المساعد الشخصي الرقمي

مشاهدة النسخة كاملة : الى حداقة الساحل الشرقي...


بو لولو
16/12/2011, 09:19 AM
السلام عليكم ورحمة الله وبركاته

أنا ابتعدت عن الحداق لظروف السفر لمدة ما يقارب خمسة شهور.. والحين راجع وكلي حماس وشوق بس حاب اعرف إيش وضع حداق السيف هذي الايام بمختلف مناطق الساحل الشرقي من الخفجي شمالا الى راس بوقميص جنوبا وهل للسبيطي او الكنعد اثر ع السيف ولا ندخل له حداق

وبالنسبة لجزيرة بوعلي خاصه إيش وضعها و وضع الحداق فيها...

ياليت كل واحد طلع بالفترة الاخيرة يقول لنا كيف الوضع...
بو لولو
16/12/2011, 05:27 PM
ع الاقل احد يسلم او يقول مساء الخير
alholy
16/12/2011, 07:53 PM
مساء الخير
بالنسبة لحداق السيف ضعيف شوي
والسبيطي بين بالجبيل اما المناطق الثاني
ماعندي خلفية اذا بين ولا لا
accentkool
16/12/2011, 09:13 PM
هلا بالغالي بولولو شلونك شخبااارك واحلى باك لك والحمدالله على سلامتك

الصيد بحدود العقير وتوابعها الزخنونية وام المرخ وام حويض تقريبا الصيد شبة معدووم
SYR
17/12/2011, 03:40 AM
ابو لولو الصيد بكرنيشات الدمام و الخبر و شاطيئ تالا العزيزية معدوم مافي غير قرقفان صفير و كبير غيره مافي نهائيا الظاهر البرد هررب السمك
ولد ادم
17/12/2011, 11:24 AM
عامتاً اخوي الصيد كلش ضعيف ويكاد لايذكر مع البرد الحين السمكة تبعد عن السيف بس ان شاء الله تخلص المربعانية بعد تقريبا شهر ويخف البرد شوي تجيك السمكة
وبالنسبة لجزيرة بوعلي اسمحلي بالكلمة ههههههه لا احد يوطوط كللللللللش ممنووووووووع مافي تصريح لين الله يفرجها

تحياتي للجميع.
ابوماجد-1
17/12/2011, 12:24 PM
هلا اخوي والحمد لله على السلامه

منطقه كنت اصيد فيها السبيطي واشوفه بكثره لكن هالايام للاسف

لاتوجد اثار له البرد يمكن هو المشكله

طبعا انا اتكلم عن موقع قريب من السفانيه
الوحش79
17/12/2011, 06:24 PM
الف حمدا لله على السلامه

بالنسبه لعوار القلب اللي جبته لي والله يسامحك ليه تذكر جزيرة ابو علي رجعتنا للاحزان ياخوي مافي كش طس برى مافيه ممنوووووع والله يفرجها

بالنسبه لحداق الاسياف للمنطقه الشرقيه في هذه الاجواء وبعد مناورات ومحاورات مع الشبيبه
ذكر من خبراتنا(مجموعة الشباب) ان بالبرد حتى لو مافي صيد بالمنطقه اللي انت فيها لاتتفاجئ من الضرب القوي المفاجئ
واساسا الان لسبيطي وكبار الاسماك تتوجه للاسياف اكثر لبحثها عن الغداء وحرارة ودفئ الشمس طبعا نهارا فقط اما ليلا فشبه معدوم

الاماكن اللي انصحك فيها حاليا خلك قريب منطقتك السكني وفي حدودها كالجبيل او الخبر وضحاها وراس تنوره
لسبيطي متواجد وبكثره وانا امس كنت بالمردومه وطلعت خير ولله الحمد
وبالنسبه للمردومه كل ماقرحت المايه كل ماجاك وحلى الصيد فيها لقربك للخور ولها مناطق معينه وكثر من الربيان فهو افضل طعم للصيد فيها وخذ الطري الطازج الغير مثلج (الحبه القويه) لجل مايفك ويطول بالماء ويقاوم

اما بالنسبه للسبب ذكري لك ان لاتبتعد عن مكانك اكثر بسبب البروده ودوران الهواء بهذه الفتره المفاجئ لذلك صحتك اهم

والكنعد والقدود متوفره بالاسياف بس ماتضرب الا على حي او الطري وهذي وانت وخبرتك

والله يرزقك الصيد الطيب المبروك
والمعذره للاطاله
حداق الفناتير
17/12/2011, 09:23 PM
انا بالنسبه لي المحداق في الجبيل ميه ميه وسبيطيه موجوده وشعون موجوده وبكثره