راعي العجراء والبس والبط [الأرشيف]

مشاهدة النسخة كاملة : راعي العجراء والبس والبط

راعي العجراء

25/12/2011, 12:35 AM

السلام عليكم ورحمة الله وبركاته
اليكم هذه السالفه
في سنة من السنين وعلى وقت الوالده الله يرحمها جانا واحد من الديره ومعه هديه
للوالده عباره عن سبع بط الوحده منهن كبر الخروف البربري
يافخذ الوحده منهن تقول قاروره ميرندا الحجم العائلي لامشت الوحده تعرج يالله تقل الورك
مثل حقين المصارعه اليابانيه الساموراي مدري اذاكان اسمها صحيح
وحطتهن الوالده رحمها الله تعالى في حديقه البيت والحديقه لها جدار ارتفاعه متر
يوم صار تالي الليل وهو يجيهن بس خبل وهو يقعد على هالجدار ماعمره شاف مثلهن
وتهول من كبرهن يحسب كبرهن على سنع مايدري ان اقلوبهن مثل حلاوة الحلقوم
وهو يستقعد على الجدار اشوي يوم لجلجن بالصوت تقول صوت صرصرة جنزير تركتر كتربلر لاهو راح عنهن ولاهو ذبحهن وخذ يالازعاج ككككككككككككك وماغير مراكض
وبطن الوحده تقل خلاطه اسمنت مابعد وصل دورها للتفريغ
انا كنت نائم وقمت على صوتهن وانا افتح الشباك ولاهن يخترشن والبس حاط رجل على رجل وماغير يتفرج وهن ماغير ككككككككك
حاولت اطرد البس اصوت له اهشه اكشه مافيه فايده الظاهر مايسمع صوتي من ملاججهن
يابن الحلال انقلع والا خذ مقسومك منهن وذلف اذبحهن كلهن بس فكنا والا انقلع
وكان الوقت بارد والنزول بهالبرد صعب وقائم من فراش دافي والله صعبه
اخذت لي حاجه وحلتها عليه اشوى يوم هج وارجع وحط راسي ونام
يوم صار عقب نصف ساعه وهو يرجع وعلى نفس الموال وانا اصحى من نومي
وحاول فيه مامن فايده وهالبط ماغير ككككككككك ولو ادري اني لورقيتهم عندي بالغرفه بيسكتن رقيتهن كلهن المهم اخذت عزكم الله نعله وحلتها عليه
وهو يروح المهم رجعت ونمت يوم اخذت اشوي الا وهو راجع وجايب واحد ثاني معه
يبيه يشوف البط
البس الثاني ماتخيل كبرهن قعد على الجدار ومسك راسه
هن شافن الاثنين عندهن ويوم ادهرت اصواتهن اقوى من اول صار صوتهن بوكلين يضرب في صفا
وانا اقوم حمق عليهن واطلع ام صتمه وامدها عليهن ناوي اذبحهن وعزم بساسه الحاره عليهن ولاقالت امي شي قلت ذبحتهن البساسه ليه ماحطيتيهن بشبك اجل من اول ليله ازعاج
يوم مديت البندق عليهن وانا اهون وصوب البندق للبس وانا اطلق عليه بس مدري وين
صارت الرميه هي بالضهر ولا بالبطن وهو ينحاش هو ورفيقه
يوم اصبحت وانا اقول للماما يانا ياهن بالبيت ماعندي استعداد للسهر يابن الحلال فرحة فيهن خلهن لو كم سوم وادور احد اعطيهن اياه قلت لاتدورين احد اوديهن انا للسوق وابيعهن فعلا يوم صار العصر ولاهن بالسوق احرج عليهن وبعتهن وشريت شبك
وحطيت فيه بلابل ونغاري وفري وجوزين ارانب وتيس وعناق (سخل ) وضب ولو لقيت قعود شريته
انتهت السالفه
وبعد ماكملت السالفه ارجوا ان اكون مااثقلت عليكم بهذه السالفه
وقبل الختام
سبحانك اللهم وبحمدك لااله الا انت استغفرك اللهم وانوب اليك
والله يحفظكم

حمد69

25/12/2011, 07:40 AM

وعليكم السلام ورحمة الله وبركاته
قلت لاتدورين احد اوديهن انا للسوق وابيعهن فعلا يوم صار العصر ولاهن بالسوق احرج عليهن وبعتهن وشريت شبك
وحطيت فيه بلابل ونغاري....

هههههههههه ... الله يحفظك إبداع وسرد رائع عفوي غير متكلف فيه موهبة ماشاء الله
أسعد الله أيامك أخي العزيز.
إلا أقول لا تستعجل بحلق الشنب جرب احلق نصه وخلي النص الثاني وإن جاز لك شيله كامل .ههههه الله يقطع بليسك أنت وذا الشنب إلي كنه رفارف شاحنة...

الصمان 2

25/12/2011, 07:53 AM

ههههههههههه

سالفة مضحكة

الله يسعدك .

وننتظر المزيد من القصص الممتعة .

.

النبهاني

25/12/2011, 07:56 AM

سليمان الربيعان

25/12/2011, 08:22 AM

ههههههههههههه البس غثيث الصدق ما عمره شاف بط
والبط على كبر حجمهن مانفعهن الا مصارخ صدق من قال القوي قوي القلب
نتظر جديدك من السوالف الخاثرة
تقبل تحياتي....

ولد روووق

25/12/2011, 10:13 AM

ههههههههههههههه مشكور على القصة

ناصر العلي

25/12/2011, 12:52 PM

راعي العجراء

25/12/2011, 01:04 PM

وعليكم السلام ورحمة الله وبركاته

قلت لاتدورين احد اوديهن انا للسوق وابيعهن فعلا يوم صار العصر ولاهن بالسوق احرج عليهن وبعتهن وشريت شبك
وحطيت فيه بلابل ونغاري....

هههههههههه ... الله يحفظك إبداع وسرد رائع عفوي غير متكلف فيه موهبة ماشاء الله
أسعد الله أيامك أخي العزيز.
إلا أقول لا تستعجل بحلق الشنب جرب احلق نصه وخلي النص الثاني وإن جاز لك شيله كامل .ههههه الله يقطع بليسك أنت وذا الشنب إلي كنه رفارف شاحنة...

ياهلا بالغالي حمد
اشكرك على كلماتك التشجعيه فانا مازلت في مقتبل العمر
فلاتحرمنا من توجيهاتك
والشنب امصع اذني ولا تقول بالشنب شي لانص ولا ربع
تقبل تحيتي

راعي العجراء

25/12/2011, 01:08 PM

ههههههههههه

سالفة مضحكة

الله يسعدك .

وننتظر المزيد من القصص الممتعة .

.

ياهلا بك يالصمان من هالجال الى هالجال
اشكرك على تواجدك في هذا الرد على السالفه
لاعدمتك

راعي العجراء

25/12/2011, 01:19 PM

وعليكم السلام ورحمة الله وبركاته

الله يصبحك بالخير يابو جلنبو
الله يرحم والديك ويسكنهم الجنه اللي عقبوك
هيه اليوم بط - بطبط يامبطبط بطبط -
ماشاء الله تبارك الله عليك وصف كني اشوف البط يمشي قدامي ويتضوكع
لا وصوتهن اللي كنه صرصرة جنزير دركتر ( الله لا يضرك )
يوم اصبحت وانا اقول للماما يانا ياهن بالبيت
اعجبني هالتعبير تسلم تسلم

والله يحفظك يابو جلنبو

ياهلا وغلا بالنبهاني
هلابك يابو سالم والله يسعد اوقاتك بالمسرات
الله يجزاك خير على دعواتك الطيبه وهذه هو المكسب
والاالبط بقليط خله يطاطي لين يدوخ
وبعدين وش فيه يوم اقول الماما والبابا
ماماتي من عين الحلوه في لبنان ماتشوفني جلف
المشق مقطع يديني وشطوب رجلي تقول مصباح ارنب توها نافجه

قوافي ( أم نهار )

25/12/2011, 01:29 PM

حياك الله
الله يرحم الوالده ويسكنها جنات النعيم اللهم آمين ويرحم كل غالي لنا أجمعين
صراحه بساستكم شكلهم يحبون التشخيص والحركات بط مره وحده مايلام لو عزم حمولة بساسه
كان فيه حل ازين من بيعهن او ذبحهن :
عب البانيو ماء واحجرهن الفجر يبدون قاق قاق يصلحون خراش بدل ما تقعد تظبط ساعك كل يوم ذولا مضبوطات خلقه..
الله يوسع صدرك بالعافيه ويجزاك عنا كل خير
دمت بحفظ الله
تحياتي
..قوافي..

Al3rands

25/12/2011, 01:40 PM

هههههههههههههههههههههه بساسه وبط الله يرج ابليسك

راعي العجراء

25/12/2011, 02:08 PM

ههههههههههههه البس غثيث الصدق ما عمره شاف بط

والبط على كبر حجمهن مانفعهن الا مصارخ صدق من قال القوي قوي القلب
نتظر جديدك من السوالف الخاثرة
تقبل تحياتي....

هلايك ياعم ابو ربيعان والله يمسيك بالخير
الاالبط غثيث والبساسه ماهي غريبة علينا بكل عاير كومة ابساس
وانا استعجلت على بيعهن لو كل بطه دهنت حلقه بشحم سوبر شل 120
حق الشيولات كاان مافتحن افامهن

بندر الشريف

25/12/2011, 04:42 PM

حي الله راعي العجراء
البط أصلا مزعج بدون بس وخير ماسويت أفتكيت من الدوخ والإزعاج
لكن كيف يوم جبت البلابل والنغاري ههههه أكيد أنسجمت مع أصواتهن
الجميلة بعكس البط
سالفه ممتعة الله يعطيك العافية ياراعي العجراء
دائما تجذبنا بسواليفك ونجد أنفسنا في متصفحك على طول

أخوك / بندر الشريف

أبوعابد 22

25/12/2011, 06:31 PM

ههههههههههههههههههه
مزدي احسن انك رميته
والله ان القطاوه مشغلتني في الحوش كل يوم
شيل وحط القطوا والدجاج ويوم طفح الكيل
اترقبله ويوم شفته رميته ومن قوي الرميه ماعد شفته
مدري مات اوطار من قوي الرميه
بس اني لي سبوع فاقده وجعله مايرجع

خوي مخباته

25/12/2011, 08:16 PM

مشكووووووووووووورر الغالى "00000000 راعــــــي العـــــجراء00000000 " الله يحفظك
والبس راح وجاب واحـــــــدَن من ربــــــــعه هــ الدشير دشير تالى الليل الصيَع وفقع كبود هــ الضعيفات وهن عاد كبر على الفاضَي وزادت قرقـــــــــــعتهن والله ياصواتهن تقل كاب للك قدورمن نوع المعدَن الهندي الاصلى !!!!!
سامت ودمت ولاندمت

راعي العجراء

25/12/2011, 11:16 PM

ههههههههههههههه مشكور على القصة
هلابك ياولد روق ولا شكرا على واجب

راعي العجراء

25/12/2011, 11:28 PM

وعليكم السلام ورحمة الله وبركاته

سلمت يالغالي على هالسالفة
وعندك بالغرفة أم صتمة وصبرت على البس كل هالمدة!!!
يوم اصبحت وانا اقول للماما
ماما حتة وحدة
مقطوع سرك بطرطوس:D
وسبحان الله
أنا لاحضت إن حرف... الباء... لعب دور بحياتك
بــــاص....بس....بط....باكستاني:D....بل
وماشاء الله عليك
قيمتهن مبروكة
شريت كل اللي بسوق الحمام;)
لاجديد....مبدع كالعادة

لاعدمناك يالغالي

هلابك يابو علي والله يمسيك بالخير
لا وعندي شوزن ام صتمه حبه كبيره
بس انا يوم طلعها مانويت ارمي البس اخاف يجوني اهله بالليل
انا ناوي البط وخفت تزعل الماما
وانت عارف ان الماما منمدينه طرطوس باليمن
اما حرف البا فانا احب هذه الحرف قل ليه ؟؟؟؟
لانه اول حرف من معرفي
براعي العجراء
وبعدين انا اخذت مقاس الشبك حصلته صغير والا كان جبت بعد قعود
اشكرك يااخي الغالي

راعي العجراء

26/12/2011, 07:26 PM

7753395] [/FONT]

حياك الله

الله يرحم الوالده ويسكنها جنات النعيم اللهم آمين ويرحم كل غالي لنا أجمعين
صراحه بساستكم شكلهم يحبون التشخيص والحركات بط مره وحده مايلام لو عزم حمولة بساسه
كان فيه حل ازين من بيعهن او ذبحهن :
عب البانيو ماء واحجرهن الفجر يبدون قاق قاق يصلحون خراش بدل ما تقعد تظبط ساعك كل يوم ذولا مضبوطات خلقه..
الله يوسع صدرك بالعافيه ويجزاك عنا كل خير
دمت بحفظ الله
تحياتي

..قوافي..

هلابك ياقوافي
شرفني مرورك وبعدين جيل البساسه هالوقت جيل همبرقع وكودوندو وهوت درق
ماعاد يبون باقي عظيمات الكبسه والمرقوق
الدنيا تغيرت
اجل الفطور ماعد يبون الا زيتون وجبنة عكاوي وكبه لبنانيه
تحيتي لحضورك

أخت البنات

26/12/2011, 11:58 PM

الله يعطيك العافيه
يابراعي العجراء :o
سالفه تضحك من جد :)
والله يخلي لك الماما وطنطو :j

بس سالفة انك رحت تبيع البط
وشريت شبك
وحطيت فيه بلابل ونغاري وفري وجوزين ارانب وتيس وعناق (سخل ) وضب
مثل اللي حول مطعم مثلوثه
لمطعم وجبات سريعه للقطاوهـ :cool: وفيه مما لذ وطاب :)

تلميذ

27/12/2011, 02:38 PM

محظو ظ من يقرأ لك ياراعي العجراء ..
مزاجك عالي اليوم
مامي ... وحديقه البيت ... وافتح الشباك
ساير لبناني خيوه ... ومحد حاس فيك :confused:
ربحت التجاره ياابو جلمبو .. وخسرت القطاوه وناستها
أسعدتنا بسالفتك
أسعدك الله ورزقك انهار في الجنة ..
انت ووالديك

ذئب المقانيص

29/12/2011, 12:49 AM

الله يعطيك العافيه ماقصرت مشكور
وجزاك الله كل خير

راعي العجراء

01/01/2012, 11:56 PM

اشكركم على ردودكم الطيبه
وتفاعلكم مع هذه السالفه
دمتم بخير

عاصفة عروى

02/01/2012, 02:22 AM

الله يسعدك بدنيا والاخرة

راعي العجراء

03/01/2012, 12:30 AM

الله يسعدك بدنيا والاخرة

امين وانت كذلك الله يجزاك خير
على الدعوه الطيبه

جلاد السهر

10/01/2012, 08:24 PM

قصة حلوه مشكوووووووووور

عاشق صوت المطر

11/01/2012, 03:32 PM

مشكوراخوي سالفه مضحكة
ههههههههههههههههههه