مشكلة باليوكن 2001 ياطيبين

[مكشتاني]

السلام عليكم
اخواني انا عندي يوكن موديل 2001 فاتحه جديد على يدي من الوكاله ماشاء الله من افضل مايكون والسيرفس اسويه بأنتظام ومسويله دفتر مسجلن فيه تفاصيل السيرفس بالتاريخ والكيلومتر
قبل ستة شهور عيت السياره تشتغل مع العلم ان السلف اوكي وقطرتها لورشة ترايستار ( موقايلن لكم مدللها ) وكانت المشكله فيول بمب اوطرمبة البنزين وتم تغييرها بأصليه سعرها بـ 1000 ريال من محلات المغلوث بالخبر والحمدلله كانت الامور طيبه وعملت تصفيه للسياره بس ماني متأكد من تغيير الفلتر حق البنزين.
الشاهد حاليا قبل اسبوعين السياره عيت تشتغل مع العلم المؤشر فوق الربع بشرطتين وطبعا اول شيئ فكرت فيه هو الطرمبه اللي مغيرها قبل ستة شهور بس قلت يمكن العوامه معلقه المهم صبيت بالتانكي 10 لتر بنزين وبسم الله اشتغلت .
الموضوع تكرر والمؤشر تحت النص بشرطتين ونفس القضيه شوي بنزين اصبهم وتشتغل السياره القضيه ان السياره عند هالمستوى تأخذ باللتر تقريبا الكميه المتبقيه من الخزان ويمتلي
يا اخوان هل ممكن تكون الطرمبه ولو كانت ليه لما اصب بنزين تشتغل السياره لان المفروض السياره تعيي تشتغل بالاساس لو كانت الشغله طرمبة ؟؟
هل ممكن يكون فلتر البنزين وهذا الشيئ انا شاكن فيه اكثر ؟؟
هل ممكن تكون العوامه حقت البنزين معلقه وتعطي قرءه خطأ مع العلم ان لما اعبي بنزين تمتلي السياره بالمعدل اللي باقي بالمؤشر ؟
ملحوظه الشغله تتكرر بالصباح عند اول تشغيله
وشاكرلكم اخواني واحبائي ولو تكرمتوا لاتبخلون علي بالاجابه
محبكم د/ابووليد

[محب الشافعي]

اخي الكريم: اولا عليك بفصل فيشة مضخة الوقود ثم اخراج المضخة من الخزان وقم بربط الفيشة مرة اخرى بالمضخة وليقم شخص اخر بفتح سويتش على الوضع on وابدأ بتحريك العوامة ببطيء الى الاعلى حتى تصل الى النهاية وراقب مؤشر الوقود هل وصل الى الحد الاعلى فان حصل ذلك فالعوامة والمؤشر ليس بهما عطل , افحص المضخة فلعل من استبدلها قد رفعها الى الاعلى وبذلك لا تصل المضخة الى قعر الخزان مما يوحي لك ان الخزان غير ممتليء بالوقود .

[مكشتاني]

تسلم وفقك الله محب الشافعي
انا سويت شغله ثانيه يمكن تعطيك فكره اكثر وصورت المؤشر اليوم الاثنين بالصدفه لما تعطلت السياره وعييت تشتغل

الصوره الاولى عند عطل السياره والمؤشر دايم في نفس هذا المستوى

http://www.mekshat.com/pix/upload05/images237/mk26902_26122011600.jpg
[وطبعا عبيتها بانزين full وكانت كمية البنزين 65 لتر بالضبط ( الطبيعي تقريبا 90 لتر لما افول السياره ) وعلى طول اشتغلت السياره بس لاحظت اني لما شغلتها اليوم مره ثانيه بعد هذه الحادثه عطلت بالتشغيل بعد 3 محاولات وأشتغلت
وهذه صورة المؤشر بعد الـ 65 لتر
http://www.mekshat.com/pix/upload05/images237/mk26902_26122011601.jpg

ومثل ماذكرت من قبل ان طرمبة البنزين اصليه جي ام شريتها قبل 6-7 شهور
اخي ياليت تفيدني لاني قلق تتعطل السياره مع السايق او العيال

[خط الجبيل]

عندي كابرس 94 نفس مشكلتك بالظبط اذا وصل لهالحد تطفي السيارة

اعبي بأربعين ريال بعد ماتطفي > اخضر

اذا جا يطفي ماتولع لمبه البنزين

اشك ان المشكله من العداد

والله اعلم

[بدوي جنوبي]

اخى دكتور ابو وليد

اللى أتضح لى ان المشكلة من العوامة ما تقرأ كمية الوقود داخل التانك
يعنى أذا وصل المؤشر كما في الصورة الاولى هذا يدل ان التانك أصبح فاضي

[الوقيدي]

السلام عليكم : من دون تردد العطل عندك في عوامه البنزين وليس في العداد لايعطي قراءه للبنزين الموجود في التانكي . أو قد يكون سبب أخر ولكنه قليل الحصول بأن الطرمبه قصيره لاتصل الى اسفل الخزان . الحل الفك والتشييك . الى اللقاء.

[جمس_454_97]

اخوي الغالي مشكلتك من الطرمبه
اما بالنسبه ليش تشتغل لمن تعبيها بانزين لان انت لمن تروح وترجع تلاقيها بردت حتى لو ماعبيتها بانزين بتشتغل ولو تطقها راح تشتغل
الامر الثاني الي ركب لك الطرمبه ماركبها لك زين والدليل انها خربت عليك او ان العوامه مغشوشه والحل تشتريها من الوكاله وتريح راسك

[مكشتاني]

الله يجزيكم الخير اخواني على تفاعلكم الطيب معي
ومايخفيكم استشرت الشايب ما شاء الله عليه خبره ميكانيكا والاتفاق ان العطل بالعوامه لان ماتنزل الطرمبه لمستوى البنزين
اخي جمس ترى كلامك غير صحيح وانا اخوك لان الشغله اكثر ماتصير في الصباح الباكر او لما تكون السياره واقفه وبارده لمدة طويله

[الوعد2]

المطلوب منك تعبية التنكي فل كل مرة وتصفيرر العداد وعلي فكرة التنكي يمشي معك حدود 300ميل او اقل يعني اذا قربت من 250 ميل عبي فل من جديد وصفر حتي تعرف المشكلة بالضبط وطول هل الفترة راقب انبير البنزين