المساعد الشخصي الرقمي

مشاهدة النسخة كاملة : فزعتكم يالربع


ابو حمد 2010
19/12/2011, 06:46 PM
السلام عليكم

إخواني قدر الله علي وشريت خيشة حطب غضا وحطيتها في سيارتي الباث فندر وطلع في الخيشة الله يكرمكم فأر بالانجليزي Mouse وعجزت بكل الطرق حاولت جبت له لاصق وحطيت له انواع المأكولات ( جبن ، مربى، كيكة قاتوه ، بسكويت شاي ) ماهي راضية تطلع وتشم ريحة اللاصق ماتطلع.
رحت امس للمغسلة وقلت للعمال ابعطيكم 50 ريال زود بس طلعو لي الفارة. وقاموا يشتغلون عليها بالهواء لحد ماطلعت السيارة تلمع لمع من داخل تقول كنك راكبها جديده مافي غبار ولا شي ( طريقة ممتازة ) المهم حطيت لها البارح فلفل مطحون اسود ومن حطيتها وشفتها طلعت قلت يالله الفرج بس عقبها راحت وشكلها ناوية على اسلاك الطبلون الله يستر.

وش الحل ياجماعة.

معليش اشغلتكم معي بس والله مدري وش اسوي افكفك السيارة علشان فارة صعبة بعد.
m-c10
19/12/2011, 08:28 PM
ادخل هذا الرابط نفس المشكله والله يكون بعونك



جرذي دخل سيارتي - منتديات مكشات (http://www.google.com/url?q=http://www.mekshat.com/vb/showthread.php%3Ft%3D405031&sa=U&ei=yXHvTo_aCNLs8QOr2YSeCg&ved=0CAgQFjAC&client=internal-uds-cse&usg=AFQjCNEs0hYTcl44Ljleu-X1J7M3qWeMGQ)
دقق في الرد 39
رفيق البراري
20/12/2011, 02:31 AM
شف يحبيبي مالك الا عدة خيارات
1/ فيه سم مكعبات صغيره حط كم حبه عند وطايات الرجلين وفي الشنطه الخلفيه شوي وزعها وعرف كم تحط من حبه عشان تعرف إذا اكلها .
2/ فيه سم اسود طحين تحصله في شارع سلام في الرياض هذا السم خطير مره ونتبه لنفسك منه ومن الأطفال لأنه طحين مرررررررررره خذ لك خيار ونصفه ولبس لك قفازات حق السساتر المستشفى وذر على الخيار شوي ولوصه بمصبعك شوي وخفس الخيار بحيث تطلع مويته ويذوب السم الأسود وحطه وحط تحته ورقه عشان ما يوصخ سيارتك وترا ريحته قويه .
ون كل من السم الأسود عز الله ما يتعداء مكانه لان قوته قويه مره وفعاله

وبشرنا وش يصير معك
3/ الحباله حقت الفيران وحط فيها خيار قطعه صغيره او طماط .
رفيق البراري
20/12/2011, 02:36 AM
نسيت اقولك أنتبه توذيه جرب هذي الاشياء وكنك ما شفته تغافله ولا ترجم عليه شي ولا حاجه
لأنك لو رجمت عليه شي وما صادته فيا ويلك منه
فارس الدوسي
20/12/2011, 02:42 AM
طريقة سهلة وبدون مشاكل ...
حزمة نعناع ... ووزعها بمداخل الاماكن قدر المستطاع ...
وفي فتحات المكيف ...

ثم اترك باب موترك مفتوح ... وان شاء ما تشوف الا عجتة

---------------
تذكر كره الفأر للنعناع لذلك ضع بعض الاوراق عند فتحات دخوله وخروجه

وفي نفس الوقت يترك راائحة منعشة
ابو حمد 2010
20/12/2011, 03:03 AM
بارك الله فيكم يإخوان وان شاء الله بجرب اللي قلتوه عليه مع العلم اني حطيت فلفل اسود وحطيت صمغ فيران بس مافي فايدة.

وبالنسبة للنعناع ماجربته بس ابجربه وش المانع كلها 5 ريالات عسى الله مايخسر كل مسلم..
ابو حمد 2010
20/12/2011, 06:32 PM
جربت التنر والبنزين باقي النعناع بجربه بكرا ان شاء الله.

حطيت له الحين سم الفيران شريته من صيدلية الدواء وهو على شكل حلاو احمر ياخوك بغيت اكله انا صار يغريني اكثر من الفار حسبي الله عليه...
رفيق البراري
20/12/2011, 06:36 PM
جربت التنر والبنزين باقي النعناع بجربه بكرا ان شاء الله.

حطيت له الحين سم الفيران شريته من صيدلية الدواء وهو على شكل حلاو احمر ياخوك بغيت اكله انا صار يغريني اكثر من الفار حسبي الله عليه...
ههههههههههههه

الله يستر يا بو حمد
وعساه إن مات يموت براء ما يدخل في الطبلون ويبلشك بريحته
وموفق يالغاالي
ابو حمد 2010
22/12/2011, 08:14 PM
جزاكم الله خير اخواني على تفاعلكم

وشريت له ذاك اليوم سم فئران وحطيته والله يستر وامس اعدهم ولا ناقصين حبتين بس ابن الذين للحين ماشوفه من امس مالاح لي الله يستر كان مامات جوا السيارة .
البواردي ،
22/12/2011, 08:41 PM
----





مالك ّ إلى تحط في الغماره قططو
< كملة الرصه :D:D:D:D
و على قولتهم ما يفكك الحديد غير مفراص الحديد :good:
هههههههههههههههه ،





==



الله يككون بعونكك ّ و انا أخوككّ
و الله مادري ايش انصحكك به لكن - جرب وحط له مخدر و لآ شيء غاديكك ّ
تحصله طايح عند الرجلين يبككي :D و لآ قاعد على المرتبه يبي يسوق :D وقتها تمسكه
و تلعن مترسه



:p:p:p

:
:
:
ابو حمد 2010
23/12/2011, 02:19 AM
بارك الله فيك يالبواردي ضحكتني والله بسالفة القطو
البواردي ،
23/12/2011, 02:33 AM
8
*





الله يديم ألأبتسامه على محياك ّو يباركّ فيك ّ الغالي _
و تكفى لآ تشره علي - يعلم الله قايلها من باب الوناسه و المزح فقط ّ





الله يعينك ّ على ما بلاك ّ
الكلاسك
23/12/2011, 03:36 AM
----








مالك ّ إلى تحط في الغماره قططو
< كملة الرصه :D:D:D:D
و على قولتهم ما يفكك الحديد غير مفراص الحديد :good:
هههههههههههههههه ،






==




الله يككون بعونكك ّ و انا أخوككّ
و الله مادري ايش انصحكك به لكن - جرب وحط له مخدر و لآ شيء غاديكك ّ
تحصله طايح عند الرجلين يبككي :D و لآ قاعد على المرتبه يبي يسوق :D وقتها تمسكه
و تلعن مترسه




:p:p:p


:
:


:


بس اخاف يجيب قطو همن يتعود على الوضع ويصادق الفار :D لان مصلحتهم صارت مشتركه همن يظطر يجب تسلب :p عااد حلها صارت فلم توم وجيري يمكن تضطر انك تعطيهم السياره :eek:
الفار هذا خطير لازم تدلعه وتستخدم الحيله و تعطيه كل ما لذ وطاب وإياك والحرب المباشره معه ولا ترا بيفرم الاسلاك والظفيره :( يعني لازم تعامله برفق وحنان تماما كما تعامل الزجاج ;) على قولهم يد ما تقواها لازم تصافحها :p :p :D
بالتوفيق يالغالي