بانزين اليوكن هل هو طبيعي

[عبقري91]

السلام عليكم قبل امس رحت الشرقيه مثبت السرعه على 150 عبيت وانا طالع من الرياض واول دخولي الخبر واصل الربع طبعن اخضر91---قلت وانا راجع بعبي 95احمر من طلعت من الشرقيه خط الرياض في اول محطه على السريع عبيت فل وممشاي بين 120 الى145 وصلت داخل الرياض البيت بين الربع والصفر


يوكن قصير 2002 امريكي فل دبل--فل اخضر91 وهو صفر مع انه اول نره ياصل تحت الربع طبعن الفل 40ريال والتنانكي فاضي بحدود المبلغ يمكن 90 لتر
كيف شربه هل طبيعي

[عاشق الصيد 1]

هلا بأخوي عبقري 91
شف و أنا أخوك معظم السيارات و الأمريكي خصوصاً تصرف بطريقة ملحوظة إذا تجاوزت 120 كم
و أنت ما شاء الله ماشي بسرعة 150 كم فأعتقد و الله أعلم أن الصرفية معقولة .
ريح بالك و لا توسوس ... و الا خف رجلك الله لا يهيننك أسلم لك و لسيارتك و لجيبك .

[عاشق الصيد 1]

ريح بالك و ترى صرفية سيارتك تمام

[ابو حمد 2010]

بالعكس صرفيته معقولة.

واذا كان عندك شك بأن الصرفية زادت مع البنزين الاحمر فيه عدة اسباب اهمها ان الهواء قوي وانت راجع الرياض او ماكنت ماشي في اتجاهه يعني معاكسك.

[1بويزيد1]

اتجاه الهواء له دور كبير + المكيف

[بدوي جنوبي]

اتوقع لو تثبت على 120 يبقي حول النصف

يعنى الصرف معقول

[المسافر574]

اليوكن يصرف بنزين بقوه

[ابو سند 2003]

السلام عليكم ورحمة الله وبركاته
من المعطيات المذكورة، سيارتك صرفيتها جيّدة، المسافة من الرياض للخبر حوالي ٤٠٠ كيلومتر يعني الخزان يكفيك حوالي ٤٨٠ إلى ٥٣٠ كيلومتر لخزان وقود بحجم ٩٨ لتر ( على افتراض أنه نفس حجم خزان اليوكون القصير ٢٠٠٧ فما فوق).
أرى أن الصيانة الدورية و تبديل القطع الاستهلاكية ستقلل من صرفية السيارة.