المساعد الشخصي الرقمي

مشاهدة النسخة كاملة : خفيف وسهل لابوماجد قبل تنسيق اللغز الحل الشريحه ,,,,,,,,,,,حله راعي العجراء


الخامسي1
26/12/2011, 02:21 PM
حلها يابو ماجد حلها*** طالبك قبل لا يأتونها!!
كبر الاظفر ولاحد(ن) ملها***وسط شيخً عرف قانونها!!
تاسع الكون ولا تاصل لها*** غير بالمنقاش ضغط اسنونها!!
تودع الكاش والا خلها*** في حساب امهاتن دونها!!
اسبق من الخيل للي دلها*** وان عصت داقشة ماذؤنها!!
عزها اختلط مع ذلها*** والمشايخ بعد يقنونها!!
اصفر اللون دقت جلها*** وفي المربع تجر الحونها!!
جاك علمي وهي اشلها*** مع زهابي ومعها اجنونها!!
مقرنس الشيهان
26/12/2011, 02:54 PM
صح لسانك وارمع بطاقة الذاكره
بالجوال
اوشريحة بطاقة الاحوال
ابو ماجد 2
26/12/2011, 03:12 PM
يقول شاعرنا الخامسي

حلها يابو ماجد حلها= طالبك قبل لا يأتونها
كبر الاظفر ولاحد(ن) ملها=وسط شيخً عرف قانونها
تاسع الكون ولا تاصل لها= غير بالمنقاش ضغط اسنونها
تودع الكاش والا خلها= في حساب امهاتن دونها
اسبق من الخيل للي دلها= وان عصت داقشة ماذؤنها
عزها اختلط مع ذلها= والمشايخ بعد يقنونها
اصفر اللون دقت جلها= وفي المربع تجر الحونها
جاك علمي وهي اشلها= مع زهابي ومعها اجنونها


صح لسانك ملايين والف شكر لتشريفي باسناد اللغز
اتيت ولقيت ماشاء الله ابو محمد رامعه
ننتظر ردك يالغالي
ناصر العلي
26/12/2011, 03:23 PM
سلمت يالخامسي
وصح لسانك
ومسند على غالي
إن ماصادت رمعات أبومحمد



بطاقة فيزا الذهبية




.................................................. .................................................. ..................http://www.cbk.com/ar/media/thumbs/Visa%20Gold%20arab.jpg.295x186.jpg
الخامسي1
26/12/2011, 11:29 PM
لاهيب في الذاكره ولا هي هوية وطن *** وانا مع الشعر هاوي بس في ال اي باد

وبطاقة البنك معها قمت اجر اللحن*** بعيد عن لغزنا فيها الربا والفساد

وأشعر بانك قريب بس خلك فطن *** يدك على خشمها وإصبعك فوق الزناد

البيت الاول بلدنا ما تجيه الفتن *** والتقنيه علم نافع ان بغيت المراد
×
ناصر العلي
26/12/2011, 11:32 PM
سلمت يالخامسي
طيب نقول
بطاقة الصراف للبنك
راعي العجراء
26/12/2011, 11:44 PM
صح السانك
يالخامسي
الشريحه داخل الجوال
الخامسي1
27/12/2011, 12:02 AM
سلمت يالخامسي
طيب نقول
بطاقة الصراف للبنك


ياخوي ناصر لاتحب الدراهم *** وش فيك حول البنك جالس تحوسي

ابعد وقرب كان تبغي تساهم *** الحل عندك وسط ربعً جلوسي

لو غابت المقصود ماكان جاهم *** ردي وانا وضحت لك من فلوسي

والخير واجد بس نبغى التفاهم *** حلل وقايس مثل شرح الدروسي

زانت وبانت بس ترجي لقاهم *** مثل العريس اللي خطب له عروسي

خربشتها والخربشه يا عساهم *** فرقى نهارً قمطريرً عبوسي
ال-رايق
27/12/2011, 12:12 AM
بحر يالخامسي الله لا يضرك
مرور للسلام
الخامسي1
27/12/2011, 12:13 AM
صح السانك
يالخامسي
الشريحه داخل الجوال

يابو شنب لاجلك بمشيها *** وماخوفتني كلمة العجراء

قربت والأخرى تعشيها *** ما دامها ركبت على المجراء
[/COLOR
]




[COLOR="Green"]شريحة البيانات في ال اياي باد مسبقة الدفع تشبه شريحة الجوال تماماً


صح السانك وبيض الله وجهك وانتظرونا قريباً
مقرنس الشيهان
27/12/2011, 12:21 AM
الخامسي هلابك
انحل اللغز والا لا
الخامسي1
27/12/2011, 12:28 AM
بحر يالخامسي الله لا يضرك
مرور للسلام



سلمك الله وسلم الجميع وشكرً مجرد محاولات متواضعه مع المطاليق شرؤاكم

وهذه اشبه بالمجالس تجتمع فيها الرجال و انشاء الله تشرفونا ونتعرف اكثر .،

قد لا تروق للبعض مثل هذه المنتديات ولاكن اصبحت ارض خصبه لابراز المواهب

وهذا من فضل الله نحن في إعمار الآباء ولاكن لعل الابناء الشباب يجدون فيها

فرصه للاحتكاك والمحاوله والخبره ولا اخفيكم انني اطلب من أولادي تصفح الردود

وقراءتها علي اذا كنت في السيارة ومشغول لكي يعرفو ان النت ليست فقط الشيخ

قوقل والبحث في ما لا ينفع وعلى طاري ابوعجراء يقراؤن قصصه واعجبتهم قصة

شبك الابل والمسبح لانهم قريبن من الابل فهمو السالفه بسرعه وانبسطو عليها

اتمنى من الله عز وجل ان يوفق الجميع وعذرً للاطاله والسلام ختام
الخامسي1
27/12/2011, 12:31 AM
الخامسي هلابك
انحل اللغز والا لا



فقع عيينه ابو عجراء. شريحة البيانات في ال اي باد او الجوال حول الدعوى