المتعارف عليه في فقدان الطير

[هاوي الصلفات]

بسم الله الرحمن الرحيم
امسي على مشرفي واعظاء و زوار هذا المنتدى الشامخ بالخير واتمنى ان يكون الجميع بخير وصحة وعافية . وارجو ان تكون مشاركتي الاولى في هذا المنتدى ذات فائده تعود على الكل بالخير . فأبدا مستعيناً بالله راجياً توفيقه للجميع
لا يخفى على الجميع مقدار الطير عند صاحبه ومحبته عموماً وخصوصاً اذا كان الطير له فعل طيب وطبوعه زينه فهذا يكون اغلى و عند الخليجيين الطير يشارك غلاه غلى العيال لاكن الطير عرضه دائم للضياع من صاحبه ولا يخلو صقار ماحصله فقدان طير . لكن يكون الامل بالله كبير ان الله يعقله أو يطرحه في يد ابن الحلال الي يشود عليه ويرده والحمد لله في الوقت الحاضر كثرت فرصة عودة الطير لصاحبه لوجود الحجل ورقم الهاتف ووجود الشريحة في الطير .
وانا اتسائل عن العرف في فقدان الطير و ( القضابه ) للي يطرح الطير
ومتى يعتبر الطير مفقود !
اوضح اكثر في العام الماضي فقد واحد من الربع طيره طبعا فيه ريشه وحجل لكن لحظات واختفى كل شي وبعد يومين يتصل شخص بالقرب من مكان مضيع الطير ويقول الطير عنده ويبغى القضابه ومنزل الريشه ومبرقع الطير شغلة خبير ويقول لقيته على حمامه قبل يومين في نفس وقت مضيعه عنا ؟ يعني شاف الطير صايد جا وشاله وحنا جايين للطير لاكن فك الريشه وفقدنا كل شي .
واحد اخر في المدعى فقدطيره ومشى على الريشه الى ان وجد سيارة ووقفه ووجد الطير في السيارة
وقبل امس نفس الطريقه مع واحد من الربع الطير يدق على القريب وبلحظه ينقطع كل شي ؟؟


وسؤالي اذا كان الطير فيه ريشه وحروة دعو والا صايد وصاحبه يتتبعه وجايه هل هو مفقود ولازم اشيله واقول رزق جابه الله أو اقضب الطير وانتظر صاحبه وانا في مكاني حتى ينقطع الامل من صاحبه ثم اتصل به؟
وهل تصح القضابه ام لا ؟
وآسف على الإطاله وارجو المشاركة من الجميع لتعم الفائده
وشكراً.

[اقدم صقار]

السلام عليكم
هلا بك اخوي هاوي الصلفات
موضوع مهم جداً جداً وله مكانته عند الصقاقير
وكلامك في محله من ناحية ان الطير يختفي في المدعى وبالعربي ينسرق عينك عينك ولا احد ينقد على كلامي
فيه ناس الله يعافيهم ولا يبلانا مافي راسه الا سرقة الطيور في المداعي الله يهديهم
اما طراحة الطير اعتبرها شي طبيعي لمن يطرح طيري اذا ضاع ورا حبارى اقصد وانا قانص او ضيعته في ارض بعيد عن الناس وبصراحه من طرح له طير ورده لراعيه يستاهل الطراحه
هو احسن من اللي يكتمه ويمر عليه سنه وياخذه له الله يعافينا
اسف على الاطاله وتقبل مروري

[قرناس شماالي]

وعليكم وسلام ورحمة الله وبركاتة

ماشاءالله اول مشاركه وحامي حامي جعلك دوم على الطاعه

يالغالي اذ تلقاء الطير ماحوله احد خله معك وفر حولك لين يجي راعيه مدام فيه ريشه اما مالقيته

كلم الرجال علطول ورده له اما من ناحيت اقول رزقه لاوالله هذي ماهي علوم الرجال

والطير فيه رقم وريشه ماتوقع يخفيها الى ضعيف الذمه وماله فصقاره

لو له خبره في الصقاره يحط موقفه بمكان صاحب الطير وراح يرده

ومثل ماقال الشاعر مشعل حمود الحبيني العازمي


البارحه ياحسيـن مركـاي كوعـي
من العشا الين اذن الفجر يا حسيـن

ما غير اسلـي خاطـري بالدموعـي
مثل الذي من يقضي الديـن بالديـن

وكل السبب طيري حسين الطبوعـي
النادر اللي شوفتـه تطـرب العيـن

اللـي ليـا منـي نهمتـه فزوعـي
مثل الشجاع الـي نهمـوه القريبيـن

قمـت اتـذكـر تلـتـه لطلـوعـي
بخدن قنصنا فيه حـروة اسبوعيـن

مدري ثمان ايـام معهـن اسبوعـي
لا شك كنهن يا ابن الاجـواد يوميـن

وفي تالي المقناص يـوم الربوعـي
اتلى العهد به راح يلـوي الجناحيـن

اقفى وراء خرب ٍ مصقـر جزوعـي
متذير ٍ واردفت مـن عقبـه طيريـن

وسقنا معاهن وسـط خـد منوعـي
اقف ٍ شمال ومبعـدات عـن العيـن

الخرب صامـل والنـداوي قطوعـي
وحال الوعر من دونهـم والشعيبيـن

وقفت ادربل ميـر مامـن سنوعـي
وقالوا جهاز الطير ما نسمعـه زيـن

واجهدت رجلي بكل رجـم ٍ رفوعـي
ارقى والوح وادبل الصـوت صوتيـن

وما قصرو وقـت المنافـع ربوعـي
واخذت في جـو القطامـي نهاريـن

لاشك طيري مـا نـوى للرجوعـي
وانـا بعـد حـدرت يـم البـلاديـن

ما كان ودي ان المفـارق فجوعـي
ليتـه موادعنـي سـوات المحبيـن

الله يلـوم الطيـر بعـده يلـوعـي
خلاني اسهـر والمخاليـق ممسيـن

عساه يسلم مـن يديـن الطموعـي
اللي عن النشـاد يخفـي البراهيـن

والا الرجال الـي تعـرف السنوعـي
تلقى على حجله مع السبق رقميـن

والا عسـاه ابنـاريـات التلـوعـي
ورزقه على الي خالق الناس من طين

ومما جرى يا حسين قلبـي قنوعـي
لو كان عقبه خاطري صايـر ٍ شيـن

وتقبل تحياتي \ قرناس شمالي

[شاهين2]

حياك الله اخوي بين اخوانك
انا اقول اللي يلقاه ويفصل الريشه هذا حرامي ومايستاهل الا سواد الوجه
اما الرجال اللي يلقي الطير ومافيه ريشه او الريشه مو شغاله يستاهل القضابه
مع اني حتي القضابه ماشوف ان الرجال ياخذها اذا يدور بياض الوجه والسمعه الطيبه

[هاوي الصلفات]

هلا بكم اخواني
اقدم صقار - قرناس شماالي - شاهين 2
وشاكر مروركم وكلام الجميع في محله وصدق الشاعرمشعل حمود الحبيني يوم قال
عساه يسلم مـن يديـن الطموعـي
اللي عن النشـاد يخفـي البراهيـن
والا الرجال الـي تعـرف السنوعـي
تلقى على حجله مع السبق رقميـن
.

[ابو قنص]

من الاخطاء الواقعه عند بعض الناس اذا لقى شي ثمين او طيراو غيره من حكم القطه اخفاها لمدة سنه حتى تحل له دون ان يعرفها وهاذا خلاف ما امر به الشرع

[رعد المطر]

مساء الخير اخى وااااشكرك على هذا الطرح
يااخى حصلت معنا كثير مره فقدنا طير عزيز وحصناه عند ناس وقاموا يحلفون بالله كذب وبهتان ان الطير ملك لهم من سنتين ولكن الطير فرررررررررخ فتركناهم بمجرد حلفهم
ومره طير لنا اخر سمعنا انه عند ناس وذهبنا لهم وبمجرد ذكر الماريه رجعوا لنا الطير
لكن انه بيسرق طيرى عينك عينك لا يخسى ويعقب

[(هزاع)]

السلام عليكم

هلا بك اخوي هاوي الصلفات
موضوع مهم جداً جداً وله مكانته عند الصقاقير
وكلامك في محله من ناحية ان الطير يختفي في المدعى وبالعربي ينسرق عينك عينك ولا احد ينقد على كلامي
فيه ناس الله يعافيهم ولا يبلانا مافي راسه الا سرقة الطيور في المداعي الله يهديهم
اما طراحة الطير اعتبرها شي طبيعي لمن يطرح طيري اذا ضاع ورا حبارى اقصد وانا قانص او ضيعته في ارض بعيد عن الناس وبصراحه من طرح له طير ورده لراعيه يستاهل الطراحه
هو احسن من اللي يكتمه ويمر عليه سنه وياخذه له الله يعافينا


اسف على الاطاله وتقبل مروري



كلام سليم يابومنصور
والقضابه
فراحه ياخذها الضعيف
الرجال اللي عليهم الكلام قضابته بياض الوجه والذكر بالخير والدعوات برجاء الحسنات
اللتي لايعادلها مال

[هاوي الصلفات]

ابوقنص - رعد المطر - هزاع
حياكم الله واسعدني مروركم

[السومر]

والله موضوع جميل جدآ عسى اهل النفوس الضعيفه تقراه

انا غدى علي طيرين العام وكلها عليها حجول ولا جاني أي اتصال

حسبي الله على من لقاهن وكتم علمهن

[هاوي الصلفات]

الله يعقل عليك وعلى كل مسلم اخوي السومر
ياما وياما غدالنا من طيور فيها حجول وريش ولكن الله يخلف
شـــــــاكر مـــــــرورك

[توكار]

عساه للسواد الوجه اللى يفك الخاتم

[حمد العذبي]

الصقار اللي نيته طيبه مايفصل الريشه يخليها لكي يستدل عليه صاحبه واذا وجد الرقم يتصل عليه وبخصوص القضابه ماهي حق شرعي هذي بشاره وتجود بهالرجال و الكل ومايجود به ويبقى العلم الغانم ومعاريف الرجال اهم منها كلها..

[محمد3171]

الي ماعنده خوف من الله بيسوي كل شيء الله يرزقنا الخوف منه في السر والعلن

[صياد الخبر]

السلام عليكم

اسعد الله كل ايامكم

المعروف

فلوس وناموس ما يجتمعون ...
لكل قاعدة شواذ ..
في ناس رزقها من ( القضابة )
يعني الرجال لامن سمع عن فقد طير يجيبة بشتى الطرق وياخذ حقه ( ولا ارى بها عيب او منقود )

وبعض الرجال ( الرجال ) لا والله يطرح ويحشم ويكرم وياخذ بياض الوجه ( وايضا له الشيمة والدعاء )

اما اشباه الصقاقير ( ضعاف النفوس ) اما ان يتصييد او يطرح ويساوم او يقطع الخاتم والحجل ب ( زرادية )

اشكرى والعين ترى ...

قبل ازود من ثمان وعشرين سنة طرح الوالد طير وعلى شليلة ( الذناب ) الريشة الوسطى كبس نحاس ( كن عيني تشوفها لليوم )

من المواري انه مملوك لشخصية ملكية او من يتبعها ... تم الاعلان عنه في المجالس .. والدول المجاورة

وجائت الاتصال من قطر والامارات والكويت .. الى ان اتى صاحب الضالة ... وعررفها بدليلها ..

وللإمانة التاريخية .. بقى الطير مع الوالد قرابة الشهرين ( اكل وشرب وعناية )

الشاهد بالموضوع .. الرجال قدم ايمان وحلوف الا ان يعطي الوالد حقه فرفض الوالد ف اصر ان يعطيه حق الرعاية فقط .. ومن جميل الموضوع ان لهذة القصة اصبحت صداقة وصقارة وخوة ( سببها امانة طير )

بالتوفيق