ابشر بسعدك
19/12/2011, 11:19 AM
الاخوة الكرام اهل الحرار واهل النوماس بالهدد
صبحكم الله بكل خير/ومساكم بكل خير
اليوم بكحل عيونكم بهالابيات بوصف الطير للشاعر المبدع بهذا المجال الشاعر عبدالرحمن بن سعود العطاوي العتيبي في قصيدة قديمة رد على الشاعر المرحوم بااذن الله تعالى الشيخ مرشد البذالي الرشيدي حيث كان بينهم مراد ورفقة طويله
يقول مرشد (رحمه الله )بقصيدته للعطاوي
قال الذي بيض الصحايف شهايده
ونفسه عن انكار المعرفه محايده
واقدر الاصحاب وافخر بقدرهم
والهرج يكفي صامله عن زوايده
واشوم للعليا وصاحب طيورها
شوقي عليها سلك الاعجاب قايده
مني لبو نواف جزل التحيه
تحية في عيد الاضحى تعايده
الا ياسلايل روق يامنقع الوفا
تشكر بذكرى صاحبك ياسنايده
مني على راع الوفا مرجع الثنا
اسباب شرح مدرجه في نشايده
وعزالله انك من رجال الشهامه
وهذا هدف قلبي وهذي عقايده
وعنك الصحافي لو يبي العلم مني
كتبت بالخط العريض بجرايده
والا ياشريف السلم يالصاحب الوفي
ربعتك ومشاهدك للقلب مايده
يقول العطاوي في رده على مرشد وهو يعزمة على المقناص معه وكان معهم الشاعر الكبير عبدالله بن نايف بن عون حيث كانو الثلاثة تربطهم صداقه قويه ولاتزال بعد وفاة مرشد رحمة الله
الابيات اللي تكلم عن الوصف وليس بداية القصيدة
يقول العطاوي برده (ليست بداية القصيدة)
انا ضيقتي يارشد في داخل البلاد
علي منها كبر شعر وفرايده
وتجلا همومي يوم اشرف بنايفه
اخازر صدوق الطلع اميز شهايده
غلاص طلعن ماطلب كل ماحترك
عطيب الاهاوي مانكذب وكايده
ليا سمر بالطلع لاكن عاتقه
رقبة الحنيش اللي يراقب مصايده
ليااستتبع المسباق من مشرف النبا
على بطن خور مخضرات كدايده
فيه الدجاج الربد والخرب دونهن
كنه عراقي يحوش رفايده
وادلى عليه مبدد الجول واضربه
ولقيت الفواد مطلعه فوق صايده
وغدا لنا في باقي الجول معركه
انا وابو نايف ومعنا الرشايده
كل يقول افعول طيري معديه
ومن اعجبه طيره رفيقه يزايده
وليا تغدت كل باقي اطيورنا
ترى شبتك للنار بالروض فايده
اندرج على الفنجال الاشقر مزوحنا
والخرب راع القدر ينتف لبايده
هذا يسلينا عن اللي مضالنا
من الغي حيث الغي كثرة نكايده
حر مع الاحرار والصيد والعذا
دامي جروح القلب هذي ضمايده
ومنادمة مرشد وابن عون غايتي
تخلي هواجيسي عن القلب هايده
ابو نايف اللي رفقته ماتغيرت
وابو سيف دونه مانحتني بعايده
ابو سيف عد كل من ورده ارتوى
ليا نشفت من كل رس برايده
فهو كنه الهداج يضرب به المثل
اعاف القصيد اليا طرت لي قصايده
مجاراة ابو نايف لمرشد والعطاوي يقول:
بديت الجواب اللي تقافت جدايده
على القافية والوزن اصخر ثرايده
جواب الاديب اللي درج المثل
تخير جسامه وابتعد عن زهايده
جواب يعرف اللي معه عرف قيمته
جزيل المعاني خالي من نقايده
ولاحرك الساكن وهيض كوامني
سوى قيل بيطار على العرف قايده
على سيرة المقناص والمشي بالعذا
دليله على قطع الخرايم نشايده
وانا اقول يارع الولع قرب الفرج
وليال الاناسة جت على الحول عايده
عسى من يلوم مولع في هوايته
على هدة المقناص بارض محايد
دمتم بخير .....
صبحكم الله بكل خير/ومساكم بكل خير
اليوم بكحل عيونكم بهالابيات بوصف الطير للشاعر المبدع بهذا المجال الشاعر عبدالرحمن بن سعود العطاوي العتيبي في قصيدة قديمة رد على الشاعر المرحوم بااذن الله تعالى الشيخ مرشد البذالي الرشيدي حيث كان بينهم مراد ورفقة طويله
يقول مرشد (رحمه الله )بقصيدته للعطاوي
قال الذي بيض الصحايف شهايده
ونفسه عن انكار المعرفه محايده
واقدر الاصحاب وافخر بقدرهم
والهرج يكفي صامله عن زوايده
واشوم للعليا وصاحب طيورها
شوقي عليها سلك الاعجاب قايده
مني لبو نواف جزل التحيه
تحية في عيد الاضحى تعايده
الا ياسلايل روق يامنقع الوفا
تشكر بذكرى صاحبك ياسنايده
مني على راع الوفا مرجع الثنا
اسباب شرح مدرجه في نشايده
وعزالله انك من رجال الشهامه
وهذا هدف قلبي وهذي عقايده
وعنك الصحافي لو يبي العلم مني
كتبت بالخط العريض بجرايده
والا ياشريف السلم يالصاحب الوفي
ربعتك ومشاهدك للقلب مايده
يقول العطاوي في رده على مرشد وهو يعزمة على المقناص معه وكان معهم الشاعر الكبير عبدالله بن نايف بن عون حيث كانو الثلاثة تربطهم صداقه قويه ولاتزال بعد وفاة مرشد رحمة الله
الابيات اللي تكلم عن الوصف وليس بداية القصيدة
يقول العطاوي برده (ليست بداية القصيدة)
انا ضيقتي يارشد في داخل البلاد
علي منها كبر شعر وفرايده
وتجلا همومي يوم اشرف بنايفه
اخازر صدوق الطلع اميز شهايده
غلاص طلعن ماطلب كل ماحترك
عطيب الاهاوي مانكذب وكايده
ليا سمر بالطلع لاكن عاتقه
رقبة الحنيش اللي يراقب مصايده
ليااستتبع المسباق من مشرف النبا
على بطن خور مخضرات كدايده
فيه الدجاج الربد والخرب دونهن
كنه عراقي يحوش رفايده
وادلى عليه مبدد الجول واضربه
ولقيت الفواد مطلعه فوق صايده
وغدا لنا في باقي الجول معركه
انا وابو نايف ومعنا الرشايده
كل يقول افعول طيري معديه
ومن اعجبه طيره رفيقه يزايده
وليا تغدت كل باقي اطيورنا
ترى شبتك للنار بالروض فايده
اندرج على الفنجال الاشقر مزوحنا
والخرب راع القدر ينتف لبايده
هذا يسلينا عن اللي مضالنا
من الغي حيث الغي كثرة نكايده
حر مع الاحرار والصيد والعذا
دامي جروح القلب هذي ضمايده
ومنادمة مرشد وابن عون غايتي
تخلي هواجيسي عن القلب هايده
ابو نايف اللي رفقته ماتغيرت
وابو سيف دونه مانحتني بعايده
ابو سيف عد كل من ورده ارتوى
ليا نشفت من كل رس برايده
فهو كنه الهداج يضرب به المثل
اعاف القصيد اليا طرت لي قصايده
مجاراة ابو نايف لمرشد والعطاوي يقول:
بديت الجواب اللي تقافت جدايده
على القافية والوزن اصخر ثرايده
جواب الاديب اللي درج المثل
تخير جسامه وابتعد عن زهايده
جواب يعرف اللي معه عرف قيمته
جزيل المعاني خالي من نقايده
ولاحرك الساكن وهيض كوامني
سوى قيل بيطار على العرف قايده
على سيرة المقناص والمشي بالعذا
دليله على قطع الخرايم نشايده
وانا اقول يارع الولع قرب الفرج
وليال الاناسة جت على الحول عايده
عسى من يلوم مولع في هوايته
على هدة المقناص بارض محايد
دمتم بخير .....