الوكري ابو 17 الف (موضوع للنقاش)

[صقار الرياض]

السلام عليكم ورحمة الله وبركاته


حبيت اتكلم عن طير وكري شفته بسوق الصقور في الرياض قال راعيه انه مسيوم منه
ب17 الف و انه صاد 200 طريدة من كراوين و حباري و حمام و حجل انا سبق ان تكلمت عن هذا الموضوع و رد بعض الاعضاء كان نصا (وبالنسبه للوكرى ابو 17000 ماسمعت عن وكرى بهذا السعر ولا اعتقد انى سوف اسمع)

فقلت انزل هذا الموضوع و نشوف وش يقولون الصقاقير

و اعتذر على الإطالة

[الحمش1]

السلام عليكم


الحين الطيور الصايده الراكده اللي تطلع

تلقاه على 10و 13

اما وكري ب17 قوييه شوووي

[صقار الرياض]

هذا الكلام اول الموسم

[اقدم صقار]

السلام عليكم
الطير انا شفته في سوق الرياض في اول الموسم مع ولد شباب ويقول معه جواز سفر والطير عادي ما اعديه اربع الاف ريال حتا لو يصب قهوه ويقلط الرجال ويذبح الذبيحه هههههههههههه
راس ماله وكري ادري فيه ناس بتزعل علي من محبين الوكري لاكن والله مانيب احبه ولا احرص عليه وهذي قناعتي وشي خاص فيني والشي الثاني الكلام هذا صدق والطير شراه واحد من خوياي وهده على حبارى ولا بغاها وطارة الحبارى وساق وراها وحذف الطير الثاني وصار يلحق وراه ويوم رجع للوكري يدوره ما لقاه عسى الله يعقله له

اخوكم ابو منصور

[رعد المطر]

مساء الخير يااخي الكريم الحباري وصلت لل3000آلاف والشعير ب75ريال هههههههههههه وغيرها لاتستغرب 0
وانا اقول لك ان هناك احد الاصدقاءالاعزاء عنده وكريه سيمت ب20الف ورفض قبل كم سنه وصاحبها صقار ومشهور على مستوي الخليج وله درايه بالطير ويعتبر علم في راسه نار (وانعم والله بالجميع )وهناك الكثير من يعلم بهذا الشئ 0000 اخو ك رعد المطررر

[صقار الرياض]

السلام عليكم
الطير انا شفته في سوق الرياض في اول الموسم مع ولد شباب ويقول معه جواز سفر والطير عادي ما اعديه اربع الاف ريال حتا لو يصب قهوه ويقلط الرجال ويذبح الذبيحه هههههههههههه
راس ماله وكري ادري فيه ناس بتزعل علي من محبين الوكري لاكن والله مانيب احبه ولا احرص عليه وهذي قناعتي وشي خاص فيني والشي الثاني الكلام هذا صدق والطير شراه واحد من خوياي وهده على حبارى ولا بغاها وطارة الحبارى وساق وراها وحذف الطير الثاني وصار يلحق وراه ويوم رجع للوكري يدوره ما لقاه عسى الله يعقله له

اخوكم ابو منصور


إيه هذا هو الطير اللي انا اتكلم عنه لاكن من اللي شراه صراحة ما اعرف

[loving]

أسلوا عن سوامها لاتسلون عن قيمتها ..........؟؟ !!

[البرنس الليبي]

انت صادق لكن راعي الطير ماهو بصادق ..إلا إذا هو طايح بواحد معه دراهم ولايعرف الصقور ..اجل وكري بـ 17000 ..لاحول ولاقوة إلا بالله

[راعى شاهين]

الوكرى وكرى لو زين من الذهبى لو طرح النعامه هم وكرى وفيه مقوله يقولون اطيب الطيور وكرى واردهن وكرى الوكرى ون ذبح نفسه ماتعدى الاربع الاف

[(هزاع)]

مهما يكون فيه من العلوم شي وشوي
يبقى وكري مع حبي للوكري
وسعار الوكاره يتراوح مابين
2000 الى 3000
وذا به تميز علوم يرتفع زود 500
اما الزود المبالغ به فهاذا يعتبر عرض ورغبه

[مربي الصقور]

السلام عليكم ورحمة الله وبركاته
الله وكري ب17 الف عز الله لاشتري لي حرفارسي فيه واحد اعرفه شاريله حر فارسي سعره فوق ال10 ولا اخذ لي شيهانه جبليه

[قرناس شماالي]

والله يالغالي كل شئ جايز وماقول بيكذب

مدام الفروخ الشياهين بعام 18قيمت الفرخه مقاسها15 ماتتعدى6000الاف والحين تاصل

ل100الف و50الف هذي الدنيا كلمالها تغلى وكلمالها تصغر على كبير العمر

وماقول الى الله يوفق الجميع

[falcon 1]

بصراحة سعر الوكريه واجد ...17000 اخذلي قرناس حر صايد وعليه مثانه
ولكن ما نقدر نقول انه هالشي ما يصير ..كل شي جايز ...لكن انا مع كلام اخوي هزاع
اذا الزبون صدق راغب الطير ..وحط الطير في باله ..يسوم ويرفع سعر حتى يضمن الطير باذن الله ...وكل مخلوق مرزوق.

هذا مجرد رايي وان شاء الله الربع ما يقصرون

[عاشق جلاد]

وتلو موني
لين قلت طوري تستأهل

[اقدم صقار]

يا الربع اللي شراها خويي اعرفه مثل ما اعرف اخواني وشراها بنصيبها بس بعيد كل البعد عن 17 الف كل البعد وباعها بحدود المعقول وراعيها اللي جابها يقول انا بسافر للخارج وبروح ومدري وش يقول
ما علينا المهم خويي شراها بنصيبها والطيره راكده على التكيه وتفرع وضاعت على في العجه ورى خرب
وراس مالها وكريه والله مالي فيها لو تربط بيدي حذفتها
اسف على الاطاله
اخوكم ابو منصور

[وارث المراجل]

يا الربع اللي شراها خويي اعرفه مثل ما اعرف اخواني وشراها بنصيبها بس بعيد كل البعد عن 17 الف كل البعد وباعها بحدود المعقول وراعيها اللي جابها يقول انا بسافر للخارج وبروح ومدري وش يقول
ما علينا المهم خويي شراها بنصيبها والطيره راكده على التكيه وتفرع وضاعت على في العجه ورى خرب
وراس مالها وكريه والله مالي فيها لو تربط بيدي حذفتها
اسف على الاطاله
اخوكم ابو منصور



الله يعقلها لخويك ويردها
بس اشوف من كلامك منت مقدر اصحاب الوكاره
هي صح وكريه بس
وراس مالها وكريه والله مالي فيها لو تربط بيدي حذفتها

[صقار مبتدئ]

http://www.youtube.com/watch?v=lIT-b4tUT0Y
هذي الوكريه راحت 4900 ريال
و اللي مرخص الوكري و لا يشوفه شي.... يجي الساحل و يشوف فعلها يوم تحول اطلق الشواهين و تفارس الحرار و التوقيع هديه لمحبي الوكري

[راعي الفزعه.]

مدري وش فيكم لى الوكري

انا بايع وكري الموسم هذا طارح حباري وكراوين بـ 8000 ريال

[محمد ابن سعود]

كل شي جايز في هذا الزمن وصدقني لو باع الوكري ب3000 ريال هو الكسبان
انا بعت واحد براس ماله ويالله جابها فما بالك ب17 الف ....×

[س.س.التميمي]

الله يرزقنا و يرزقكم من واسع. فضله

[المريعي]

عند واحد من الربع مثلوث لو تعطيه 30000 ريال ماباع

اذا صفطت التامات عن الحبارى حذفه وقرناس 8

انا وش ابي بالطير اذا مايلحق الحباري والكراوين

(كبر النسور المحدبات المهاديف)

[اقدم صقار]

السلام عليكم
يقول المثل لو لا اختلاف الانضار لبارت السلع
وانا عن قناعه مالي في الوكري جعله يتبارك لهله حتى لو يحول بالذهب من النجوم
هههههههههههههههههههههههه
يا الربع الدعوى ماهيب جبريه ، يعني لازم احب الوكري !!!!!!!
انا رجال احب الحرار والشواهين ان بغيت سبق يطلق الوجه وان بغيت النضره والمنقل وان بغيت تبيع اقل شي يقضي لزومي
اقول ما ودي اطول بالكلام وجعل كل الحلال يتبارك لهله
اسف على الاطاله

[وارث الكرامه]

يا اخواني الـكـرام هالوقت يوصل الطير بقيمه ما تتصورها التبع الوحش في الامارات يوم يجي اول الوقت ب 7 و 6 وانا اشتريه من سلوى 2800-3500

و العام ماخذ فرخ وكري وصاد الثلاث وراح بـ 30 وانا في مقناص ..
ولواحد من الربع ماخذ تبع وكري وشاركبه في جائزة فزاع ولا صاد طيره وراح ب 40

[ابو مبارك 77]

سبحان الله