استشاره لشراء سياره ,,,,,,,,

[محمدالعريني1]

السلام عليكم ورحمة الله وبركاتة ,,,,,,,,

اخواني في موقع المكشات اسعد الله صباحكم ,,,,,,,
حبيت استشيركم في شراء سيارة , وانا احترة بين سيارتين ,
ارجو من لديه المعلومات ان يفيدني جازه الله الف خير ,,,,,,,
== السياره الاول تاهو
== الساره الثانيه اكسبدشن ( وكالة فرد )
ممكن تفدوني ايهم افضل بين السيارتين ..كتالي
1 - افضل للستخدام
2 - افضل في القياده
3 - الصيانه
4 - استهلاك البنزين
5 - ذكر عيوب كل منهم ...
وجزاكم الله الف خير ,,,,,,

والسلام عليكم ورحمة الله وبركاتة ........

[محمدالعريني1]

الرجاء من الخوان الرد علي باسرع وقت ممكن .

[احمد 12]

هلا اخوي السيارتين كلهم تمام
بس انا ارشح التاهو(( القصير )) بكم تجربتي له لفتره قصيره سياره جداً رائعه وممتعه بالسفر
اكسبديشن ماسبق لي التجربه ولاكن جربت اخوه الاصغر الاكسبلور وما اعجبني بصراحه وبالنسبه للصيانه كل سياره تحتاج لصيانه وماعندي خلفيه عن اسعارهم وتعاملهم وبالنسبه لصرف البننزين اتوقع عن مافيهفرق كبير بينهم
اتمنى لك التوفيق بالسياره المناسبه
(( لاتنسى الإستخاره))

[محمدالعريني1]

صباح الخير ,,,,,,,,

جزاك الله خير احمد على المعلومات

[سليمان الربيعان]

السلام عليكم ورحمت الله وبركاته
اخوي محمد العريني1
انصحك بالتاهو افضل من ناحيه شكل وجمال وشركه جباره واغلب الناس وخاصه الي عنده عائلة ياخذ تاهو
والفورد كبير واذا انت بتاخذ فورد خذ الي الاصغر منه الاكسبلور
تقبل تحياتي... ياولد العم

[محمدالعريني1]

صباح الخير
مشكور ياولد العم انت من قبيلة ( س )
جزاك الله خير على المعلومه .......

[saad309]

اخوي محمد انا اتوقع ان الاكسبدشن افضل من ناحية القيادة والقوة ولكن من ناحية الشكل التاهو احسن والله اعلم

[محمدالعريني1]

مشكور اخوي سعد على المعلومه .......
وجزاك الله خير

[ابوراكان تبوك]

من واقع تجربتي للإكسبديشن بصراحة سيارة مريحة جداً وعملية واوسع من التاهو بس مشكلته انه طويل ( داخل البلد الاكسبديشن يصرف لكن مع الخطوط رايح تتفاجأ بقلة الصرفية )
الخدمات الموجوده في الاكسبديشن اكثر من التاهو من ناحية تسخين المقاعد وقفل الابواب وغيرها وانت قارن بين كتلوج السيارتين واتوقع ان الاكسبديشن رايح يتفوق على التاهو بس ركز على الارتفاع بينهما اذا كنت راعي بر
في الدبلات كلها تمشي مماشي اللاند في الطعوس
في الثبات الأكسبديشن افضل بكثير لأنه نظامه فريولات
لكن السيارة اللي تمسك قيمتها اكثر من الأخرى هوووو التاهو
يمكن زدت حيرتك لكن السيارتين متشابهات وفي النهاية استخر

مووووووووووفق

[أصيل حجآ زي]

نصيحتي :

التآهو رآئع بس الوكلاء خآيسين ونصآبين الا من رحم الله

التآهو فيه نوعين :
التآهو العآدي المعروف عند النآس القصير .

والتآهو صآلون السوبر بآن تآهو شفر .

وأفضل شيء تشتريه من التوكيلات ولو أنهُم أفضل الخآيسين .

بس وقت البيع بيقولون لك بنسوي وبنفعل لك .
أشترط عليهــُم :
أن يكتبو لك كــُل الأشياء اللي بيعطوك مجآن بأورآق رسمية موقعة ومختومة .

وقت البيع يعطوك الشمس باليمين والقمر باليسآر .
وبعد ما تستلم المفتآح لا كأنهــُم يعرفوك ولا تعرفهــُم .
وهذي طريقة أغلب التُجآر عندنا .

أبعد عن الفــُرد وأي نوع من الفــُرد .
مشآكلهُ كثيرة ولو تعرف تدخــُل المُنتديآت الغربية لعرفت وش أقصــُد .

عليك أما تآيوتا أو جي أم GM .

[محمدالعريني1]

مشكور اخوي ابو راكان
وبيضاالله وجهك

[محمدالعريني1]

مشكور اخوي اصيل على المعلومات

[أحمد محمد1429]

أخوي محمد إذا كان هذي رغبتك في هالسيارتين أنا أقول لك أبعد عن الأمريكي وعليك بالسكويا

[بدوي جنوبي]

هههههه والله بتدوخ من كثر الاراء
الله يعينك
بالرغم ان الاكس شكلة قبيح شوي وكذلك اليوكن
والتاهو أحلاهم في الشكل .

والاكس أفضل من التاهو من ناحية نظام التعليق الامامى والخلفي
وطبعا التعليق مهم في رساوة وثبات السيارة


أما من ناحية الاداء والقوة كلها حول بعض الفرق بسيط
ويحتاج لجمع معلومات عنها .

شوف يا غالي خذ اللي يميل له قلبك وترتاح له
أكيد فيه سياره منها بتكون رغبتك في شرئها أكثر

الاكس كان عليه عرض في نهاية شهر رمضان بسعر 118 الف ستاندر دبل

يا ليت تذكر كم الاسعار ،،،، وعليك بالاستخارة

وفقك الله

[كاشت وحداني]

اضافة الى ما ذكرو الاخوان
الاكسبديشن من ناحية الداخليه اوسع
وايضا مراتبها عندما تصفطها تصبح كانها غرفه
يعيب التاهو واليوكون ان المرتبه الاخيره ما تعطيك مساحه تنصفط ولكن تبقى ظاهره
صورة لشنطة الاكسبديشن :
http://www.mekshat.com/pix/upload05/images237/mk57768_x.jpg

صورة لشنطة التاهو واليوكون :
http://www.mekshat.com/pix/upload05/images237/mk57768_t.jpg

اذا تهمك المساحه الخلفيه الترشيح للكسبديشن

وكذلك قطع الغيار الاكسبديشن ارخص

التاهو يتميز بالخفه في البلد خصوصا للمستعجلين
الاكسبديشن يبي له رواقه

المتانه والراحه الاكسبديشن
اعيب على التاهو قرقعه الديكور خصوصا اللي يوقف بالشمس واجد
وقبل ذلك الاستخاره وما يميل له القلب

هذا ما احببت الافاده به وانت الله يعينك جمع المعلومات وقرر

[رسيس نجد]

عليك بالاستخاره 000والخيره فيما يختره الله لك 0

[بدوي جنوبي]

اليوم سئلت واحد سعودي صاحب ورشة أعرفه من قديم
ورشح الاكسبديشن وبقوة

طبعا وقتها داخل ورشتة وقالى تعال شوف اليوكن والتاهو أغلبها توضيب قير ومحرك

توكل على الله وخذ الاكس .