المساعد الشخصي الرقمي

مشاهدة النسخة كاملة : تكفون يالربع الفزعه في قربعة وطقطقة الباترول موديل 91


راعي مليجة
16/12/2011, 12:48 AM
شباب الله يرحم والديكم عندي باترول صالون موديل 91
والمشكلة أن بدي الموتر مع المطبات يقربع ويسب لي قلق ويزقزق وأحس البدي مع المطبات الصغار ولا الكبار يتهزهز ويقربع والموتر ماهو مترابط والموتر يمشي على الخط بالرغم أن عضلات الموتر التحتية سليمة ومغيرها كلها
أبي الحل الله يرحم والديكم تكفون تكفون تكفون..........
برهوش
16/12/2011, 05:05 PM
غير ربلات الكبوت لانها تطلع صرصرة مع المطبات الصغيرة
سعر الحبة 15 ريال
وتبي تتأكد أضرب الكبوت بقبضة يدك وتسمع الصوت
راعي مليجة
17/12/2011, 10:28 AM
بيض الله وجهك يالذيب والله يرحم والديك مع العلم ان الكبوت وانا أمشي على الخط يتهزهز من عند المساحات وماهو ثابت.
برهوش
17/12/2011, 04:17 PM
شف جسور الكبوت من داخل الي على شكل x اذا كانت متطلقه حط عليها سيلكون بعد انزال الكبوت على الأرض عشان تثبت الجسر ببلك حتى ينشف السليلكون
راعي مليجة
18/12/2011, 01:34 PM
بيض الله وجهك والله يرحم أم وأب خلفوك يعني ما عاد فية قربعة وهذا هو الحل يعني مافية سبب ثاني ؟؟؟
برهوش
18/12/2011, 07:35 PM
هذه الأشياء عندي في سيارتي باترول 97
حبيت أفيدك فيها من واقع تجربه أذا أقتنعت منها صلحها وبعدين أنتقل لشيء ثاني
خبايا انسان
18/12/2011, 11:05 PM
انا نفس المشكلة قربعه بجميع انواع الاصوات

الموتر عضلاته مضبوطه بس المشكله من الديكورات الداخليه ومن بيبان السياره << ولا ادري ما الحل
بني عدنان
18/12/2011, 11:19 PM
عندنا وعندك خير موديل 2005 فتك قرقعة غير طبيعية في الطبلون والمراتب لا ومربط عند النويصر ولا فيه فائده أح يا التويوتا وبس
ابوسدس
18/12/2011, 11:23 PM
والله انا عندي الديكور والدرايش تتقرقش وترفع ظغطي اذا سمعته والله تنرفز الواحد
المنطلدز
19/12/2011, 12:20 AM
الحل
هو ياطويل العمر تربيط كامل من الصدام للصدام بـ 400 ريال او 450 عند ورشة اليمامة بعنيزة
وتختفي الاصوات ذي كله
الكدن1
19/12/2011, 12:20 PM
الحل يبي واحد رايق بالمرة
الديكور يربط ببساطة بس تأكد من قواعده لان بعض الناس يحط بالكفرات 40 ضغط الهواء ويقول وراه تفكك الموتر
الابواب فك الديكور تحصل الوصل حلقات القفل البلاستيكية غير موجوده وتحتاج تغيير
الدرايش تغير الربل اللي في مجرى القزاز