استفسار لذوي الخبره

[رابح الغلا]

السلام عليكم
طيري توني شاريه اذا هديته وطرح الحمامه اشوفه يلهث مثل الكلب اعزكم الله لمده عشر دقائق مع انه ماطلق توني اطلقه هل هاذا طبيعي ولا فيه شي
ومرش الطير اعزكم الله اخضر واحيانن اصفر
وش الحل اذا فيه شي

[عاشق_البرية]

وده لمستشفى الصقور اللي في مخرج 9 في الرياض

[(هزاع)]

اهم شي تفقد داخل الحلق
اذا كان خالي من الفطريات
لان الفطريات مع نتش العلف ونطله تعني اقلاع
اما النهته البسيطه بعد اللحوق تعني عدم لياقة الطير
يحتاج لاياقه تدريجيه مع ملاحضة صنعت الطير والانتباه لمقدار العلف
خصوصا اننا في موسم الشتاء
اما اذا كان الطير يلهث على وكره يحتاج عرضه على طبيب مختص لاخذ صوره للرئه ومجرى القصبه الهوائيه
اما لون المرش فهذا يدخل في مجالات كثيره ابسطها تعرض الطير لبروده شديده ادت لاسهال
النصيحه/انا افضل عرض الطير على اخصائي (لا)للاهمال
اخوك هزاع

[مخاوي الذيب 305]

اكيد الطير راح يلهث لانه يتعب اذا لحقت الحمامه اذا ما كانت لقياته كامله او مو مشنذر

و اذا يلهث وهو بالوكر هذه نهيته ووده للبيطيري

ولا ازيد على كلام ربعي اللي فوق

[مربي الصقور]

السلام عليكم اذا كان مراش الطير الله يعزكم اسود وابيض فانه فيه مرض وانا اقول ان الطير يحتاج لبيطري لان ذي الحاله نادره وبادر للمستشفى باسرع وقت والسلام عليكم ورحمة الله وبركاته,,,,,,