استفسار عن ام سبع ابر

[الزعبي 515]

الـــســـلام عـــلــيــكـــم
مساء\صباح الخيـر
كيف الحال يالربع


يالربع يا اهل الخبره لا هنتو عندي اسفسار عن ام سبع ابر(ريش)
وش رايكم فيها انا حصلت وحده نظيفه ومحدوده علي بــ 3700 وابي اعرف ميزاتها وعيوبها ووش افضل الضغوط لها وهل هي تتحمل ضغط 36 وكيف سوقها؟؟ (انا لاقيلي قطاء هي تنفع ووش الضغط الي يجمل)

[الحر2002]

غالية شوي
بس أنا اشوف انها افضل ام حبة على الاطلاق (اميرة)
وتتحمل الى ضغظ40

[تركي البقيلي]

الله يعينك على ندحتها
هي من افضل البنادق

[قناص وباره]

يا اخوي البندق حلوه بس تنتع نتع مو صاحي

[القناص العلم]

أشتر اذا هي نضيفه وهاذي ام سبع ابر سمعت انها افضل من ام سيلان بالرمي والسوق
قول الاكباريه

[س.س.التميمي]

انشاء الله يفيدونك الاخون وسمعت عنها انها جيده

[الشرطى]

طيبه جدا اذا ماصورته ضيقه ونظيفه وتراها تسوق وخلك على ظغط 36 لأن سوقها زين مايحتاج ضغوط قويه

[أبو حسين 1]

انا عندي واحدة طيبة موديل 37 بدون رقم وابي اسرحها كيف ِ

[أبوعبدالرحمن الأسعدي]

سعر 3700 على ام وحده حتى لو كانت (ام سبع ابر) الوينشستر الأمريكية .. مستحيل واشوف السعر مبالغ فيه الى درجة لايمكن وصفها ,, انا اعرف واحد شاريها بـ500 ريال واشوف هذا السعر جدا ممتاز وان كانت غاليه ماحطيت فيها اكثر من 1000 ريال .. نصيحتي لك لاتشتريها بهالسعر صدقني بتندم ولاراح تلقى احد يشتريها براس مالها اذا بغيت تبيعها ,, الان الاسلحه تطورت بشكل كبير واشوف ان اردى واخس ام خمس تركية أفضل من ام سبع ابر الامريكية
اولا: لان (ام سبع ابر) ماتتحمل ضغوط اكثر من 36 G وبالكثير مره 38G ونصيحة لاتتعدى هالرقم ولا راح تنفك بوجهك !! او تنفجر الماصوره!! وندفها قوي جدا يعني ثلاث رميات وتحس بآلام غير طبيعيه في الكتف (يصير كتفك ازرق) من الندف !!
ثانيا :مداها وفرشها واحد ولاتقدر تتحكم فيها نهائيا سواء لطير قريب او بعيد ! او طيور كثيره على الارض ماراح يكون لها (تشوك) واسع
ثالثا :ماتصلح أبدا في صيد القطا ولأهداف كثيره ومتحركه!! تصلح لطير واحد فقط وطير ثابت (موقع) ..
رابعا :اذا كنت بتستخدمها للقطا راح يروح عليك فروق كان من الاولى انك تصيبهن وذلك لانها لاتحمل الا فشقه وحده فقط !!
خامساً : كثيرة خراب النادوس وعدم رمي الفشق (تكذب) يعني .. وكثيرة خراب (النتش) لابد يكون معك مفك تسقطه من فوهة البندق عشان تطلع الفشقه وكثيرة الخلخله والتفكك وتشقق النصاب (الخشاب) ( من تجارب شخصيه كثيره)
سادسا: السعر مبالغ فيه جدا جدا ولو تزيدها 700 ريال تشتري لك ام خمس بادريوس ولا بلاك وولف او رد وولف تركيه مستعمله استعمال نظيف أفضل لك واجمل وأصبر .. (من تجربه) وهذي نصيحتي لك ان حبيت تاخذ بها ولا أنت أبخص ..

تحيتي لك