استفسار عن سوجن ام سبع ابر

[الشيخ900]

السلام عليكم ورحمة الله وبركاته
صبحكم الله بالخير

كما هو واضح بالعنوان اخواني افيدوني فيه واحد عارض علي سوجن ام سبع ابر كسر يقول قديمه من عهد جده وترمي حتى نوعيتها مايعرفها ودي اعرف كم سعر اخواتها القديمات الحين لاهنتو

[الشرطى]

ام سبع ابر غنيه عن التعريف بس وين تلقى وحده نظيفه عليها الكلام

واذا لقيتها نظيفه وطبعا اهم شى نظافه الماصوره بتجيك غاليه بالحيل بــ 4000 ريال او بــ3500 ريال

[mr.قهد]

اخوووي اذ لقيت ام سبع ابر النظيييييفه اشترها وماراح تخسر بندق ممتازة وافضلها ( الونشستر الامريكية )
والنظيفه غاليه تعدى 4000 الأف

[عين حصنان]

النظيف بـ 3500

[ابو جملا]

على حسب النظافه و أهم شيء الماصورة من داااخل تأكد أنها نظيفه

سعرها اذا كانت نظيفه من 3000 ريال وانت طالع

[صياد الجبل]

السلام عليكم

شوزن ام سبع ابر شوزن كفو ومايحتاج انا ولاغيري يتكلم عنها

ابي اختصر لك الموضوع اذا نضيفه ومصرحه تصك 4500

واذا نظيفه فقط بدون التصريح توصل الى 4000

ومانزل عن هالسعر تعتبر نظافته متوسطه الى مقبوله نوعا ما

الله يعين

[الرويضة اون لاين]

كلام الاخواان صحييييح..

انكانها نظيييفة لو يقول بـ 4500 خذها ولا تردد..

[المعايد]

أذا الخشب نظيق والماسوره ورميت فيها ولآ لكت خذها
والله يباركلك فيها

[ابو صقر 111]

ام سبع ابر بندقية امريكيه من شركة ونشستر ولكن العامه يسمونها الأنجليزيه ام سبع ابر والأبر يطلقونها على الشرطات بين كل كلمة وأخرى وعددها سبع شرطات والبندقيه سوقها خيال حتى الغشيم يصطاد فيها وسبق ان استخدمتها ولم اجد لها مثيل في السوق(رمي البعيد) ولكن البندقيه ترجف وأبرتها ضعيفه وتصليحها معقد 00هذا ما افيدك به وشكرا