اشتريت مونتانا 650t

[NwN]

السلام عليكم

الله يعطيكم العافية على المنتدى الطيب وبيض الله وجيه الاعضاء اللي ماقصرو

اما انا ياجماعة سالفتي سالفه

اشتريت 650t من امازون امريكا مع قاعدة ومع جراب له وبعد عشر ايام وصلني
يوم وصلني وشغلته انتبهت ان النور الداخلي مايشتغل توقعت عشان البطارية ضعيفه
ويوم شحنته كامل الا مايشتغل :D قلت في خاطري الله من قراده وش السواه الحين

كلمت واحد من الربع يعرف انجليزي وجيته وجبت اللابتوب معاي ورحت لموقع امازون
ودخلنا على شات المباشر مع خدمة العملاء وكلمناهم وقلنا لهم قالي خلاص رجعه قلت له بيكلفني ذيك القيمة قال خلاص برسلك واحد الحين ولما يوصلك تأكد منه واذا اوكي ارسل الثاني وشحنه علينا ارسل لنا الفاتوره وحنا نحطها بحسابك

طبعا ماقصرو ارسلوه ويوم جاني الا شغال مافيه الا العافيه بس دفعت قيمة شحنه الجديد اللي جاء وكلمتهم قلت له اني دفعت قالي اللي اقدر اعطيك 10$ في حسابك قلت ياحبيبي انا دافع 7.8 دينار المهم قلت له معليه ماشيه لك لكن ان ارسلت لك الثاني بتقولي مالك الا 10$ بعد ماراح تشوفونه قالي لا بنعطيك اتعابه كلها

وهذي سالفتي وحبيت اني اسردها عليكم

طبعا الاخوان هنا بيستغربون ليه شريت 650t وماشريت 650 بقولكم
650t الذاكره الداخليه 3.5 جيجا
650 الذاكره الداخليه 3.0 جيجا
وكان الفرق بسيط بينهم في امازون
والله يعينكم على اسألتي للجهاز هذا اول جهاز جارمن امتلكه
وسلامتكم

[شمالات نجد]

على البركه ما شريت والحمد لله على سلامة الجهاز البديل

بالنسبة للفرق بين الجهازين تقدر تعوضه بالميموري

وفيه موضوع مخصص للمونتانا اتمنى تزوره

وفقك الله والجميع

سلام

[برق الشتاء]

الف مبروك وتستاهل كل خير ولجهاز بعد يستاهل تعبك للحصول عليه

وانا بعد اتصلت على جميع الزملاء هنا بالمنتدى لشراء مونتانا 650 لم اجده لدى اي منهم وقد اتعبت الأخ ggarmin معي - جزاه الله خير وكثر الله من امثاله - راح سأل عن الجهاز بالعامة لقيه مع القاعدة بـ 2700 ريال بدون ضمان .
رحت لدار موجه بالمدينة لقيت الجهاز عندهم بـ 2560 ريال بدون قاعدة وضمان سنتين على الجهاز والقاعده لوحدها بـ 250 ريال وغير متوفرة لديهم حاليا وتتوفر بعد يومين .
وعلى الرغم من اني لا انصح بالشراء من دار موجه هذي المرة انحديت عليهم وابي اشتريه ان شاء الله بـ 2560 ريال بدون قاعدة .


الجهاز في امازون 519.99 دولار = 2002 ريال تقريبا
والقاعدة بـ 39.28 دولا = 151 ريال تقريبا
يعني المجموع تقريبا 2153 ريال تقريبا .

فرق عن دار موجه 650 ريال لكن ابي اريح راسي من اللفلفه .

دمت بخير

[doshf]

مبروك الجهاز وفي الرابط التالى تجد تقرير كامل له
http://www.mekshat.com/vb/showthread.php?t=448096

[salehhd]

السلام عليكم

مبروك الجهاز والامازن بصراحة تعاملهم ممتاز عن تجربة وخدمة العملاء عندهم جيده احسن من ربعنا هنا

استفسار بسيط
هل تركيب الخرايط في الجهاز مثل باقي اجهزة الجارمن العادية ولا مثل 276 عقده نفسية وعصبيه

وشكراً

[qulaib]

ألف مبروك عليك هذا الجهاز الرائع
إذا كان هذا أول جهاز فأنت بديت من القمه
والجهاز متكامل عسى الله يهنيك فيه
ومشرفنا الغالى assad وسمير وبرق الشتاء وِanab وDoshf والوهاج وبعض الأعضاء الذين لاتحضرنى أسمائهم هم
خبراء وأساتذه فى الأجهزه ومتعاونين إلى أبعد الحدود فما عليك إلا أن تسأل أو تبحث فى مشاركاتهم لتلقى جميع
الأجوبه التى تريدها
مرة أخرى مبروك عليك الجهاز وتستاهل اللى أحسن منه
أخوك قليب

[NwN]

على البركه ما شريت والحمد لله على سلامة الجهاز البديل

بالنسبة للفرق بين الجهازين تقدر تعوضه بالميموري

وفيه موضوع مخصص للمونتانا اتمنى تزوره

وفقك الله والجميع

سلام
الله يبارك فيك والله يسلمك

الفرق بين الجهازين طال عمرك الميموري يزيده ويبقى الفرق ثابت
والموضوع زرته تسلم طال عمرك وربي يوفقك ويسلمك

[NwN]

الف مبروك وتستاهل كل خير ولجهاز بعد يستاهل تعبك للحصول عليه

وانا بعد اتصلت على جميع الزملاء هنا بالمنتدى لشراء مونتانا 650 لم اجده لدى اي منهم وقد اتعبت الأخ ggarmin معي - جزاه الله خير وكثر الله من امثاله - راح سأل عن الجهاز بالعامة لقيه مع القاعدة بـ 2700 ريال بدون ضمان .
رحت لدار موجه بالمدينة لقيت الجهاز عندهم بـ 2560 ريال بدون قاعدة وضمان سنتين على الجهاز والقاعده لوحدها بـ 250 ريال وغير متوفرة لديهم حاليا وتتوفر بعد يومين .
وعلى الرغم من اني لا انصح بالشراء من دار موجه هذي المرة انحديت عليهم وابي اشتريه ان شاء الله بـ 2560 ريال بدون قاعدة .


الجهاز في امازون 519.99 دولار = 2002 ريال تقريبا
والقاعدة بـ 39.28 دولا = 151 ريال تقريبا
يعني المجموع تقريبا 2153 ريال تقريبا .

فرق عن دار موجه 650 ريال لكن ابي اريح راسي من اللفلفه .

دمت بخير


تستاهل الطيب ودام الفرق بسيط اي والله فك راسك من العنا والانتظار وتوكل على الله

[NwN]

مبروك الجهاز وفي الرابط التالى تجد تقرير كامل له
http://www.mekshat.com/vb/showthread.php?t=448096


تسلم ياطيب والرابط زرته والله يجزاك خير

السلام عليكم

مبروك الجهاز والامازن بصراحة تعاملهم ممتاز عن تجربة وخدمة العملاء عندهم جيده احسن من ربعنا هنا

استفسار بسيط
هل تركيب الخرايط في الجهاز مثل باقي اجهزة الجارمن العادية ولا مثل 276 عقده نفسية وعصبيه

وشكراً
اي والله ان تعاملهم راقي لكن مشكلتهم يوم جاني البديل مادفعو عني فلوس الشحن هذي نقطه تحسب عليهم
اما الخرايط جدا بسيطه ادخل ولا تغير اسمها ولا شي وحطها في ملف القارمن وسلامتك

ألف مبروك عليك هذا الجهاز الرائع
إذا كان هذا أول جهاز فأنت بديت من القمه
والجهاز متكامل عسى الله يهنيك فيه
ومشرفنا الغالى assad وسمير وبرق الشتاء وِanab وDoshf والوهاج وبعض الأعضاء الذين لاتحضرنى أسمائهم هم
خبراء وأساتذه فى الأجهزه ومتعاونين إلى أبعد الحدود فما عليك إلا أن تسأل أو تبحث فى مشاركاتهم لتلقى جميع
الأجوبه التى تريدها
مرة أخرى مبروك عليك الجهاز وتستاهل اللى أحسن منه
أخوك قليب
الله يبارك فيك ويسلمك
هذي اول مره اشتري قارمن وقبلها كنت استخدم خرايط نوكيا
تبي الصدق شكل العام لخرايط نوكيا افضل من قارمن والتوجيه الصوتي في نوكيا افضل بألاف المرات من قارمن مع ان قارمن شركة متخصصه في تحديد المواقع ونوكيا لا
والحين قاعد ابحث طريقة اني انزل الصوت اللي في نوكيا للقارمن
وفكيت اصوات القارمن والنوكيا لقيت قارمن 120 مقطع صوت ونوكيا 142 مقطع صوت بشوف لها طريقه عساني القا لها حل واحطها لكم وان شاء الله تضبط

[doshf]

في الرابط التالي الجزء الثاني من التقرير الخاص بالجهاز . جزى الله خيرا كاتبه ورحم والدي ووالديه وجميع المسلمين
http://www.mekshat.com/vb/showthread.php?t=468413

[sameer_1798]

أخوي NwN مبروك على الجهاز والله يعطيك خيره ويكفيك شره
بالنسبة للاصوات انا ماجربت إلا الجارمن ولكن ترى المونتانا فيه صوتين صوت ماجد الناطق للشوارع وصوت مثل النوفي نسائي وإذا تبي تحط صوتك هذا الموضوع يفيدك إن شاء الله
الآن بسهولة ضع صوتك أو صوت من تحب كتوجيهات للجارمن (http://mekshat.com/vb/showthread.php?t=407007)

[NwN]

الله يجزاكم خير
والله يبارك فيكم

اخي سمير انا جربت الصوت حق الشوارع وللحين نفس المشكله تحس انه مو متناسق ومركب فوق بعض
لكن جرب النوكيا والتوجيه الصوتي فيه خاصه صوت انثى جنوب افريقيا تحس انه تسجيل واحد مع انه 142 مقطع صوت بالنسبه للجارمن طلع 120 وفيه اختلاف بينه وبين النوكيا بطريقة حسبة الامتار والكيلو مثلا في النوكيا تقول 3 كيلومتر في مقطع واحد لكن في الجارمن 3 في مقطع وكيلومتر في مقطع اخر