فيدوني عن الملوع

[راعي عزاام]

السلام عليكم ورحمة الله وبركاته
مساكم الله بالخ ير اعضاء و وزوار منتدي مكشات
وش سبب الملوع ...
وش علاج الملوع×...

[عـــــزام]

سبب الملوع الهدد على الحمام

وكل يوم تدعي الطير

العلاج

عطه مميان
وريح الطير اسبواع

[راعي عزاام]

يعطيك الع افيه ياعزام
لكن الطير انا مقلل عليه بالدعو فاتوقعت انا جاه من التقليل الدعو ،،،
ونتظر الافاده من باقي الاعضاء

[عـــــزام]

اجل ياخوي مافي طيرك ملوع

[راعي الشاص 66]

وعليكم السلام ورحمه الله وبركاته

اسباب الملوع
تعرض الطير لكفخه قويه

هدد الطير على الحمام القويه
والطير مو مجرود باللياقه الكامله

العلاج
يجب تريح الطير لمده 3-5ايام واعطائه الشب والموميان بحجم حبه القهوه الصغيره وتضعها بالقلب الحمامه حتى لا يستطعمها الطير ويقوم بلفضها ويجب الاستمرار عليه على حسب شده الملع

[قرناس شماالي]

الملوع يالغالي من الهدد وضرب الطير بلملواح

وعلاجه موميان وريحه كم يوم

[راعي عزاام]

يعطيكم العافيه ع الافاده
صحيح كلامك ياراعي الشاص الشيهانه لي ياقتها ماش.....×

[راعي الفزعه.]

سبب الملوع انك تحطه على المقعده وتسرع فيه والطير يتحرك ويكفخ مع السرعه

[اقدم صقار]

السلام عليكم
اخوي ممكن اعرف ليش حكمت على طيرك مملوع
يمكن طيرك رامك اذا ما يهد ولا يرغب الملواح
اخوك ابو منصور
تقبل مروري

[الحر503]

افادوك الاخوان ما شاء الله عليهم ما قصرو ,,,

[راعي عزاام]

يعطيك العافيه راعي الفزعه،،
هلاًً بك اخوي اقدم صقار وريت الطير كذا صقار فاقالوا ملوع وعطيته حبوب لونها احمر تحسن شوي لكن انا قلت بعرف وش سببها .. ولابد من استشارة اعضاء مكشات ...
لا الحمدالله الشيهانه ترغب الحمام وصايده عند اهلها الاولين كراوين ..
تحياتي لگ!

[اقدم صقار]

الله يبارك لك
ريح الطير وعطه شب ومميان مع العلف لمدة 5 الى 7 ايام
حاول لا تخليه مفرع
تقبل مروري

[Turki1]

اسباب الملوع كما تفضل بها الاخوان واحب ان اضيف انه احيانا تكون التكايه الغير مناسبه سبب لملوع الطير وخصوصا عند الهدد والطرد لطير آخر وطيرك على التكايه.
يجب ملاحظه ان الموميان يرخي العضل والشب يشد العضل واذا جمعت الاثنين يصير تضارب ومايستفيد الطير.
الافضل انك تعطي الموميان مرة في اليوم ولمدة يومين بحجم راس عود الكبريت مع العلف,,وبعدها يتم طحن (الحلبه+الشب )وتحطه بقلب الحمامه وتعلفه الطير لمدة خمس ايام مع علف ساخن .
وعن تجربه صفار البيض مفيد في حالات الملوع.

[هاوي الصلفات]

اسباب الملوع كما تفضل بها الاخوان واحب ان اضيف انه احيانا تكون التكايه الغير مناسبه سبب لملوع الطير وخصوصا عند الهدد والطرد لطير آخر وطيرك على التكايه.
يجب ملاحظه ان الموميان يرخي العضل والشب يشد العضل واذا جمعت الاثنين يصير تضارب ومايستفيد الطير.
الافضل انك تعطي الموميان مرة في اليوم ولمدة يومين بحجم راس عود الكبريت مع العلف,,وبعدها يتم طحن (الحلبه+الشب )وتحطه بقلب الحمامه وتعلفه الطير لمدة خمس ايام مع علف ساخن .
وعن تجربه صفار البيض مفيد في حالات الملوع.

كلام ماعليه غبار وازيد كثر الشب يضر الطير وحار عليه لكن يكون بكمية محدودة .

[(هزاع)]

الملوع له اسباب عديده
وكل اللي ذكروه الاخوان صحيح
الموميان يوم والحلبه يوم والشب ماجازلي ولا اعطيه
ولا تكثر للطيركبر حبة البريه وريح الطير مبرقع وذا الصبح تشمسه عشر دقايق برقعه طيبه للعضل والعضام

[ابو مبارك 77]

جزاكم الله خير