المساعد الشخصي الرقمي

مشاهدة النسخة كاملة : لقيت مشكلتي اللي حيرتني في الباترول، تعال اقرأ ، الفائدة للجميع


sgl2002
18/12/2011, 09:19 PM
كنت قد كتبت مشكلتي عن صوت حره تحت الرجلين وتحت القير طلع لي بعد ماغرزت في الطين بالباترول

ومريت على مهندسين كثير وكلهم اكدوا القير مع اني ما اقتنعت بكلامهم


المهم قلت خلني اجرب الحل الاخير و رحت وفكيت عمود الكردان اللي بين القير والدفرنس
عشان يبان هل هو القير او لا
ومشيت بالدبل الخفيف الا والصوت اختفى وراح

المهم اخذت العمود ورحت للمخرطة وشيك على العمود وطلع فيه فضاوة في الداخل ما ادري وش اسمها ماهي صليب حاجة بداخل العمود مدري وش اسمها وقال يبيلك عمود جديد

بس قال هو يرج قلت لا
قال خله مايضرك وبيخدم فترة طويلة


بعد هذا استفدت ياشباب بأن لا تسمع كلام المهندسين من اولها مر على اكثر من واحد وابدا بحلول بسيطه

وكذلك اكثر المهندسين مايدري وين الله حاطه بس يبي يلهف منك حتى لو مايعرف المشكلة

والفضل يعود لله ثم لها المنتدى اللي اكتسبت منه خبرة كبيرة في مجال الميكانيكا ×
الخيمة والذرا
18/12/2011, 09:23 PM
الف شكر وجزاك الله خير
المهاجر انا
18/12/2011, 09:24 PM
الله يجزاك خير على المعلومة
سيف وقلم
18/12/2011, 10:20 PM
جزاك الله خير والله ينفع بك
sgl2002
19/12/2011, 12:13 AM
اسعدني مروركم
أصيل حجآ زي
19/12/2011, 12:29 AM
مشكور أخي الكريم / سعيد على النصيحة
ومـُشآركتنا التجربة .



هل تقصــُد عظمة الصليب هذي تحت { اليوك Yoke }
وتــُســمـى رُكبة الصليب وتــُسمى أيضآ عظمة الكلب
يعني العظمة اللي يــــُحــب يتمشمشها الكلب أعزكــُـم الله :



http://img.diytrade.com/cdimg/1259587/15829030/0/1286609392/weld_yoke_drive_shaft_parts.jpg




والجهة الأُخرى من عظمة الصليب { اليوك Yoke }
يكون بنهآيتها ترس طولي يدخــُل بالقير أو بالتآجية الكرونة :



http://image.made-in-china.com/2f0j00mMtEDnKFyybi/Drive-Shaft-Parts.jpg



شــــُفها دآخلة بمؤخرة القي ومن جهة العمود مـُلحمة .
بس بعضها كبس بالحرآرة وتـفـــُك وقد تـفــُك جـزئيآ مو بالكآمل وترُج :


http://www.fordmuscle.com/pictures/casscomputers/drive%20shaft%20fits.JPG








هذي تكون رآكبة في نهآية مآصورة عمود الدفع من الجهتين
كــُل جهة وآحدة حسب النوع .
بعضها كبس بقوة وقرص .
وأغلبها مـُلحمة .
جمس_454_97
19/12/2011, 01:10 AM
فعلاً صادق انا مشيت ورى كلامهم ودفعوني فوق 8000 الاف والى الان ماطحت على المشكله
وكل من جسته قالي افحص كمبيوتر بمية ريال بالاخير قلت لهم انا مافحص ولا شي صلح لي المشكله والي تبيه ابشر فيه اما افحص وبالاخير ماتنحل مشكلتي ماراح ادفع
نصابين وحاطين اجهزت الكمبيوتر باب نصب واغلبهم والله مايدري وش طلع له بالكمبيوتر ولا يعرف الاكواد الي تطلع يتوقع توقع قالو لي طرمبة بانزين وغيرتها قالو لي بخاخات وغيرتها قالو لي بواجي وغيرتها قالو لي منظم الهواء يحتاج تنظيف وخليتهم ينظفونه ولاكن مازالة السياره تطول بالتشغيل
sgl2002
19/12/2011, 06:56 AM
اخوي اصيل

اشكر مرورك لكن ماهي عظمة الصليب

المشكلة في وسط العمود لان العمود عبارة عن جزئين مشبوكة في بعضهم
والمشكلة في منطقة التقاء الجزئين
لو لفيت الجزئين عكس بعض بتحس بفضاوة
العمده 0ون0
19/12/2011, 01:28 PM
مشكور و بارك الله فيك على الإفادة0
هذه اسمها (فلنجة) عمود الكردان يوجد داخلها ربلة و رمان بلي (بيرنق) حق الشيال ومع التغريز دخل الطين للبيرنق وطلع صوت و الربلة يمكن انقطعت داخل وتسبب رجه خفيفة اثناء الدعس و شيل الرجل عن الدعسة 0
هذا والله اعلم0