucket.com/albums/gg130/dehraan/1433h/xlrice/15.jpg



http://i247.photobucket.com/albums/gg130/dehraan/1433h/xlrice/16.jpg



http://i247.photobucket.com/albums/gg130/dehraan/1433h/xlrice/17.jpg



http://i247.photobucket.com/albums/gg130/dehraan/1433h/xlrice/18.jpg



http://i247.photobucket.com/albums/gg130/dehraan/1433h/xlrice/19.jpg



http://i247.photobucket.com/albums/gg130/dehraan/1433h/xlrice/20.jpg



http://i247.photobucket.com/albums/gg130/dehraan/1433h/xlrice/21.jpg



http://i247.photobucket.com/albums/gg130/dehraan/1433h/xlrice/22.jpg



http://i247.photobucket.com/albums/gg130/dehraan/1433h/xlrice/23.jpg



واللي يبي يشتري وإلا يستفسر هذا رقم رجال يبيع ويشري بالسوق هناك وإسمه أبو محمد

0504852017



وترى اللي يبي رزٍ زين حول هالرز وموجود عندنا في السعودية ومجرب ولا يعلى عليه فعنده هالرز

http://i247.photobucket.com/albums/gg130/dehraan/1433h/ommregibah/c14.jpg

( بنجابي الشعلان عنبر ) مافيه مثله أبد



وتقبلوا أعذب تحية


أخوكم أبو فارس

[مجازف2010]

الله يعطيك العافيه اخوي دهران

ولكن الرز الي عليه الكلام الكويتي اسمه
( كونتري اكس اكس ال XXL )

اما هذا اول مره اشوفه

[أبوعابد 22]

مشاء الله جعل فيه العافيه

[خالد ...]

بيض الله وجهك

وان شاء الله نبي نجربــه

[ابوفهيدان]

هلا ابو فاارس
لو يدرون وزارة التجارة ان التموين ينبااع برا الكويت كااان علووم
عندنا في الكويت ممنووووع بيعه بتاتا
وبالنسبة للرز اسمه رز التموين وليس xl
رز xl هو رز نوع ثاني اسمه كنتري وهو اطول حبه علي الاطلاااق عندنا

طبعا التموين ينباااع عندنا بسعر رمزي ومدعووم
بس السنة هذا جانا مجانا بمكرمة اميرية

هذا للتوضيح وعليكم بالعافية

[الصمان 2]

تقرير رائع



الله يعطيك العافية أخي / دهران














.

[ابو عادل1]

هلا ابو فاارس

لو يدرون وزارة التجارة ان التموين ينبااع برا الكويت كااان علووم
عندنا في الكويت ممنووووع بيعه بتاتا
وبالنسبة للرز اسمه رز التموين وليس xl
رز xl هو رز نوع ثاني اسمه كنتري وهو اطول حبه علي الاطلاااق عندنا


طبعا التموين ينباااع عندنا بسعر رمزي ومدعووم
بس السنة هذا جانا مجانا بمكرمة اميرية



هذا للتوضيح وعليكم بالعافية

هلا وغلا بالحبيب
هل فيه أكياس (5) كيلو من رز اكس ال كنتري نبي نجربه وكم سعرها

[شملول]

هلا ابو فاارس
لو يدرون وزارة التجارة ان التموين ينبااع برا الكويت كااان علووم
عندنا في الكويت ممنووووع بيعه بتاتا
وبالنسبة للرز اسمه رز التموين وليس xl
رز xl هو رز نوع ثاني اسمه كنتري وهو اطول حبه علي الاطلاااق عندنا

طبعا التموين ينباااع عندنا بسعر رمزي ومدعووم
بس السنة هذا جانا مجانا بمكرمة اميرية

هذا للتوضيح وعليكم بالعافية



أفهم من هذا ان رز اكس ال يختلف عن رز كنتري..!! صح..؟

[سدئ المزن]

الله يعافيك اخي دهران

انا ماخليت مكان فالحفر الا ودورت عليه

وماحصلته

لاكن بعد التقرير عرفنا مكانه

اشكرك يابوفارس

[سعيد بن مسعدة]

الرز متوفر بالحفر بكثرة ، إما في السوق كما بين دهران أو في محلات المنتجات السورية التي على شارع الستين وأسعارهم متقاربه .

[ابوفهيدان]

هلا وغلا بالحبيب
هل فيه أكياس (5) كيلو من رز اكس ال كنتري نبي نجربه وكم سعرها


نعم اخي الكريم متوفر عندنا بكثرة وبجميع الاوزان
الخمسة كيلو تقريبا 50ريال

أفهم من هذا ان رز اكس ال يختلف عن رز كنتري..!! صح..؟

نعم يختلف عنه ورز التموين كان بالنسبة لنا عادي ولكن في السنتين الاخيرتين تغير وصار مفضل عندنا وميزة رز التموين هو الرائحه والطعم البشاوري



ورز كنتري نوعين
نوع عادي وممتاز جدا
ونوع xl يعتبر الافضل

وميزة الكنتري طوول الحبه والرائحه ونستخدمه في المناسبات

[cooc]

ورز كنتري نوعين
نوع عادي وممتاز جدا
ونوع xl يعتبر الافضل

وميزة الكنتري طوول الحبه والرائحه ونستخدمه في المناسبات

السلام عليك ابو فهيدان
الرز كنتري اكس ال
الممتاز هو نفس الموجود في الصورة ام لا
وشكرا
العادي
http://im12.gulfup.com/2011-12-16/1324034962362.png
الممتاز
http://im12.gulfup.com/2011-12-16/1324034962241.png

[pass2love]

السوق السعودي مليان انواع ممتازه من الارز

لاكن اغلبها لم تجرب

بالنسبه للحليب المجفف الي بسوق عندنا تعبان

ماعدا النيوزلندي يجي كيس كبير خمس وعشرين كيلو وفيه اقل

نشتريه اربع اشخاص ونقسمه

بيننا

طعم ودسم معتدل مثل الحليب القديم ماتغير



منتوجات كي دي دي موجود وفعلا صلصه طماطم

ممتازه

[مهندس مكشات]

يعطيك العافيه على التقرير

[نفود الثويرات]

الرز أنواع كثيرة
بالنسبة للأكس إل أيضاً أنواع كثيرة مرة، ولكن احرص على أن يكون مكتوب عليه الشركة الهندية الكويتية، هذا أفضل شيء يكون مكتوب استكر على جنب الكيس
http://store2.up-00.com/Dec11/96372007.jpg (http://www.up-00.com/)

حيث يأتي منه شكلين لتلك الشركة(بالنسبة للبشاور)كتكو إكس إكس إل وعليه ختم الشركة الكويتية الهندية.
http://store2.up-00.com/Dec11/Gns72007.jpg (http://www.up-00.com/)
ويأتي منه 9 كيلو و10كيلو و13.5كيلو و20 كيلو
ويأتي الشكل هذاXLكنتري ويأتي أيضاً عليه نفس الختم السابق.
وهذين النوعين من أفضل الأنواع طول حبة، وطعم صح.
http://store2.up-00.com/Dec11/KXe78788.png (http://www.up-00.com/)

[ع العمرو]

http://m7ml.com/uploads7/5de79372ff.gif (http://m7ml.com/)

[AxR979]

غريبة الرز له تاريخ انتهاء ؟

و السكر تاريخ انتهاءه بعد 10 شهور

[مقدام النت]

تقرير رائع



الله يعطيك العافية أخي / دهران

[عجاج السناف]

موضوع جميل بجمل هذا المحيا من ابوشبعان
شكرا لك
وجزاكم الله خير


http://im14.gulfup.com/2012-01-01/1325451571191.gif

[رعد الصحراء]

الأخ الغالي / أبو فارس


يا هلا بك


هذا الرز اللي عليه الكلام أو بالأصح .. هذا اللي موصَي عليه الطبيب :)


وقريباً إن شاء بنظبط عليه نثريه


http://4upz.almsloob.com/uploads/images/www.almsloob.com-6ea4c38311.gif


الله يعطيك العافيه


بانتظار جديدك


تقبل تحيتي

[أبوتركي ومحمد]

http://www.mekshat.com/pix/upload03/images135/mk17809_rdd121ul7.gifوتقبل تحيتي

[جذآآآب]

دهران مشكوووووووور اخووووووووي

[الحصان 1]

الله يعطيك العافية

[ابوفهد سليمان]

ماادري عن الرز اللي ذكرته في تقريرك

لكن بالنسبة عندنا هنا ... ارى مافيه افضل من بنجابي المهيدب رغم ارتفاع سعرة

[رِجم]

صرنا مثل المصاريا :)

المواد الغذائية اللي عندنا كديش الله يكرم النعمه عقب ما كان يضرب فيه المثل

لا والحين عاوزين شقه وعربيه من اللي يشتري عربيه جديده ولا يملك بيت

[إبومشعاب]

السلام عليكم لو تلاحض ان الانسان يحب الشي الي غير متوفرر وهاذي في كل واحد لوراح احد وكل شي عند جيرانه مايشبع منه يخليه هو يبيه.

[سرهيد]

السلام عليكم

مرحبا بالاخ الكريم ابو فارس

ويحيك ربي

عز الله انك جبت العلم عن هالمطلوب من الجميع ، فكل من جربة يبحث عنه

دائما اخي الكريم ابو فارس تطرح ما يفيدنا الله يبيض وجهك

تقبل احترامي

[فهد المحنا]

يا جماعه عندي سؤال؟
هل السعودي ياخذ الاغراض مخفضه او مجانيه من الكويت؟
بالطبع لا
بالطبع نعم .. بشرط إقامته الدائمة بالكويت ولديه أبناء طلاب أو زوجته كويتية.

وانا اذكر قبل خمس سنوات كان فيه محل بالربوه يبيع رز اكسل وبنفس سعر الكويت وقلت له من وين تجيبون الرز قال من الوكيل بالكويت
واتذكر العام الماضي بالكويت جيب شاصي سعودي راص الصندوق رص رز اكسل
هذا طال عمرك الرز الغير مدعوم .. اللي يباع بالمحلات والجمعيات.
ويا جماعه لو كان ممنوع خروج هذه المواد من الكويت كان محلات الايرانيين بالكويت قالو لك قبل تشتري
لا تثق واجد وانا اخوك .. البعض إلا من رحم ربي ما يقول لك.. يخليك تشتري .. طلعتها اوكي ما طلعتها بكيفك.
وبعدين لو هو ممنوع كان شفنا ملصق في جمرك الكويت يحذر دخول تلك المواد التموينيه
في منفذ السالمي الكويتي موجود لوحة مكتوب عليه يمنع اخراج المواد المدعومة من الدولة

وبعدين من واقع خبره اعرف ها الرز قبل عشر سنوات والله مافيه فرق واجد بينه وبين رز باب الهند الكلاسيكي اللي يجي ببلاستيك وليس الخشيه
واخر الكلام الاجانب لاعبين فينا لعب وفي اقتصادنا وانتهم تتهوشون على كيس رز


حبيت اوضح بالنقاط اللي كتبها باللون الأحمر

وسلامتكم وتعيشون :)

[غريب الطباايع]

الله يعطيك العافية

[برزااان]

يمكن عندنا لكن باسم اخر

[way]

جزاك الله خيرا،،،،

[فل اوبشن]

السلام عليكم
زيت دلال من اردئ الزيوت لو يقول ببلاش ماخذته
الرز يالربع انواع مثل البسمتي المحصول يباع ويعبئ كل وكيل له خيشته واسمه
العنبر مثل والبشاور كذالك
الحليب مابه مثل نيدو كجوده

ومثل ماقال احد الاخوان اللي ردو الشي اذا صار مايباع عندك زان في عينك ولا
الكويت ماخبرناها تزرع طماط وش هالمعجون اللي مدري من وين جاء
اخيراً يالمواطن حكم عقلك ولا تجرك الدعايات اي واحد يقول كلام خلاص
امشي عليه وصاحب الموضوع جعله يسلم وضح هالشي قال حسب نظري

تحياتي لكم

[هاوي]

عاشت لنا لكويت لكويت وعاشو اهلها ...

ممكن طريقة الطبخ مع رز بنجاب الشعلان هذا وشكرا

[ضلع سلع]

ما فيه مثل رز الوليمه ....

[Obu-Nasser]

معطينه فوق حجمه هالرز
فيه انواع كثيرة موجودة بالسوق افضل منه بكثير، بس الندرة تخلي الشين زين

[ضلع سلع]

معطينه فوق حجمه هالرز
فيه انواع كثيرة موجودة بالسوق افضل منه بكثير، بس الندرة تخلي الشين زين

وبعد حب التجربه ، والشك بأن الافضل دائما لا يأتي للبلد .
مثل الشاي 999

[بياله شاي]

شكراً الله يعطيك العافيه على هذا التقرير..
افضل رز الوليمة


تم الإرسال بواسطة iPhone بإستخدام Tapatalk

[عشانا]

رز XL موجود وبكثرة عند محلات ارياف القصيم بعنيزة اشكال والوان
وكذلك يوجد عند ه انواع من الشاهي خطيرة لراعي الكيف واشكال والوان
يتم استيرادها من الكويت
الي يقول الاجانب لاعبين فينا لعب
اقول له لولا الله ثم الاجانب كان اكلنا تراب اعزكم الله كل الخدمات من صغيرة وكبيرة يقوم بها الاجانب
ولهذا خلنا بالرز وانواعه يارعاك الله

[قناص الحوى]

ماشاء الله تبارك الله