المساعد الشخصي الرقمي

مشاهدة النسخة كاملة : ياليت كل الكشاته يدخلون


عبدالله ناصر.
19/12/2011, 06:19 PM
السلام عليكم ورحمة الله وركاته

اخواني عندي طلب بسيط بما ان عندكم خبره بالبر انا من سكان الرياض وقررنا انا والشباب على كشته يوم الاربعاء والمشكله الان المكان الراي لكم مع التوصيف:D طبعا ياليت فيه حطب

وشكرا...;)
عبدالله...
19/12/2011, 06:36 PM
وعليكم السلام ورحمة الله وبركاتة

هلا اخوي

يقولون روضت ملهم مسققية ونابتة
شاص
19/12/2011, 06:38 PM
الشعبان هالأيام زينة خاصة إذا تبي حطب .. وإذا تبي مكان قريب عندك: الشوكي ، الحيسية ، حزوى ، الجفير ...
مهندس مكشات
19/12/2011, 07:20 PM
اهل الرياض ادري بشعابها
والله يسر لك امرك
الشباب مايقصروا هنا
جرة قلم
19/12/2011, 07:24 PM
شعيب الواشله
جنوب الرياض- طريق ديراب
شمالات نجد
19/12/2011, 08:06 PM
الله ييسر لكم أمركم ويستر عليكم
عبدالله ناصر.
19/12/2011, 08:19 PM
بيض الله وجيهكم
لاخلى ولى عدم
19/12/2011, 08:53 PM
عنديلك مكان ما يعرفه إلا انت وزوار موضوعك وقريب مهب بعيد وطريقه زين والمكان قريب اكثر لسكان جنوب وغرب الرياض .

الموقع طال عمرك امسك طريق مكه تعدى المزاحميه إلين يجيك مخرج تسعه كبري المشاعله اطلع فوق الكبري رح يمين امش تقريبآ 500 متر يجيك طريقين زراعيه على اليسار جمب بعض انت رح مع الثاني
امش تقريبآ 10 كيلو مع هالطريق وانت بالطريق هذى على يمينك ويسارك مزارع كبار
بعدها تجيك بوابه ادخل مع هالبوابه وامش مع هالطريق لين ينقطع الخط وبعدها شف النفود النظيف قدامك
والنقر اللي يحبه قلبك تقعد يومين ما يمر من عندك احد ولى تسمع اصوات دبابات وازعاج
مكان يحبه قلبك والراي لكم

تحياتي
ابوعبدالرحمن.
19/12/2011, 10:11 PM
السلام عليكم ورحمة الله وبركاته .

اخي الكريم اذا تحب الاودية والشعاب مثل ماقالو الاخوان واضف شعيب العيينة (غرب).

اما اذا تحب النفود والتطعيس اذا انت من سكان شمال او شرق الرياض احسن مكان نفود سعد 100 كيلو طريق الدمام السريع.اما اذا انت من سكان الغرب او الجنوب نفود نساح على طريق مكة القديم (ديراب )ثم تحصل لوحات ارشادية الى حفيرة نساح.

بالتوفيق ورحلة سعيدة.