راعي العجراء وصكة البيبان

[راعي العجراء]

السلام عليكم ورحمة الله وبركاته

راعي العجراء وصكة الباب
هذه السالفه عن صكة البيبان وماهو موقف راعي العجراء من صكة الباب


اليكم السالفه
سالفة راعي العجراء هالمره غير بزاوية تسعين كيلوات هترز كوبن هاجن كيلو وأت
عن ملاحق الدجاج والبساس
نبدا بالسالفه وهي صكة الباب على الخشم والرقبه
ادري انها غريبه عليكم وكيف حصا ذلك
اخيكم راعي العجراء من المفتونين بلعب الكوره من نعومه اسنانه مدري اصابعه انا اذكر شي يقولونه منذوا نعومه ؟؟؟؟ واعتقد منذوا نعومة مخلابه ثم تحول الى مشجع بعد ماصارت رجليه من الكبر تقول فصلات كبوت جمس من الاولات القديمه يالله حسن الخاتمه
المهم كنت العب كوره مع الاطفال بالحاره في شارعنا المهم تمازعنا انا واحد بالكوره ثم وصلت الى التصافق بالسيقان ثم الى التشابك بالايدي المهم اني ضربت الوليد وهجيت ودخلت البيت وخليته يصيح قعد في البيت وضاق صدري ودي اطلع لايروح علي العصر مالعبت كوره قلت ابطلع اشوف وش الوضع
وانا افتح باب البيت وانا اطل عليه مع فتحة الباب وكان خشمي هو من سبقني الى الفتحه واقعد اجس النبض وخشمي بين الدرفتين للباب الا وخوي الصغير جاء عند الباب ووقف له شوي وانا اشوفه وهو مايدري عني كان ملقيني ضهره يوم جاء يروح وهو يمسك عروة الباب ويصكه
الا وصفقتين الباب على خشمي وانا اللي اصيح اهلي جو عندي يحسبوني اصيح وحاط راسي على الباب مادروا ان الباب ماسك خشمي واشوى عرفوا ان الباب ماسك خشمي ويفتحون الباب
دارت الدنيا وراحت وكبرت وشريت سياره واعرست والرجه لك عليها
مايحتاج اقول عقلت ماراح تصدقون راعي العجراء عارفينه عدل خلوني اقولها لكم على بلاطه الرجه الى الان ساريه المفعول



والاعتراف بالحق فضيله

وكان معي جمس ونيت 77 ويوم جيت انزل من السياره الا وتحت الرجلين مفك سكروب بس انا فتحت الباب وهو يطيح بالارض نزلت راسي ابا اشيله وبنفس الوقت ابقفل الباب وانا اصك الباب على رقبتي يوم دارت عيوني ودارت فوق راسي عصافير افلام كرتون ببباي وطقته
وانتم عارفي بباي اللي مغرم بذيك البنت اللي سيقانها تقول بلف نار وبلف هواء حقات مكينه ددتسن يبيلهن صنفره مدري وش لاقي فيها من الحلى
المهم اني طحت بالشارع من قوة الصفقه واخيرا صحيت وقمت ولاقلت لواحد اني صاك باب السياره على رقبتي ماصدق قال مايصير ووشلون ولا يصدق ولا شرحت له السالفه اخذها ضحكه علي حتى يومنا هذا
انتهت السالفه واشكركم على تواجدكم وسعة صدوركم واسف اذا انا ثقلت عليكم بسواليفي
الممله والتي ليس لها وجهه معينه
وقبل الختام سبحانك اللهم وبحمدك لااله الا انت استغفرك اللهم واتوب اليك
تقبلو تحيات
اخيكم المطفوق راعي العجراء

[قوافي ( أم نهار )]

وعليكم السلام ورحمة الله وبركاته
حياك ربي اخوي راعي العجراء
فصلات كبوت جمس اول مره أسمع ان فيه ركب بها الحجم لا تصير من حقون ارض العمالقه ..
نحمد الله على سلامة الخشم والرقبه
سواليفك لها وجهه ووجهه كبيره وبالأ صح هدف للترويح عن النفس والبعد قليلاًعن الرسميات والنمط الممل..
وإن شاء الله لك اجر سعة صدورنا ..
وفقك الله لكل مايحب ويرضى ودمت بحفظه..
اختك
..قوافي..

[مكشاتي ناشئ19]

ههههههههههههههههههههههههههههههههههههههههههههه
ماتخلي سوالفك ولا تخلي عنك هالشطانة يالدعلة

وآن شخلنا قصتك ذي شخل ماظنتي بنطلع بنتيجة
الا أن قرادة حظك ملازمتك منذو نعومة ملمسك مادري مخالبك
:D:D

مير والله مهنا أزين من الذكريات
سلمت إدياتك من النار يا عم
والله يطول بعمرك كثر منت تتحفنا وتثري هالقسم بسويلفاتك
اللي تملأها الجسارة والقداحة
:good2:

[النبهاني]

وعليكم السلام ورحمة الله وبركاته
ياحيا الله راعي العجراء
سلامة رقيبك ياخشّوم
بباي والدب يتكامخون على ام سيقان بلف نار على قولك على شان ماعندهم غيره
والله الشكر لك اخوي على هالسوالف اللي توسع صدورنا فيها
دمت لنا مبدعا واكثر من رائع اخوي

[خوي مخباته]

جعل ماجاك تكفــــير ؟؟
مشكوووووووووووووووووورر اخوي الغــــالى " راعــي العـجـراء " ســــــــــالفه غايه في المتعـــــــه
والبــاب مدري حديد او خشب اجل راح خشمك تقل خشم بعض هــ المهرجيين حمررررررر
الحمدلله على ســـــــــــــلامتــــــــــــــــك وسلمت ودمت ولا ندمت وبارك الله فيــــــــــــــك
........................ تحيـــــــــــــــاتـــــــــــــــــــــــي ............................ لك

[تلميذ]

أتفق الجميع على أنك ممتع وسوليفك لا تمل ..
ولست أنا من قال ذلك
انت تكتب عن اشياء تحدث مع الجميع
بلغة يستخدمها الجميع
ولكنها تخرج من بين يديك وكانها تحدث أول مره
ولا نمر بها










والرجه لك عليها







مايحتاج اقول عقلت ماراح تصدقون راعي العجراء عارفينه عدل خلوني اقولها لكم على بلاطه الرجه الى الان ساريه المفعول والاعتراف بالحق فضيله





يازينها من رجه :good2: نتمنى الا تنتنهي صلاحيتها ...
أمنيه خايسه :D وشرانيه .. / أعتذر :j
بنحبك في كل أحوالك


اعجبني صدقك مع نفسك قبل الأخرين


تلميذكم وبس وانت تعرف وش معناها أو تكملتها

[ناصر العلي]

وعليكم السلام ورحمة الله وبركاته
هلا بك يالغالي
والحمد لله على سلامة خشمك وأرقبك
حاجة من ثنتين صارت لك
ياأن خشمك صار طويل تقل طير من المط والجر وصقة الباب عليه:D
أو
أنه أندقم:(
من عذر مربي هالشنب
أنتبه تشيلة
تطلع الفضائح:D
لاتشره على يالغالي لو تعديت حدود الميانة


ذكرتني بواحد من الربع أرسله نسيبه يجيب أغراض من شنطة سيارته...البيوك...ويوم أخذ الأغراض وصك الشنطة...أثاري الشنطة ماتنصك على طول...تنزل تدريجي إلين تنصك....اللي منكم مر عليه هالموديل...المهم صاحبنا يفكر أنه ماأنصكت وهو يدخل أدينه يبي يرفع الشنطة وهي تصك على أصابعة....ويصوت ويصوت ولا حوله أحد وقت قايلة.. حاول وحاول ولكن بائت محاولاته بالفشل....يوم تباطته أخته وهى تويق مع الباب وإلى وش تشوف ...شوفة الشر....أخوه مستوي:hot:

[ولد روووق]

ههههههههههههههههههههههههههههه مشكور راعي العجراء

[حسن ابو طالب]

تصدق عاد ..!

انت قاموس تراثي نادر وجوده ..

والله العظيم اني لو جيت للرياض بيوم من الايام الا اسوي المستحيل بس
عشان اتشرف واقابلك طال عمرك .. لعلمك حتى اخواني الصغار الي بالمتوسطه
والثانويه متابعين لجميع مواضيعك وياما ليالي سرت علينا وحنا مامعنا سواليف غير راعي العجراء

بيض الله وجهك .. وفي انتظار اجدد تقليعاتك :D

[Al3rands]

ههههههههههههههههههههه عساه تكفير ذنوب وكيف الجيوب الانفيه الحين

[سليمان الربيعان]

ههههههههههه يمكن الي كنت مستقوي عليه دعاء عليك وعاقبك الله
وزين انه جت على كذا اما سالفه الرقبه هههههههههههه هاذي غير الناس ينصك عليه من رجله او ايده واصابعه
عساه تكفير لما سبق من الجريات والعلوم الغانمه
والله يوسع صدرك مثل ما وسعت اصدورنا
تقبل تحياتي...

[راعي العجراء]

وعليكم السلام ورحمة الله وبركاته

حياك ربي اخوي راعي العجراء
فصلات كبوت جمس اول مره أسمع ان فيه ركب بها الحجم لا تصير من حقون ارض العمالقه ..
نحمد الله على سلامة الخشم والرقبه
سواليفك لها وجهه ووجهه كبيره وبالأ صح هدف للترويح عن النفس والبعد قليلاًعن الرسميات والنمط الممل..
وإن شاء الله لك اجر سعة صدورنا ..
وفقك الله لكل مايحب ويرضى ودمت بحفظه..
اختك

..قوافي..


هلابك ياقوافي
الله يسعد اوقاتك بالمسرات
حضورك في هذه السالفه اعتبره تشجيع
منك فانتي مهندسه الحرف والكلمه
تتطوعينها على كيف ماتريدين فتظهر لنا سالفة ابداعك على الشاشه الذهبيه
كما انتي ذهبيه

[راعي العجراء]

ههههههههههههههههههههههههههههههههههههههههههههه

ماتخلي سوالفك ولا تخلي عنك هالشطانة يالدعلة


وآن شخلنا قصتك ذي شخل ماظنتي بنطلع بنتيجة
الا أن قرادة حظك ملازمتك منذو نعومة ملمسك مادري مخالبك
:D:D


مير والله مهنا أزين من الذكريات
سلمت إدياتك من النار يا عم
والله يطول بعمرك كثر منت تتحفنا وتثري هالقسم بسويلفاتك
اللي تملأها الجسارة والقداحة

:good2:


اشكرك يااخي الفاضل,,,,,, مكشاتي ناشي
كلماتك دافع قوي لتقديم الافضل ,,,,,,,,, ان شاءالله
اما القراده نعم كانت معي منذو نعومة مخالبي ,,,,,,,,, تحملت قساوة الحياة بجساره
نطقه عدله تجي مايله ,,,,,,,,,,,, ونطلع من جرف نطيح بدحديرا
والله يكتب لنا ولكم الاجر
تقبل تحيتي

[السويداني2010]

هههههههههههههههههههههه مشكوووووووووووور

[ابو صفوق]

الله لايظرك صرت ادخل على طول وين راعي العجراء
الله يطول عمرك ويجزاك خير

[راعي العجراء]

وعليكم السلام ورحمة الله وبركاته

ياحيا الله راعي العجراء
سلامة رقيبك ياخشّوم
بباي والدب يتكامخون على ام سيقان بلف نار على قولك على شان ماعندهم غيره
والله الشكر لك اخوي على هالسوالف اللي توسع صدورنا فيها
دمت لنا مبدعا واكثر من رائع اخوي


يالله حي ابوسالم
ومن قال يسلم يابو سالم
ام سيقان لاقين به لقية مانعرفه حنا يالشيبان
يوم يتكامخون عليها
والله يعطيك العافيه على حضورك المشرف يابو سالم
تقبل تحياتي ومودتي

[الدافور 1430]

هههههههههههههههههههههههههه

الله يطول بعمرك كثر منت تتحفنا

وتسعدنا بسويلفاتك :burnout2::heart::good:

[عويض الوابصي]

ههههههههههههههههههههههههه

[حمد69]

وعليكم السلام ورحمة الله وبركاته



هلا براعي العجراء


تعجبني الشيطنة في البرا ما يجعله مرغوب،، سوالفك الحلوة الممزوجة بالشقاوة البريئة تجعل السالفة ذات بعد فكاهي له طعم خاص ..


ثم وصلت الى التصافق بالسيقان ثم الى التشابك بالايدي المهم اني ضربت الوليد وهجيت ودخلت البيت وخليته يصيح. هههه
إيه عفية عليك كفو وخليته يصيح إلا تبيه يغنّي ،، شايب وكديت دويداته وخليته لما يشوفك يتمنى يكون جبل بينك وبينه ههههه
امتعتنا بسوالفك الزينة الله يمتعك بالصحة والسعادة.

[أبو هشام راشد]

الحمد لله سلامتك ودفاعة بلاء

[راعي العجراء]

جعل ماجاك تكفــــير ؟؟

مشكوووووووووووووووووورر اخوي الغــــالى " راعــي العـجـراء " ســــــــــالفه غايه في المتعـــــــه
والبــاب مدري حديد او خشب اجل راح خشمك تقل خشم بعض هــ المهرجيين حمررررررر
الحمدلله على ســـــــــــــلامتــــــــــــــــك وسلمت ودمت ولا ندمت وبارك الله فيــــــــــــــك

........................ تحيـــــــــــــــاتـــــــــــــــــــــــي ............................ لك


هلابك يا خوي مخباته
والله يجزاك خير على الدعوه الطيبه
والباب خشحديد
اما الخشم صار سطب جميحيات فوق التنده على ونيت بهبهاني
تحيتي

[راعي العجراء]

ولست أنا من قال ذلك
انت تكتب عن اشياء تحدث مع الجميع
بلغة يستخدمها الجميع
ولكنها تخرج من بين يديك وكانها تحدث أول مره
ولا نمر بها










يازينها من رجه :good2: نتمنى الا تنتنهي صلاحيتها ...
أمنيه خايسه :D وشرانيه .. / أعتذر :j
بنحبك في كل أحوالك


اعجبني صدقك مع نفسك قبل الأخرين



تلميذكم وبس وانت تعرف وش معناها أو تكملتها


هلابك ياعم تلميذ والف من غلا وهلا
أتفق الجميع على أنك ممتع وسوليفك لا تمل ..
وانا اتفق مع الجميع بأن حضورك يوسع الصدر ويفتح دروب في القلوب
وتتجول داخل النفس واثق الخطوة تمشي ملكا ماقبلت من وريد وشريان يروغ عن طريقك ليفسح المجال لطريقك
والرجه لانخاف ماهي منتهيه الحين باقي خمسة مسامير من حله
مع تحياتي
اخيك راعي العجراء
ابو جلنبو

[قتال الجنوب]

هههههههههههههههههههههههههههههههههههههههههههههههههه ههههههههههههههههههههههههههههه

[ام الايتام]

الله يسعدك اخوي والله اني ضحكت ضحك مو طبيعي سرت ادور اسمك وادخل شوف سوالفك الممتعه مشاء الله عليك