القعود المجهم للبيع ابوه حجاب

[سعيد ال متعب]

السلام عليكم ورحمة الله وبركاته
القعود للبيع بارك الله لنا ولكم
ابوه : الفحل المشهور حجاب الموجود الان عند صاحب السمو الملكي الامير متعب بن عبدالعزيز ال سعود
امه : من ابل بن دهيمان السبيعي
السن : ثلاث سنوات وشهر حق
القعود عليه سوم ب100000 الف ريال
نتمنى ابدا الراي في القعود بكل شفافيه
المشاهده للقعود تعطي الانطباع الحقيقي عنه
للتواصل 0531818275
تقبلوا تحياتي

http://www.youtube.com/watch?v=2ur-KI_HYmI

http://disk07.arb-up.com/i/00100/a65x9vu2y2d1_t.jpg (http://arb-up.com/a65x9vu2y2d1)

http://disk04.arb-up.com/i/00100/19ls1jyq2j3t_t.jpg (http://arb-up.com/19ls1jyq2j3t)

[النـادر]

الله يبارك لك في حلالك

ماشاء الله عليه زين والاكيد ان المشاهده على الطبيعة تفرق

ان كان لي ملاحظه عليه فهو شقه ماهو عريض ويمكن ان الصور هي اللي ماخدمته

الله يرزقك منه الانتاج اللي يسرك

[سعيد ال متعب]

االسلام عليكم ورحمة الله وبركاته
اخي النادر نشكرك على كل ما ابديت من راي اوملاحظه
وفقنا الله وياكم ورزقنا جميعا من فضله
تقبلوا تحياتي

[قزيزالنعام]

القعود مبروك ان شالله والله يرزقك البيعه الطيبه . سنه لقي يذ لها 3سنوات

[سعيد ال متعب]

مرحبا اخي قزيز النعام
شكرا على مرورك
للعلم هذه المسميات من المفرود حتى السدس
الحوار :منذ الولادة الى عمر سنة وجمعها الحيران

2-المفرود : عندما يكتمل عمره سنة ويفرد عن امه اي يفطم وجمعها مفاريد . والانثى يقال عنها مفرودة .

3- اللقي :وذلك عندما يكتمل عمره سنتين وتكون امه قد ولدت حوار اخر ويتلاقى مع اخيه على ديد امه ويسمى لقي 0 والانثى يقال عنها لقية 0

4- الحق : عندما يكتمل عمره ثلاث سنوات ويسمى حق لان الذكر حق عليه العسف والتحميل والانثى حق ان يطرقها الفحل .والانثى يقال عنها حقة
5- الجذع : عندما يكتمل عمره اربع سنوات وسبب التسمية لانه يجذع ثناياه وتقع في هذا العمر . الانثى يقال عنها جذعة .

6- ثني : عند اكتمال عمره خمس سنوات وسبب التسمية لانه في هذا العمر تصف ثناياه وتكتمل . والانثى ثنية .

7- رباع : عند اكتمال عمره ست سنوات .

8- سديس : من سبع سنوات ومافوق وفي التاسعه يفطر الناب وبعد ذلك والله اعلم يتعذر معرفة عمر الجمل ( البعير ) او الناقة
الا اذا كانت مولودة لديك واصحاب الخبرة لديهم نظر في اعمار الابل وقد يكون تخمينهم قريب من الصحيح

تحياتي لك وللجميع

[سعيد ال متعب]

الاخوه الافاضل لا يمنع ابدا الراي في هذا القعود
مع جزيل الشكر للجميع

[مخاوي الموج]

القعود مبروك ان شاء الله وانا عندي وجهة نظر انه مايحكم على القعدان في مثل هذا العمر فبعض القعدان يتغير حالها في شهور اذا لقت العنايه والعيشه الطبيه ومايحكم عليها في الجل والعرض الا اذا ثنت وبعضها تبين وهي جذعان ........فالله الله بإكرامه وتأديبه وموفق خير

[الودعاني 2009]

الله يبارك لكم فيه وان شاء تلقون فيه رزق وخير بس اوصيكم بالضمه الطيبه والمشي مع الذود بس اياكم والتسمين الزائد لانه فحل ,
تحياتي ,,

[م العجمي]

الله يبارك لك في حلالك

جود القعود وهده في ابلك دام ساسه طيب ( اتكلم عن الساس)

لان الشيبان الاولين يقولون

البعير الي عموقه طيبه ما يخطي ثنتين , اما جاب شكل امه ولا جاب شكل اخته فالمراح

والقعود مبروك ان شاء الله ساسه معدي منه ولا كانه على شكل علومن على الله تدابيرها .

يقولون البعير الي يقاله دوينان عند الجلمود ال مره بعير في قصره بلا وكل من شافه حقره وجاء انتاجه شي ما يخطر على بال احد جاب من البل وجاب من الفحول شي ما سيق معا العربان

وشوفه على اليوتيوب

البعير ماله شي من المقاطع مجرد انتاجه بس ( دوينان ال جلمود )

فالبعير على ساسه الطيب والله يبارك لك ما تملك

[zaad2000]

الله يبارك لك فيه ويرزقك من فضله
طيب يستاهل

[كشات الجنوب]

الله يبارك لك ويرزقك

[سعيد ال متعب]

السلام عليكم ورحمة الله وبركاته
اشكر الله ثم اشكر كل من رد وابدا رايه
ونصائح مقبوله بيض الله وجيهكم جميع
تقبلوا تحياتي

[ابو الشباب3]

ماشاء الله تبارك الله القعود طيب ولا عليه كلام

مثل ماقالوالاخوان هده في ابلك الله يرزقك منه

[الشيخ البدراني]

الله يبارك لك فيه ويرزقك من فضله

[شيخ المواقف]

كم حدك في القعو د

[سعيد ال متعب]

طال عمرك ما حديته
يقول من حد لد
بارك الله لنا ولكم

[سعيد ال متعب]

للرفع مع التحيه والتقدير للجميع

[SaifSaif]

الله يباركلك فيه ما شاء الله

هل نبتدئ سومات جديده ولا من اخر سومه و الي هي ١٠٠٠٠٠

[سعيد ال متعب]

السوم الموجود حديث
الي بيزيد الله يرزقنا وياه وكل مسلم