القطه وما أدراك ما القطة ....

[بن نويشر]

السلام عليكم جميعاً

الحقيقة حبيت أطرح موضوع عن القطة ، وبودي أسمع مشاركاتكم حول هذا الموضوع

س: كيف يكون توزيع القطة بالنسبة للكشاته ؟
س: وهل يلزم صاحب الموتر والعزبة بالمشاركة بالقطة ؟
س: متى تسقط القطة عن أحد أفراد الرحلة ؟
س: في حالة حدوث عطب للسيارة من يتحمل هذا العطب ؟
س: هل يحسب سعر البنزين ؟
س: كيف تلزم الطفيليين بالقطة وما الأسلوب الأمثل لذلك ؟
س: باقي مقاضي القطة من مشتريات تذهب لمن ؟
س: هل تحاول دائماً مسك القطة ؟
س: وهل سقف القطه محدد أم مفتوح ؟
س: وكم أكبر قيمة للقطة تم دفعها ؟

تكفون المشاركة الفعالة ودنا نفهم أكثر ونستفيد جزاكم الله خير ، وأن كان فيه أي أسئلة حول هذا الموضوع فليتم طرحه (ودنا نسولف يالربع) وما أخفي عليكم فيه نقاط بودي أتعرف عليها من خلال مشاركاتكم ..

سلام عليكم ......

[بربنجي]

القطه شي طيب يتعاون فيه الكشاته
ولكن لا تخليها شي اساسي يمكن البعض ليس لدية امكانية
واذا دفعت اكثر لا تخبر الشباب القصد الوناسه
وانا اشوف وجهة نظري ان صاحب العزبه والسيارة يقط افضل
خاصة ان القطه تكون مبلغ بسيط ويقسم على الجميع
وجه نظر
حفظك الله ورعاك

[ذيب الداهية]

وعليكم السلام ورحمة لله وبركاته





س: كيف يكون توزيع القطة بالنسبة للكشاته ؟

ج : مبلغ رمزي متساوي على جميع مرافقي الطلعة دون خصوص
اذا كانا هناك أحد من الأفراد مقتدر ويرغب في دفع زيادة لا مانع ..







س: وهل يلزم صاحب الموتر والعزبة بالمشاركة بالقطة ؟


نعم .. القطة تشمل الدفع عنه البنزين الزيت و الكفرات










س: متى تسقط القطة عن أحد أفراد الرحلة ؟


إذا تأكد للجميع عدم مقدرته على الدفع يعفى




س: في حالة حدوث عطب للسيارة من يتحمل هذا العطب ؟
يتحمل التكاليف جميع الأفراد المنتسبين للرحلة حتى لو التكلفة 10 ألأف ريال




س: هل يحسب سعر البنزين ؟
نعم ... البنزين زيت الفرامل زيت الدركسون زيت المحرك زيت القير الكفرات مساحات الزجاج الأنوار ترصيص الكفرات وزن الأذرعة



س: كيف تلزم الطفيليين بالقطة وما الأسلوب الأمثل لذلك ؟



كيف يعني الطفيليين قصدك يعني جاي بواسطة ؟ .. يدفع عنه الي جابه ولا يستثناء من الرحلة




س: باقي مقاضي القطة من مشتريات تذهب لمن ؟

الزائد من القطة في نهاية الرحلة يقوم القائد بتوزيعها بتساوي على كل أفراد الرحلة
لو فترضنا باقي عشر ريال وأفراد الرحلة عشرة أشخاص ياخذ كل فرد ريال واحد .


س: هل تحاول دائماً مسك القطة ؟

الأفضل تكون مع أكبرهم سناً وصاحب خبرة ويكون قائد الرحلة
عن نفسي لا أفضل أمسك القطة أبداً


س: وهل سقف القطه محدد أم مفتوح ؟

محدد مبلغ معين يقدرها قائد الرحلة لكن من أنعم لله عليه ويرغب بزيادة فله الأجر بإذن لله لا نلزمة بشي
لك مبلغ كذا تدفعه اذا بتزيد كرماً منك لا بأس !


س: وكم أكبر قيمة للقطة تم دفعها ؟

يمكن أكبر قطة تم دفعها حتى الآن 100 ألف من الواليد بن طلال :D


:f شكراً بن نويشر على هذا الموضوع المهم والمفيد :f

[ابو سمسم]

س: كيف يكون توزيع القطة بالنسبة للكشاته ؟

يكون على حسب الشي المطلوب شرا
س: وهل يلزم صاحب الموتر والعزبة بالمشاركة بالقطة ؟

قاعده صاحب العزبه دائم هو الامير وهو الي يطبخ وهو اول واحد يقط
المفروض يخرج من القطه
س: متى تسقط القطة عن أحد أفراد الرحلة ؟

الغرض من القطه ليس الاكل بل الجمعه الطيبه والسواليف مثل العاطلين على العمل والاصغر سن
س: في حالة حدوث عطب للسيارة من يتحمل هذا العطب ؟

الاهم من العطب هو الرفقه الي معاك في الطلعه اذا كانت بينهم موده بتحصل الكل بيساعده
س: هل يحسب سعر البنزين ؟

لا
س: كيف تلزم الطفيليين بالقطة وما الأسلوب الأمثل لذلك ؟

الاسلوب الامثل في المرات القادمه اذا طلعتم لا تكلمونه وهو راح يزعل (( فتذكره باتتطفل وعدام دفع القطه في المره السابقه )) وهذي الحركه دوا لهم
س: باقي مقاضي القطة من مشتريات تذهب لمن ؟

عاده تذهب لصاحب العزبه مع اغراضه ليس الزامي الي يبغاها ياخذها
س: هل تحاول دائماً مسك القطة ؟

بعض الاحيان في البدايه الان الطريقه (( نحدد مكان نجتمع ويتكفل واحد بالاغراض كامله وتسقط عنه القطه ))
س: وهل سقف القطه محدد أم مفتوح ؟

محدد مثل من 50 الى 70 او 100 الى 120
س: وكم أكبر قيمة للقطة تم دفعها ؟

تقريبآ 3000 الاف


الغرض من الكشته سع الصدر وتغير جو والجلسه مع الاصحاب والله تكفي لو ادفع القطه كامله دام مع رجال تستانس بشوفتهم لاهنت

[الكلاسك]

السلام عليكم ورحمة الله وبركاته :


السلام عليكم جميعاً



الحقيقة حبيت أطرح موضوع عن القطة ، وبودي أسمع مشاركاتكم حول هذا الموضوع


س: كيف يكون توزيع القطة بالنسبة للكشاته ؟
بالتساوي
س: وهل يلزم صاحب الموتر والعزبة بالمشاركة بالقطة ؟
لو دفع هو حر لو ما دفع من حقه
س: متى تسقط القطة عن أحد أفراد الرحلة ؟
الطالب والصغار
س: في حالة حدوث عطب للسيارة من يتحمل هذا العطب ؟
لو بسيط يتحملها صاحب السياره واذا احتاج مساعده الكل سوف يساعد
س: هل يحسب سعر البنزين ؟
لا واحيانا اللي ماسك القطه يكون نشمي ويعبي ويغير الزيت ويغسلها
س: كيف تلزم الطفيليين بالقطة وما الأسلوب الأمثل لذلك ؟
ما نلزم احد بس لو ماله عذر راح يكون موقفه مش طيب
س: باقي مقاضي القطة من مشتريات تذهب لمن ؟
المفروض يتم الاستئذان من الجميع اذا كانت شي يستاهل وقد حصل ان توزيع القطه يكون اخر يوم ويخصم منها ما يؤخذ من الاغراض
س: هل تحاول دائماً مسك القطة ؟
لا احاول بس لو طلبو اخذتها وليس شرطا ان يكون امير الطلعه معه القطه
س: وهل سقف القطه محدد أم مفتوح ؟
غير محدد حسب الاغراض والذبائح وغيرها بدون تبذير
س: وكم أكبر قيمة للقطة تم دفعها ؟
لا اذكر بس تختلف حسب مدة الرحله والاغراض وعدد الاشخاص


....................... ولكم تحيااااااااتي



سلام عليكم ......

[ابن الفيحاء]

القطة بالتساوي.... بمن فيهم صاحب السيارة.... لكن ماأري اذا صادك ساهر هل تكون الغرامة من القطة؟

[عويض الوابصي]

اذا صادك ساهر هل تكون الغرامة من القطة؟

[بن نويشر]

بيض الله وجيهكم
ومشاركة مميزة ونبي المزيد من الهوامير القدامى لكي تتم الفائدة

بالنسبة لساهر في نظري تكون على قائد السيارة لأني ضد السرعة الزائدة

بس أنا أرى أن صاحب السيارة والعزبة بأن لا يدفع .. يكفيه التعب والتحميل في الروحة والرجعه يا جماعة الخير ....

[ضيف الغضا]

أنا و ربعي و لله الحمد متفاهمين أو على الأصح متعودين
أن راعي الموتر دائماً يكون عليه تجهيز الموتر بالمواد الأساسية الثابتة
( عزبة - ماء - حطب - خيمة - غاز )
و بقية الأغراض يتقاسمها الباقون مع التغيير في كل مرة

[رسيس نجد]

قوم تعاونو ما ذلو 0 والي ميسوره حالته يزيد في القطه 0 والنفع للجميع 0

[ملك الفكتوريا]

[CENTER][/CENTERس: كيف يكون توزيع القطة بالنسبة للكشاته ؟

واحد أو اثنين يجيبون كل شئ ونحسبها ونقط
أو كل واحد يجيب غرض محددينه له

س: وهل يلزم صاحب الموتر والعزبة بالمشاركة بالقطة ؟

أشوف أن راعي الموتر ملزوم بالقطه بس العزبه اشوف لا

س: متى تسقط القطة عن أحد أفراد الرحلة ؟

اذا كان طفران وما معه ولا ريال او جاء من سفر

س: في حالة حدوث عطب للسيارة من يتحمل هذا العطب ؟

حسب العطب وكيف صار لكن نبي نعوضه ونعطيه ويرفض بشده

س: هل يحسب سعر البنزين ؟

بحكم ان الطلعات غالبا معي والله ما يحطون ريال

س: كيف تلزم الطفيليين بالقطة وما الأسلوب الأمثل لذلك ؟

ابالاتفاق ولا يزعل بعدين اذا كرشناه

س: باقي مقاضي القطة من مشتريات تذهب لمن ؟

اللي يبي يأخذ حياه الله وغالبا لراعي العزبه او السيارة

س: هل تحاول دائماً مسك القطة ؟


الالالالالالا احرااااااااااااااج
س: وهل سقف القطه محدد أم مفتوح ؟

بالغالب محدد

س: وكم أكبر قيمة للقطة تم دفعها ؟]


500 ريال





وترى حنا عزابيه تفرق الخمسين معنا لذلك نحاول محد يدفع اكثر من الثاني

[أبوعابد 22]

القطه شي مريح ويمنع الاحراج احياني
يعني مايقول انا بحاس ويحلف ذا ويحلف ذا
نحاسب من القطه

[غيث 6]

س: كيف يكون توزيع القطة بالنسبة للكشاته ؟
ج\بالتساوي

س: وهل يلزم صاحب الموتر والعزبة بالمشاركة بالقطة ؟
ج\من الافضل

س: متى تسقط القطة عن أحد أفراد الرحلة ؟
ج \اذا كان من الشباب الصغار او من اللي غير مقتدرين

س: في حالة حدوث عطب للسيارة من يتحمل هذا العطب ؟
ج\ اول شي اذا كان العطل من الاعطال العايدية فهذي سيارتي واتحملها لكن اذا صار خراب بسبب المنطقة اللي رحتلها ماراح يقصرون الرجال
س: هل يحسب سعر البنزين
ج\اذا كانت الرحلة طويلة جدا يعني نمن راح نمشي من 1000KMوطالع راح يكون على القطة
س: كيف تلزم الطفيليين بالقطة وما الأسلوب الأمثل لذلك ؟

ج\ما اخاوي طفيلين لو اقعد في البيت
س: باقي مقاضي القطة من مشتريات تذهب لمن ؟

ج\اذا كانت فلوس ترجع واذا كانت اغراض نخليها مع العزبة طبعا اذا كانت معلبات اما اذا اشيا تخرب يم ان احد ياخذها او نعطيعها احد من المحتاجين
س: هل تحاول دائماً مسك القطة ؟

ج\والله اذا حسيت اني افضل واحد امسكها مع عدم حرصي عليها
س: وهل سقف القطه محدد أم مفتوح ؟

ج\لا على حسب الطلعة وايامها والمصروفات
س: وكم أكبر قيمة للقطة تم دفعها ؟

ج\4500 رحلة خارج المملكة

اتمنى ان تعم الفايدة وشاكر على موضوعك

[كحيلان تميم]

القطيه شى مهم وماتصلح كشته بدون قطيه .. احد الاصدقاء كنت اكشت معه وعيبه مايقط معي الكشته تكون انا واياه ونادر يجي اخوي معنا .. بصراحه كرهني بالطلعه مايدفع شىء .. الحين سحبت عليه ولاصرت اطلع معه ..

[الوافي.]

احسن طريقة للقطة التحاسب قبل الرحلة
ان كانت الرحلة يوم اويومين تصير القطة مية ريال
اما ان كانت مدة اطول فمرة ميتين
ومرات الف على حسب المدة
والباقي نتصدق به على الفقراء والمساكين
واذا ما كفت القطة نعيد الدفع مرة اخرى
كأن يصير عطل في السيارة او تغيير كفرات
بهالطريقة ترتاح من البخلاء والطفيليين
في مرة من المرات مرينا على باص مصريين متعطل والجو برد شديد فراح المسؤول حقنا وشرا لهم مياه شرب واكل وفواكه وحطب للتدفئة من القطة فجزاه الله خير

[كن متفائلا]

السلام عليكم

ياشين الرحلة أذا فيها أشخاص مسرفين

أذكر رحلنا وعزبتنا تكفينا اسبوعين قضت في أسبوع وتلخبط الجدول

لذلك أذا الرحلة فيها مسرف ماله الا التصريفة