أبضبط موتري ! وطالب مشورتكم ؟؟ + صور)

[mooma]

السلام عليكم ورحمة الله وبركاته ..

أخواني قبل فترة وضعت استفسار في (خيمة اعطال السيارات واصلاحها ) كنت استفسر فيه عن كم مشكلة بالموتر بعد الحادث (الله يبعدنا عنها ولانشوفها ان شاالله)

المهم الشباب ماقصروا وهذا مهوب غريب عليهم !! لكن الى الان ماعرفت وش اللي ابسويه (ماوصلت المعلومه يعني)

فقررت اني اصلح الموتر (أضبطه) عشان أختصر على نفسي وعليكم بالاسئلة راح أقولكم كل شي عن الموتر

السيارة هايلوكس 2001 بنزين- ماشي 200 ألف وكسور
الصيانة

الموتر تحتيته كاملة مغيرة ( مقصات اذرعه عمدان جلب بدي ) يعني تقريبا بدي الهيكل) وضعة سليم الحمدلله
ومسويله تربيط من تحت

اما بدي السيارة (صدامات - رفارف -بيبان) لكم عليها شوي وهنا المشكلة !

مشكلة الموتر
-
-
الموتر ملاحظه من زمان مدري كيف أقولكم

يدخل الصوت الخارجي بزيادة !!!( شفت اذا ماصكيت باب السيارة زين نفسه بالضبط !!!!) مع أن وزنية البيبان 100% موزونة لكن فيها بلا ثاني ولا أعرف وشهو !!

يعني أسمع صوت السيارة بزيادة - السيارات الي تمر جنبي اسمع صوتها بزيادة - صوت الشارع -- حححححووحححح--- اسمعه برضو بشكل زايد عن المعتاد

يعني اذا مشيت 100 الي راكب معي يحسبني أمشي 140 - 150 !! والله

فسؤالي هينا ؟؟؟ هالصوت متعلق بأيش (بالباب - بالرفرف - بـ طبيعة ضعف عزل السيارة ) وهذي الصور الاماكن الي استنتجت ان الهواء او الصوت يجي منها

بطانة الرفرف (مع انها سليمة لكن الجهة اليمين معدووومة هههههـ)
http://www.up.fekrh.com/uploads/images/fekrh-com7349d6678d.jpg

وهذي الصورة من جوا السيارة والباب مفتوح مثل ماتشوفون الرفرف له فتحة ع الباب !!


http://www.up.fekrh.com/uploads/images/fekrh-come31abf6936.jpg


ومثل ماتشوفون هنا بعد تسكير الباب الوزنية تمام والباب مضبوط (الفراغ الاسود كله ربله مافيه فتحة أبدا)
http://www.up.fekrh.com/uploads/images/fekrh-com6d5a0986ea.jpg

طبعا هذا استنتاجي ويمكن يكون خطأ أو صح ؟؟

فالذي اطلبه منكم ؟؟ أنا واحد أبي أضبط الموتر ومابقى الا هالنقطة ؟؟

فما أدري أبدا من وين (لأن ماأبغى أسوي شي وبعدين مايكون له دخل وأخسر صح؟) لأني ماني متأكد

أنا اعرف انه هايلوكس مهوب لكزس ولا افالون ! بس برضو أبغى أحسن الموتر شوي

يعني كل حاجه فيه ضبطها الا البدي مدري وين أبداه معه ؟؟

فالمطلوب شغلتين ؟؟ والي هي

1- هل دخول الصوت (الازعاج ) هل هو من عزل السيارة نفسها (بطانة الارضية وبطانة الابواب بالديكور نفسه) ؟؟؟ أم هي من الرفرف ؟؟ (الي حطيت صوره فوق)

والشغلة الثانية

2 - متعلق بالسؤال (1) اذا امكانية تحديد هالشي صعب؟؟
ممكن تدلوني على ورشة بالرياض , أروح له - يركب معي بالموتر يسمع الصوت , ويحددلي وين يجي منه -- وأخيرا أزين الموتر عنده ؟؟؟

وصلى الله على النبي! وبس !!


وأشكركم مقدما على المساعدة ...

[امير المشاعر]

انا كان معي هوندا اكورد موديل حديث وانا اخوك فيه صوت اسمعه لدرجة اني كرهتها رحت الوكاله في الدمام
جلس الفني يتفلسف علي وقال هذي شي عادي انت مو شاري سيارة المانيه انت شاري سيارة يابنايه سيدان
وبلغني انو المرياة حقت السيارة لان الهولى وانت مسرعه يدخل بين المرايه والقزاز تبع السائق وتحس ان الهوى داخل عليك
والحل اللي اقترحته الوكاله (اني ازيد على صوت المسجل واطنش) والله الشاهد على كلامي

[SAS2]

نفس مشكلتك بكابريس 2004 طبعا بعد حادث ونفس الصوت الي تقوله

ركبت ربل تلقاه بكل محل زينه ركبه كامل ولا يقولك ابركب جهه واخلي

جهه ركب كامل وترتاح وتعيش بسعاده وتنتهي المشكله ×

[mooma]

السلام عليكم ورحمة الله وبركاته ..

أخواني قبل فترة وضعت استفسار في (خيمة اعطال السيارات واصلاحها ) كنت استفسر فيه عن كم مشكلة بالموتر بعد الحادث (الله يبعدنا عنها ولانشوفها ان شاالله)

المهم الشباب ماقصروا وهذا مهوب غريب عليهم !! لكن الى الان ماعرفت وش اللي ابسويه (ماوصلت المعلومه يعني)

فقررت اني اصلح الموتر (أضبطه) عشان أختصر على نفسي وعليكم بالاسئلة راح أقولكم كل شي عن الموتر

السيارة هايلوكس 2001 بنزين- ماشي 200 ألف وكسور
الصيانة

الموتر تحتيته كاملة مغيرة ( مقصات اذرعه عمدان جلب بدي ) يعني تقريبا بدي الهيكل) وضعة سليم الحمدلله
ومسويله تربيط من تحت

اما بدي السيارة (صدامات - رفارف -بيبان) لكم عليها شوي وهنا المشكلة !

مشكلة الموتر
-
-
الموتر ملاحظه من زمان مدري كيف أقولكم

يدخل الصوت الخارجي بزيادة !!!( شفت اذا ماصكيت باب السيارة زين نفسه بالضبط !!!!) مع أن وزنية البيبان 100% موزونة لكن فيها بلا ثاني ولا أعرف وشهو !!

يعني أسمع صوت السيارة بزيادة - السيارات الي تمر جنبي اسمع صوتها بزيادة - صوت الشارع -- حححححووحححح--- اسمعه برضو بشكل زايد عن المعتاد

يعني اذا مشيت 100 الي راكب معي يحسبني أمشي 140 - 150 !! والله

فسؤالي هينا ؟؟؟ هالصوت متعلق بأيش (بالباب - بالرفرف - بـ طبيعة ضعف عزل السيارة ) وهذي الصور الاماكن الي استنتجت ان الهواء او الصوت يجي منها

بطانة الرفرف (مع انها سليمة لكن الجهة اليمين معدووومة هههههـ)
http://www.up.fekrh.com/uploads/images/fekrh-com7349d6678d.jpg

وهذي الصورة من جوا السيارة والباب مفتوح مثل ماتشوفون الرفرف له فتحة ع الباب !!


http://www.up.fekrh.com/uploads/images/fekrh-come31abf6936.jpg


ومثل ماتشوفون هنا بعد تسكير الباب الوزنية تمام والباب مضبوط (الفراغ الاسود كله ربله مافيه فتحة أبدا)
http://www.up.fekrh.com/uploads/images/fekrh-com6d5a0986ea.jpg

طبعا هذا استنتاجي ويمكن يكون خطأ أو صح ؟؟

فالذي اطلبه منكم ؟؟ أنا واحد أبي أضبط الموتر ومابقى الا هالنقطة ؟؟

فما أدري أبدا من وين (لأن ماأبغى أسوي شي وبعدين مايكون له دخل وأخسر صح؟) لأني ماني متأكد

أنا اعرف انه هايلوكس مهوب لكزس ولا افالون ! بس برضو أبغى أحسن الموتر شوي

يعني كل حاجه فيه ضبطها الا البدي مدري وين أبداه معه ؟؟

فالمطلوب شغلتين ؟؟ والي هي

1- هل دخول الصوت (الازعاج ) هل هو من عزل السيارة نفسها (بطانة الارضية وبطانة الابواب بالديكور نفسه) ؟؟؟ أم هي من الرفرف ؟؟ (الي حطيت صوره فوق)

والشغلة الثانية

2 - متعلق بالسؤال (1) اذا امكانية تحديد هالشي صعب؟؟
ممكن تدلوني على ورشة بالرياض , أروح له - يركب معي بالموتر يسمع الصوت , ويحددلي وين يجي منه -- وأخيرا أزين الموتر عنده ؟؟؟

وصلى الله على النبي! وبس !!


وأشكركم مقدما على المساعدة ...

منتظر افادة الخبراء

[مسير عليهم]

شيكت على الكفرات

على فكرة معي جمس 2009 واسمع وشه وهو جديد

المشكلة في شوارعنا والدليل جرب موترك على شارع جديد ماله الا كم اسبوع وجربه على شارع قديم


الكفرات لها دور

وفي الخطوط معروفه اغلب السياارت اليابانية والكورية والامريكية فيها صوت والامريكان صاحين وحلو المشكلة في المسجل كل مازدت السرعه زاد صوت المسجل عشان تنسى صوت الهوا

[عاشق دفرنسين]

اخوي والله شف هو ترا شوارعنا مادري وش تبي بصراحه تمر من شارع تحس انك مو على زفلت ههههههههههه كانك فالهوا وتمر شارع تحس انك في بر مو شارع يعني اتوقع ركب ربلات اللي فالزينه جرب او يمكن انك قبل تصدم فيه كان فيه الصوت بس انت منتب لمه يوم صدمت صرت تدقق بكل شيء يعني ويمكن من الكفرات وان شاءالله تلاقي حل

[بيك اب 4X4]

ركب ربلات مثل ما قالوا الشباب
و عندك محلات متخصصه مثل زيبارت عندنا في الشرقيه يرشون لك طبقة عازل للصوت على بطن الموتر

[حسن الشمالي]

لله يكون في عونك يالغالي...
محدثك له خبره طويله في الهايلكس...
عندي موديل 2000 وموديل 2005
...........
والرفارف السود والفتحة اللي في البيبان مالها دخل في الصوت على ما اعتقد...

وانصحك بالاتي ...
افتح كبوت الموتر... وشيك على جميع الاسلاك والليات اللي تدخل للغمارة ... تبي تلقى جلب و سدات ربل
اعتقد ان وحده منهن ماركبت زين او ان حداهن طايحة...

واركب الغمارة من جهه الراكب الامامي وطل تحت الدرج تبي تلقى لي حق المكيف اللي ينقط مويه ...
له ربله غالبا تلقاها طايحة...
ايضا جلبة ذراع الدركسون يمكن السمكري فكها ولا رجعها...

هذا اجتهاد مني قد اصيب وقد اخطء...
تحياتي...

[mooma]

مشطووورين على ردودكم وافاداتكم لكن حبيت أبلغكم عن كم شغله

الكفرات جدييدة مالي 6شهور مركبها وماجاها خطوط أبد (يمكن مشيت عليها 10000 كيلو بس!!)

الربلات / رحت لمحل زينة وركبت الي قلتوا لي (الربلات) !! الصوت نفسه هو هو ماتغير

أخوان رجاء يعني بدون احراج أنا كاتب ذا الموضوع وتعبان فيه (ساعتين وانا اكتبه ) عشان أوضح لكم ان موتري فيه مشكلة


يعني أنا قلت لكم بالموضوع لو تلاحظون (أدري ان موتري هايلكس حتى السيدان اليابانية مافيها عزل وعارف هالشي !!) بس أنا موتري مزعج بزيادة

أنا سايق سييرا 2010 وسايق كابرس 2007 وأكورد 2006

وييين فرررقق عن موتري

معللييش ياأخوان موتري فيه بلا مو طبيعي أنا اعرف واحد معه هلي 2003 (فرق شكل ومكينه بخاخ
) برضو فرق عن موتري (بس مهوب زي السييرا ههههه)

وبعدين غير كذا أعرف صوت الشارع الخربان
والله أن اسمع صوت الشارع من سرعة 40كم !!!! غير كذا المواتر الي تمر جنبي اسمع صوتها كأني منسم للدريشة أو كأني ماسكرت الباب زين ؟؟

أنا عارف هالمشكلة من الباب وربلاته أو ممكن تكون شي ثاني


عشان توصل المعلوومه عندنا أكوورد قديمة شوي (حقت ولد عمي بس انها معي لأنه مسافر ويبي يبيعها وخلاها عندي ) يعني اخذها هالايام والله أنها هادية مررره عند موتري (مع انها ماشية 300الف ماشاءالله )

يعني السالفة مو سالفة طريق خربان

وغير هذا دقيت على جيوشيلد يقولون العازل 80% صوت بـ800 ريال!!!!!!!! ويرشون االمادة الي ذكرها أخوي بيك اب 4x4 بـ600 ريال!!!

أوك مافيه مشكلة لو اضمن ان موتري بيضبط !!

لكن المشكلة أنا ماني متأكد ذا الصوت من وين ؟؟؟

تكفون أبي شي واحد هو

ممكن تدلوني على ورشة بالرياض , أروح له - يركب معي بالموتر يسمع الصوت , ويحددلي وين يجي منه -- وأخيرا أزين الموتر عنده ؟؟؟

[mooma]

لله يكون في عونك يالغالي...
محدثك له خبره طويله في الهايلكس...
عندي موديل 2000 وموديل 2005
...........
والرفارف السود والفتحة اللي في البيبان مالها دخل في الصوت على ما اعتقد...

وانصحك بالاتي ...
افتح كبوت الموتر... وشيك على جميع الاسلاك والليات اللي تدخل للغمارة ... تبي تلقى جلب و سدات ربل
اعتقد ان وحده منهن ماركبت زين او ان حداهن طايحة...

واركب الغمارة من جهه الراكب الامامي وطل تحت الدرج تبي تلقى لي حق المكيف اللي ينقط مويه ...
له ربله غالبا تلقاها طايحة...
ايضا جلبة ذراع الدركسون يمكن السمكري فكها ولا رجعها...
- أخوي ماعندي حادث وصل لجهة الدركسون أو حوله أبد كل حاودثي جه الراكب ) يعني هذي نستبعدها
هذا اجتهاد مني قد اصيب وقد اخطء...
تحياتي...

مشككووور أخوي الله يجزاك خير وابشيك ع الي قلت لي ان شاءالله تنحل المشكلة

وبرد لكم خبر قريب ان شاءالله

[مسفر الاكلبي]

نصيحه لا تخسر نفسك انا عانيت من ها المشكله في كابرس وخسرت وتعبت وفي النهايه بعته وافتكيت

اذا تبي شوري بعه وزد عليه وريح نفسك

[mooma]

أخوي لو الود ودي أبيعه اليوم بس !! مو بكيفي (الحال الله اعلم فيها ) والمواتر شابه نار

حتى الدراهم الي لوبعت الموتر وازود عليه مهيب معي

وأنا خريج وعاطل ومامعي الا 3000 ريال والله

وبعدين معليش أخوي بس موترك أمريكي مع احترامي أنه افشل موتر وخاصه الكابرس

بس انا ياباني والتعديل فيه مهوب خساره (تعطيه ويعطيك )

[mooma]

لله يكون في عونك يالغالي...
محدثك له خبره طويله في الهايلكس...
عندي موديل 2000 وموديل 2005
...........
والرفارف السود والفتحة اللي في البيبان مالها دخل في الصوت على ما اعتقد...

وانصحك بالاتي ...
افتح كبوت الموتر... وشيك على جميع الاسلاك والليات اللي تدخل للغمارة ... تبي تلقى جلب و سدات ربل
اعتقد ان وحده منهن ماركبت زين او ان حداهن طايحة...

واركب الغمارة من جهه الراكب الامامي وطل تحت الدرج تبي تلقى لي حق المكيف اللي ينقط مويه ...
له ربله غالبا تلقاها طايحة...
ايضا جلبة ذراع الدركسون يمكن السمكري فكها ولا رجعها...

هذا اجتهاد مني قد اصيب وقد اخطء...
تحياتي...
أخوي شيكت ع الي قلت لي

وكل شي سليم مافيه ربله طايحه ولا سلك طالع كل شي بمكانه

[mooma]

أخواني تكفوووووووون أبي ورشة يضبطون هالشغلات
(ديكور الموتر - بدي ) يعني أوديله الموتر ويعلمني وش فيه تكفوووون مالي الا الله ثم انتم

[oOالدوسريOo]

السلام عليكم

اخوي أنا أشتغلت بسيارتي شخصياً من ناحيه العزل والحمدلله لاحظت فرق كبير بشاهده من اللي يركبون معي

على العموم أخوي مشكله العزل بسيطه بإذن الله إذا كانت السياره ما جاها حادث قوي وتحرك الشاص حقها أو صدمه وجه أو جمب قويه
بخصوص العزل أهم الأماكن للعزل طبعا اللي هي عزل الأبواب والأرضيه ثم عزل الطبلون ...
واول خطوه المفترض تروح لشارع فاضي من السيارات تمشي على سرعه بسيطه وتزيد على شوي شوي وتحاول تدقق الصوت من أي جهه يدخل .؟؟ من جهه الدرايش او من جهه أسفل البيبان او من أرضيه السياره .؟؟

السالفه بتطول معكـ شوي لكن تحملني وأبشر باللي يفزع لكـ .. والله لو أعرف لك أحد متخصص بالعزل أفدتك لكن للأسف بحثت كثير وكلهم ما عندهم خلفيه اللهم جايبين لك كم ماده عزل وقالو أحنا متخصصين .!! ومن تجربه تعتب وانا أدور لكن ما فيه مثل شغل يدك ودامكـ عاطلـ أن شاء الله تكون فاضي وتفضى للونيت صح وتمخمخ عليه :D وصدقني بيطلع ولا أحلـى :good2:

مثل ما قلت لكـ أطلع بشارع معين وحاول تركز اول الصوت من وين يجيك والصوت وإذا رفعت السرعه من وين يجيك الصوت من المزعج .؟

بأنتظارك اخوي ;)

[oOالدوسريOo]

أخــوي أصبر علي يومــين وأبشر باللي يرد عليـكـ خــاص ^_^
المشكله اكتب لك رد لكن لازم عدد المشاركات فوق 50

[ابن مجدوع]

اخوي انا عندي هايلكس 2010 ماعليها لكن لو فيها رياح يدخل الصوت .. ولا هي بغريبة .. تراهي هايلكس ماهي الماني :)

[Ra3e]

شيكت على الكفرات

على فكرة معي جمس 2009 واسمع وشه وهو جديد

المشكلة في شوارعنا والدليل جرب موترك على شارع جديد ماله الا كم اسبوع وجربه على شارع قديم


الكفرات لها دور

وفي الخطوط معروفه اغلب السياارت اليابانية والكورية والامريكية فيها صوت والامريكان صاحين وحلو المشكلة في المسجل كل مازدت السرعه زاد صوت المسجل عشان تنسى صوت الهوا
مسير عليهم كلامه سليم :)

شف الكفرات لو تركب موتر عليه بالون ومشين به اكثر من 100 تسمع تصفير وصوت الهواء قوي بالحيل ..

[ابونبيل]

شف سلمك الله شيك على القزاز المثلث الي على الابواب الاماميه

والشي الثاني ومدري له علاقه ولا لا الابواب تجي لها كيس من داخل يلقونه الوكاله بسيلكون وتراه يعزل الصوت

انت عقب السمكره يمكن ماحطيت الاكياس الي داخل الباب

وترا كلامي اجتهاد والله يرزق الحل المنتاز

[موسم الجن]

أنا بأقول لك راي اولا الهوا مايدخل وانت بداخل السياره لانه الهواء يطلع برى ثانيا اذا انت تقول ان الهواء يدخل عليك وتبي تعرف امسك خط وولع سيجاره ومررها على الباب من داخل وانت مقفل الدرايش راح تشوف دخان السيجاره يخرج مع محل صوت الهواء اذا كان من البيبان واذا ماهو من البيبان تلقاه وزن وكبس للكفرات وتقبل خالص تحياتي.