المساعد الشخصي الرقمي

مشاهدة النسخة كاملة : مشكلة غريبه في الباترول.. ممكن مساعده من اصحاب الخبره


راعي المعازل
21/12/2011, 12:16 AM
السلام عليكم ورحمة الله



الله يسعد مساكم بماتحبون


ضهرت عندي مشكله قبل فتره وانا مسافر ولعت لمبه اضنها التشييك

صار الموتر ماياصل الـ120 وقفت على جنب طفيت السيارة وشغلتها وانتهت المشكله


عادت للضهور بعد فتره في النفود.. ونفس الحل نفع




وهالحين وبعد اكثرمن 8 شهور من اخر ضهور رجعت تولع اللمبه بس ماعاد ينفع الحل الاول

اطفي وارجع اشغل شوي وهي مولعه..



http://www10.0zz0.com/2011/12/20/21/583441673.jpg (http://www.0zz0.com)





المشكله تكمن في ان الموتر يعلق مره على الثاني مايعشق واحيان يعشق بس شاحط


الموتر : باترول 2005 سوبر سفاري



الفزعه
صباح القايله
21/12/2011, 01:09 AM
اول شي افصل البطاره ربع ساعه اذا منفع شف فيه ٣كتاوتات بجنب فلتر الهواء قلبهن
salih100
21/12/2011, 02:04 PM
كذا كويس انها ضاهره على طول ...... الحين اتجه لفحص الكبيوتر وهو بيعطيك العكله ع طول بس لو اول ما جات رجتلها ما يطلعها لك لانها تروح وتجي بس الان صارت واضحه له فانصحك بالاتجاه له وصدقني ع طول بتضهر لك واعلمنا هنا
The MiSsing
21/12/2011, 08:12 PM
هلا اخوي اذكر انه حصلت معاي ,, في طال عمرك فوووق المكينة حساس وقاال لي صاحب المحل خلها عاادي ما تاثر على الموتر .. وخلتهاا والحمدالله بعته وفييه العلاامة ..

لاكن موضوع مايووصل لـ 120 هذي ما اعلم عنها .. وانصحك لا اذا ما يوصل ل 120 رح لخبير وضبط الموتر عشاان لا يخرب عليك شي ثاني
راعي المعازل
22/12/2011, 12:25 AM
اشكر كل من رد هنــــــا


والله اليوم رحت للوكالة

فحصوها كمبيوتر (( وكانت اللمبه طافيه ))

قال عندك منظم الهواء يحتاج تغيير

ياساااتر يقول فوق الـ3000 ريال

عاد مابغيت استعجل قلت اشوف وأسئل


جزاكم الله خير .. ونتقبل الاراء
عااشق الدهناء
22/12/2011, 02:31 AM
أخوي انت بأي منطقة ؟؟؟
nejjer
22/12/2011, 03:05 AM
لا انتبه لات غير منظم الهواء هذا حساس الهواء انا متاكد مية بالمية انه حساس الهواء واضن سعره 1400 بس سمعت انهم عندنا ببريده ياخذون حساس المكسيما ويركبونه للباترول سعره 800 لا تستعجل أسال قبل عن حساس المكسيما وعندنا ببريده ورشة العثيم يفحصون كبيوتر ويصلحون الحساس يرشون عليه بخاخ خاص لتنضيف اقطع الالكترونيه ويضبط
راعي المعازل
23/12/2011, 01:58 AM
اخوي عاشق الدهنا واخوي nejjer


اسعد الله مساكم واعضاء المنتدى بالبركه


انا متواجد في بريدة


دلوني الله يرحم والديكم ومن يقرا



ولكم دعوات بضهر الغيب



جزاكم الله خير
عااشق الدهناء
23/12/2011, 01:22 PM
اخوي اذا انت ببريدة انصى بالموتر محمد العثيم ( ابوابراهيم ) وان شاء الله يلقى علة الموتر

موقع الورشة ( صناعية الرواف )

الوصف ( وانت جاي من طريق الشاحنات بإتجاه الشمال ووقفت عند اشارة المحاكم رح يمين لين يجيك اول مديور ارجع معه وادخل مع اول لفه يمين وخلك سيدا لين تصدمك ورشته بوجهك )

واذا تبي توصيه حاضر يا بعدي تراي امون على الرجال

بس بقولك على شي مهم الرجال صحيح انه اغلى من السوق شوي لكن شغله ما بعده حسافه ويكفي انه يضمن شغله ويشخص الخلل بشكل صحيح
راعي المعازل
23/12/2011, 10:23 PM
اخوي عاشق الدهنا

الله يرحم والديك ويحرمكم على النار ومن يسمع


جزاك الله الف خير ماقصرت يالغالي
الهجيج
24/12/2011, 12:06 AM
شيك على حساسات الشكمان تسبب المشكلة نفسها
واذا ودك تتاكد افصل الحساست حقت الشكمان وجرب الموتر