المساعد الشخصي الرقمي

مشاهدة النسخة كاملة : سوق الكباري وكراون سوبر صالون .....قبل سن العقل سقا الله ذيك الأيام


FORD1969
26/12/2011, 08:09 PM
السلام عليكم ورحمة الله وبركاتة
يالله ان تحييـــــــــهم كلهم
هالسالفه صارت لمحبوب الكل راعي الفرت في منتصف الثمانينات ميلادية كان فيه سوق الكباري كانكم تذكرونه يالشيبان الصغيرين
نبذه عن السوق :D
كان من أحدث أسواق الرياض في نهاية الثمانينات ومبني على أحدث الطرازات المعمارية حتى ان دبي مول مقلدين على تصميمة بس الله يهديهم نسو يحطون محل لبيع الفصفص والبليله عشان يصير نسخة طبق الأصل ويوجد به احدث الماركات للدراريع والخلاقين بانواعها حتى ان أهل النمسا يتعنون له وكان وجهه لسياح الأجانب وهذه حقيقة لا يتجاهلها من ارتاده

يقع هذا السوق على شارع الكباري اللي هو طريق الملك فهد حالياً غرب المعيقلية تقريباً

صورة لشارع الكباري قديمــاً لاسترجاع الذكريات وتحريك الشجون


http://s.alriyadh.com/2011/12/01/img/367427428149.jpg




السالفة ان اخوي الكبير قال انقز رح جب امك من السوق قلت منيب عطني الكراون واروح
كراون سوبر صالون كشخهه في وقتها مراتب مخمل ودلع تقول للمرسدس وخر مناااااك


http://www.mekshat.com/pix/upload04/images175/mk49539_a26.jpg

وادق سلف وعلى سوق الكباري عليكم نور واقوى تشخيص ما أناظر الا بطرف عين من قوة الترسيم المهم الموتر تماتيك وانا ماعرف له متعود على العايدي قروي خخخ

ووينكككككككككككككك يا امي العزيزه

طبعا كل العايله يعرفون المواقع اللي تحترينا فيها الوالده في الأسواق
مثلا في الثميري لها موقع خاص تنتظرنا فيه وكل سوق له مكان معين للأنتظار ولو جينا في الموعد المحدد ومالقيناها أكيد تكون سرقها احد :)
مستحيل مستحيل يتغير الموقع دون علم مسبق من الوالدة الدعوه برمجة قارمن في المخ لاجوالات ولا بياجر الله يرحم ذيك الأيام

المهم واخش من الجهه الشرقية ولا أناظر أحد من قوة الطنخة معي كروان آخر موديل من قدي

الشارع الشرقي ضيق جداً يالله موتر واحد يمشي
وعلى اليمين واليسار بسطات فضفض ;)
وبليلة ومنول حريم يبيعون ويشغلونك ملاحق فصفص فصفص

وبينما اترقب الوالدة الا حقات الفصفص يلاحقوني فصفص فضضضضضضضضضضفض أشغلوني
الا هااااااااااك الغرنوق بسم اللة ماشاء الله يطرح الطير من السما برقعها 4 في 3 متكيه على هاك العتبه شفتها وانا اللي تضيع علومي واختبص ماعاد عرفت اسوق ذولا منا وذا الغرنوق منا وضاعت علومي المخ وقف صار فيني شي مالله به عليم فتنه فتنه اقوى مني .........<ماعرف هالعلوم واللة توني في المتوسط بس مدري وش اللي جاني وقتها ولاتلوموني قايلكم فتنه

واضغط بنزين بدال الفرامل من الخبصه قايلكم ماعرف للتماتيك واضف البسطات اللي على اليمين كلها خخخخخخخخخخ قربع قربع
والخالات والعمات تناثرو اللي على الكبوت واللي على البيبان واللي تعلقت على المرايه الجنبيه وقفي ياعمتي وقفي ياخبلتي وقفي يامجنونه خخخخخخخ

والموتر طلع كنه محمصة كله فستق وفضفض وزيتون هههههههه

وما أسمع الا تسفيل وملااااااااغى من الخالات وقفي وقفي وترجيم وانا على الدعسه ههه واللة ما أوقف

قسم ان يصفقوني الين اذن

ولا يردني الا آخر السوق واوقف والعن الشيطان واستغفر ربي
وانظف الموتر من الفضفض ههههههه

الحين وشلون آخذ الوالده ومكان الموعد حولهم لاحول واللة الحاله

واوقف قطع الشارع وادق اللطمة واتسحب الى مكان الوالده وانا اسمع التكرونيات شايشين يجمعون بسطاتهم والقطها مع كتفها واللة اني أذكرها حتى هي ارتاعت قالت احسبك واحد بيخطفني قلت اقول امشي يا نجوى فؤادي على غفله

قلت يالله يا يمه بسرعة ترى المرور يدورني ووقفت بعيد مامعي رخصة

واركب انا والوالدة الكراون

وتطري السالفة
قالت قبل اشوي جاء واحد سفيـــه وصدم بسطات الحب حقت الحريم .....<موب أنا أبد

قلت لها شفتيه انتي
قالت الا واللة بس وانا احتريك اسمعهم يقولونه ولو أني شايفته كان كمخته بالنعله اللي مايستحي

قلت في نفسي اشوى انك راكبه معه خخخخخخخخ

وأنا اسفل فيني اللي مايستحي المفرروض مايسرع أكيد سارق موتر ابوه هالبزر :D

وأنا كل مالهت عني اجمع بيدي الحب اللي متناثر حولي واذب فيه مابيها تدري


وعلى البيت ومن عقبها توبه اروح لسوق الكباري بالكروان وتوبة اناظر في أحد أمشي ونا مغمض ;)


شكرا لكم على طيب المتابعة وترى ماعلي شرهه وقتها ابو 15 سنه وش نوع العقل اللي ترجونه منه

يارب انك تسامحني بس تراى حقات الفضفض قلق بعد يلاحقونك بالكيس وغصب تشتري وان ماشريت رجموك به ابوك يالتسويق :mad:

شكرا لكم على طيب المتابعة
سلفاريو
26/12/2011, 08:17 PM
هههههههههههههههههههههه
اضحك الله سنك
الله وكبر يازمن راح بكل مافيه وتبقى الذكريات خالده
احسنت بارك الله فيك
رجعتنا الى مااااضي لا يزال يعيش بداخلنا
وبالتوفيق
راعي العجراء
26/12/2011, 08:46 PM
امتعتنا يالفورد بهذا السالفه 00الله يمتعك بالصحه والعافيه
قصه رائعه جدا فصفص وسوق الكباري وبسطات
انت تذكر شي مالحقنا عليه بس باين ان حياتكم ممتعه
والحمد لله على السلامه
اشكرك يااخي الفورد على هذه السالفه
وننتظر جديدك بشغف
تحياتي لك
أبوعابد 22
26/12/2011, 08:50 PM
ههههههههههههه
يالبه من اول الثميري وسوق الزل يازين حياة من اول
بيض الله وجهك ياخوي فورد على السالفه التراثيه
الي ودك تحطها في متحف الي يرد ذيك الايام
خوي مخباته
26/12/2011, 08:54 PM
الله يستر عليك وين وديتنا ايــــــــــــام الكبــــــــارى الله رجعت بالذاكــــــرة الى الصفـــر اثاريك شــــــــايب مثلى
لا يمكن انا اصغر شــويء .
مشكوووووووووووووووور اخوي الغالى " فورد " والله سـرحت مع هـــــ الســــالفه طييب الله حالك و فالك
وذكرتني ايــــــــم مستحيل ننســـــــــــــــــاها ؟؟
...................... تحيـــــــــــــاتــــــــــي ....................... لك
نجم000الشمال
26/12/2011, 09:01 PM
سوق الكباري اووووووه كيف ما اذكره
انا درسة في مدرسة قريبه من واحد من الكباري اسمها عمران بن الحصين الابتدائية طبعا عمارة والفسحة بالسطح ايام التغذية ههههههههههههه
الله ياذيك الايام ...قبل الكراون اول ما طلعة سيارة اسمها السي موديل 1980م
مشكور اخوي فورد على سرد الذكريات الجميلة .
دمت بخير ياغالي.
قوافي ( أم نهار )
26/12/2011, 09:25 PM
حياك الله
الكباري السوق اللي عنوانه من كل بحرٍ قطره
كل انواع البشر تبيع وتشري فيه بدايه من فضفض إلى كهل سودا يعني كحل أسود..
ذكريات يالكباري أم الكشخه هناك بذا الدراريع اللي كلها ألوان وقماش التنتر اللي لا مشت الوحده اختلفو ايهم عقد لمبات العرس هي ولا السلك اللي معلق من شد الرهش اللي هي فيه زمان ياكباري..
مشكور ابدعت بذكريات جميله عن هذا السوق الجميل..
تحياتي
..قوافي..
عطيب ومايغيب
26/12/2011, 09:40 PM
ماعرف للتماتيك واضف البسطات اللي على اليمين كلها خخخخخخخخخخ قربع قربع هههههههههههههههههههه
خوي مخباته
26/12/2011, 10:10 PM
سوق الكباري اووووووه كيف ما اذكره
انا درسة في مدرسة قريبه من واحد من الكباري اسمها عمران بن الحصين الابتدائية طبعا عمارة والفسحة بالسطح ايام التغذية ههههههههههههه
الله ياذيك الايام ...قبل الكراون اول ما طلعة سيارة اسمها السي موديل 1980م
مشكور اخوي فورد على سرد الذكريات الجميلة .
دمت بخير ياغالي.



" نجم الشمال " اثاررررريك دارس في مدرســـــــــه : عمران بن حصيين : صدتك
اجل انت من الزملاء تذكر الاســـــــــــتاذ ابوسليم والاســــــتاذ بن هدهود
الله يــذكرهم ويذكرك بالخيــــــر !!!!
ولدعرعير
26/12/2011, 10:35 PM
خخخخخخخخخخ

تصدق اذا شفت الموضوع وشفت كاتب الموضوع راعي الفورد لازم اقرأ الموضوع

ماشاء الله
نجم000الشمال
26/12/2011, 10:43 PM
" نجم الشمال " اثاررررريك دارس في مدرســـــــــه : عمران بن حصيين : صدتك
اجل انت من الزملاء تذكر الاســـــــــــتاذ ابوسليم والاســــــتاذ بن هدهود
الله يــذكرهم ويذكرك بالخيــــــر !!!!


يا هلا بالزميل الغالي
لا والله يا خوك ماش المخ ماهو الي انت تبي ... اذكر الاستاذ عبد الرحمن المنصور ومدرس القرآن الكفيف ومدرس الحساب الفلسطيني
سيارته فلكس فاجن شهباء الي مكينتها بالشنطة ، يا ما لحطني الله يسامحه ويحله.
خلاص هالحين صار بيني وبينك ملح وتغذية :D:good2:
ولد روووق
26/12/2011, 11:06 PM
اثركم شياب طلعت الفضايح:D مشكور على القصة
FORD1969
27/12/2011, 01:23 AM
هههههههههههههههههههههه

اضحك الله سنك
الله وكبر يازمن راح بكل مافيه وتبقى الذكريات خالده
احسنت بارك الله فيك
رجعتنا الى مااااضي لا يزال يعيش بداخلنا

وبالتوفيق




هلا بصديقي العزيز وين طحت علي ;)

صادوه ترى موب أنا رعي القصه اخوي الكبير خخخخخخخخ

اي والله يازين الماضي وذكرياته بس مااااااااااش الشيبان اللي مكشات متحفظين عيو يعطونا علومهم يخافون من الكبر


يسلمو حبيب آلبي

اهديك هالصورة في الخمسينات ميلادية

شوارع الرياض.. بعد نزع الملكيات.....
http://www.albrari.com/vb/uploaded/7974_91244998849.jpg (http://www.khozamanajd.com/vb/redirector.php?url=http://www.khozamanajd.com/vb/redirector.php?url=http://www.albrari.com/vb/uploaded/7974_91244998849.jpg)
FORD1969
27/12/2011, 01:33 AM
امتعتنا يالفورد بهذا السالفه 00الله يمتعك بالصحه والعافيه

قصه رائعه جدا فصفص وسوق الكباري وبسطات
انت تذكر شي مالحقنا عليه بس باين ان حياتكم ممتعه
والحمد لله على السلامه
اشكرك يااخي الفورد على هذه السالفه
وننتظر جديدك بشغف

تحياتي لك

هلا بالعمدة

أومـــــــــا مالحقت عليه لالا

ياجيل الفيصيلة والمملكة


طيب هالسوق اللي على التحلية مع الملك فهد لحقت عليه :D

ورى سنتريا بالتحديد


http://www.albrari.com/vb/uploaded/7974_41244998849.jpg (http://www.khozamanajd.com/vb/redirector.php?url=http://www.albrari.com/vb/uploaded/7974_41244998849.jpg)



صورة تذكارية لراعي العجراء
اول شخص من اليسار
في الخمسينات ميلادية

http://www.albrari.com/vb/uploaded/7974_21244999134.jpg (http://www.khozamanajd.com/vb/redirector.php?url=http://www.khozamanajd.com/vb/redirector.php?url=http://www.albrari.com/vb/uploaded/7974_21244999134.jpg)


أسعدنا مرورك ياشيخنا

شكرا لك
FORD1969
27/12/2011, 01:57 AM
QUOTE=أبوعابد 22;7759222]ههههههههههههه
يالبه من اول الثميري وسوق الزل يازين حياة من اول
بيض الله وجهك ياخوي فورد على السالفه التراثيه
الي ودك تحطها في متحف الي يرد ذيك الايام[/QUOTE]



هلا بالغالي ابو عابد يالبى قليبك والله

المتحف جاهز ابشر بسعدك
عطنا عمرك بس
فيه ذكريات من الماضي لاتعد ولاتحصى ومااخفيك تعبت وتعبت وتعبت في جمعها وحفظها ومن مختلف مدن المملكة لكن مهنا خسارة اذا طقتني الغلقه دخلت في المتحف وصكيت علي عمري وقعد ت اقلب فيها ينجلي همي ولله الحمد .........بس لو اقدر ادخل الكراون فيه كان علوم :)

تفضل هالصورة وجاوبني كم كيلو الطماط اليوم الله يرحم الحال


http://www.albrari.com/vb/uploaded/7974_41245000244.jpg (http://www.khozamanajd.com/vb/redirector.php?url=http://www.khozamanajd.com/vb/redirector.php?url=http://www.albrari.com/vb/uploaded/7974_41245000244.jpg)













الله يستر عليك وين وديتنا ايــــــــــــام الكبــــــــارى الله رجعت بالذاكــــــرة الى الصفـــر اثاريك شــــــــايب مثلى

لا يمكن انا اصغر شــويء .
مشكوووووووووووووووور اخوي الغالى " فورد " والله سـرحت مع هـــــ الســــالفه طييب الله حالك و فالك
وذكرتني ايــــــــم مستحيل ننســـــــــــــــــاها ؟؟

...................... تحيـــــــــــــاتــــــــــي ....................... لك




هلا براعي مخباته انا أشهد ان المخبات خوي خاصة هالأيام الله يسمح امرنا صعب تلقى رفيق تحطه على يمناك الناس تغيرت معد هيب على خبرنا وخبرك :mad:

لا أنت أصغر مني وأنا أصغر منك ولاتزعل خخخخخخخخخ

و بالعكس وناخوك المفروض نفتخر ونحمد ربنا أننا لحقنا وعايشنا أجيال ماتعرف النفاق ولا الغش وعايشة على الثقة والود والتراحم وعدم الكلفه وايضا التغيرات المعيشيةاللي كانت صعبة عشان نقدر النعمة اللي حنا فيها الآن وننلقها للجيل اللي بعدنا

والتقنية اليوم لازم نستفيد منها في نقل تجاربنا وطبيعة معيشتنا ذيك الأيام للجيل اللي بعدنا لعله يقدر نعمة رب العالمين عليه

هل أكلت هارديز يومك في الأبتدائي :D
الجواب لا ولا لا ههه واتحداااااك هههه
لأن اطلق مطعم كان في العصارات يبيع مخ بخلطة اللسان ياسلاااااااام


خذ هالصورة وشف سعة الصدر وقل الكلافه

http://www.albrari.com/vb/uploaded/7974_31245000582.jpg (http://www.khozamanajd.com/vb/redirector.php?url=http://www.khozamanajd.com/vb/redirector.php?url=http://www.albrari.com/vb/uploaded/7974_31245000582.jpg)




عطنا سوالفك اللة يعافيك خلنا نرجع للطفولة


http://www.albrari.com/vb/uploaded/7974_71245001156.jpg (http://www.khozamanajd.com/vb/redirector.php?url=http://www.albrari.com/vb/uploaded/7974_71245001156.jpg)



(http://www.khozamanajd.com/vb/redirector.php?url=http://www.albrari.com/vb/uploaded/7974_81245001156.gif)

(http://www.khozamanajd.com/vb/redirector.php?url=http://www.albrari.com/vb/uploaded/7974_81245001156.gif)



شكرا لك
FORD1969
27/12/2011, 10:59 AM
سوق الكباري اووووووه كيف ما اذكره
انا درسة في مدرسة قريبه من واحد من الكباري اسمها عمران بن الحصين الابتدائية طبعا عمارة والفسحة بالسطح ايام التغذية ههههههههههههه
الله ياذيك الايام ...قبل الكراون اول ما طلعة سيارة اسمها السي موديل 1980م
مشكور اخوي فورد على سرد الذكريات الجميلة .
دمت بخير ياغالي.

هلا بصديقنا الشويب الجديد طلع المستخبي أجل دارس في الحصين عيال خالي كانو معك ومن ضمنهم الدب الأقشر راعي الشرقيه ماقد أحد صطرك واخذ منك التغذية ترى هذي علومه الله يفشلة ..........:D

السي المسطرة معروفه بس تراها نيسان ميب تيوتا اذكر مالها فاصل في القزاز انواع النفاهههههههه

هذي صورتها

http://imcdb.org/i031626.jpg


http://www.j-spec.com.au/yg91968529/1980-Nissan-Cedric_2.jpg


يدلعونها بالســــــــــــــــــــــــــــي ولا هي سدرك عليها فليور بواحد يحبه قلبك من قويه ترفع غزاله :D ياقدمــــــــي
وجا بعدها الـ240 والــ200 الـ


دامك شويب شف هالمبنى تراه للآن موجود تعرف وينة ووش المنتجات المتعلقة به وللعلم عندي من منتجاته جديده من اصدارته القديمة ؟؟
http://urbplandep.alriyadh.gov.sa/Uploads/Photos/PH_97.jpg



شكرا لـــــــــــك
Al3rands
27/12/2011, 01:13 PM
سالفه روعه امتعتني والله والصور اااااااااه الله ياذاك الزمن
سليمان الربيعان
27/12/2011, 02:04 PM
هههههههههههه اما الخالات قطعت رزقهن
والوالده لو تدري انه انت كان لعنت سلسبيلك
ومنكم نستفيد يا شيابنا :D:D
ونتظر جديدك من السوالف المخضرمه والرائعة
تقبل تحياتي....
FORD1969
27/12/2011, 02:40 PM
حياك الله

الكباري السوق اللي عنوانه من كل بحرٍ قطره
كل انواع البشر تبيع وتشري فيه بدايه من فضفض إلى كهل سودا هههههههههههههههههه.:f.
ذكريات يالكباري أم الكشخه هناك بذا الدراريع اللي كلها ألوان وقماش التنتر اللي لا مشت الوحده اختلفو ايهم عقد لمباتههههههه العرس هي ولا السلك اللي معلق من شد الرهش اللي هي فيه زمان ياكباري..
مشكور ابدعت بذكريات جميله عن هذا السوق الجميل..
تحياتي

..قوافي..



ههههههههه
طلعت الصرقعة حقت العجلية ياعمتنا قوافي
اما كهل سودا قوية قويه ضحكتي سمعوها كل اللي في الدوام

انا واللة ماكان ودي اوضح مره لهجتهم في القصه بس انتي خربتيها خخخخخخخ كنت المح خالات وعمات ثم تكرونيات ....<خربت :alarm:

ماشاء الله لاحقه على جيل الكباري ودراريعهم الترتر

وعلى دراريع جيلكم :j

http://www.thomala.com/thomala/albumsm/14.jpg (http://www.load-forex.net/redirector.php?url=%61%48%52%30%63%44%6f%76%4c%33% 64%33%64%79%35%30%61%47%39%74%59%57%78%68%4c%6d%4e %76%62%53%39%30%61%47%39%74%59%57%78%68%4c%32%46%7 3%59%6e%56%74%63%32%30%76%4d%54%51%75%61%6e%42%6e)





والله اني حرثت قوقل حرث ابي اجيب صورة لسوق الكباري ماقدرت ياليت لوتقدرين حتى لو ترسمين السوق رسم هههههه

وهو وسويقة ياني داومت فيه مع الوالدة ونا صغير يوم تجهز عرس خالتي وكل عتبه وزلفه تعرفني اذكر مره انحشرت في محل صغير كان فاضي يوم ندخل طولت الوالده شوي ويمتلي فجأه وزحمة حريم ماقدرت اتنفس غالوني غول ويديني كلها أكياس مدري وقت عيد واصرخ باقوى ماعندي والمخهم بالأكياس خخخخخخخ أبي الفكه واطلع منحاش
http://www.wady7ly.net/up1/files/35/33.gif


شكرا أأأمتي= عمتي قوافي
تلميذ
27/12/2011, 02:57 PM
آه يا زمن ويا زمن أه
اغلب من مرفي هذه الصفحه كررها مررأ ...
ماذا فعلت بهم ياصاحب الفورد
إستمتعت كثيرأ بهذه السالفه والتي كلها فن وهندسه
والتي عادت بالتقويم لسنين عديده لتحمل روعه تلك الايام
والتي افتقدها الكثير
وفقك الله
فهد الهلالي
27/12/2011, 03:59 PM
اشكرك يااخي الفاضل على هذا الابداع
في كتابة القصه
ارجوا التواصل فالمعجبين بروائعك كثيرون
وانا واحد منهم اسجل اعجابي
النبهاني
27/12/2011, 09:14 PM
وعليكم السلام ورحمة الله وبركاته
هلا وغلا بحبيب الكل خفيف الظل
كسروا خاطري هالغربان اللي ضاعوا بزحمة الغرنوق
وانا ضعت بين السالفه وبين هالصور 00مدري منين تنخشهن
الله يعطيك العافيه مثل ما اسعدتنا واتمنى لك التوفيق والاستمرار في مثل هذا الطرح الرائع
FORD1969
28/12/2011, 04:49 PM
ماعرف للتماتيك واضف البسطات اللي على اليمين كلها خخخخخخخخخخ قربع قربع هههههههههههههههههههه

جازت لك ههههههه

تعلمت على العايدي وأول موتر شريته كان عايدي وكل مواترنا هاك الوقت عايدي ركبت الكروان وشفت النعمة والراحه لكن مااااش ماتحس انك تسوق اذا ماردتيه بثنين ثم بواحد وهجدت الموتر ولا ماتحس انك تسوق :)

لاتغيب ياعطيب ردودك لها طعم ثاني :f

شكرا لك
FORD1969
28/12/2011, 05:01 PM
خخخخخخخخخخ



تصدق اذا شفت الموضوع وشفت كاتب الموضوع راعي الفورد لازم اقرأ الموضوع


ماشاء الله


يالبى قليبك ياولد عريعر لو بيدي كتبت لك كل يوم قصه لكن هالدنيا اشغلتنا الله لا يشغلنا الا بالطاعة قل آمين

لي صديق من الثنوية من ال عريعرالخوالد فرقتنا الدنيا عن بعض لكن أدفع ملييييون والتقي به كان نعم الخوي والصديق ليت فيه جوالات وقتها كان ما ضيعته الحين :(


شكرا لك
ذئب المقانيص
29/12/2011, 12:27 AM
الله يعطيك العافيه
مشكور ماقصرت
FORD1969
01/01/2012, 02:10 PM
آه يا زمن ويا زمن أه




اغلب من مرفي هذه الصفحه كررها مررأ ...
ماذا فعلت بهم ياصاحب الفورد
إستمتعت كثيرأ بهذه السالفه والتي كلها فن وهندسه
والتي عادت بالتقويم لسنين عديده لتحمل روعه تلك الايام
والتي افتقدها الكثير


وفقك الله



هلا باستاذنا تلميذ ياللروعه في ردك ..........<صح ياللروعه إملائياً ولاغلط زي العاده وأعني ان ردك بطل يابطل وش هالأسلوب الخنفشاري اللة لايضرك

ولتعلم ياخوي الكبير انني حين اتكلم او اتحدث او افضفض او اهذري بالماضي الجميل وما يحمله من ذكريات وعادات وتقاليد اندثرت اليوم فأني اشطح وأعود بخيالي 20 سنه او تزيد وبواقع ذيك الأيام أعيش لحظات ممتعة الان

وبمعنى آخر اتعايش معها في لحظاتي المؤلمة الآن :(

تفضل واشطح معي كيف كنا وكيفنا الآن :burnout2:




كازينو الرياض لازالت موجوده ياتلميذ تصارع وتقاوم
يجيني ايام في الليلول اروح لها واصبرها على بلواها لأنها عاشت هنا وهناك وأنا أعيـــــــــــط :(
http://www.waraqat.net/2009/01/ryadh_zmaan6.jpg (http://www.waraqat.net/3361/)


الكراجات الملكية يلبقون فيها مواتر الشيوخ الله من مرسدس ومرسدس ومن كدلك وكدلك



http://www.waraqat.net/2009/01/ryadh_zmaan7.jpg (http://www.waraqat.net/3361/)




مبنى وزارة الداخلية ولازال هو ايضا موجود ياتلميذ منيب معلمكم رغم ان مكانه واضح جداً



http://www.waraqat.net/2009/01/ryadh_zmaan8.jpg (http://www.waraqat.net/3361/)




شركة بيبسي



http://www.waraqat.net/2009/01/ryadh_zmaan9.jpg (http://www.waraqat.net/3361/)



شركة الجبس الأهلية


http://www.waraqat.net/2009/01/ryadh_zmaan10.jpg (http://www.waraqat.net/3361/)
http://www.waraqat.net/2009/01/ryadh_zmaan11.jpg (http://www.waraqat.net/3361/)
http://www.waraqat.net/2009/01/ryadh_zmaan12.jpg (http://www.waraqat.net/3361/)




تلميذ هذا من أعظم الشوارع اللي كان لها شأن هاك الحين
http://www.waraqat.net/2009/01/ryadh_zmaan13.jpg (http://www.waraqat.net/3361/)




هالصورة خل المخضرمين يعلمونا وين اراضيها الآن


http://www.waraqat.net/2009/01/ryadh_zmaan14.jpg (http://www.waraqat.net/3361/)




شكرا لك تلميذ تعال دايم الله يحفظك
FORD1969
09/01/2012, 08:07 AM
سالفه روعه امتعتني والله والصور اااااااااه الله ياذاك الزمن

هلا بك المتعه في حضورك طآل عمرك زمن عدى ليته يعود




هههههههههههه اما الخالات قطعت رزقهن

والوالده لو تدري انه انت كان لعنت سلسبيلك
ومنكم نستفيد يا شيابنا :D:D
ونتظر جديدك من السوالف المخضرمه والرائعة

تقبل تحياتي....



هلا بالرومنســــــــــــــــــــــــــــــي ابو ربيعان زين صلحت لك هالسالفه ترى فيها شوية رومانسية بس خربتها في الأخير ووطيت البسطات

اترك عنك والله اني داق اللطمه من سوق الكباري مافكيتها الا في الصاله وما أخفيك انا منيب اصبر عقب السالفه بكم سنه كبيت اللبن للوالدة خخخخخخخخخخ

شكرا لك صديقي الرومانسي على هالطله
جلاد السهر
10/01/2012, 08:33 PM
قصة حلوه مشكوووووووووور
عاشق صوت المطر
11/01/2012, 03:25 PM
قصة حلوه مشكور وانتبه المره الثانية
احسن من ان تقول توبه معد اسوق
ههههههههههههههههههههههههه
FORD1969
28/01/2012, 02:35 PM
قصة حلوه مشكوووووووووور

لاعاد :D

الحلو مرورك الخفيف
FORD1969
28/01/2012, 02:37 PM
قصة حلوه مشكور وانتبه المره الثانية
احسن من ان تقول توبه معد اسوق
ههههههههههههههههههههههههه


ابشرك عقبها اسوق ونا مغمض ومايردني الا جدران المحلات

شكرا من اخوك قمر سوق الكبـــــــــاري :(
قتال الجنوب
28/01/2012, 04:32 PM
هههههههههههههههههههههههههههههههههه
قصة ممتعت