العضو الغثيث

[ناصر العلي]

بسم الله الرحمن الرحيم
السلام عليكم ورحمة الله وبركاته
أليكم أحبتي هذه السالفة التى حدثت لأحد أقاربي
يقول وعمر السامعيين واللي يقرون يطول
ذيك السنة على بداية الجوالات كنا مجموعة شباب وكل ليلة نتقابل بمكان هذا يطردنا وهذا يهوشنا وهذا يشتكينا
يقول ...قررنا نتقاط ونستأجر أستراحة بدل هالشحططة:burnout2:
المهم لقينا ذيك الإستراحة المناسبة ..15*15 متر..غرفة وأعزكم الله دورة مياه ومطيبخ وغرفة حارس
يقول بالصراحة أرتحنا....دارت الأيام ...ويم نشب لنا ذاك اللصقة....كل يوم محضر....لامنطق ولا خفة نفس ويحضر دايم وإيده فاضية...ويتحكم بالقنوات هذاى مايبيه وهذى ماتجوز له....بإختصار دبل كبودنا
يقول....قررنا إذا جاء مانفتح له...وفعلا تم تطبيق الخطة ...وجاك صاحبنا الغثيث على العادة وإلى الباب مسكر...طق...طق..طق...كسر الباب ماأحد فتح
يقول قريبي...عقب ماتيقنا أنه راح ...قلت أبروح أجيب للربع عشا...وقبل ماأفتح الباب...يقول قلت خلني أويق من تحته أبي أتأكد أن الغثيث راح ...ويوم وقت وإلى عيني بعينه....أبوالشباب قاعد يراقب الإستراحة من تحت الباب
يقول مار أفتح الباب وأقول له أثره أنت:D أدخل بسرعة...فيه واحد مذينا ونفكر إنه أنت
قال ياأخي مالكم حق تكسرت إيدي من الطق:good:
يقول قلنا له علشان نتجنب اللي صار نبيك المرة الجاية إذا جيت طق الباب بهالطريقة...نغمة معينة....طق ططق طق ...طق ططق طق...علشان نعرف أنه أنت ونفتح لك على طول:good2:
ويم صار من بكرا وجاك صاحبنا على العادة
طق ططق طق....طق ططق طق...طق ططق طق...طق ططق طق....بالأخير فهمها و لا عاد عود
القصة واقعية دون زيادة أو نقصان
آمل أن تحوز على رضاكم,ىسف على الإطالة

[FORD1969]

هذا الا قالو لك حقنه لايفيد ولا مستفيد

هالنوعيه لعلمك تعرف انها غير مرغوب فيها دون أن تعطيه اي اشارة الى ذلك

كل اللي عليك تعطيه في وجهه ان اعتدل ولا صك البااب وهو يشوف وصدقني بيكون طبيعي عنده الأمر

هالنوعيات مرت علينا واجد وفي الآونه الأخيره تفشت هالشخصية وأصبحت ظاهره للأسف ولا أعلم وش الأسباب وقد تكون التربية لها دور كبير ............

شكرا لك

[تلميذ]

طق ططق طق....طق ططق طق...
فيه ناس تفهم بالاشاره على قوله المثل ...
وفيه ناس تفهم حتى لوكان الكلام الغاز .. ما اقصدكم يا أهل خيمه الالغاز ..
وفيه ناس فاهمه وتعمل نفسها ماهي فاهمه
وهذا الي يفقع المرراه ويرفع مؤشر الظغط
سالفه ممتعه ومعبره عن حالات تصادفنا وودك تاخذهم بالشوزن
وفقك الله ياناصر

[FORD1969]

طق ططق طق....طق ططق طق...


فيه ناس تفهم بالاشاره على قوله المثل ...
وفيه ناس تفهم حتى لوكان الكلام الغاز .. ما اقصدكم يا أهل خيمه السواليف ..
وفيه ناس فاهمه وتعمل نفسها ماهي فاهمه
وهذا الي يفقع المراه ويرفع مؤشر الظغط
سالفه ممتعه ومعبره عن حالات تصادفنا وودك تاخذهم بالشوزن

وفقك الله ياناصر


كلام سليم ياستاذ تلميذ :good:
واوافقك عليه خاصة مالونته أناملي الرقيقة باللون الأحمر :)

[ولد روووق]

ههههههههههههههههه الله يكفينا شرهم

[م العجمي]

ههههههههههههههه

ذكرتني في واحد من الشيبان يقول انحش من الرجال لا جاك نفس وضرس هههههههه

ورفيقكم الظاهر انه نفس وضرس
شكراً على هالسالفه

[ناصر العلي]

هذا الا قالو لك حقنه لايفيد ولا مستفيد



هالنوعيه لعلمك تعرف انها غير مرغوب فيها دون أن تعطيه اي اشارة الى ذلك


كل اللي عليك تعطيه في وجهه ان اعتدل ولا صك البااب وهو يشوف وصدقني بيكون طبيعي عنده الأمر


هالنوعيات مرت علينا واجد وفي الآونه الأخيره تفشت هالشخصية وأصبحت ظاهره للأسف ولا أعلم وش الأسباب وقد تكون التربية لها دور كبير ............



شكرا لك


الشكر لك يالغالي على مرورك ومداخلك الحلوة
والله إنك صادق...بس حنا بعض المرات يغلب علينا الحيا
وهذا اللي معدمنا ومستغل من غيرنا
سلمك المولى من الشر

[ناصر العلي]

طق ططق طق....طق ططق طق...

فيه ناس تفهم بالاشاره على قوله المثل ...
وفيه ناس تفهم حتى لوكان الكلام الغاز .. ما اقصدكم يا أهل خيمه الالغاز ..
وفيه ناس فاهمه وتعمل نفسها ماهي فاهمه
وهذا الي يفقع المرراه ويرفع مؤشر الظغط
سالفه ممتعه ومعبره عن حالات تصادفنا وودك تاخذهم بالشوزن

وفقك الله ياناصر


ياربي حيّه
مشكور يالغالي على مرورك ومداخلك الجميلة
وصدقت فى كل كلمة ذكرتها
وفيه ناس فاهمه وتعمل نفسها ماهي فاهمه
وياكثرهم هالنوعية
دمت بألف خير

[ناصر العلي]

ههههههههههههههههه الله يكفينا شرهم

اللهم آمين
حياك ربي ياولد روووق

[ناصر العلي]

ههههههههههههههه

ذكرتني في واحد من الشيبان يقول انحش من الرجال لا جاك نفس وضرس هههههههه

ورفيقكم الظاهر انه نفس وضرس
شكراً على هالسالفه

حياك ربي يا م العجمي
وصاحبنا هذا نفس وضرس و ثقل دم وبخل ومنطق أعوج..
المشكلة لوين تنحاش إلى جا هو يمك
مشكور على مرورك ومداخلك اللطيفة أخي الحبيب

[ساره الشهري .]

طق طق طق :mad:

أشفيكم ماتردون ؟؟ :(

<< متقمصة شخصيته وعايشة الدور هههههههههههههه :D

^^^^^


فية طريقة ثانية أنكم تغيرون هالأستراحه بدال هالأحراج ( صراحة كسر خاطري هالغثيث ) :( خخخخخ

[ناصر العلي]

طق طق طق :mad:

أشفيكم ماتردون ؟؟ :(

<< متقمصة شخصيته وعايشة الدور هههههههههههههه :D

^^^^^


فية طريقة ثانية أنكم تغيرون هالأستراحه بدال هالأحراج ( صراحة كسر خاطري هالغثيث ) :( خخخخخ

حياك ربي أخيه
أنتبهي تتعمقي أكثر....ينعكس على شخصيتك بعدين:D تدعين علينا:looney:
وهالنوعية مالها إلا كذا....تغيير الإستراحة حل غير مجدي
وكأنك تقولين
اذا حل الثقيل بدار قوم.........فليس لأهلها إلاالرحيل
قسم بالله لو جربتي هالنوعية....وإن شاءالله ماتمر عليك...كان ماكسر خاطرك
سلمك المولى من الشر

[قوافي ( أم نهار )]

حياك ربي
والله الواحد لاشاف هالنوعيه يصير مابين ضحك وودك تزنطه واحيانن رحمه
اشخاص ماتدري وشلون هم قايلين
انت تكلمت عن غثيث انا بقولك موقف حصل بالطياره مع غثيثه
رحلة طيران بعيده حول 14 ساعه وبعدين تكمله حول 4 ساعات برحله ثانيه وصادفت معنا وحده رجلها من ركب الطياره مدري منين جاه النوم قبل بداية الرحله واربطو الاحزمه مطبات هوائيه على المحيط والرجال نايم
نجي للجانب الغثيث
مرتوه اوزوجته:
هي وراي وكل ما قلبت قنات بالشاشه اللي قدام الراكب ما تدري إلا راسه متدودل مششششالله قنوات تلفزيونهم واجد
وشوي حطيت السماعه بسمع قرآن لعل التوتر يروح من المطبات
همن ماتدري إلا هه وش تسمعين اقوله قرآن قالت اييييه ورجعت مكانه
صكيت الرادو ووخرت السماعه بشوف وين وصل مسار الرحله وطلت بسرعه هئئح يعني تنحنح
نقزت بغيت اطمر اللي قدامي من الروعه تعرفين وين حنا
قلت الله يرضى عليتس تبين اعلمتس وتفكينن
قالت لا يالحبيبه هذي المره السادسه اللي اركب به رحله ولو يبوني اسوق الطياره سقته من الخبره؟؟؟؟؟
قلت بقلبي اشوى ان فيه مساعد كبتن وطيار احتياط ولا صارت علوم
المشكله هي معنا لأخر الرحله
وابي افتك قلت له اقعدي ابوكم من النوم لاتصمخ آذانه من ضغط الطياره وهي ياراقيه يامحوله من المطبات وبنفسي ابيه تنشغل معه وتتركن
وشوي يوم جا الفطور
ودودلت راسه نكس وش فطوركم مثلنا
وسلامتكم طار الضغط زود على طيرانه من المطبات
مشكور اخوي على السالفه ولعل كل ؟؟؟؟؟ينتبه انه؟؟؟؟
اعتذر عن الاطاله وتراها بعد مختصره
تحياتي
..قوافي..

[راعي العجراء]

هلابك ياأبا علي هلابك مليون
فرحت في شوفت معرفك نعم فرحت
حينما شاهدت قلمك يكتب لنا هذه السالفه الطيبه في هذه الخيمه
فانت حقا مبدع ولكن تتغلا علينا
وبالصراحه الغثيث اللي يوصل الى هالدرجه ان جماعة الاستراحه غالبيتهم مايبونه
فهذا دليل قاطع بانه فعلا غثيث جدا
ودك اللي مثل هذا تحط زبره تراب بوجه العدوا ثم تحطه على هالزبره وتشوته ضفر (نقش)
بصبع رجلك الكبير وانت لابس شرابه فقط وفيها شق ماطلع من هالشق الا اصبع رجلك الكبير
اللي تبا تشوت به
هالنوع ماينفع لاطبخ ولا شوي ولاحتى بقصدير
اشكرك ياأبا علي ونطمع بالمزيد
تقبل
تحيات اخيك المطفوق
راعي العجراء

[Al3rands]

يوووووووووووووه ياشين الغثيث والبخيل بس أشوى ان الله فككم منه

[سليمان الربيعان]

هههههههههههه الغثيث عله دايمه
ويا كثرهم بالزمن ذا وزين انه فهم
وعندي طلب صغير اذا كانت سواليفك مثل الاسلوب الرائع لا تنسانا من كل جديدك
تقبل تحياتي....

[ناصر العلي]

حياك ربي

والله الواحد لاشاف هالنوعيه يصير مابين ضحك وودك تزنطه واحيانن رحمه
اشخاص ماتدري وشلون هم قايلين
انت تكلمت عن غثيث انا بقولك موقف حصل بالطياره مع غثيثه
رحلة طيران بعيده حول 14 ساعه وبعدين تكمله حول 4 ساعات برحله ثانيه وصادفت معنا وحده رجلها من ركب الطياره مدري منين جاه النوم قبل بداية الرحله واربطو الاحزمه مطبات هوائيه على المحيط والرجال نايم
نجي للجانب الغثيث
مرتوه اوزوجته:
هي وراي وكل ما قلبت قنات بالشاشه اللي قدام الراكب ما تدري إلا راسه متدودل مششششالله قنوات تلفزيونهم واجد
وشوي حطيت السماعه بسمع قرآن لعل التوتر يروح من المطبات
همن ماتدري إلا هه وش تسمعين اقوله قرآن قالت اييييه ورجعت مكانه
صكيت الرادو ووخرت السماعه بشوف وين وصل مسار الرحله وطلت بسرعه هئئح يعني تنحنح
نقزت بغيت اطمر اللي قدامي من الروعه تعرفين وين حنا
قلت الله يرضى عليتس تبين اعلمتس وتفكينن
قالت لا يالحبيبه هذي المره السادسه اللي اركب به رحله ولو يبوني اسوق الطياره سقته من الخبره؟؟؟؟؟
قلت بقلبي اشوى ان فيه مساعد كبتن وطيار احتياط ولا صارت علوم
المشكله هي معنا لأخر الرحله
وابي افتك قلت له اقعدي ابوكم من النوم لاتصمخ آذانه من ضغط الطياره وهي ياراقيه يامحوله من المطبات وبنفسي ابيه تنشغل معه وتتركن
وشوي يوم جا الفطور
ودودلت راسه نكس وش فطوركم مثلنا
وسلامتكم طار الضغط زود على طيرانه من المطبات
مشكور اخوي على السالفه ولعل كل ؟؟؟؟؟ينتبه انه؟؟؟؟
اعتذر عن الاطاله وتراها بعد مختصره
تحياتي

..قوافي..


عوافــــــــــــــــي يا قوافــــــــــــــــي
يالله إنك
تسلّمه و تجلي همه
مداخلة فى غاية الروعة
يــــــــــــــــــــــــــــــــــــالله
رحلة 14 ساعة مع واحدة مثل هذى وش تبي تصير
الله يعين زوجه
ذكرتينا أول أيام الدراسة إذا صار المدرس زين ومرح لو المادة ثقيلة دم ماندري إلا والجرس داق وإذا صار المدرس شرحة ممل وأسلوبة من جنبه يوارى لك وكأن الزمن قد توقف:(
سلمت وسلم غاليك أخيه

[ناصر العلي]

هلابك ياأبا علي هلابك مليون



فرحت في شوفت معرفك نعم فرحت
حينما شاهدت قلمك يكتب لنا هذه السالفه الطيبه في هذه الخيمه
فانت حقا مبدع ولكن تتغلا علينا
وبالصراحه الغثيث اللي يوصل الى هالدرجه ان جماعة الاستراحه غالبيتهم مايبونه
فهذا دليل قاطع بانه فعلا غثيث جدا
ودك اللي مثل هذا تحط زبره تراب بوجه العدوا ثم تحطه على هالزبره وتشوته ضفر (نقش)
بصبع رجلك الكبير وانت لابس شرابه فقط وفيها شق ماطلع من هالشق الا اصبع رجلك الكبير
اللي تبا تشوت به
هالنوع ماينفع لاطبخ ولا شوي ولاحتى بقصدير
اشكرك ياأبا علي ونطمع بالمزيد
تقبل
تحيات اخيك المطفوق


راعي العجراء


هلا بك أكثر يالغالي
وياربي حيّه
والله أنا اللي تغمرني السعادة عندما أقرأ لك سالفة أو تعليقاتك التى تشرح الصدر
وأحب أوضح حاجة يالغالي
أنا يمكن أخطيت يوم قلت إنه عضو
ولكن فى الحقيقة هو ليس من أعضاء الإستراحة ولكن لصق عمره مع أحد الأعضاء الرسميين إلا أن تعرف على الجميع وبدا يمون ودل الدرب وبدا يحضّر لحاله
وعلى قواك
ودك تحطه على زبره وتشوته بووووووووووووووز
أسعدتني وشرفتني بمداخلك يالغالي
أخوك
ناصر العلي
http://up.bnt18.com/upfiles/M4q72973.jpg
بذمتك ويش رايك بهالشنب:good2:

[راعي العجراء]

هلا بك أكثر يالغالي

وياربي حيّه
والله أنا اللي تغمرني السعادة عندما أقرأ لك سالفة أو تعليقاتك التى تشرح الصدر
وأحب أوضح حاجة يالغالي
أنا يمكن أخطيت يوم قلت إنه عضو
ولكن فى الحقيقة هو ليس من أعضاء الإستراحة ولكن لصق عمره مع أحد الأعضاء الرسميين إلا أن تعرف على الجميع وبدا يمون ودل الدرب وبدا يحضّر لحاله
وعلى قواك
ودك تحطه على زبره وتشوته بووووووووووووووز
أسعدتني وشرفتني بمداخلك يالغالي
أخوك
ناصر العلي
http://up.bnt18.com/upfiles/M4q72973.jpg

بذمتك ويش رايك بهالشنب:good2:



لهذا السبب يوم يقولون بيض الصعو يذكر ولايشاف
الصعو يفرخ ويبيض بهذا الشنب ولامن شاف ولا من درا
ياحليلك ياراعي العجراء وشويرباتك
اثرهن ماهن شي

[النبهاني]

وعليكم السلام ورحمة الله وبركاته
ياهلا والله بالحبيب
شوي عاتبن عليك يابو علي
ابطيت علينا بهالخيمه ترانا نبيك هنا وهناك
وغثيثهم هذا الله يقطعه ويقطع نمونته
بس عالجوه النشاما بطريقه طقطقيه دبلوماسيه تبرد الكبد
وتكفى ان جلى راعي العجراء انا ابي اشوته
الف الف شكر لك يابوعلي
والف الف مبروك مره ثانيه على التكريم

[ناصر العلي]

هههههههههههه الغثيث عله دايمه

ويا كثرهم بالزمن ذا وزين انه فهم
وعندي طلب صغير اذا كانت سواليفك مثل الاسلوب الرائع لا تنسانا من كل جديدك

تقبل تحياتي....


هلا بك أخوي سليمان
وصدقت يالغالي باللي قلته
ياكثرهم هالأيام
شين وقوي عين
والله يالغالي لو الود ودي لأكتب لكم كل يوم سالفة فالجعبة ملئى
ولكن هى المشاغل
الله لايشغلنا إلا بطاعته
تشرفت بمرورك ومداخلك يالغالي

[ناصر العلي]

لهذا السبب يوم يقولون بيض الصعو يذكر ولايشاف



الصعو يفرخ ويبيض بهذا الشنب ولامن شاف ولا من درا
ياحليلك ياراعي العجراء وشويرباتك
اثرهن ماهن شي


سلط الله على بليسك
هذا لو يصير أثرم ماأحدن درى إلا إن حكى
بالله عليك هذا شلون ياكل
الظاهر بمزاز ويالله الخراج
وإن كنت ريحاً فقد لاقيت إعصاراً
أن جايبه تحدي لك:D

[ناصر العلي]

وعليكم السلام ورحمة الله وبركاته



ياهلا والله بالحبيب
شوي عاتبن عليك يابو علي
ابطيت علينا بهالخيمه ترانا نبيك هنا وهناك
وغثيثهم هذا الله يقطعه ويقطع نمونته
بس عالجوه النشاما بطريقه طقطقيه دبلوماسيه تبرد الكبد
وتكفى ان جلى راعي العجراء انا ابي اشوته
الف الف شكر لك يابوعلي
والف الف مبروك مره ثانيه على التكريم


هلا بك أكثر يالغالي
وعتبك محل تقديري يالغالي وعلى عيني وعلى راسي
ولكن هى المشاغل الله لايشغلنا إلا بطاعته
وتكفى ان جلى راعي العجراء انا ابي اشوته
:D:):p:D:):p:D:):p:D:):p
يابطنيه
لاخلى ولاعدم يالغالي
جايبين ريفلينو لهالشغلة
والشكر لك على مرورك ومداخلك يالغالي
لاعدمنا تواصلكم

[ابو صفوق]

ما بط كبدي وانا اخوك ان هالغثيث دايم يحسب ان كله ملح ولا يحس بثقل دمه وجثته وياكثرهم بكل مكان

[ناصر العلي]

ما بط كبدي وانا اخوك ان هالغثيث دايم يحسب ان كله ملح ولا يحس بثقل دمه وجثته وياكثرهم بكل مكان

هلا بك أخوي أبوصفوق
وأشهد بالله إنك تقول الصحيح
أنت تدري إن صاحبه اللي كان يجي معه وعرّفه على المجموعة
يقول أنا محرج منكم وأدري إني ورطت ورّطتكم معي
تشرفت بمرورك ومداخلك يالغالي

[ناصر العلي]

يوووووووووووووه ياشين الغثيث والبخيل بس أشوى ان الله فككم منه

هلا بك يالعرندس
وياربي حيّه
آسف يالغالي تعديت مداخلك
والله إنك صادق
غثيث وبخيل وكل علمن شين
والحمد لله اللي أراح الربع منه

[قتال الجنوب]

ههههههههههههههههههههههههههههههههههههههههه

[ولد وايل]

الغثيث واجد

بس بعضهم يازينه

قله جب معك هالطلبات ماعاد يجي ابد

وترتاح

[ال-رايق]

هلا بك أكثر يالغالي
وياربي حيّه
والله أنا اللي تغمرني السعادة عندما أقرأ لك سالفة أو تعليقاتك التى تشرح الصدر
وأحب أوضح حاجة يالغالي
أنا يمكن أخطيت يوم قلت إنه عضو
ولكن فى الحقيقة هو ليس من أعضاء الإستراحة ولكن لصق عمره مع أحد الأعضاء الرسميين إلا أن تعرف على الجميع وبدا يمون ودل الدرب وبدا يحضّر لحاله
وعلى قواك
ودك تحطه على زبره وتشوته بووووووووووووووز
أسعدتني وشرفتني بمداخلك يالغالي
أخوك
ناصر العلي
http://up.bnt18.com/upfiles/M4q72973.jpg
بذمتك ويش رايك بهالشنب:good2:

صح لسانك مليار يابو علي ..واثاريك مسيّر ما علمتني ’ ولا تبيني اسوي -غثيث-:
يستاهلون هل هالخيمة كل باسمه من يغثهم وذلك من غلاهم.
-----------------------
ابو علي : وش ذا الشنب تقل عاض على شراب العائلة.

[عاصفة عروى]

السلام عليكم ورحمه الله وبركاته
أولا أرحب بك أخي أبو علي
ثانيا من ناحية نطلت الوجة واجد ما نقول إلا يكفينا شرهم
مشكور أخوي على القصة والسالفة هذه منتشره بكثره
تقبل مروري
أخوك عاصفة عروى

[ام الايتام]

:Dسبحان الله انا في اعتقادي الناس اللي كذا مريضين اوا لفضوه ذابحتهم تذكرت جار كان عندنا ماذي خلق الله ان شافهم خارجين وين بتروحون وليه واذا راحو ليه ماكلمتوني وقت الغدا يدق الباب واخر الليل نفس الطريقه واذا ماحد استقبله يوايق من فوق العماره لدرجة انه يعرف الحريم وين بيسيرون واذا شاف جار يصلح في بيته يدخل حتى في لون السرميك ومكان التلفزيون بس انه مريض الحين الله يرفع عنه بس يمارس نشاطاته المعتاده بالتلفون خلاص تعودو الجيران عليه سارو من حالهم توقيع حضور وانصراف وتبرمجو يعطونه الاخبار اول باول:D

[ناصر العلي]

ههههههههههههههههههههههههههههههههههههههههه

حياك ربي قتال الجنوب
شرفني مرورك أخي الحبيب
دمت بخير

[ناصر العلي]

الغثيث واجد

بس بعضهم يازينه

قله جب معك هالطلبات ماعاد يجي ابد

وترتاح

حياك ربي ياولد وايل
والله يالغالي ماينفع معهم أي محاولة
مرة طلعنا للبر ونسينا بعض الأغراض وكان واحد من النوعية يبي يجي وطلبنا منه يجيبها على دربه
يوم وصل وإلى الأغراض ماهي معه
وين اللي طلبنا منك يالحبيب؟
قال نسيت:mad:
أسعدني مرورك يالغالي
دمت بخير

[ناصر العلي]

السلام عليكم ورحمه الله وبركاته

أولا أرحب بك أخي أبو علي
ثانيا من ناحية نطلت الوجة واجد ما نقول إلا يكفينا شرهم
مشكور أخوي على القصة والسالفة هذه منتشره بكثره
تقبل مروري

أخوك عاصفة عروى

هلا بك أكثر أخي عاصفة عروى
والله يرفع قدرك
والله يسمع منك
ومشكور على مرورك وتشريفك يالغالي
دمت بألف خير

[دل البحار]

والله غثيث بالحيل
فيه نوعيات بشر ودك كل يوم تعزر فيه من التطفيش
والادها انهم يجونك وع بالهم مالكين الجو والجلسه
لا وجه في مقعد ولا حضن ن في مرقد ع قولتهم
احسنتوا التصرف

[ناصر العلي]

:Dسبحان الله انا في اعتقادي الناس اللي كذا مريضين اوا لفضوه ذابحتهم تذكرت جار كان عندنا ماذي خلق الله ان شافهم خارجين وين بتروحون وليه واذا راحو ليه ماكلمتوني وقت الغدا يدق الباب واخر الليل نفس الطريقه واذا ماحد استقبله يوايق من فوق العماره لدرجة انه يعرف الحريم وين بيسيرون واذا شاف جار يصلح في بيته يدخل حتى في لون السرميك ومكان التلفزيون بس انه مريض الحين الله يرفع عنه بس يمارس نشاطاته المعتاده بالتلفون خلاص تعودو الجيران عليه سارو من حالهم توقيع حضور وانصراف وتبرمجو يعطونه الاخبار اول باول:D

حياك ربي أخيه
والله يسلط على بليسك
هالمسكين ماخلى عوايده وهو على فراش المرض
الله يعافيه مما أبتلاه
شرفني مرورك أخية
دمت بالف خير

[ناصر العلي]

والله غثيث بالحيل
فيه نوعيات بشر ودك كل يوم تعزر فيه من التطفيش
والادها انهم يجونك وع بالهم مالكين الجو والجلسه
لا وجه في مقعد ولا حضن ن في مرقد ع قولتهم
احسنتوا التصرف

حياك ربي أخي دل البحر
والله يافيه نوعية حتى قاذف اللهب ماينفع معهم:D
وكلامك عين الصواب
بس مشكلتنا دايم هي
من يعلق الجرس؟!!!
شرفني مرورك يالغالي
دمت بخير

[قوافي ( أم نهار )]

ترفع للاطلاع

[راعي الصقلاوي]

مساكم الله بالخير الجميع
صح لسانك على هالسالفه

الغثيث يضايق الجميع وافضل حل له

ينقال له : انت غثيث وفكنا لا تبلشنا لانه ثقيل الحضور وثقيل النفس
وفوق هاذ يفرض نفسه عليك وهو يشوف نفسه كانه ملك جالس في قصر

تقبل مروري