نفضه ورجه قويه بالشاص

[ابو ف]

سلام عليكم ورحمة الله وبركاته

اخباركم ياعساكم بخير وصحه وسلامه

عندي مشكله بالشاص 2005 ونفس الحكايه في ربع وهي الرجه القويه لابد من مسك الفرامل

حتي تنتهي الرجه تماما بعده توزن حتى يسلك المهم غيرت مساعد دركسون علما انها نوعين

شد البلد بعده ركبت الاسترالي الاصفر ولافائده:mad: شيكت على ذراع مساعد الدركسون تمام

شيكت على الصليبات تمام رفعت الكفر يمكن الرمان مرتخي طلع تمام ياترى وش الحل

ودي بميزان تنصحوني به سواء بالرياض او المزاحميه لأني مشيوير من الرياض لكن حيل الله اقوى

آسف طولت عليكم :(

[ذيب النجيل]

هذا الحل وهو طبعا من احد اخواننا الاعضاء


كثير من الأخوان يعاني من الرجه من 80 إلى 100
بعضهم يقول اذرعه او مساعد التوازن والموضوع اسهل من هذا
بكثير من واقع تجربه
كان معي ربع 2002 وكنت اعاني من نفس المشكله وكل ميكانيكي
يطلع خبراته على السيارة مع اني ماغيرت كل الي قالوا
رحت لواحد باكستاني قلت له المشكله قال هذا سهله
فك عامود التوازن الامامي كما في الصورة (( بعد اذن صاحب الصورة ))
http://www.mekshat.com/pix/upload05/images229/mk68265_pin1.jpg


بعد مافكه لقى مسمار عريض متحرك على نفس الجلبة قال
هذا سبب الرجه لانه لازم يكون يتحرك بس حركته تكون ثقيله
وقاسية مايتحرك بسهوله ..
كبس الجلبة على المسمار وفعلاً صار يتحرك بصعوبه واثقل من
اول وركب العامود وشد السنه من الجهتين بنفس الطريقة هذه
http://www.mekshat.com/pix/upload05/images229/mk68265_pin2.jpg



مع العلم ان شغل يده تقريبا 60 ريال

منقول

[ابو ف]

لاهنت ياذيب شديت عليها مافيها فايده واصلها تيمها

[وبل نجد]

عندك مشكله برمان الركب تاكد منه لايكون منجرش او متكسر من الداخل

[sgl2002]

لا لا

هذا جلد عمود الرباااط ومتاكد ميه بالميه

انت والسيارة واقفه لف يمين ويسار بتشوف السيارة تتموج ماهي ثابتة

وشفها حديده بالعرض خلف مساعد الدركسون

تلقا الجلده منقطعه شيك عليها لانها صارت لي وتجي الرجه مع مطب ولازم تمسك بريك او لف يمين ويسار لين ماتهدا×

[سيوفي]

نفس المشكلة عندي باليوكون دينالي 2005
غيرت جلد عمود التوازن ومسامير العمود ورصصت ماشي فايده

رحت للعضيب واليرموك والمجد والعتيبي قالوا الركب سليمة والعمود سليم والكراسي موترك مافيه شي كلهم يقولون مافيه شي .....اذا ضربت مطب او حفره بالخط صغير قعد ينفض... وفيه خطوره اذا صرت مسرع ...

السبب وانا نازل مع السقطه فيه حفرة تصريف ماء على اليسار وكليتها ومن عقبها مهوب طيب
ياليت تفيدوننا

[ذيب النجيل]

وهذا احد الحلول

طبعا منقول


مشكلة الرجه من 80 الى 100 وخاصه بالجيب الربع

بعد تبدل الكفرات والجنوط بالبلد او الفراشه او العكس تجي من :


1_ ترصيص : لزم ترصصها مضبوط وخاصه البلد لانه شنبر وقليل اللي يضبطونه



2 _ مساعد الدركسون : يكون خفيف او فيه فضاوه او يكون منتهي ويحتاج تغير

وانت بنفسك تقدر تكشف على المساعد بدون تدخل مكانيكي والطريقه هي :

_ يكون خفيف : امسك المساعد وهزه بيدك اذا كان خفيف ويتحرك معك على الداخل معناها لزم تغيره

_ تكون فيه فضاوه : ارفع السياره بعفريته من الامام ولف ( اكسر ) الطاره يمين او يسار

ولاحظ المساعد اذا كان الكفرات تلف والمساعد مايتحرك الا بعدين هذا فيه فضاوه ويحتاج تغير

_ يكون منتهي : هذا واضحه مجرد ماتشوف زيت طالع من المساعد معناتها منفقع ويحتاج تغير




3 _ رمان العكس الامامي : رمان العكس يكون مرتخي ( منحل ) ويحتاج شد فقط

وهذا تقدر تكشف عليه انت بدون تتدخل مكانيكي والطريقه هي :

ارفع السياره بعفريته من الامام وهز الكفر اليمين اذا كان فيه اهتزاز او حركه الى الدخل

معناتها مرتخي ويحتاج شد وهكذا جرب على الكفر اليسار هل فيه اهتزاز ام لا .


4 _ مسمار اذراع الدركسون : يكون مرتخي ويحتاج شد وشد سهل مره ماياخذ ربع ساعه

والطريقه هي :

يوجد بنهاية الذراع اللي يلف الكفر تيله من يمين ويسار ( مثل الصوره )

http://www.m5zn.com/uploads/2010/12/19/photo/121910081203e3cscbfgw9f7qj9.jpg (http://games.m5zn.com/cooking_games.html)


تفك التيله هذي واذا فكيتها راح تحصل صاموله تجيب مفك عادي ( سكروب )

وتشد على الصاموله نصف دوره ثم تروح للكفر الايمن وتشد نصف دوره

يعني لزم توزن بينهم وهكذا تشد عليهن كلهن الى ما ياقفاً

طبعاً الكفر اليسار تلف الكفر اليسار لاخر شي تطلع لك التيله

اما الكفر الايمين لزم تفك الكفر لان المكان ضيق .


::

اذا سويت كل اللي ذكرته تبي ترتاح ويرجع موترك وكاله

لا رجه خفيف عند المطبات ولارجه بالدركسون مع السرعه

وكل هذا تبي تحس بالموتر رساوه مثل الجديد


::

وانا سبق وان صار معي نفس مشكلتك بجيب ربع اذا ركبت البلد تجي رجه من 80 الى 100

وبجنوط الفراشه 17 تجي رجه تبدا من 140 الى 160

وصار مساعد الدركسون فيه فضاوه وغيرته

واختفت المشكله

::

:: بالتوفيق ::