سؤال : الموديل الجديد ... من قارمن [الأرشيف]

مشاهدة النسخة كاملة : سؤال : الموديل الجديد ... من قارمن

عليان11

24/12/2011, 02:59 AM

حيالله الجميع ....

ياجماعة الربع ... يأهل المكاشيت والطيب ....

اخوكم يبي يشري جهاز وكل ماقلت ابشتري هذا هونت ولقيت مواصفات اضافيه في الموديل الاجدد ..

وقارمن ، كل شوي منزل موديل ... مثل شغل نويكا منول كل شوي منزل موديل .. :D:D

ما اطيل عليكم موضوعي كالتالي ....

شريت قارمن قب يومين ورجعته للمحل (في بريطانيا ) بعد ما نكبني بالسفر، سافرت فيه بعد ما مسكنا الخط و الجهاز من احسن مايكون بعد ساعة من مسكت الخط بدىت السيارة الي بالشاشه ماتمشي على الشوارع ... بدت تطامر بين الشوارع:mad::mad: ...
وسفرتي بدل ما تاخذ ساعتين ونص اخذت مني حول اربع ساعات الا شوي .. وكان مديل الجهاز 1440تي ...

طبعا انا منحد على قارمن لأني أبستفيد منه بالسعودية ... وألا شركة توم توم افضل بمراحله منه من واقع تجربتي وتجربت الزملاء (المبتعثين ) توم توم اكثر دقه وسريع في وضع حسابات الطريق ...

الحين وانا اخوكم وش الجهاز الزين من قارمن ... لأني شفت جهاز جديد Garmin nuvi 3790T وفيه ميزة ممتازة وهي يعرض الخرائط ثلاثي الابعاد ، وهي ميزة الصراحة اعجبتني حسيت تفرق كثير للطلعات للبر لمعرفت الوديان والشعبان واختيار الدرب الي يكون سمح اكثر http://www.youtube.com/watch?v=U1rGEC_2wfE&feature=related .... .

فــا وش تشرون علي ياجماعة .... بالجهاز يستاهل والا لا يعني جهاز اذا فيه ميزة عرض ثلاثي الابعاد مفيد في البر والا مايفرق ... والا ان الخراط عندنا مافيها ثلاثي الابعاد .... طبعا الجهازفيه مميزات كثيرة لكن ماتصلح لنا مثل تحديث الطرق والخرائط ،، اخبارك بالطرق التي فيها اختناق مروري .. الى اخره .. و فيه مثل ميزة الايفون الجديد تسأله وهو يجاوبك ويعطيك الي تبي .. فله ...:D:D:good2::good2::good2: http://www.youtube.com/watch?v=BL3ASOBU2XU .

شي اخير وش اهم المميزات بالجهاز للي يبي يطلع للبر .... ؟

هذا موقع ممتاز للمقارنه ومعرفة افضل العروض سواء المحلات العادية او مواقع البيع على الانتر نت ( في بريطانيا ) .. http://www.satnav-discounts.co.uk/tomtom-go/garmin-comparison-chart.htm
http://www.satnav-discounts.co.uk/tomtom-go/nuvi-37xx.htm

وش شوركم ياجماعة الربع .

أبومحمد ـ بريطانيا .

شمالات نجد

24/12/2011, 05:22 AM

doshf

24/12/2011, 06:47 AM

في الرابط التالى ارجو ان تجد ما يفيدك من معلومات
http://www.mekshat.com/vb/showthread.php?t=467778

ERIC7

24/12/2011, 07:39 PM

هلا ابو محمد انا رايي وان جازلك خذه والا رده
انكانك بتطول في بريطانيا فخذلك توم توم دامه افضل واذا جيت ترجع بعه وخذلك من هنا قارمن اللي يناسبك حزتها لانك اذا بتبطي هناك وانت شاري قارمن اول مابترجع ممكن تبيعه لاي سبب البطاريه ضعيفه جاه طيحات وصار يمشي بالبركه او نزل موديلات تغريك انك تغير ففي الغالب انك اذا رجعت بتغيره فخذ الانسب الان واذا رجعت يحلها ربك هذا رايي واتمنا اني افدتك

omar8

24/12/2011, 08:29 PM

عليان11

25/12/2011, 07:36 AM

الله يردك يا أبو محمد سالمن غانم

يا رجال بالنسبة للخرائط ثلاثية الأبعاد اللي تطلع جغرافيا الأرض أو التضاريس مافيه عندنا إلا حقت دار موجه الإصدار 6.4 ولاهنا ذاك الزود

ونصيحتي تشتري جهاز نوفي 1410 مستخدمه ماشفت فيه مشاكل وسعره عندنا 600 ريال

وعندك أكثر من جهاز يناسبك خصوصاً للبر فيه فئة 200 وفئة 500 حسب مافهمت من أخواني بالمنتدى

وفيه الاوريغو والمونتانا

وما شاء الله عليك واضح من كلامك وأسلوبك أن عندك معلومات كبيرة وتجربة وما راح تضيع في اختيارك

وفقك الله والجميع

سلام

مشكور اخوي على توضيحك المفيد ... واذا الدعوه مافي خرائط ثلاثية الابعاد عندنا اجل مافيه فايده للجهاز لان جميع المواصفات غير مفيدة او مطبقة بالسعودية .... بس وانا اخوك فيه خريطه رسمية لشركة قارمن (خريطة الشرق الاوسط ) مافيه نسخه منها ثلاثية الابعاد .. ؟؟ .. لان الموضوع الصراحه فيه لخبطه يعني الرابط الي حطيته في طرحي الموضوع طلع خريطة ثلاثية الابعاد في مكان في الامارات ومعروفه قارمن مالها خريطة خاصه بالامارات (على حسب علمي) لذلك اتوقع ان الخريطة التي عرضها صاحب المقطع خريطة قارمن ثلاثية الابعاد ....

ياليت اذا لك خبره وعلم فيها تفيدني او لاهنتو احد اعضاء هذا المنتدى الرائع ....

وشكر خاص لي لك على كلامك الجميل ويعلم الله اني اتشرف بك وبجميع اعضاء المنتدى الي من كتاباتهم تس بطيبته وتعده انه واحد من اخوانك ... وان شاء الله راجع بعد 10 اشهر غانم سالم ...

بالنسيه الاوريغو والمونتانا ،، اصراحه غاليه اسعارها،، والقارمن العادي يأدي الغرض وزيادة .

عليان11

25/12/2011, 07:37 AM

في الرابط التالى ارجو ان تجد ما يفيدك من معلومات
http://www.mekshat.com/vb/showthread.php?t=467778

مشكور اخوي على الرابط ... سلمت يمينك ..

عليان11

25/12/2011, 08:05 AM

السلام عليكم
اخويه الغالي
الصراحه اني عندي موديل
Garmin Nuvi 1440T
واحسن منه مالكيت واستخدمه الجهاز بكل سفراتي
بس والله عجيبه
صارت وايايك هي الشغله
مع العلم تره نزالت عليه اكثر من فديو
باليتويب
شوف الفديو
WozBd-wLVgk
و
CJqTaDsPAmc
و
BgBPEaVSnpk
اتوقع عندك خلل بالجهاز من المصنع
سلامي لك

مشكور اخوي على الفيديوات ....

ههه والله وانا أخوك لاعاد تقولي 1440T ، ترايييييي حاقد عليه حقد لانه ضيع فيني تضيعه محترمه .... لان سفرتي جت وان كنت داييييخ ، كنت مواصل في مكتبه الجامعة(في لندن) لأن عندي بحث لازم اخلصه ... بعدها ركبت القطار وانا مواصل .. لين وصلت الظهر شمال شرق انجلترا بعدها على طول الفندق ... وماش مانمت الا 3 ساعات تقريبا تنبهت وماقدرت ارجع انام طلعت لسوق واخذت الجهاز بـ 112 باوند ..المهم اخذت سيارتي كنت موقفها عن زملاء وعلى طول فكيت الكرتون القارمن ودعس من يوم ما حط لي الطريق وانا ماغضني بطني ... لأنه ماعطاني الطريق الي قد سافرت فيه حاولت اتأكد من معلومات الاعدادات الي هي مذبوطه (اختيار اقصر وقت للوصول ) المهم قلت يالله تيسيرك ... الا ابن الكلب مدخلني على طرق مب سريعه وخمسن الف دوار امر عليه ... وكل شوي دوار ... وانا دااااايخ كل عشرة ميل او اقل دوار لي كملها بالمطامر بين الشوارع ....... اخخخخ والله يا أنا حقت على شركة قارمن حقد :mad::mad: فلا تحاول تحسن صورتها :D:D:D . اما جهازي ففيه مشكلة اكيد .

لكن انا اخترت الموديل هذا لأن شاشته كبيرة 5 ،، لأني حسيت انها ميزة مهمة خلال التمشي بالبر تعرض لك الخريطه بشكل اوضح وتعرف الشعبان والاوديه القريبه ..

اخوي لايعني ان قارمن جهاز لا يوثق فيه لا ... انا من عام 2007 وانا في بريطانيا وكنت استخدم قارمن بجوالي نوكيا N95 وكنت اسافر فيه من شمال اسكتلندا الى لندن ولا فيه مشكلة وكان تماما التمام .. يعني طير شلوى . لكن اذا بتقارنه بـ tom tom تجد ان توم توم افضل بكثير .. خصوصا للي يستعمله للمشاوير داخل المدن :good2:. ... ولا يخفى عليك اخوي القارمن وتوم توم ماينزل من السيارة فأستخدامي وكل الاخوة نستخدمه اكثر من مره بالاسبوع واي مشوار او اي مكان تحط العنوان بالجهاز ودعس :):) .. وان شاء الله الرياض قريباً تكون كذا قريباً بعد اعلان الامانه عن تثبيت عنوان لكل بيت مبنى بالرياض ... يعني مافيه ثالث لفه وثاني اشاره .. ها وينك وصلت ... والا اذا ضيع وصار الي جايك من برى الرياض يالله عاد حلها تقعد ساعة تحاول تعرف الرجال وينه فيه بعد ماضيع ثم بالنهاية تطلعله بمكان معروف علشان تقابله فيه :p:p ...

عليان11

25/12/2011, 08:14 AM

اتمنى الي عنده موديل Garmin nuvi 3790T يفيدنا ...

هل يظهر المناطق البريه والجبليه عندنا بالسعودية بثلاثية الابعاد .. ام لا .؟

يعلمنا عن تجربته ...

بالنسبة لي شكلي ابحمل توم توم على الايفون وقبل ما أرجع للسعودية اشريلي قارمن لطلعات البر:D:good2: .

عليان11

26/12/2011, 08:54 PM

هاه ياجماعة الخير فيه احد يفيدنا بالمديل الجديد ......

او أهل منتانا هل اجهزتهم تعرض لهم خرائط ثلاثية الابعاد.

صقار الوشم

26/12/2011, 10:04 PM

هلا والله وغلا ....الله يردك سالم غانم من كل شر

اتوقع مشكلتك من التوجيه الاقصر مسافة , لو اخترت طريق سريع من الخيارات ممكن يكون افضل

والجهاز الجديد اول ماتشغله حتى اللي عندنا يخربط شوي

وزي ماذكرت تطلع السيارة جنب الخط :D لذالك يحتاج وقت شوي لين يركد

وبالنسبة لــ 3790T جهاز ممتاز من ناحية الموصفات والشكل ويدعم خرائط البر الثلاثية الابعاد وجربتها بنفسي في محل , ونزل جهاز احدث منه وهي من فئة 34XX وتقريباً نفس المواصفات والشكل :
3450 - 3450LM - 3490LMT
وجميعها تدعم ثلاثي الابعاد للتضاريس والمباني ... وهنا رابط المقارنه
اضغط هنا (https://buy.garmin.com/shop/compare.do?cID=134&compareProduct=99838&compareProduct=97515&compareProduct=97509)
وصراحة ما اشوف التضاريس و ثلاثي الابعاد تستاهل وخاصة في السعودية ....امممم ممكن تفيدك في بريطانيا اكثر (رأيي الشخصي)

طبعاً هذه الاجهزة للي استخدامه قليل في البر... اما اللي استخدامه كرف...الافضل الاجهزة المتخصصه مثل المونتانا و 276

وآسف على الاطاله.... واتمنى اني افدتك

واي سؤال حاضرين

عليان11

27/12/2011, 12:09 PM

هلا والله وغلا ....الله يردك سالم غانم من كل شر

اتوقع مشكلتك من التوجيه الاقصر مسافة , لو اخترت طريق سريع من الخيارات ممكن يكون افضل
صحيح كلامك ،، كنت هذا المتوقعه وشيكة على الاعدادات رف على طول او ماعطاني النتيجه لاني اعرف الطريق السريع ... بس ماش مصر الجهاز الا على طريق ثاني ..:mad::mad:
والجهاز الجديد اول ماتشغله حتى اللي عندنا يخربط شوي هذي غريبه ،، لكن وانا اخوك ان استخدمت قارمن بالجوال سنتين ما خليت مكان الا وسافرت عليه :good2::good2:

وزي ماذكرت تطلع السيارة جنب الخط :D لذالك يحتاج وقت شوي لين يركد زين الا بارا الساس انا بدى يطامر مش شارع الى شار ونك على طيارة ماشي مستقيم

وبالنسبة لــ 3790T جهاز ممتاز من ناحية الموصفات والشكل ويدعم خرائط البر الثلاثية الابعاد وجربتها بنفسي في محل , ونزل جهاز احدث منه وهي من فئة 34XX وتقريباً نفس المواصفات والشكل :
3450 - 3450LM - 3490LMT
وجميعها تدعم ثلاثي الابعاد للتضاريس والمباني ... وهنا رابط المقارنه
اضغط هنا (https://buy.garmin.com/shop/compare.do?cID=134&compareProduct=99838&compareProduct=97515&compareProduct=97509)
وصراحة ما اشوف التضاريس و ثلاثي الابعاد تستاهل وخاصة في السعودية ....امممم ممكن تفيدك في بريطانيا اكثر (رأيي الشخصي)
لا ببريطانيا مافيه شي :D:D مالك الا الخط وبس ، مافيه بران عندهم :(:(
طبعاً هذه الاجهزة للي استخدامه قليل في البر... اما اللي استخدامه كرف...الافضل الاجهزة المتخصصه مثل المونتانا و 276 اييييه الي مايطول العنب ... غالي وانا اخوك مايستاهل .. ولاهنا ذاك الزود

وآسف على الاطاله.... واتمنى اني افدتك

واي سؤال حاضرين

ياملا العافيه ماقصرت شفت الرابط واستفد منه ، جعلك سالم الا الخريطة الي جربتها بالمحل كيف جربت تمشي عليها والا لا ..

الشكر لك وللأخوه على مشاركتهم واستفادتي من خبراتكم ..

اخوكم : ابو محمد

صقار الوشم

28/12/2011, 01:47 AM

هلا والله وغلا

صراحة ماجربت الملاحة عليها وانما تصفح على السريع , وانطباعي عنها رائعة

- واقصد بالخربطه اذا الجهاز جديد في اول ساعات من استخدامه فقط...... وبعدها يضبط معك تماام

موفق يارب...

شمالات نجد

28/12/2011, 07:59 AM

الاخوان ما قصروا بارك الله فيهم وفيك

الله يسمح أمرك

امير البدارين

28/12/2011, 01:49 PM

السلام عليكم يالربع ابنشدكم افضل انواع القارمن

doshf

28/12/2011, 01:57 PM

السلام عليكم يالربع ابنشدكم افضل انواع القارمن
حسب رأي ومعلوماتى الافضل هو مونتانا 650

شاطر شاطر

29/12/2011, 06:53 AM

السلام عليكم
اخواني هل جربتوا برنامج ماب حق الاي فون صراحتا جدا ممتاز بس يبيله انترنت وهذا عيبه الشرعي يعطيك المسار الي الجهه المراد الوصول اليها بخريطة قوقل الفعليه وهوا كذلك يعمل علي الاي باد
ودمتم سالمين