استفسااار لاهنتوا

[مهوووي]

سلام عليكم ورحمة الله وبركاته ..

ياخوان عندي شيهانه بطن كفوفها طالع فيها مثل الجلد الاسود مثل الوسخ لافركته يروح وتحس ان كفوفها اتقشر حبيت اعرف هذا يجي من ايش

[راعي الفزعه.]

هذا مرض الحفاه


واسباب المرض انك تحط الطير على خشب او حجر ماهو صالح للطير ولفتره طويله واقف عليه

وطرق علاجه مافيه علاج معروف بالضبط بس بقولك انك تحطه على رمل او حجر من حق الجبال ( الأسود )

حطه على رمل نظيف و الماء لايجي على رجله وشرط لا يكون المحل فيه رطوبه لأن الرطوبه والماء يخلي المرض يبقى لفتره طويله

[نمر القريني]

مثل ما قالك اخوي رآعي الفـزعه، ولكن فيه عصآر ينباع واظن تحصله بالمستشفى..مخرج9 قل له عصار للحفاة..وحده بوحده بآذن الله..ولكن ان كان بتحط حصى انتبه لايكون خشن حاول تاخذ املس..او خـذ لك حصى من وسط مسيل..مسيل الماء مثل الشعبان و المسايل لاجل يكون انعـم ليـد الطير..والله يكفيه الشر

[اقدم صقار]

افادوك الاخوان

[رعد المطر]

اعطوك العلم ماقصروا

[عأإدل الرشيدي]

هذا بدايه الحفاه ويجي من الرطوبه او الوكر اللي تحط عليه الطير غير مناسب وعلاجه بسيط عليك بالفازلين او المرهم الاسود اللي عند المستشفى وحط الطير على تراب البحر المالح لان في املاح تساعد على قتل الميكروبات والبكتريا او على الوكر اللي خام مو العشب الصناعي

اتمنى اني افدتك هذا من واقع الخبره المتواضعه